Zeremi 14:21 - A SƐB-SÕW

²¹ A fʋ yúor zũú a, ta jɛ a fʋ naalʋ-dà-kɔw-yúor bɛr ɛ, ta jewr'ʋ ɛ! Lɛb tɩɛrɩ a wõ-taa fʋ na maal'ɩ tɩ a, ta sãw ʋ bɛr ɛ.

Zeremi 14:21 ပူးပေါင်းရင်းမြစ်များ

Sɛb-sõw yielu 106:40

Lɛ n'a a Sore tɩ nyɛ̃ nɩ a ʋ nɩ-bʋʋrɛ suur yaga, ɛ́ bɛ tɩ cãà nɔnɛ a nɩbɛ ʋ na so a yele ɩ.

Sɛb-sõw yielu 106:45

Ʋ tɩ lɛb'a tɩɛrɩ a wõ-taa ʋ na maal'ɩ bɛ a, ʋ tɩ zɔ n bɛ nɩbaalʋ, a ʋ nɔ̃wfʋ na ɩ kpɛ̃ɛ a zũú.

Sɛb-sõw yielu 145:11

Bɛ na ƴɛ̀rɛ nɩ a fʋ naalʋ vɩɛlʋ ƴɛ̀rʋ, ɛ́ manɛ a fʋ kpɛnʋ yele.

Sɛb-sõw yielu 25:11

Sore e, a fʋ yúor ƴãw a, dɩ a ɩ̃ yel-bier suur kʋ̀ m: ʋ ɩ n kpɛ̃ɛ!

Sɛb-sõw yielu 51:11

Lɩɛbɩ zikur cɔw a ɩ̃ yel-bebe, de a ɩ̃ sãwna za bɛr a baarɩ.

Eziptɩ tẽw yib 32:13

Lɛb tɩɛrɩ a fʋ tõ-tõ-biir Abraham, Ɩzaakɩ nɩ Zakɔb yele, a bɛl zie fʋ na pɔ n a fʋ̃ʋ mɩŋa yel: “Ɩ̃ na ɩ n a nyɩ bʋʋrɛ bɛ yãwmɛ sɛw a ŋmar-bie. Ɩ̃ na kʋ̀ bɛ nɩ a tẽw ɩ̃ na yel a, ɛ́ bɛ na so ʋ nɩ kʋralɛ”.»

Ɩzayi 62:6

Zerizalɛm i, a fʋ dacĩ-bɛrɛ zu a, ɩ̃ ƴãw nɩ zi-gùrbɛ. Bɛ bɛ be za na ɩ gbili a mʋ̃tɔ̃w nɩ a tɩ̃ɩsɔw ɛ. «Nyɩɩm na lɛb sɩ̃wnɛ a Sore tɩɛrʋ a Zerizalɛm ƴãw a, pɩ̃ɛnʋ bɛ ka a nyɩ zie ɩ!

Zeremi 14:19

«Sore e, fʋ sɩrɩ na lɔb a Zuda bɛr bɩɩ? A Sɩyɔ̃ vʋla baar'ɩ a fʋ zie e? Bʋ̃ʋ n'ʋ so fʋ ƴãw tɩ bàalʋ na bɛ tɛr sanʋ a? Ƴã-ɓaarʋ n'a tɩ tɩ gùre, ɛcɛ bʋ̃-vla kãw za bɛ wa wa ɩ. Tɩ tɩ gù n a sanʋ daar, ɛcɛ dɛ̃bɩ̃ɛ n'a wa wa.

Zeremi 14:7

«A tɩ yel-bebe wa wule tɩ na sãw a, fʋ̃ʋ a, Sore e, ɩ ɩb kãw a fʋ yúor zũú. Sɩza n'a, kʋralɛ n'a tɩ zawrɛ fʋ, tɩ ɩ n sãwna dem a fʋ zie.

Zeremi 17:12

Naalʋ-dà-kɔw-yúor be n a saa-zu a pɛr-tib daar za: a tɩ zi-sõw beba zie n'a.

Zeremi 3:17

A lɛn daar a, bɛ na bʋɔlɛ nɩ a Zerizalɛm kɛ́ “Sore naalʋ-dà-kɔw”. A nɩ-bʋʋr-yoru na zɔ na ɓã taa a ɩ̃ zie, a Sore yúor na kʋ̀ a Zerizalɛm a zũú, ɛ́ bɛ na zawr'ɩ a bɛ tɩɛr-faar bɛr.

A Lãw-mʋɔlɛ 1:10

A dɔ̃ dem de nɩ a Zerizalɛm na-bome za. Mɔ̃ mɩ̀, a tẽ-kpɛ̃ɛ ŋa nyɛ̃ nɩ a nɩ-bʋʋr-yoru bɛ kpɛ a ʋ zi-sõw pʋɔ. Ɛcɛ Sore e, fʋ tɩ piw bɛ nɩ sɔ́r, kɛ́ bɛ ta kpɛ a fʋ lãw nɩbɛ pʋɔ ɩ.

A Lãw-mʋɔlɛ 2:20

Sore e, jɩ́r nyɛ̃: ãa n'ʋ fʋ dɔwrɩ à à ŋá? Pɔwbɛ na tʋ̃ɔ́ na tɛr tɩ 'wɔb a bɛ bibiir, a bɛ bibi-pʋrmɛ bɛ na nɔnɛ nɔnɛ a bɩɩ? Nɩr na tʋ̃ɔ́ na kʋ bàwr-maalbɛ nɩ naaŋmɩn-ƴɛ̀r-manbɛ a fʋ zi-sõw pʋɔ bɩɩ?

Ezekɩɛl 20:22

Ɛcɛ a ɩ̃ yúor zũú n'a ɩ̃ bɛ tɩ ɩ a lɛ ɩ. Ɩ̃ bɛ tɩ bɔbr k'aa nɩ-bʋʋr-yoru jewre mɛ̃ ɩ. Bʋ̃ʋ n'ʋ vɛ̃, bɛ tɩ nyɛ̃ na k'ɩ̃ɩ ɩ n a nyɩ sãàkʋm-kore bɛ yi a Eziptɩ tẽw.

Ezekɩɛl 24:21

a nyɩɩm Ɩsɩrayɛl nɩbɛ: “A mãa Sore Naaŋmɩn, ɩ̃ na bɛr'a bɛ dɛw a ɩ̃ zi-sõw bɛr. Ɛcɛ, ʋ ɩ n a nyɩ dɛpaal bom, ʋ ɩ n a nyɩ mimie nʋ̃ɔ̀, ɛ́ ɩ a nyɩ nyɔ-vʋʋrʋ tɩɛrʋ bom. Bɛ na kʋ n a nyɩ bidɛbr nɩ a nyɩ pɔwyaar nyɩ na bɛr a Zerizalɛm a nɩ zɛbr-sɔ-kpɛ̃ɛ.

Ezekɩɛl 39:25

Ɛcɛ à ŋá n'a a mãa Sore Naaŋmɩn yere: «A na dɛ tĩ a ƴɛrɛŋa a, ɩ̃ na zɔ n a Ɩsɩrayɛl nɩbɛ nɩbaalʋ, a bɛlɩ dem a Zakɔb na dɔw a. Ɩ̃ na ɩ na a bɛ nɩ-pàwrɩ lɛb wa, ɩ̃ɩ na fɛr bɛ na bɛ tɛr a ƴãwfʋ na sɛwnɩ a ɩ̃ yo-sõw a.

Ezekɩɛl 43:7

A kɔkɔr nɛ tɩ yel mɛ̃ na: «Nɩsaal bie e, bɛrɛ wone! A ka ɩ n a ɩ̃ naalʋ-dà-kɔw zie, a tẽsɔw ɩ̃ na mɩ́ bin a ɩ̃ gbɛ́ɛ a. Ɩ̃ na kpɩɛr'ɩ a ka a Ɩsɩrayɛl nɩbɛ sɔgɔ kʋralɛ. A Ɩsɩrayɛl nɩbɛ nɩ a bɛ na-mɩnɛ kʋ̃ lɛb ɩ a ɩ̃ yo-sõw la ɩ: bɛ kʋ̃ cãà ɩrɛ a pɔw-yɛm ɩb ɛ́ kʋ̃ cãà ũùne a bɛ na-mɩnɛ na kpi a ƴã-gamɛ a ka ɩ.

Levitɩ mɩnɛ 26:11

Ɩ̃ na ƴãw nɩ a ɩ̃ kpɛb zie a nyɩ sɔgɔ, ɛ́ kʋ̃ jɛ nyɩ bɛr ɛ.

Amɔsɩ 6:8

A Sore, a Naaŋmɩn kpɛnʋ-za-sob pɔ na yel à ŋá: «Mãa wa sɩrɩ n'ɩ a Naaŋmɩn a, ɩ̃ bɛ nɔnɛ a Zakɔb yir pɔ̀lʋ towtow ɛ, ɩ̃ bɛ nɔnɛ a ʋ yir-vɩɛlɩ vɩɛlɩ ɛ. Ɩ̃ na ƴãw na a Samaari tẽw dɔ̃ dem so a Samaari tẽw.»

Luka 1:72

Ʋ wul'ɩ a ʋ nɔ̃wfʋ a tɩ sãà mɩnɛ, ɛ́ cãà lɛb bãwnɩ a ʋ Wõ-ta-sõw,

Luka 21:24

A bɛ dɔ̃ dem na kʋ n bɛ mɩnɛ nɩ zɛbr-sɔ-bɛrɛ, ɛ́ nyɔw a bɛ ŋmaarɛ cen nɩ a nɩ-bʋʋr-yoru za sɔgɔ. A tɩbɛ dem na ŋmɛr'ɩ a Zerizalɛm bɛr cʋmcʋm, ɛ́ gù a tɩbɛ dem naalʋ tɩ baarɩ.»

Efɛɛzɩ 2:7

A Naaŋmɩn vɩɛlʋ ɩb ʋ na ɩ a tɩ ƴãw a sãá a Yeezu Kɩrɩta zie a zũú n'a ʋ tɩ bɔbr k'aa yome na tuur taa a pʋɔ, ʋ wul a ʋ maalʋ na bɛrmɛ bɛ tɛr vuo a.

Wulu-ayi-sob 32:19

A Sore na wa nyɛ̃ a lɛ a ʋ bidɛbr nɩ a ʋ pɔwyaar na ɩrɛ ʋ laar a, ʋ bɛ bʋɔlɩ bɛ nɩbɛ ɩ.

Yel-wula 11:2

Ɛcɛ, bɛr a Ŋmɩn-yir yẽw davʋra. Taa manɛ ʋ ɛ, bʋ̃ʋ n'ʋ vɛ̃, bɛ bɛr ʋ na kʋ̀ a nɩ-bʋʋr-yoru, bɛ na nɛb a tẽ-sõw tɩ ta cuwr lɩz'a ayi nɩ ayi.

1 Samɩɛl 12:22

Yel-mɩŋa n'a, a Sore bɛ be za na zawrɩ a ʋ nɩ-bʋʋrɛ bɛr ɛ, a ʋ yúor na ɩ kpɛ̃ɛ a ƴãw, bʋ̃ʋ n'ʋ vɛ̃, ʋl mɩŋa n'ʋ bɔbr sàw nyɩ ɩ a ʋ nɩ-bʋʋrɛ.