Zeremi 14:19 - A SƐB-SÕW

¹⁹ «Sore e, fʋ sɩrɩ na lɔb a Zuda bɛr bɩɩ? A Sɩyɔ̃ vʋla baar'ɩ a fʋ zie e? Bʋ̃ʋ n'ʋ so fʋ ƴãw tɩ bàalʋ na bɛ tɛr sanʋ a? Ƴã-ɓaarʋ n'a tɩ tɩ gùre, ɛcɛ bʋ̃-vla kãw za bɛ wa wa ɩ. Tɩ tɩ gù n a sanʋ daar, ɛcɛ dɛ̃bɩ̃ɛ n'a wa wa.

Zeremi 14:19 ပူးပေါင်းရင်းမြစ်များ

2 Bibie za yel-manɩ 36:16

ɛcɛ a Ɩsɩrayɛl nɩbɛ tɩ ɩ n a nɩ-toni bɛ ŋa la, ɩ a naaŋmɩn-ƴɛ̀r-manbɛ la, ɛ́ zawrɩ a Naaŋmɩn ƴɛ̀rʋ bɛr. Lɛ n'a a Sore wa tɩ bɛr a ʋ suur ìr a bɛ ƴãw, a bɛ tɛr zɛlɩ bɛr ɛ.

A Zɔb sɛbɛ 30:26

Ɩ̃ɩ na tɩ tɩɛrɛ a nʋ̃ɔ̀ a, kpɩɛrʋ n'a ta m, ɩ̃ tɩ gùre nɩ cãà ɛ́ lige n'a ta.

Sɛb-sõw yielu 78:59

A Naaŋmɩn tɩ nyɛ̃ a na, nyɛ̃ suur jɛ a Ɩsɩrayɛl nɩbɛ bɛr.

Sɛb-sõw yielu 89:38

Ʋ na cɛlɩ na mɛ̃ a cuw na be be kʋralɛ, ɩ dãsɩ-dɩrɛ na bɛ ŋmarɛ ziri be a salom zu a.» Tɛw-àrʋ

Zʋkpaɩ 29:1

Nɩr bɛ na mɩ́ wul a ʋ sãwna ʋ bɛ sàw ɛ́ kpãa tobr a na ur'a lo, ɛ́ a bɛ lɛb tɛr ɩb kãw za ɩ.

Zeremi 12:7

«Ɩ̃ zawrɛ nɩ a ɩ̃ yir bɛrɛ, ɩ̃ tɩ̀ɛrɛ nɩ a ɩ̃ bom ɩ̃ na tɩ so a bɛrɛ. A ʋlɩ bom ɩ̃ na tɩ nɔnɛ nɩ a ɩ̃ pʋɔ za a, ɩ̃ dier ʋ na ƴãwnɛ a dɔ̃ dem nuru pʋɔ.

Zeremi 12:8

A bɛlɩ dem ɩ̃ na so a, ɩ n a ɩ̃ zie mɛ̃ gben na be mʋ̃ɔ pʋɔ a. Bɛ ùore nɩ a ɩ̃ ƴãw, alɛ so ɩ̃ bɛ cãà nɔnɛ bɛ ɩ.

Zeremi 15:1

A Sore yel mɛ̃ na: «A Moyiir nɩ a Samɩɛl saa tɩ zɛlɛ mɛ̃ a, ɩ̃ kʋ̃ʋ tɛr nɩbaal-zɔba a nɩbɛ bɛ ŋa ƴãw ɛ. Diw bɛ bɛ zãá nɩ mɛ̃, bɛ cen!

Zeremi 15:18

Bʋ̃ʋ n'ʋ so a wob wone mɛ̃ bɛ tɛr baarʋ daar? Bʋ̃ʋ n'ʋ so a ɩ̃ natɩr bɛ tɛr sanʋ, ɛ́ bɛ bɔbr a ɓãafʋ? Fʋ sɩrɩ na lɩɛbɩ bàa na bɛ̀lɛ a, a ɩ̃ zie, mɩ́ tɛr kʋ̃ɔ ta sɔgɔ bɛ tɛr ɛ.

Zeremi 30:12

À ŋá n'a a Sore yere: «Zerizalɛm i, a fʋ bàalʋ bɛ tɛr tɩ̃ɩ ɛ, a fʋ natɩr kʋ̃ tʋ̃ɔ́ sanɩ ɛ.

Zeremi 30:13

Nɩr za bɛ tu a fʋ yele pùor ɛ. Bɛ mɩ́ tʋ̃ɔ́ na sanɩ a natɩɛ, ɛcɛ a fʋ̃ʋ dem ƴãw a, tɩ̃ɩ bɛ ka be ɩ.

Zeremi 51:5

Bʋ̃ʋ n'ʋ vɛ̃, a bɛ tẽw paal'ɩ a sãwfʋ bɛ na ɩ sãw a Ɩsɩrayɛl Naaŋmɩn na ɩ sõw a. Ɛcɛ a Ɩsɩrayɛl nɩ a Zuda bɛ bɔr a bɛ Naaŋmɩn, a Sore kpɛnʋ-za-sob, bɛr ɛ.

Zeremi 6:30

Bɛ bʋɔlɛ nɩ a nɩbɛ bɛ ŋa kɛ́: “Salm-pla bɛ na na lɔb bɛr a”, bʋ̃ʋ n'ʋ vɛ̃, a Sore lɔb bɛ na bɛr.

Zeremi 7:29

A Sore yere na: «Zuda tẽw nɩbɛ ɛ, nyɩ ŋma a nyɩ zukɔbr-wowr na wule kɛ́ mãa so nyɩ a. Nyɩ lɔb a bɛr. Nyɩ kone lãw-mʋɔlɛ a tãli-kpalɩ zu. Nyɩ ɩ n nɩ-bʋʋrɛ na ɩ a ɩ̃ suur ìr a, ɩ̃ bɛ lɛb bɔbr nyɩ ɛ, ɩ̃ lɔbr nyɩ na bɛrɛ.»

Zeremi 8:15

Tɩ tɩ gùre nɩ a ƴã-ɓaarʋ, ɛcɛ bʋ̃-vla za bɛ wa ɩ. Tɩ tɩ gùre nɩ a sanʋ daar, ɛcɛ dɛ̃bɩ̃ɛ n'a waar.

Zeremi 8:22

Kãá na mɩ́ ɩ a 'wɔbrʋ siwri a bɛ cãà a Galaadɩ tẽw pʋɔ bɩɩ? Tɩ̃ɩ-ɩrɛ bɛ cãà a be bɩɩ? Bʋ̃ʋ n'ʋ so a ɩ̃ nɩbɛ wʋ̀ʋr kʋ̃ tʋ̃ɔ́ baarɩ mɔ̃?

A Lãw-mʋɔlɛ 2:13

Zerizalɛm i, ɩ̃ bɛ bãw bom nɛ ɩ̃ na na yel kʋ b a ɩ. A fʋ yele bɛ ŋmɛ̃ taa nɩ yel kãw za ɩ. Ɩ̃ de fʋ man nɩ anʋ, tʋ̃ɔ́ mɔwlɩ fʋ, Sɩyɔ̃ tẽ-kpɛ̃ɛ-vla a? A fʋ dɔwrʋ ɩ n kpɛ̃ɛ sɛw a kʋ̃ɔ-kpɛ̃ɛ. Ãa n'ʋ na tʋ̃ɔ́ sanɩ fʋ?

A Lãw-mʋɔlɛ 2:22

Fʋ bʋɔl'ɩ a ɩ̃ kpɛ-pɩɛl dem na ɩrɛ mɛ̃ dɛ̃bɩ̃ɛ a, mɛ̃ cuw bibir ƴãw a. Sore e, a fʋ suur bibir a, nɩr bɛ tɩ cɩ̃ɛ ɩ, nɩr bɛ tɩ cãà vʋʋrɛ ɩ. A bɛlɩ dem ɩ̃ na tɩ guoli ɛ́ nɔ̃w yaga za a, a ɩ̃ dɔ̃ sob kʋ n bɛ za pàw pɛr.

A Lãw-mʋɔlɛ 4:17

A tɩ mimie piwri nɩ sõwfʋ na bɛ waar a tɩ bàl. Tɩ be n a tɩ zie gub ziir gùre nɩ-bʋʋrɛ kãw na kʋ̃ tʋ̃ɔ́ faa tɩ a waa.

A Lãw-mʋɔlɛ 5:22

Fʋ jɛ tɩ na bɛr a nʋɔr kʋ ʋ? A fʋ suur ìr'ɩ a tɩ ƴãw tɩ zuo bɩɩ?

Mise 1:12

A Marɔtɩ tẽw dem zɔrɛ nɩ dɛ̃bɩ̃ɛ a bɛ ƴã-ɓaarʋ ƴãw. Bʋ̃ʋ n'ʋ vɛ̃, a kpɩɛrʋ na yi a Sore zie a, ta n a Zerizalɛm dɩ̃dɛɛ ƴãw.

1 Tesalonikɩ 5:3

A lɛn daar a nɩbɛ nãà wa yere: «Ƴã-ɓaarʋ bɔkɔɔ! Damnʋ za yee!» Lɛn daar'a a yele na ùr sãw a bɛ zie mɛ̃ 'wɔbrʋ na nyɔw pɔw-pʋɔ a, ɛ́ bɛ kʋ̃ tʋ̃ɔ́ zɔ cɩ̃ɛ ɩ.