Zeremi 14:15 - A SƐB-SÕW

¹⁵ Alɛ n'a so a mãa, a Sore, ɩ̃ yere à ŋá a naaŋmɩn-ƴɛ̀r-manbɛ bɛ ŋa ƴãw: “A nɩbɛ bɛ ŋa yere na kɛ́ mãa yúor ƴãw n'a bɛ ƴɛ̀rɛ, ɛcɛ ɩ̃ bɛ tõ bɛ ɩ. Bɛ manɛ na kɛ́ zɛbr nɩ kɔ̃ kʋ̃ be a tẽw ŋa pʋɔ ɩ. Ɛcɛ a zɛbr nɩ a kɔ̃ n'a na baarɩ bɛ za!

Zeremi 14:15 ပူးပေါင်းရင်းမြစ်များ

1 Na-mɩnɛ 22:25

A Mise sɔw: «Fʋ na nyɛ̃ a na, a ʋlɩ bibir a na na fɛr fʋ kpɛ a fʋ di-pɛ-baara za pʋɔ tɩ sɔwlɩ a.»

Zeremi 20:6

Ɛ́ a fʋ̃ʋ, Pasehuur i, fʋ na cen nɩ gbãgbaalʋ pʋɔ, fʋ̃ʋ nɩ a bɛlɩ dem za na lãw kpɩɛr'ɩ fʋ a. Fʋ̃ʋ wa ta a Babɩlɔn a, fʋ na kpi na, ɛ́ a be n'a bɛ na ũù fʋ, fʋ̃ʋ nɩ a fʋ bárɩ bɛl za zie fʋ na tɩ ɩ naaŋmɩn-ƴɛ̀r-man-ziri sob a.”»

Zeremi 23:30

«A na ɩ à ŋá a, ɩ̃ na ìr'ɩ a naaŋmɩn-ƴɛ̀r-manbɛ bɛ ŋa na zure taa a ɩ̃ ƴɛ̀rʋ a ƴãw, a Sore n'ʋ yere.

Zeremi 27:15

A Sore yere na: “Ɩ̃ bɛ tõ bɛ ɩ. Bɛ yel kɛ́ mãa yúor ƴãw n'a bɛ ƴɛ̀rɛ, ɛcɛ ziri n'a. Nyɩmɛ wa bɛrɛ wone bɛ a, ɩ̃ na diw nyɩ na yaarɩ, ɛ́ nyɩ na kpi na, a nyɩɩm nɩ a naaŋmɩn-ƴɛ̀r-manbɛ bɛl na ƴɛ̀r a naaŋmɩn-ƴɛ̀r-manbɛ ƴɛ̀rʋ kʋ̀ nyɩ a.”»

Zeremi 6:15

Vĩ ɩrɛ bɛ na bɛ na ɩ a ɩ-faar na bɛ maal'ɩ wob a a? Towtow! Bɛ bɛ bãw k'aa tɩ sɛw na kɛ́ bɛ sàw a bɛ sãwna ɩ. A Sore yere na: Alɛ n'a so bɛ na lo mɛ̃ a nɩbɛ za a, bɛ na lo n tẽw a lɛn daar ɩ̃ nãà wa ír a.

Zeremi 8:12

Vĩ ɩrɛ bɛ na, bɛ na ɩ ɩ-faar na bɛ maal'ɩ wob a? Towtow! Bɛ bɛ bãw k'aa tɩ sɛw na kɛ́ bɛ sàw a bɛ sãwna ɩ. A Sore yere na: Alɛ n'a so bɛ na lo mɛ̃ a nɩbɛ za a, bɛ na lo n tẽw a lɛn daar ɩ̃ nãà wa ìr a bɛ ƴãw a.»

Zeremi 8:13

A Sore yere na: «Mãa wa bɔbr bʋ̃-dieri deb a bɛ zie a, divɛ̃ tɩ-wɔmɛ bɛ mɩ́ be a divɛ̃ tɩɛ zu ɛ! Kãkamɛ bɛ mɩ́ be a kãkã-tɩɛ zu ɛ! A váar tɛɛ za mɩ́ vàr'a. A na ɩ lɛ a, ɩ̃ na bɛr'a na kʋ̀ sɔr-tɔlbɛ.»

A Lãw-mʋɔlɛ 1:19

Ɩ̃ tɩ bʋɔl'ɩ a bɛlɩ dem na nɔnɛ mɛ̃ a, ɛcɛ, bɛ tɩ bɛ̀lɩ mɛ̃ na. A ɩ̃ bàwr-maalbɛ nɩ a ɩ̃ yã-wulbɛ tɩ kpi n a tẽ-kpɛ̃ɛ pʋɔ, a lɛn daar bɛ na tɩ bɔbr a bʋ̃-dɩrɩ, kɛ́ bɛ dɩ lɛb páw fãw a.

A Lãw-mʋɔlɛ 2:20

Sore e, jɩ́r nyɛ̃: ãa n'ʋ fʋ dɔwrɩ à à ŋá? Pɔwbɛ na tʋ̃ɔ́ na tɛr tɩ 'wɔb a bɛ bibiir, a bɛ bibi-pʋrmɛ bɛ na nɔnɛ nɔnɛ a bɩɩ? Nɩr na tʋ̃ɔ́ na kʋ bàwr-maalbɛ nɩ naaŋmɩn-ƴɛ̀r-manbɛ a fʋ zi-sõw pʋɔ bɩɩ?

Ezekɩɛl 13:14

Ɩ̃ na dáa nɩ a dacin nyɩ na fɔl a lɔb. Ɩ̃ na sãw ʋ na bɛr tɩ ta n a sɩɛmɩ́ ɛ́ bɛ na nyɛ̃ nɩ a ʋ pɛr na bin a. A dacin na lo na, ɛ́ a kʋsɛbɛ lo dĩ nyɩ ŋmɛr. Lɛ n'a nyɩ na bãw kɛ́ mãa n'ɩ a Sore.

Ezekɩɛl 13:15

Ɩ̃ na bɛr'ɩ a ɩ̃ su-tʋlʋ kpãkpã ìr a dacin nɩ a bɛl na fɔl ʋ a ƴãw. Ɩ̃ na yel nyɩ na: “A dacin sãw na! A bɛl na fɔl ʋ a kpi na!

Ezekɩɛl 13:9

Ɩ̃ na wul'ɩ a ɩ̃ fãw a naaŋmɩn-ƴɛ̀r-manbɛ bɛl na mɩ́ tɩɛrɩ a bɛ bʋ̃-nyɛrɩ yel, ɛ́ mɩ́ yel bome na bɛ ɩ sɩza a. Bɛ kʋ̃ pʋɔ a ɩ̃ nɩ-bʋʋrɛ lãw pʋɔ ɩ. A bɛ yée kʋ̃ be a Ɩsɩrayɛl bʋʋrɛ yée sɛbɛ pʋɔ ɩ, ɛ́ bɛ kʋ̃ lɛb wa a bɛ tẽw pʋɔ ɩ. À ŋá n'a bɛ na bãw kɛ́ mãa n'ɩ a Sore Naaŋmɩn.

Ezekɩɛl 14:10

A naaŋmɩn-ƴɛ̀r-manɛ ŋa nɩ a ʋlɩ sob na sowri ʋ a, bɛ za ayi so a sãwna been nɛ.

Ezekɩɛl 14:9

Naaŋmɩn-ƴɛ̀r-manɛ wa bɛr bɛ bɛlɩ ʋ, ʋ sɔw ʋl mɩŋa a, a mãa Sore n'ʋ na ƴãw ʋ ʋ ɩ a lɛ. Ɩ̃ na dɔl'ɩ nũu a ʋ ƴãw, ɛ́ ɩ ʋ bɔr a ɩ̃ nɩ-bʋʋrɛ Ɩsɩrayɛl sɔgɔ.

Ezekɩɛl 33:6

Ɛcɛ, a ɩ mɛ̃ a zi-piwre nyɛ̃ nɩ a dɔ̃ dem sojarɩ bɛ waar, ʋ bɛ pɛblɩ a wɩ́ɛ ɩ, ɛ́ a ʋ tẽ-bi-taabɛ bɛ bãwnɩ a ɩ. A dɔ̃ sob ta kʋ nɩr, a zi-piwre so a sãwna, ɩ̃ɩ na sowr'ʋ nɩ bom à á ŋá ƴãw.

Amɔsɩ 7:17

À ŋá n'a ʋ yere: “A fʋ pɔw na lɩɛb'ɩ pɔw-yɛm a tẽw pʋɔ. Bɛ na kʋ n a fʋ bidɛbr nɩ a fʋ pɔwyaar. Bɛ na tʋ̃ɔ̀ tʋ̃ɔ̀ nɩ a fʋ tẽ-sora põ nɩ mie. A fʋ̃ʋ tɔr za a, nɩ-bʋʋr-yoru tẽw pʋɔ n'a fʋ na kpi, ɛ́ bɛ nyɔw a Ɩsɩrayɛl nɩbɛ za cen nɩ tẽ-yũo zãá nɩ a bɛ tẽw.''»

Mise 3:5

À ŋá n'a a Sore ƴɛ̀rɛ cáarɛ nɩ a naaŋmɩn-ƴɛ̀r-manbɛ bɛl na tule a ɩ̃ nɩ-bʋʋrɛ a: «A nʋɔr wa pɩ̃ɛ a, ƴã-ɓaarʋ ƴɛ̀rʋ n'a bɛ mɩ́ ƴɛ̀rɛ, ɛcɛ nɩr bɛ wa ƴãw bɛ bom nʋɔrɩ́ a, zɛbr mɩ́ n'a.

Wulu-ayi-sob 18:20

Ɛcɛ naaŋmɩn-ƴɛ̀r-manɛ wa kpɛ pʋra ƴɛ̀r a ɩ̃ yúor ƴãw, ƴɛ̀rʋ ɩ̃ na bɛ yel k'ʋʋ yel a, bɩɩ ʋlɛ wa ƴɛ̀r ŋmɩn-yoru yúor ƴãw a, a naaŋmɩn-ƴɛ̀r-manɛ ŋa na kpi na.»

Yel-wula 19:20

Bɛ tɩ nyɔw nɩ a wɛ-dʋ̃w, lãwnɩ a ƴɛ̀r-man-bɛlɛbɛlɛ na tɩ maalɩ nɔ-ɓãa-yele a ʋ niŋé, bɛ̀lɩ nyɔw nɩ a bɛlɩ dem na tɩ tɛr a wɛ-dʋ̃w bãwfʋ a bɛ zu, ɛ́ gbĩ dume puori a ʋ dasule a. Bɛ tɩ lɔb'ɩ bɛ za ayi a mimir ƴãw a cirbi vũu gbãtar-kpɛ̃ɛ pʋɔ.