Zeremi 14:14 - A SƐB-SÕW

¹⁴ A Sore tɩ sɔw mɛ̃ na: «Ziri n'ɩ a lɛ za a ƴɛ̀r-manbɛ na yere a ɩ̃ yúor ƴãw a. Ɩ̃ bɛ tõ bɛ ɩ, ɩ̃ bɛ yel yel za kʋ̀ bɛ ɩ, ɩ̃ bɛ ƴɛ̀r bɛ zie ɩ. A bɛ bʋ̃-nyɛrɩ ɩ n ziri, a yele bɛ na yere a bɛ tɛr pɛr ɛ, bɛl mɩŋa pʋ-tɩɛrʋ n'a.

Zeremi 14:14 ပူးပေါင်းရင်းမြစ်များ

Ɩzayi 56:10

A Ɩsɩrayɛl gùrbɛ ɩ n zɔn bɛ za, bɛ bɛ mɩ́ bãwnɩ bom za ɩ. Bà-gbili nɛbɛ, na kʋ̃ tʋ̃ɔ́ wowri a. Bɛ mɩ́ gã gã na ɛ́ a bɛ tɩɛrʋ yaarɛ, bɛ nɔnɛ nɩ gʋ̃ɔ.

Ɩzayi 9:15

A nɩbɛ bɛ ŋa wul-wulbɛ tuli bɛ na, a bɛlɩ dem bɛ na wule a lo sɔr-faa.

Zeremi 20:6

Ɛ́ a fʋ̃ʋ, Pasehuur i, fʋ na cen nɩ gbãgbaalʋ pʋɔ, fʋ̃ʋ nɩ a bɛlɩ dem za na lãw kpɩɛr'ɩ fʋ a. Fʋ̃ʋ wa ta a Babɩlɔn a, fʋ na kpi na, ɛ́ a be n'a bɛ na ũù fʋ, fʋ̃ʋ nɩ a fʋ bárɩ bɛl za zie fʋ na tɩ ɩ naaŋmɩn-ƴɛ̀r-man-ziri sob a.”»

Zeremi 28:11

Al pùorí, ʋ yel a nɩbɛ za niŋé: «À ŋá n'a a Sore yere: Yome ayi ƴãw gbagbagba, ɩ̃ na sãw nɩ a Babɩlɔn tẽw nãà, Nabikodonozɔɔr, nɩ-kpɛ̃ɛnʋ, ʋ na dĩ nɩ a nɩ-bʋʋrɛ za mɛ̃ na-kʋ́ɔra-dàa a bɛr.» Lɛ n'a a naaŋmɩn-ƴɛ̀r-manɛ Zeremi tɩ tɔl cen.

Zeremi 28:13

«Cen tɩ yel a Hananɩa: à ŋá n'a a Sore yere: “Fʋ na kar na-kʋ́ɔra-dàa na ɩ dàa bɛr a, a na fɛr'a fʋ lɩɛr'ʋ nɩ na-kʋ́ɔra-dàa na ɩ kure a.”»

Zeremi 28:15

Lɛ n'a a naaŋmɩn-ƴɛ̀r-manɛ Zeremi tɩ cãà lɛb yel a naaŋmɩn-ƴɛ̀r-manɛ Hananɩa: «Wone, Hananɩa a: A Sore bɛ to b ɛ, fʋ̃ʋ n'ʋ ɩrɛ a nɩbɛ bɛ ŋa bɛ̀lɛ bɛ tʋɔra.

Zeremi 29:21

À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere a Kolaya bidɛb, Akab, nɩ a Maaseya bidɛb, Sedesɩasɩ, ƴãw. Bɛ za ayi yel'a kɛ́ a Sore yúor ƴãw n'a bɛ ƴɛ̀rɛ, ɛ́ a ɩ ziri: “Ɩ̃ na ƴãw bɛ nɩ a Babɩlɔn tẽw nãà, Nabikodonozɔɔr, nuru pʋɔ, ʋ ƴãw bɛ kʋ bɛ a nyɩ mimirí.

Zeremi 29:31

«Tõ bɛ tɩ yel à ŋá kʋ̀ a nɩ-diw-ceni za: “À ŋá n'a a Sore yere a Nehelam tẽw Semaya ƴãw: Semaya ƴɛ̀r'ɩ a ɩ̃ yúor ƴãw a nyɩ zie, ɛcɛ ɩ̃ bɛ tõ ʋ ɛ. Ʋ ŋma n ziri kʋ̀ nyɩ, ƴãw nyɩ bɛr tɩɛrʋ.

Zeremi 37:19

A nyɩ naaŋmɩn-ƴɛ̀r-manbɛ bɛl na tɩ yel k'aa Babɩlɔn tẽw nãà kʋ̃ wa zɛb'ɩ a nyɩɩm nɩ a tẽw ŋa a, bɛ wa?»

Zeremi 5:31

A naaŋmɩn-ƴɛ̀r-manbɛ ƴɛ̀rɛ nɩ ŋmɩn-bɛlɛbɛlɛ yúor ƴãw, a bàwr-maalbɛ bɔbr'ɩ a bɛl yõ tɔnɛ, ɛ́ a ɩ̃ nɩbɛ nɔ̃w a lɛ. Ɛcɛ a yele baarʋ daar a, bʋ̃ʋ n'ʋ nyɩ na ɩ?»

Zeremi 8:10

A Sore yere na: «Ɩ̃ na de nɩ a bɛ pɔwbɛ kʋ̀ nɩ-yoru, ɛ́ kʋ̀ a bɛ póru a bɛlɩ dem na na de a a. Bʋ̃ʋ n'ʋ vɛ̃, a pʋrmɛ tɩ tɔ a bɛrɛ a, bɛ za bɔbr'ɩ a bɛ tɔnɛ. A naaŋmɩn-ƴɛ̀r-manbɛ tɩ tɔ a bàwr-maalbɛ a, bɛ za tɛr'ɩ libelibe yã.

Zeremi 8:11

Bɛ de nɩ dɩ̃ɛnʋ ƴãw a ɩ̃ nɩbɛ kpɩɛrʋ ƴãw, mɩ́ yel: “A yele za cere nɩ vla, a yele za cere nɩ vla!” Ɛcɛ bom za bɛ cere ɩ.

A Lãw-mʋɔlɛ 2:14

Yel-ziri nɩ yele na bɛ tɛr pɛr a n'a a fʋ naaŋmɩn-ƴɛ̀r-manbɛ nyɛ̃ a fʋ ƴãw. Bɛ bɛ ɩ a fʋ sãwna ʋ sãá, kɛ́ bɛ tʋ̃ɔ́ ɩ a fʋ yele lɩɛbɩ ɛ. Ziri nɩ ƴɛ̀r-ziri n'a bɛ ƴɛ̀r kʋ̀ b.

A Lãw-mʋɔlɛ 2:9

A tẽ-kpɛ̃ɛ pamɛ sãw na, a Sore kar kár'ɩ a pamɛ bʋ̃-kparɩ bɛr. A ʋ nãà nɩ a ʋ tõ-tõ-bi-bɛrɛ lɩɛb'ɩ nɩ-pàwrɩ a nɩ-bʋʋr-yoru sɔgɔ. Nɩr bɛ cãà be tɩrɛ a Sore wulu ɛ. A naaŋmɩn-ƴɛ̀r-manbɛ tɛɛ za bɛ cãà páwr ƴɛ̀rʋ na yire a Sore zie a ɩ.

Ezekɩɛl 12:24

Yel-nyɛr-ziri nɩ bɛ̀lʋ ƴɛ̀rʋ kʋ̃ lɛb cãà a Ɩsɩrayɛl nɩbɛ zie ɩ.

Ezekɩɛl 13:2

«A fʋ̃ʋ nɩsaal bie, a ɩ̃ yúor ƴãw, wo a bɛl na bʋɔlɛ bɛ tʋɔra naaŋmɩn-ƴɛ̀r-manbɛ a Ɩsɩrayɛl tẽw pʋɔ, ɛ́ mɩ́ ƴɛ̀r a bɛl mɩŋa yúor ƴãw a. Yel bɛ kɛ́ bɛ bɛrɛ wone a ɩ̃ ƴɛ̀rʋ.

Ezekɩɛl 13:23

A na ɩ à ŋá a, nyɩ kʋ̃ lɛb mɩ́ tɩɛrɩ yel a nyɩ bʋ̃-nyɛrɩ ɛ, nyɩ kʋ̃ lɛb mɩ́ yel bome na bɛ ɩ sɩza a ɩ. Ɩ̃ na faa nɩ a ɩ̃ nɩ-bʋʋrɛ a nyɩ nuru pʋɔ, ɛ́ nyɩ na bãw na kɛ́ mãa n'ɩ a Sore.»

Ezekɩɛl 21:29

Alɛ n'a so a mãa Sore Naaŋmɩn, ɩ̃ yere à ŋá kʋ̀rɛ nyɩ: Nyɩ ƴãw na ɩ̃ tɩ́ɛrɛ a nyɩ sãwna kʋralɛ, a nyɩ nʋɔr-bɛ-sàwfʋ na bɛ tɛr bʋnʋ a zũú. A nyɩ ɩb za pʋɔ a, nyɩ mɩ́ wul'a kɛ́ nyɩ ɩ n sãwna dem. À à ŋá a, nyɩ na bɛ ɩ bɛ yiiri nyɩ bɛr a, nyɩ na lo n a dɔ̃ sob nuru pʋɔ!

Mise 3:11

Nʋɔr'ʋ bɛ mɩ́ ŋmɛ a ƴɛ̀r-dɩrbɛ bɛ dɩ a ƴɛ̀rʋ, tɔnɛ ƴãw n'a a bàwr-maalbɛ wule, libie ƴãw n'a a naaŋmɩn-ƴɛ̀r-manbɛ bãwnɛ a nɩdaar yele. Ɛcɛ à á ŋá za a, a Sore ƴãw n'a bɛ mɩ́ ɩrɛ ƴãwn yere nɩ: «A Sore be n a tɩ sɔgɔ, yel-faa za bɛ páwr tɩ ɛ.»

Zakari 10:2

A tɩbɛ nyɩ na mɩ́ sowri a, a mɩ́ ŋma n ziri kʋ̀ nyɩ. A bàwr-bʋwrbɛ mɩ́ wul'ɩ yele na bɛ ɩ sɩza a. A zánʋ bɛ na mɩ́ manɛ a, bɛ tɛr pɛr ɛ, a mɔwlʋ bɛ na mɩ́ tɩrɛ a, mɩ́ ɩ n bɛ̀lʋ. Alɛ n'a so a wone a nɩbɛ, bɛ yaarɛ gʋɔr, mɛ̃ dʋn na bɛ tɛr cɩ̃ɩnɛ a.

Zakari 13:3

Nɩr wa yel k'ʋʋ na cãà na ƴɛ̀rɛ naaŋmɩn-ƴɛ̀r-manɛ ƴɛ̀rʋ a, a ʋ sãà mɩŋa nɩ a ʋ mã mɩŋa na yel ʋ na: “A fɛr'a kɛ́ fʋ kpi, bʋ̃ʋ n'ʋ vɛ̃, ziri n'a fʋ ŋmarɛ, ɛ́ yel k'aa Sore yúor ƴãw n'a fʋ ƴɛ̀rɛ.” Ɛ́ ʋ na cãà na ƴɛ̀rɛ a naaŋmɩn-ƴɛ̀r-manɛ ƴɛ̀rʋ, ɛ́ a sãà nɩ a mã tɛɛ za cɔ̀r ʋ col kʋ.

Wulu-ayi-sob 18:20

Ɛcɛ naaŋmɩn-ƴɛ̀r-manɛ wa kpɛ pʋra ƴɛ̀r a ɩ̃ yúor ƴãw, ƴɛ̀rʋ ɩ̃ na bɛ yel k'ʋʋ yel a, bɩɩ ʋlɛ wa ƴɛ̀r ŋmɩn-yoru yúor ƴãw a, a naaŋmɩn-ƴɛ̀r-manɛ ŋa na kpi na.»

1 Timote 4:2

A zir-ŋmarbɛ na mɩ́ sɔwlɛ a bɛ pʋ-tɩɛrʋ a na taw bɛ na bɔr'ɩ, a zir-ŋmarbɛ bɛ ŋa tɩɛrʋ bɛ na cɩr bãwfʋ ƴãw nɩ kure na mʋ̃ɔ vũumí a.

1 Zã 4:1

Ɩ̃ bá mɩnɛ ɛ, nyɩ ta mɩ́ sàw de a bɛlɩ dem za na mɩ́ yel kɛ́ bɛ tɛr'ɩ Naaŋmɩn Vʋʋrʋ a ɩ. Ɛcɛ, nyɩ mɩ́ ɩ bɛ kaa nyɛ̃ a vʋʋrʋ bɛ na tɛr a wa sɩrɩ yi a Naaŋmɩn zie a. Bʋ̃ʋ n'ʋ vɛ̃, naaŋmɩn-ƴɛ̀r-man-bɛlbɛlbɛ yɛ́r a pàw a tẽ-daa.