Zeremi 14:12 - A SƐB-SÕW

¹² Bɛlɛ saa tɛr mʋta-tuo a, ɩ̃ kʋ̃ bɛr wõ a bɛ yãayãa zɛlʋ ɛ. Bɛlɛ saa maalɩ nyɩw-a-za-bagɛ, tɩr'ɩ de-kʋ̀b bome kʋ̀ m a, à á ŋá za kʋ̃ pɛlɩ a ɩ̃ pʋɔ ɩ. Ɛcɛ zɛbr, kɔ̃ nɩ jɛ̀lmɛ̃ bàalʋ n'a ɩ̃ na kʋ n bɛ pàw pɛr.»

Zeremi 14:12 ပူးပေါင်းရင်းမြစ်များ

A Zɔb sɛbɛ 27:9

Kpɩɛrʋ wa ùr ta ʋ a, Naaŋmɩn na bɛr a wõ a ʋ cɛl bɩɩ?

Zʋkpaɩ 1:28

Lɛ n'a nyɩ na bʋɔlɛ mɛ̃ ɩ̃ɩ kʋ̃ sɔw nyɩ ɛ, nyɩ na bɔbr mɛ̃ ɛ́ kʋ̃ nyɛ̃ m ɛ.

Zʋkpaɩ 15:8

A Sore bɛ nɔnɛ a nɩ-faar bagɛ towtow ɛ, ɛcɛ ʋ mɩ́ pɛlɩ nɩ pʋɔ de a nɩ-dẽdẽ mɩnɛ puoru.

Zʋkpaɩ 21:27

A nɩ-faar bàwr ɩ n bʋ̃-faa faa, bɛ na baa mɩ́ maalɩ ʋ nɩ tɩ́ɛrʋ na bɛ vɩɛl a.

Zʋkpaɩ 28:9

Nɩr na fùr a ʋ tobe a wulu bɛr-wob ƴãw a, a ʋ puoru tɔr za ɩ n bʋ̃-faa na bɛ maal'ɩ wob a.

Ɩzayi 58:3

Ɛcɛ bɛ yere nɩ a ɩ̃ zie: «Bʋnʋ ƴãw n'a tɩ na mɩ́ tɛr a mʋta-tuo fʋ̃ʋ bɛ mɩ́ wa nyɛ̃ a a? Tɩ na mɩ́ dɩ tuo síwre tɩ tʋɔra fʋ̃ʋ bɛ mɩ́ wa bãwnɩ a a?» Lɛ n'a ɩ̃ sɔwr à ŋá: A nyɩ mʋta-tuo tɛrʋ bibir a, nyɩ mɩ́ kaarɛ nɩ a nyɩ mɩŋa yele zie, ɛ́ dɔwrɛ a nyɩ tõ-tõ-biir.

Zeremi 11:11

À na ɩ à ŋá a, à ŋá n'a a Sore yere: Ɩ̃ na ɩ na faa bɛ na kʋ̃ tʋ̃ɔ́ yi a ʋ pʋɔ a wa a bɛ zu. Bɛ na kõ na bʋɔlɩ mɛ̃, ɩ̃ɩ kʋ̃ bɛr wõ bɛ ɩ.

Zeremi 11:14

Ɛ́ a fʋ̃ʋ Zeremi a, taa zɛlɛ bom kãw za a nɩbɛ bɛ ŋa ƴãw ɛ, taa ɩrɛ kɛ̀ puoru bɩɩ yãayãa zɛlʋ kãw za dúor waar a ɩ̃ zie a bɛ ƴãw ɛ. Bʋ̃ʋ n'ʋ vɛ̃, ɩ̃ kʋ̃ bɛr wõ bɛ a lɛn daar bɛ nãà wa be a bɛ kpɩɛrʋ pʋɔ ɛ́ bʋɔlɛ mɛ̃ a ɩ.»

Zeremi 15:1

A Sore yel mɛ̃ na: «A Moyiir nɩ a Samɩɛl saa tɩ zɛlɛ mɛ̃ a, ɩ̃ kʋ̃ʋ tɛr nɩbaal-zɔba a nɩbɛ bɛ ŋa ƴãw ɛ. Diw bɛ bɛ zãá nɩ mɛ̃, bɛ cen!

Zeremi 16:4

Bɛ na kpi n kũu-tuo. Nɩr kʋ̃ kõ a bɛ kuor ɛ, nɩr kʋ̃ ũù bɛ ɩ. Bɛ na lɩɛb'ɩ pʋɔrʋ a tẽw zu. Bɛ na kpi n zɛbr nɩ kɔ̃ kũu: a bɛ kũuni na lɩɛb'ɩ sidume nɩ gbõgbo-cili dɩb.»

Zeremi 21:6

Ɩ̃ na dɔwr'ɩ a bɛlɩ dem za na kpɩɛr a tẽ-kpɛ̃ɛ ŋa pʋɔ a, a nɩsaalbɛ nɩ a dʋn. Bɛ za na kpi n jɛ̀lmɛ̃ bàal-faa kũu.

Zeremi 24:10

Ɩ̃ na bɛr'ɩ a zɛbr, a kɔ̃ nɩ a jɛ̀lmɛ̃ bàalʋ a waar a bɛ zu ɛ́ gù bɛ tɩ bɔr a tẽw ʋl ɩ̃ na kʋ̀ a bɛl nɩ a bɛ sãàkʋm-kore a pʋɔ.»

Zeremi 32:24

A Babɩlɔn tẽw dem'ɩ bɛ ŋa tone a tẽ-kpɛ̃ɛ zɛb-deb tome, tawr pɩɛlɛ nɩ ʋ. Bɛ na zɛb'a de ʋ. Ɩ̃ na tʋ̃ɔ́ na yel k'ʋʋ lo n a bɛ nuru pʋɔ baarɩ. Bɛ bɔbr'a kɛ́ bɛ tʋ̃ɔ́ ʋ nɩ a zɛbr bome, a kɔ̃ nɩ a jɛ̀lmɛ̃ bàalʋ. Fʋ mɩŋa za nyɛ̃ a na, a lɛ fʋ na yel a ta na.

Zeremi 6:20

Bʋ̃ʋ n'ʋ ɩ̃ ɩrɛ nɩ a Saba tẽw tɩ-suur-zɔ̃-na-nyùur-vla-vla-a? nɩ a tẽ-zãána bàa-kɛkɛr na nyuur vla a? A bɛ nyɩw-a-za-bagɛ a, ɩ̃ bɛ bɔbr a ɩ, a bɛ bàwr-maal-bome bɛ nʋmɛ a ɩ̃ zie ɩ.

Zeremi 8:13

A Sore yere na: «Mãa wa bɔbr bʋ̃-dieri deb a bɛ zie a, divɛ̃ tɩ-wɔmɛ bɛ mɩ́ be a divɛ̃ tɩɛ zu ɛ! Kãkamɛ bɛ mɩ́ be a kãkã-tɩɛ zu ɛ! A váar tɛɛ za mɩ́ vàr'a. A na ɩ lɛ a, ɩ̃ na bɛr'a na kʋ̀ sɔr-tɔlbɛ.»

Zeremi 9:16

À ŋá n'a a Sore, a kpɛnʋ-za-sob yere. «Nyɩ bãwnɩ a pɔw-kõ-konbɛ bʋɔlʋ, nyɩ ƴãw bɛ wa! Nyɩ tõ bɛ tɩ bʋɔlɩ a bɛl na bãw kon vla vla a bɛ wa!

Ezekɩɛl 14:19

Bɩɩ ɩ̃ na ƴãw nɩ jɛ̀lmɛ̃ bàalʋ na nyɔwr nɩbɛ lʋɔrɛ taa a a nɩ-bʋʋrɛ bɛ ŋa. Ɩ̃ na ɩ n a ɩ̃ suur ìr a bɛ ƴãw, a kpɩɛrʋ kpɛ̃ɛ ŋa na na kʋ a tẽw nɩbɛ nɩ a dʋn a ƴãw.

Ezekɩɛl 14:21

Al pùorí, a Sore Naaŋmɩn tɩ yel mɛ̃ na: «Ɩ̃ ɩ na kpɩɛrʋ bɛrɛ anaar ta a Zerizalɛm: a zɛbr, a kɔ̃, a dʋ̃-faar nɩ a jɛ̀lmɛ̃ bàalʋ, k'aa tʋ̃ɔ́ kʋ a nɩbɛ nɩ a dʋn pàw pɛr.

Ezekɩɛl 8:18

A mãa mɩ̀ a, ɩ̃ mɩ̀ na ɩrɛ na nɩ su-tʋlʋ kpãkpã. Ɩ̃ kʋ̃ tɛr'ɩ bɛ mimi-baalʋ ɛ, ɩ̃ kʋ̃ zɔ nɩbaalʋ ɛ. Bɛlɛ saa cɩɩrɛ bʋɔlɛ mɛ̃ a, ɩ̃ kʋ̃ bɛr wõ bɛ ɩ.»

A naaŋmɩn-ƴèr-manɛ Oze sɛbɛ 5:6

Bɛ waar'ɩ nɩ píir nɩ nĩi kɛ́ bɛ wa bɔ n a Sore, ɛ́ bɛ kʋ̃ nyɛ̃ ʋ ɛ, bʋ̃ʋ n'ʋ vɛ̃, ʋ taw na zãá nɩ bɛ.

Amɔsɩ 5:21

Ɩ̃ bɛ nɔnɛ a nyɩ zi-sõw cenu ɛ, ɩ̃ jewre nɩ a cenu á ŋá. A nyɩ ɓã-taar bɛ ɩrɛ mɛ̃ nʋ̃ɔ̀ kãw za ɩ.

Mise 3:4

Lɛ so, bɛlɛ wa kone bʋɔlɛ a Sore a, ʋ kʋ̃ sɔw bɛ ɩ, ʋ kʋ̃ ŋmɛlɩ kaa bɛ a lɛn daar ɛ, a yel-faar bɛ na maalɩ a ƴãw.

Zakari 7:13

ɛ́ yel: «Bɛ na zawrɩ na bɛr wõ m a lɛn daar ɩ̃ na tɩ yel kɛ́ bɛ sàw a nʋɔr a, ɩ̃ mɩ̀ tɩ zawr'a na sɔw bɛ, a lɛn daar bɛ na tɩ yel k'ɩ̃ɩ faa bɛ a.

Malasɩ 1:10

Bʋ̃ʋ pãa ɩ, a nyɩ kãw kʋ̃ tʋ̃ɔ́ nyɔw a ɩ̃ yir-kpɛ̃ɛ pamɛ pàw, kɛ̀ nyɩ ta gbɔwr vũu a ɩ̃ bàwr-maal-kuur zu zawlalɛ a? Bʋ̃ʋ n'ʋ vɛ̃, a ɩ̃ pʋɔ bɛ pɛlɩ a nyɩ ƴãw ɛ, kʋraa! Ɛ́ a nyɩ de-kʋ̀b bome nyɩ na ture cɔwr mɛ̃ a, bɛ nʋmɛ a ɩ̃ zie ɩ, mãa n'ʋ yere kʋ̀rɛ nyɩ, mãa, a Sore Kpɛnʋ-za-sob.

Malasɩ 2:13

«À ŋá n'a nyɩ mɩ̀ cãà lɛb ɩrɛ: nyɩ mɩ́ kõ na cir mʋta-kʋ̃ɔ laarɩ a Sore bàwr-maal-kuur. Nyɩ mɩ́ kone na siwre nɩ, a Sore na bɛ cãà ŋmɛlɛ kaar a nyɩ de-kʋ̀b bome a ƴãw, ʋ na bɛ cãà sàwr dier a bome nyɩ na kʋ̀rɛ ʋ a.

Yel-wula 6:8

Ɩ̃ tɩ jɩ́r'a nyɛ̃ wur na sɔb mɛ̃ va-sɛbla a. A ʋ zɔmnɛ dɩ na kɛ́ Kũu, ɛ́ a kpɩmɛ tẽw tɩ tuur ʋ. Bɛ tɩ kʋ̀ a nɩ fãw a tẽw ziir anaar sob zu, k'aa kʋrɛ a nɩbɛ nɩ a zɛbr-sɔ-kpɛ̃ɛ, nɩ a kɔ̃, nɩ a bàal-faar nɩ a tẽw zu wɛ-dʋ̃-faar.