Zeremi 13:9 - A SƐB-SÕW

⁹ «À ŋá n'a a Sore yere: À ŋá n'a ɩ̃ na sãw a Zuda nyʋ̀ʋ́r bɛr, a Zerizalɛm nyʋ̀ʋ́r na bɛ dɩ vuo a bɛr.

Zeremi 13:9 ပူးပေါင်းရင်းမြစ်များ

Zʋkpaɩ 16:18

A pɔ̀lʋ waar'ɩ nɩ a yele sãwfʋ, ɛ́ a ɩrɛ mɛ̃ fʋ zuo nɩ za a waar'ɩ a loba.

Ɩzayi 16:6

Tɩ wõ n a Mowab pɔ̀lʋ yele, a ʋ pɔ̀l-ɩb na bɛ dɩ vuo a, a ʋ nyɔka-ɩb, ʋ na manɛ kɛ́ ʋlɛ n'ʋ bɛ wõ a, a ʋ pɔ-zawlɛ.

Ɩzayi 23:9

A Sore, a kpɛnʋ-za-sob'ʋ yel k'ʋʋ ɩ a nɩbɛ bɛ na ƴãwnɛ a pɔ̀l-ɩb baarɩ, k'ʋʋ siwri a tẽw zu nɩ-yée za.

Zeremi 13:8

A lɛ n'a a Sore tɩ ƴɛ̀r a ɩ̃ zie à ŋá:

Zeremi 25:18

Ɩ̃ tɩ tĩ nɩ nɩ a Zerizalɛm nɩ a Zuda tẽ-bɛrɛ, a na-mɩnɛ nɩ a bɛ tõ-tõ-bi-bɛrɛ. Ɩ̃ tɩ ɩ na a tẽ-bɛrɛ á ŋá lɩɛbɩ deboru, zie na kpɛ faa bɛ mɩ́ nyɛ̃ ŋmɛ pʋl-vʋ̃ɔ cɛlsɩ, ɛ́ a ŋmɛ-ƴãw pʋɔ bɛ mɩ́ de a man nɩ a. Alɛ n'a ɩrɛ a dɩ̃a.

Zeremi 48:29

Tɩ wõ n a Mowab pɔ̀lʋ yele. Nyɛ̃ pɔ̀l-ɩb na sɛw a! Nyɛ̃ nyɔka-ɩb a! Nyɛ̃ pɔ̀l-ɩb a! Nyɛ̃ ʋ na manɛ kɛ́ ʋlɛ n'ʋ bɛ wõ a! Nyɛ̃ ʋ na tɩɛrɛ k'ʋʋ zuo nɩ nɩr za a!

Ezekɩɛl 16:50

A wa tɩ ɩrɛ nɩ pɔ̀lʋ̀ ɛ́ maalɩ yele na bɛ maal'ɩ wob a, a ɩ̃ niŋé. Lɛ n'a ɩ̃ ɩ a bɔr mɛ̃ fʋ na bãw a.

Ezekɩɛl 16:56

A lɛn daar fʋ na tɩ pɔrɛ a, fʋ tɩ ƴɛ̀rɛ na jewre nɩ a Sodɔm.

Levitɩ mɩnɛ 26:19

Ɩ̃ na ɩ na a nyɩ kpɛnʋ pɔ̀l-ɩb baarɩ, ɩ̃ na ɩ na a nyɩ salom kpɛmɛ mɛ̃ kure a, ɛ́ a nyɩ tẽsɔwr kpawlɩ kpɛmɛ mɛ̃ kur-zɩɛ a.

Nahum 2:2

Nɩnɩɩvʋ tẽw i, zɛbr-nɩbɛ dúor'a waar a fʋ ƴãw. Sojarɩ ɩ, nyɩ gù a zɛbr-yir-kpɛn, nyɩ piwre a sɛ́ɛ, nyɩ cɔbrɩ nyɩ tʋɔra a zɛbr ƴãw, nyɩ ƴãw a nyɩ fãw za.

Sofoni 3:11

«A ʋlɩ bibir nɛ a, ɩ̃ nɩbɛ ɛ, a nyɩ ɩ-faar za nyɩ na ɩ a vĩ kʋ̃ cãà ɩrɛ nyɩ ɛ, a yel-bebe nyɩ na maalɩ sãw mɛ̃ a. Bʋ̃ʋ n'ʋ vɛ̃, a bɛlɩ dem za a pɔ̀lʋ na kʋrɛ a, ɩ̃ na ír bɛ nɩ a nyɩ pʋɔ a lɛn daar, ɛ́ nyɩ kʋ̃ cãà ɩrɛ nyɔka-ɩb a ɩ̃ tã-sõw zu ɛ.

Luka 18:14

Mãa n'ʋ yere kʋ̀rɛ nyɩ, a zuru-yar-diere ŋa tɩ páw nɩ a vɩɛlʋ lɛb siw kul'ɩ a ʋ yir, ɛ́ bɛr a Faarizɩ̃ɛ. Sob nɛ za na zɛwr ʋ tʋɔra a, bɛ na siwr'ʋ na, ɛ́ sob nɛ za na siwre ʋ tʋɔra a, bɛ na zɛw ʋ na.»

Zakɩ 4:6

Ɛcɛ a maalʋ a Naaŋmɩn na kʋ̀ tɩ a ɩ n kpɛ̃ɛ zuo lɛ. Bʋ̃ʋ n'ʋ vɛ̃, bɛ mɩ̀ cãà na lɛb yel: «A Naaŋmɩn mɩ́ ba n gbɛ́r a pɔ̀lʋ dem niŋé, ɛ́ maalɩ a su-siwri dem.»

1 Pɩɛr 5:5

Lɛ mɩ̀ n'a, a nyɩɩm pɔ́lɛ́, nyɩ mɩ̀ sàwr a bɛlɩ dem na ɩ bɛrɛ a nyɩ ƴãw a nʋɔr. Ɛ́ a nyɩ za a, nyɩ siwre nyɩ tʋɔra a nyɩ ɩ-ɩrɩ pʋɔ, bʋ̃ʋ n'ʋ vɛ̃, bɛ sɛb'a: «A bɛlɩ dem na zɛwr bɛ tʋɔra a, Naaŋmɩn bɛ mɩ́ de a bɛ yele ɩ, ɛcɛ a bɛl na siwre bɛ tʋɔra a, ʋ mɩ́ kʋ̀ bɛ nɩ a ʋ maalʋ.»