Zeremi 13:27 - A SƐB-SÕW

²⁷ Aa! a fʋ pɩ̃ɔ ɩ-ɩrɩ, a dɛb vʋla kon, a fʋ pɔw-yɛm vĩ tome! Ɩ̃ nyɛ̃ nɩ a za vla a tãli zu nɩ a póru pʋɔ, a fʋ tɩb-faar faar! Bʋnʋ baw-bio n'a Zerizalɛm i, fʋ bɛ bɔbr kɛ́ fʋ so a fʋ dɛwr bɛr ɛ! Debor'a a na cãà cɛlɩ tɩ ta?»

Zeremi 13:27 ပူးပေါင်းရင်းမြစ်များ

Sɛb-sõw yielu 94:4

Bɛ mɩ́ tɛr'ɩ pɔ̀l-ƴɛ̀rʋ, ƴɛ̀rɛ nyɔka-ƴɛ̀rʋ, bɛ mɩ́ pɔrɛ na, a nɩbɛ bɛ ŋa za na ɩrɛ faa a.

Sɛb-sõw yielu 94:8

Nyɩ wone, nyɩɩm na gem tɩ maal zuo a! Dãbole bɛ ŋa, debor'a nyɩ na bãw a yã?

Zʋkpaɩ 1:22

«A nyɩɩm na bɛ bãw bom za a, debor'a nyɩ na nɔ̃w a nyɩ bom bɛ-bãwfʋ tɩ ta? A nyɩɩm nɩ-ɩ-laarbɛ, debor'a nyɩ na ɩ m la tɩ ta? A nyɩɩm dãbole, debor'a nyɩ na zawrɩ a bãwfʋ bɛr tɩ ta?

Ɩzayi 57:7

Fʋ mɩ́ bin nɩ a fʋ gado tãw za na kɛrɩ a zu. Ɛ́ a be n'a fʋ mɩ́ do kɛ́ fʋ tɩ maalɩ a bàwr.

Ɩzayi 65:7

a bɛ sãwna san vla vla, lãwnɩ a bɛ sãàkʋm-kore dem. A bɛ sãàkʋm-kore nyɩw nɩ parfɛ̃ a tan zu, ɛ́ ɩ m la a tãli zu. A na ɩ à ŋá a, ɩ̃ na ɩ na bɛ ya a koro za ɩ-ɩrɩ san vla vla. A mãa, a Sore, mãa n'ʋ yere.

Zeremi 11:15

«A nɩ-bʋʋrɛ, a mãa, a Sore, na nɔnɛ a maalɛ nɩ a bɛ pʋ-tɩɛr-faar. Bʋ̃ʋ n'ʋ bɛ wa ɩrɛ a ɩ̃ yir pʋɔ? A nɛ́ɛ bɛ na kone kʋ̀rɛ mɛ̃ a nɩ a bàwr-maal-nɛnɛ a, a na tʋ̃ɔ́ na ɩ a kpɩɛrʋ zãá nɩ bɛ bɩɩ? À ŋá n'a bɛ na tʋ̃ɔ́ nɩɩrɩ ʋ bɛr bɩɩ?

Zeremi 3:6

A nãà Zozɩasɩ daar a, a Sore tɩ yel mɛ̃ na: «Fʋ nyɛ̃ nɩ a ʋlɩ bom nɛ a Ɩsɩrayɛl a tɩɛrʋ na lɩɛbɛ a na ɩ a? Ʋ do n tãw za na kɛrɩ a zu, ʋ cen nɩ tɩ-zimpiri za pile tɩ tõ a pɔw-yɛm tome a be.

Ezekɩɛl 16:23

A faa al za fʋ na wa maalɩ baar'a, fʋ̃ʋ n'ɩ ŋan be kpɩɛrʋ pʋɔ. Sɩza, nyɛ̃ kpɩɛrʋ na tɛr fʋ a! A mãa Sore Naaŋmɩn n'ʋ yere.

Ezekɩɛl 2:10

Ʋ tɩ dɔl ʋ nɩ a ɩ̃ niŋé: bɛ tɩ sɛb'a ƴãw a pʋ̃ɔmɩ nɩ a zikurí. A sɛbrʋ tɩ ɩ n kpɩɛrʋ kon, 'woi 'woi nɩ cɛlsɩ.

Ezekɩɛl 20:28

Ɩ̃ tɩ tɛr bɛ na cen nɩ a tẽw ʋl ɩ̃ na tɩ pɔ yel k'ɩ̃ɩ na kʋ̀ bɛ na a pʋɔ. A be a, bɛ tɩ nyɛ̃ nɩ a tãli nyɛɛ na ɩ tɩɩr na tɛr váar zimpiri zimpiri a, ɛ́ tɩ maalɩ a bɛ bagɛ. Bɛ tɩ ɩ n a ɩ̃ suur ìr nɩ a bʋ̃-kʋ̀rɩ, a de-kʋ̀b bome a nyũu na ɓãanɛ suur, nɩ a divɛ̃ de-kʋ̀b bɛ na tɩ dier tɩrɛ a.

Ezekɩɛl 24:12

Ɛcɛ à á ŋá za ɩ n zawla. A bazɩ̃ɩ á ŋá za bɛ bɔrɛ a vũumí ɛ.

Ezekɩɛl 24:13

Zerizalɛm i, fʋ ɩ n dɛwr sob fʋ na bʋnɩ vʋʋrɩ sãsaralɛ a ƴãw. Ɩ̃ tɩ bɔbr'a k'ɩ̃ɩ ɩ fʋ vɩɛl, ɛcɛ fʋ bɛ sàw ɛ. A na ɩ lɛ a, fʋ kʋ̃ lɛb tʋ̃ɔ́ vɩɛl ɛ, ɛ́ gù a ɩ̃ su-tʋlʋ kpãkpã tɩ ìr a fʋ ƴãw.

Ezekɩɛl 24:6

À ŋá n'a a mãa Sore Naaŋmɩn yere: Wahala wɛ, a tẽ-nɩ-kʋrɛ ƴãw! Ʋ ŋmɛ̃ na mɛ̃ daasɩ̃ɛ na lo bazɩ̃ɩ bɛ kʋ̃ tʋ̃ɔ́ pɛ́w a. Wɩl a nɛ̃-gbile za, been been, ɛ́ ta ŋmɛ gbãw kaa ír ɛ.

Ezekɩɛl 36:25

Ɩ̃ na cir'ɩ kʋ̃ɔ-walwal ƴãw nyɩ, ɛ́ nyɩ na vɩɛl'a. Ɩ̃ na pɛ́w nɩ a nyɩ dɛwr za a yi, ɛ́ ír a nyɩ tɩbɛ za bɛr nyɩ.

Ezekɩɛl 36:37

À ŋá n'a a mãa Sore Naaŋmɩn yere: Ɩ̃ na lɛb'a bɛr a Ɩsɩrayɛl nɩbɛ bɛ bʋɔlɛ mɛ̃ k'ɩ̃ɩ wa sõw bɛ, ɩ̃ɩ na sɔw bɛ na, ɩ bɛ yãwmɛ mɛ̃ zaw dʋn a.

Ezekɩɛl 6:13

A bɛ kũuni na yɛ́r a pàw a tẽsɔw a bɛ ŋmɩmɛ sɔgɔ, ɛ́ viiri koli a bɛ bàwr-maal-kube, a tan nɩ a tãli nyɛɛ zu, a tɩ-va-ɓaar na tɔm zimpiri a sɔgɔ, nɩ a ziir al za bɛ na mɩ́ maalɩ bagɛ kʋ̀ a bɛ ŋmɩmɛ a. Lɛ n'a ŋa za na sàw k'ɩ̃ɩ ɩ n a Sore.

A naaŋmɩn-ƴèr-manɛ Oze sɛbɛ 1:2

A ƴɛ̀rʋ a Sore na ƴãw a Oze ƴɛ̀r kʋ̀ a ʋ nɩ-bʋʋrɛ a tib zie n'ɩ a ka. A Sore tɩ yel'ɩ a Oze: «Cen tɩ de ŋmɩmɛ maalʋ-ziir pɔw-yɛm, dɔw nɩ ŋmɩmɛ maalʋ-ziir pɔw-yɛm bibiir. Bʋ̃ʋ n'ʋ vɛ̃, a tẽw nɩbɛ na zawrɩ a mãa Sore bɛr a, pɔw-yɛm ɩ-ɩrɩ tɛɛ za n'a bɛ ɩrɛ.»

A naaŋmɩn-ƴèr-manɛ Oze sɛbɛ 4:2

Ɛ́ ŋmɛ-ƴãw-taa nɩ ziri nɩ nɩ-kʋ nɩ nyãnyuwlu nɩ pɩ̃ɔ-yele pãa pàw a ziir za. Bɛ kʋrɛ nɩ a nɩbɛ suwle taa.

A naaŋmɩn-ƴèr-manɛ Oze sɛbɛ 8:5

Samaari tẽw dem i, a nyɩ nadele ɩrɛ mɛ̃ nɩ kɔkɔrʋ. Nyɩ ɩ na a ɩ̃ suur ìr. Debor'a a na tɩ ta, nyɩ na kʋ̃ tʋ̃ɔ́ bɛ tɛr a sãwna a?

Sofoni 3:1

'Woi! Tẽ-kpɛ̃ɛ-gaara a, tẽ-kpɛ̃ɛ-dɛwr na paalɩ po-to-fãw dem a!

Matie 11:21

«We ãɩ, Korazin i! We ãɩ, Bɛtɩsayida a! A nɔ-ɓãa-yele na sɩrɩ maalɩ a nyɩ zie a, alɛ tɩ maalɩ Tɩ́ɩ̀r nɩ Sɩdɔ̃ a, koro za n'a a bɛ nɩbɛ nãá lɩɛbɩ a bɛ ɩb, su vʋɔrɩ kparɩ ŋmɛ n tãpɛlʋ.

2 Korɛ̃tɩ 12:21

Ɩ̃ zɔrɛ nɩ dɛ̃bɩ̃ɛ ɩ̃ nãà lɛb wa a be, a ɩ̃ Naaŋmɩn wa ɩ ɩ̃ nyɛ̃ vĩ a nyɩ niŋé, ɛ́ a fɛr k'ɩ̃ɩ kõ a nyɩ yaga ƴãw a, a bɛl na dãw maalɩ a yel-bier ɛ́ bɛ lɩɛbɩ a bɛ ɩb so a bɛ dɛwr bɛr, ɛ́ bɛ zawrɩ a pɩ̃ɔ-yele nɩ a faalʋ bɛr a.

2 Korɛ̃tɩ 7:1

Ɩ̃ nɩ-nɔnɩ i, à á ŋá za a Naaŋmɩn na yel k'ʋʋ na ɩ na kʋ̀ tɩ a zũú, nyɩ ɩ a tɩɩm tɛɛ za so a dɛwr za na dɛwr a ƴã-gan nɩ a sɩ́ɛ a, tɩ so a za bɛr, ɛ́ ƴãw fãw ɩ nɩ-son ƴãwnɛ a Naaŋmɩn.

Zakɩ 4:4

Naaŋmɩn bɛlbɛlbɛ bɛ ŋa! Nyɩ bɛ bãw kɛ́ nɩr wa ɩ a tẽ-daa bá a, ʋ mɩ́ lɩɛb'ɩ a Naaŋmɩn dɔ̃ sob ɛ? Lɛ so, ʋlɩ sob wa bɔbr k'ʋʋ ɩ a tẽ-daa bá a, ʋ mɩ́ lɩɛb'ɩ Naaŋmɩn dɔ̃ sob.

Yel-wula 8:13

Ɩ̃ tɩ nyɛ̃ na ɛ́ wõ sɩla na laarɛ a saa-zu za a, ʋ yere kpɛ̃w kpɛ̃w za: «Zu-bio! Zu-bio! Zu-bio n'a a tẽw zu dem ƴãw, a lɛn daar a malkɩ mɩnɛ ata na cɛ a nãà wa pɛblɩ a bɛ wɩɩr a!»