Zeremi 12:7 - A SƐB-SÕW

⁷ «Ɩ̃ zawrɛ nɩ a ɩ̃ yir bɛrɛ, ɩ̃ tɩ̀ɛrɛ nɩ a ɩ̃ bom ɩ̃ na tɩ so a bɛrɛ. A ʋlɩ bom ɩ̃ na tɩ nɔnɛ nɩ a ɩ̃ pʋɔ za a, ɩ̃ dier ʋ na ƴãwnɛ a dɔ̃ dem nuru pʋɔ.

Zeremi 12:7 ပူးပေါင်းရင်းမြစ်များ

2 Na-mɩnɛ 21:14

Ɩ̃ na jɛ n a ɩ̃ nɩ-bʋʋrɛ nɩbɛ bɛl na cɛ a bɛr, ɩ̃ na ƴãw bɛ nɩ a bɛ dɔ̃ dem nuru pʋɔ, bɛ za a bɛ tẽw, fá n a bɛ bome za.

Sɛb-sõw yielu 106:40

Lɛ n'a a Sore tɩ nyɛ̃ nɩ a ʋ nɩ-bʋʋrɛ suur yaga, ɛ́ bɛ tɩ cãà nɔnɛ a nɩbɛ ʋ na so a yele ɩ.

Sɛb-sõw yielu 78:62

Ʋ tɩ nyɛ̃ nɩ nɩ a nɩbɛ ʋ na so a suur, lɛ n'a ʋ tɩ zawrɩ a ʋ nɩbɛ bɛr bɛ kpi a sʋɔ kũu.

Ɩzayi 2:6

Sore e, fʋ zawr'ɩ a fʋ nɩ-bʋʋrɛ bɛr, a Zakɔb yir dem. Bʋ̃ʋ n'ʋ vɛ̃, a Saa-pɛrɩ́ bàwr-bʋwrbɛ paal'ɩ a bɛ tẽw. A tɩtɩlbɛ yãwmɛ na man a Filisɩtɛ̃ mɩnɛ. A fʋ nɩ-bʋʋrɛ maalɛ nɩ yɛ̀rʋ́ nɩ a nɩ-sãanbɛ.

Zeremi 11:15

«A nɩ-bʋʋrɛ, a mãa, a Sore, na nɔnɛ a maalɛ nɩ a bɛ pʋ-tɩɛr-faar. Bʋ̃ʋ n'ʋ bɛ wa ɩrɛ a ɩ̃ yir pʋɔ? A nɛ́ɛ bɛ na kone kʋ̀rɛ mɛ̃ a nɩ a bàwr-maal-nɛnɛ a, a na tʋ̃ɔ́ na ɩ a kpɩɛrʋ zãá nɩ bɛ bɩɩ? À ŋá n'a bɛ na tʋ̃ɔ́ nɩɩrɩ ʋ bɛr bɩɩ?

Zeremi 14:19

«Sore e, fʋ sɩrɩ na lɔb a Zuda bɛr bɩɩ? A Sɩyɔ̃ vʋla baar'ɩ a fʋ zie e? Bʋ̃ʋ n'ʋ so fʋ ƴãw tɩ bàalʋ na bɛ tɛr sanʋ a? Ƴã-ɓaarʋ n'a tɩ tɩ gùre, ɛcɛ bʋ̃-vla kãw za bɛ wa wa ɩ. Tɩ tɩ gù n a sanʋ daar, ɛcɛ dɛ̃bɩ̃ɛ n'a wa wa.

Zeremi 17:4

A na fɛr'a kɛ́ nyɩ bɛr a tẽw nyɩ na so a, a ʋl ɩ̃ na tɩ kʋ̀ nyɩ a. Ɩ̃ na ɩ na nyɩ ɩ a nyɩ dɔ̃ dem gbãgbaar tẽ-yũo nyɩ na bɛ bãw a pʋɔ. Bʋ̃ʋ n'ʋ vɛ̃, nyɩ ɩ na a ɩ̃ suur vũu 'le, ɛ́ na dɩrɛ kʋralɛ.»

Zeremi 22:5

Ɛcɛ nyɩmɛ bɛ wa bɛrɛ wone a ƴɛ̀rʋ á ŋá a, à ŋá n'a a mãa, a Sore, yere: ɩ̃ pɔrɛ nɩ nɩ a mãa mɩŋa, a yir ŋa na lo na lɩɛbɩ kʋsɛbɛ na gbõ taa a.»

Zeremi 23:33

A Sore yel'ɩ a Zeremi: «Naaŋmɩn-ƴɛ̀r-manɛ, bɩɩ bàwr-maalɛ, bɩɩ nɩ-sãsaralɛ wa sowri fʋ: “A Sore ƴɛ̀rʋ n'ɩ buor? Tuor-buor'ʋ ʋ tuo tɩ a?” Fʋ na sɔw na: “Nyɩmɛ nɛbɛ ɩ tuor, ɩ̃ɩ na tow nyɩ na bɛr.”

Zeremi 23:39

Ɩ̃ na tuo nyɩ na mɛ̃ tuor a, ɩ̃ɩ na lɔb nyɩ na bɛr a ɩ̃ niŋé nyɩ zãá, a nyɩɩm nɩ a tẽw ʋl ɩ na kʋ̀ nyɩ, a nyɩɩm nɩ a nyɩ sãàkʋm-kore a.

Zeremi 51:5

Bʋ̃ʋ n'ʋ vɛ̃, a bɛ tẽw paal'ɩ a sãwfʋ bɛ na ɩ sãw a Ɩsɩrayɛl Naaŋmɩn na ɩ sõw a. Ɛcɛ a Ɩsɩrayɛl nɩ a Zuda bɛ bɔr a bɛ Naaŋmɩn, a Sore kpɛnʋ-za-sob, bɛr ɛ.

Zeremi 7:14

Nyɩ ƴãw nɩ a nyɩ tɩɛrʋ a Ŋmɩn-yir-kpɛ̃ɛ ŋa ƴãw. Mãa so ʋ, ɛ́ kʋ̀ nyɩ, nyɩɩm nɩ a nyɩ sãàkʋm-kore. A na ɩ à ŋá a, ɩ̃ na ɩ n a zie ŋa mɛ̃ a lɛ ɩ̃ na tɩ ɩ a Silo zi-sõw a.

Zeremi 7:29

A Sore yere na: «Zuda tẽw nɩbɛ ɛ, nyɩ ŋma a nyɩ zukɔbr-wowr na wule kɛ́ mãa so nyɩ a. Nyɩ lɔb a bɛr. Nyɩ kone lãw-mʋɔlɛ a tãli-kpalɩ zu. Nyɩ ɩ n nɩ-bʋʋrɛ na ɩ a ɩ̃ suur ìr a, ɩ̃ bɛ lɛb bɔbr nyɩ ɛ, ɩ̃ lɔbr nyɩ na bɛrɛ.»

Ezekɩɛl 24:21

a nyɩɩm Ɩsɩrayɛl nɩbɛ: “A mãa Sore Naaŋmɩn, ɩ̃ na bɛr'a bɛ dɛw a ɩ̃ zi-sõw bɛr. Ɛcɛ, ʋ ɩ n a nyɩ dɛpaal bom, ʋ ɩ n a nyɩ mimie nʋ̃ɔ̀, ɛ́ ɩ a nyɩ nyɔ-vʋʋrʋ tɩɛrʋ bom. Bɛ na kʋ n a nyɩ bidɛbr nɩ a nyɩ pɔwyaar nyɩ na bɛr a Zerizalɛm a nɩ zɛbr-sɔ-kpɛ̃ɛ.

A naaŋmɩn-ƴèr-manɛ Oze sɛbɛ 11:1

À ŋá n'a a Sore yere: «A Ɩsɩrayɛl na tɩ ɩ pɔlbile a, ɩ̃ tɩ nɔ̃w ʋ na, ɩ̃ɩ tɩ bʋɔl'ɩ a ɩ̃ bie na tɩ be a Eziptɩ tẽw a.»

A naaŋmɩn-ƴèr-manɛ Oze sɛbɛ 9:15

A Sore yel'a ƴãw pʋɔ: «Gilgal'a a bɛ faalʋ za sãá. Be n'a ɩ̃ tɩ hɩ̃ɛn bɛ. A bɛ faalʋ zũú, ɩ̃ na diw bɛ na bɛr a ɩ̃ yir, ɩ̃ kʋ̃ cãà nɔnɛ bɛ ɩ, a bɛ niw-dierbɛ za gaarɩ na.

Zowɛl 2:15

Nyɩ pɛblɩ wɩ́ɛ a Sɩyɔ̃ tẽw pʋɔ, nyɩ ƴãw mʋta-tuo be be, nyɩ tɛr kpaa-ta-sõw.

Zowɛl 3:2

A alɩ bibie nɛ a, ɩ̃ na ƴãw nɩ a ɩ̃ Vʋʋrʋ a tõ-tõ-biir tɛɛ za, a dɛbr nɩ a pɔwbɛ.

Luka 21:24

A bɛ dɔ̃ dem na kʋ n bɛ mɩnɛ nɩ zɛbr-sɔ-bɛrɛ, ɛ́ nyɔw a bɛ ŋmaarɛ cen nɩ a nɩ-bʋʋr-yoru za sɔgɔ. A tɩbɛ dem na ŋmɛr'ɩ a Zerizalɛm bɛr cʋmcʋm, ɛ́ gù a tɩbɛ dem naalʋ tɩ baarɩ.»

Wulu-ayi-sob 33:12

A Bɛ̃zamɛ bʋʋrɛ ƴãw a, a Moyiir tɩ yel'a: «Bɛ̃zamɛ, a dɔwlʋ a Sore na nɔnɛ a n'ʋ, ʋ kpɩɛr'ɩ a ʋ zie, ɛ́ bom za bɛ damnɛ ʋ ɛ. A ʋ Naaŋmɩn gùre ʋ nɩ kʋralɛ, ɛ́ kpɩɛr a ʋ tãli sɔgɔ.»