Zeremi 12:4 - A SƐB-SÕW

⁴ Debor'a a tẽw na be a wahala pʋɔ tɩ ta? Debor'a a póru na ko gã tɩ ta? A dʋn nɩ a lili za kpiir'a, a tẽw dem ɩ-faar zũú. Bɛ yere na: «Zeremi kʋ̃ cãà be nyɛ̃ a lɛ a na ŋmɛ̃ tɩ a ɩ.»

Zeremi 12:4 ပူးပေါင်းရင်းမြစ်များ

Sɛb-sõw yielu 107:34

tẽsɔw na vɩɛl a, ʋ lɩɛbɩ tẽsɔw na kpɛ zɩ̃ɛ a, a tẽw dem ɩ-faar zũú.

Sɛb-sõw yielu 50:21

À ŋá n'a fʋ ɩrɛ, ɩ̃ɩ na ɩ gbili i? Fʋ tɩ́ɛrɛ k'ɩ̃ɩ ŋmɛ̃ na mɛ̃ a fʋ̃ʋ a bɩɩ? Ɩ̃ na yere fʋ na, ɛ́ manɩ a fʋ sãwna za a fʋ niŋé.

Ɩzayi 24:4

A tẽw tɛr'ɩ wahala, ʋ sãwnɛ na cere. A tẽ-daa za kpiir a, ʋ sãwnɛ na cere. A salom mɩ̀ lãw nɩ nɩ a tẽw kpiir.

Ɩzayi 24:6

Alɛ so a Naaŋmɩn ŋmɛ-ƴãw báarɛ a tẽw, ɛ́ a nɩbɛ na kpɩɛr ʋ a nyɛ̃ a dɔwrʋ. Bɛ kpi na ɛ́ tɩ cɛ zaa pʋrɩ.

Zeremi 12:11

Bɛ ɩ ʋ na ʋ lɩɛbɩ zie na ɩrɛ nɩbaalʋ a. Ʋlɛ n'ɩ ŋan a ɩ̃ niŋé bɛ tɛr ŋmɛ̃a ɩ, ɩrɛ nɩbaalʋ. A tẽw za ɩrɛ nɩ nɩbaalʋ, ɛ́ a bɛ ɩrɛ nɩr kãw za bom ɛ.»

Zeremi 14:2

«A Zuda nɩbɛ be n wahala pʋɔ, a ʋ tẽ-bɛrɛ fãw siwre na. Bɛ be n pʋ-sãwna kpɛ̃ɛ pʋɔ, bɛ zɩ̃ n tẽw, a Zerizalɛm cɛlsɩ dúor'ɩ saa.

Zeremi 23:10

«A tẽw paal'ɩ pɩ̃ɔ-yel-maalbɛ. A faa maalʋ ƴãw n'a bɛ mɩ́ zɔrɛ, bɛ tɛr'ɩ kanyir a yele al na bɛ sɛwnɩ ɩb a ƴãw. A tẽw be n wahala pʋɔ ŋmɛ-ƴãw kãw zũú. A dʋn mʋ̃ɔ 'wɔbrʋ ziir ko n a za.»

Zeremi 4:25

Ɩ̃ jɩ́rɛ na: nɩsaalbɛ bɛ cãà be ɩ, ɛ́ a saa-zu lili za zɔ.

Zeremi 4:28

Alɛ so a tẽw be a wahala pʋɔ, ɛ́ a saa-zu, a lige pàw a salom. Bʋ̃ʋ n'ʋ vɛ̃, ɩ̃ yel'ɩ a lɛ ɩ̃ na tɩ yel k'ɩ̃ɩ na ɩ na a, ɩ̃ kʋ̃ lɩɛbɩ bɛr ɛ, ɛ́ ɩ̃ kʋ̃ lɛb pùor ɛ.

Zeremi 5:13

A naaŋmɩn-ƴɛ̀r-manbɛ ɩ n sɛsɛb! Naaŋmɩn bɛ ƴɛ̀r a bɛ zie ɩ. A faa ƴɛ̀rʋ bɛ na ƴɛ̀rɛ a, a lɛb lo a bɛ zu!»

Zeremi 5:31

A naaŋmɩn-ƴɛ̀r-manbɛ ƴɛ̀rɛ nɩ ŋmɩn-bɛlɛbɛlɛ yúor ƴãw, a bàwr-maalbɛ bɔbr'ɩ a bɛl yõ tɔnɛ, ɛ́ a ɩ̃ nɩbɛ nɔ̃w a lɛ. Ɛcɛ a yele baarʋ daar a, bʋ̃ʋ n'ʋ nyɩ na ɩ?»

Zeremi 7:20

Al zũú, nyɛ̃ a lɛ a Sore Naaŋmɩn na yere a: «A ɩ̃ su-tʋlʋ kpãkpã na ìr'ɩ a tẽ-kpɛ̃ɛ ŋa ƴãw, a nɩsaalbɛ, a dʋn, a póru pʋɔ tɩɩr nɩ a bome a tẽsɔw na mɩ́ tɩr a ƴãw. Ʋ na ɩ na mɛ̃ vũu na dɩrɛ bɛ tɛr kpiiru daar a.»

Zeremi 9:10

A Sore yere na: «Ɩ̃ na ɩ na a Zerizalɛm lɩɛbɩ kʋsɛbɛ na gbõ taa a, gbõgbo-cili gaa zie, ɛ́ ɩ a Zuda tẽ-bɛrɛ a lɩɛbɩ zie bom za na bɛ cãà be a, zie nɩr za na bɛ cãà kpɩɛr a.»

Zeremi 9:9

Ɩ̃ kone na ƴɛ̀rɛ nɩ a tan zu, ɩ̃ kone nɩ lãw-mʋɔlɛ a dʋn mʋ̃ɔ 'wɔbrʋ ziir ƴãw. Bʋ̃ʋ n'ʋ vɛ̃, a za dɩ n vũu, nɩr za bɛ cãà tɔlɛ a be ɩ. Bɛ bɛ cãà wone a dʋn kon a be ɩ. A lili nɩ a dʋn za zɔ na zãá, bom za bɛ cãà be ɩ.

A naaŋmɩn-ƴèr-manɛ Oze sɛbɛ 4:3

Alɛ n'a so a tẽw ko ʋ za, ɛ́ a ʋ nɩbɛ kõwne tɩ lãwnɩ a wɛ-dʋn nɩ a saa-zu lili. A kʋ̃ɔ-kpɛ̃ɛ zʋ́mɛ́ tɛɛ za kʋ̃ cãà ɩ.»

Zowɛl 1:18

Wone dʋn na kone a! A nĩi yaarɛ na gʋɔr a ziir za, bʋ̃ʋ n'ʋ vɛ̃, mʋ̃ɔ bɛ cãà be a na 'wɔb ɛ. A píir tɛɛ za mɩ̀ ɩrɛ nɩ wʋ̀ʋr.

Amɔsɩ 1:2

A Amɔsɩ tɩ yere na: «A Sore be n Sɩyɔ̃ tẽw ùore a yire, ʋ be n a Zerizalɛm tanɛ. A dʋ̃-cɩ̃ɩnbɛ dʋn mʋ̃ɔ 'wɔbrʋ ziir lɩɛb'ɩ wahala ziir, ɛ́ a Karmɛl tãw nyʋɔr ko ʋ za.»

Habakukɩ 3:17

A kãkã-tɩɩr bɛ cãà pure ɩ, a divɛ̃ tɩɩr bɛ wɔnɛ ɩ, a olivʋ tɩɩr bɛ tɛr wɔm kãw za ɩ. A póru bɛ cãà tɛr bʋ̃-dɩra kãw za ɩ. Píir bɛ cãà a píir zaw pʋɔ ɩ. Nĩi mɩ̀ bɛ cãà a nazawr pʋɔ ɩ.

Zakari 1:12

Lɛ n'a a Sore malkɩ tɩ lɛb yel: «Sore Kpɛnʋ-za-sob i, yome lɩz'a ata nɩ pie n'ɩ à ŋá fʋ na nyɛ̃ nɩ a Zerizalɛm nɩ a Zuda ten al na cɛ a, suur a. Debor'a fʋ na zawrɩ na zɔ a nɩbaalʋ tɩ ta n?»

Ʋrɔm 8:22

Tɩ bãwnɩ a na, wa tɩ tɔ a ƴɛrɛŋa a, a Naaŋmɩn bʋ̃-íri za cãà na kone ɛ́ wone 'wɔbrʋ mɛ̃ pɔw na dɔwr a.