Zeremi 12:14 - A SƐB-SÕW

¹⁴ À ŋá n'a a Sore yere cáarɛ nɩ a ɩ̃ nɩ-bʋʋrɛ kpɛ-pɩɛl dem na kpɛ faa a: «Bɛ tɔ n a bom ɩ̃ na so a, a zie ɩ̃ na kʋ̀ a ɩ̃ nɩ-bʋʋrɛ Ɩsɩrayɛl a. Ɩ̃ na ír bɛ nɩ a bɛ tẽsɔw zu, ɛcɛ ɩ̃ mɩ̀ na ír'ɩ a Zuda tẽw nɩbɛ a bɛ sɔgɔ.

Zeremi 12:14 ပူးပေါင်းရင်းမြစ်များ

Sɛb-sõw yielu 105:15

Ʋ mɩ́ tɩ yere na: «Nɩr za taa tʋɔr a ɩ̃ nɩ-kabrɩ ɛ, nɩr taa ɩrɛ a kpɩɛr a ɩ̃ ƴɛ̀r-manbɛ ɩ!»

Sɛb-sõw yielu 106:47

Sore tɩ Naaŋmɩn i, faa tɩ, lɛb bʋɔlɩ tɩ a nɩ-bʋʋr-yoru sɔgɔ wa ɓã taa, tɩ tʋ̃ɔ́ íre a fʋ yo-sõw, ɛ́ danɛ fʋ nyʋʋr'ɩ.

Zeremi 2:3

Ɩsɩrayɛl i, mãa yõ tɩ so b mɛ̃ a bʋ̃-dieri bʋ̃-dan a. Bɛlɩ dem za na mɩ́ tɩ tʋɔr fʋ a, mãa nɩ bɛl mɩ́ tɩ nɛbɛ! Faa mɩ́ tɩ páw bɛ nɩ daadaalɛ. À à ŋá n'a a Sore yel.

Zeremi 25:9

ɩ̃ na tõ na bɛ tɩ bʋɔlɩ a Saa-pɛrɩ́-gʋba-lowr nɩbɛ za, lãwnɩ a ɩ̃ tõ-tõ-bie, a Nabikodonozɔɔr, a Babɩlɔn tẽw nãà. Ɩ̃ na ɩ na bɛ wa a tẽw ŋa nɩ a ʋ nɩbɛ nɩ a tẽ-kpɔwlɩ za na viiri koli ʋ a ƴãw. Ɩ̃ na kʋ nyɩ na pàw pɛr, a bɛl nɩ a nyɩɩm, ɩ̃ɩ na ɩ n a tẽw ŋa yie lɩɛbɩ deboru gã kʋralɛ, bɛ mɩ́ nyɛ̃ ŋmɩɛr pʋl-vʋ̃ɔ cɛlsɩ.

Zeremi 3:18

A lɛn daar a, a Zuda tẽw nɩbɛ na cen na tɩ páw a Ɩsɩrayɛl nɩbɛ, ɛ́ bɛ za ɓã taa yi a saa-pɛrɩ́-gʋba-lowr tẽw wa a tẽw ʋl ɩ̃ na kʋ̀ a bɛ sãàkʋm-kore k'ʋʋ ɩ a bɛ sób a pʋɔ.»

Zeremi 32:37

Ɩ̃ tɩ nyɛ̃ nɩ nɩ a ʋ nɩbɛ suur faa faa. Lɛ n'a ɩ̃ tɩ diw bɛ yaarɩ ziir za, tẽ-yaga pʋɔ. Ɛcɛ, ɩ̃ na lɛb'a ɓã bɛ taa, ɩ̃ na lɛb'a tɛr bɛ wa n a ka, wa ɩ bɛ ɓãa ƴãw kpɩɛr.

Zeremi 48:1

A Mowab tẽw ƴãw. À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: «Nyɛ̃ kpɩɛrʋ na páw a Nebo tẽw a, bɛ sãw ʋ na bɛr! Nyɛ̃ vĩ na nyɔw a Kiriyatayim tẽ-kpɛ̃ɛ a, bɛ zɛb'a de ʋ! Nyɛ̃ vĩ na nyɔw a zɛbr-yir-kpɛ̃ɛ ŋa a, ʋ lo na!

Zeremi 48:47

Ɛcɛ, a Sore yere na: «Bibir kãw a, ɩ̃ na lɛb'a maalɩ a Mowab tẽw ƴãw.» A ƴɛ̀rʋ a Sore na dɩ n a Mowab yel a, tɛwfʋ zie n'ɩ a ka.

Zeremi 49:1

Ƴɛ̀rʋ na càarɩ a Amɔ̃ tẽw dem a. À ŋá n'a a Sore yere: «A Ɩsɩrayɛl bɛ tɛr bidɛbr bɩɩ? Ʋ bɛ tɛr gbã-dɩrbɛ bɩɩ? Bʋ̃ʋ n'ʋ so a ŋmɩn Mɩlkɔm de a Gadɩ tẽw, ɛ́ a ʋ nɩbɛ kpɩɛr a tẽw tẽ-bɛrɛ?»

Zeremi 49:7

Ƴɛ̀rʋ na ƴɛ̀r càar'ɩ Edɔm tẽw a. À ŋá n'a a Sore, a kpɛnʋ-za-sob, yere: «A yã-bãwfʋ bɛ cãà a Teman tẽw pʋɔ bɩɩ? A nɩbɛ na tɛr yã a, yã bɔr'a bɩɩ? A yã-bãwfʋ sãw na bɩɩ?

Ezekɩɛl 28:25

A mãa Sore Naaŋmɩn yere na: Ɩ̃ na ɩ n a Ɩsɩrayɛl nɩbɛ bɛ yi a nɩ-bʋʋrɛ bɛl sɔgɔ ɩ̃ na diw bɛ yaarɩ a, lɛb wa ɓã taa, ɛ́ à à ŋá n'a ɩ̃ na wul a nɩ-bʋʋrɛ bɛl na cɛ a, kɛ́ mãa n'ɩ a Naaŋmɩn na ɩ sõw a. A Ɩsɩrayɛl nɩbɛ na kpɩɛr'ɩ a bɛ tẽw, a ʋl ɩ̃ na kʋ̀ a ɩ̃ tõ-tõ-bie Zakɔb a.

Ezekɩɛl 28:26

Bɛ na vʋʋrɛ nɩ a be nɩ ƴã-ɓaarʋ, bɛ na mɛ n yie ɛ́ sɛl divɛ̃ tɩɩr. Bɛ na vʋʋrɛ nɩ nɩ ƴã-ɓaarʋ, bʋ̃ʋ n'ʋ vɛ̃, ɩ̃ na dɔwr'ɩ a bɛ kpɛ-pɩɛl dem za nãà wa ɩ bɛ la a. Lɛ n'a bɛ na bãw kɛ́ mãa n'ɩ a Sore, a bɛ Naaŋmɩn.»

Ezekɩɛl 36:24

Bʋ̃ʋ n'ʋ vɛ̃, mãa wa tɛr nyɩ yi n a nɩ-bʋʋrɛ sɔgɔ nɩ a ten al pʋɔ nyɩ na be a, ɩ̃ na ɓã nyɩ nɩ taa ɛ́ tɛr nyɩ lɛb wa n a nyɩ tẽw pʋɔ.

Ezekɩɛl 36:5

Sɩza, a mãa Sore Naaŋmɩn yere na, a ɩ̃ su-tʋlʋ kpãkpã pʋɔ, ɩ̃ zɛbr'ɩ nɩ a nɩ-bʋʋr-yoru nɩ a Edɔm tẽw za kpɛ̃lɛ̃kpɛ̃lɛ̃. Nʋ̃ɔ̀ na tɩ paalɩ bɛ ɛ́ bɛ tobr bɛ tɩ ka bom za ƴãw a n'a, bɛ tɩ de a ɩ̃ tẽw, kɛ́ bɛ za a ʋ dʋn mʋ̃ɔ 'wɔbrʋ ziir.

Ezekɩɛl 37:21

Al pùorí, yel kʋ̀ bɛ a lɛ a mãa Sore Naaŋmɩn na yere a: Ɩsɩrayɛl nɩbɛ ɛ, ɩ̃ na ír nyɩ nɩ a nɩ-bʋʋrɛ bɛl sɔgɔ nyɩ na cen a. Ɩ̃ na ɓã nyɩ nɩ taa ɛ́ tɛr nyɩ lɛb wa n a nyɩ tẽw.

Zakari 1:15

Ɛcɛ su-yãyaar kãw tɛr mɛ̃ nɩ a nɩ-bʋʋr-yoru bɛl bom za na bɛ damnɛ a ƴãw. Bʋ̃ʋ n'ʋ vɛ̃, ɩ̃ tɩ nyɛ̃ nɩ nɩ a Ɩsɩrayɛl suur blãlɛ, ɛ́ bɛl wa ɩ a ʋ kpɩɛrʋ a dɔwlɩ.

Zakari 2:8

Ʋ tɩ yel ʋ na: «Zɔ cen tɩ yel a pɔlbile na tɛr a miw-máná a: Dacine kʋ̃ mɛ viiri koli a Zerizalɛm ɛ, a nɩbɛ nɩ a dʋn na na yãwmɛ a ʋ pʋɔ bɛ dɩ vuo a ƴãw.

Wulu-ayi-sob 28:63

Mɛ̃ a lɛ a Sore na tɩ nɔnɛ k'ʋʋ kaarɛ a nyɩ zie, nyɩ wone nʋ̃ɔ̀ ɛ́ yãwmɛ a, lɛ n'a ʋ mɩ̀ na nɔnɛ k'ʋʋ kaarɛ a nyɩ zie, ɩ nyɩ baarɩ, nyɩ kpi pàw pɛr. Ʋ na ír nyɩ nɩ a tẽw nyɩ na na so a pʋɔ.

Wulu-ayi-sob 30:3

A Sore nyɩ Naaŋmɩn na lɩɛb'ɩ a nyɩ nyɔ-vʋʋrʋ, ʋ na wul nyɩ nɩ a ʋ nɔ̃wfʋ, ɛ́ ɩ nyɩ yi a nɩ-bʋʋrɛ bɛl za pʋɔ ʋ na diw nyɩ yaarɩ cen nɩ a lɛb wa ɓã taa.