Zeremi 12:13 - A SƐB-SÕW

¹³ Nyɩ tɩ bʋ̀r'ɩ ble, ɛ́ wa cɛ gʋʋr. Nyɩ tɩ bàl'ɩ nyɩ tʋɔra yaga za, ɛ́ a wa ɩ zawla. Vĩ, a nyɔw nyɩ a bʋ̃-dieri á ŋá ƴãw! A Sore n'ʋ kʋ̀ nyɩ a lɛ, a ʋ su-tʋlʋ zũú.

Zeremi 12:13 ပူးပေါင်းရင်းမြစ်များ

Sɛb-sõw yielu 78:62

Ʋ tɩ nyɛ̃ nɩ nɩ a nɩbɛ ʋ na so a suur, lɛ n'a ʋ tɩ zawrɩ a ʋ nɩbɛ bɛr bɛ kpi a sʋɔ kũu.

Ɩzayi 55:2

Bʋnʋ ƴãw n'a nyɩ na íre libir bom na bɛ guole a ƴãw? Bʋnʋ ƴãw n'a nyɩ na bàlɛ nyɩ tʋɔra bom na bɛ tɩwr a ƴãw? Nyɩ bɛrɛ wone mɛ̃ vla, ɛ́ nyɩ na páw nɩ bʋ̃-vɩɛlɩ dɩ, nyɩ na dɩ n bʋ̃-dɩ-nʋʋr nʋʋr wõ nʋ̃ɔ̀.

Zeremi 17:10

A mãa, a Sore, ɩ̃ mɩ́ jiel'ɩ a nɩsaalbɛ za tɩɛrʋ nɩ a bɛ bʋ̃-bɔbrɩ. À ŋá n'a ɩ̃ mɩ́ tʋ̃ɔ́ ya ŋa za man nɩ a ʋ ɩ-ɩrɩ, man nɩ a ʋlɩ bom nɛ a ʋ tome na wa n a.

Zeremi 4:26

Ɩ̃ jɩ́rɛ na: a tuwr tẽw ŋa lɩɛb'ɩ wɛja-kpalɛ, a ʋ tẽ-bɛrɛ za lo na. A Sore zie n'a a yi, a ʋ su-tʋlʋ kpãkpã zie.

Zeremi 9:5

Bɛ mɩ́ ɩ n po-to-fãw-ɩb tɩ lʋ̃ɔ nɩ po-to-fãw-ɩb, ŋma ziri tɩ lʋ̃ɔ nɩ ziri. Bɛ zawr'a na bãw mɛ̃. A mãa, a Sore, mãa n'ʋ yel.»

A naaŋmɩn-ƴèr-manɛ Oze sɛbɛ 8:7

Nyɩ na bʋ̀rɛ a sɛsɛb a, sɛsɛb'ʋ nyɩ na cɛ. Bʋ̃ʋ n'ʋ vɛ̃, mɛ̃ a lɛ a zʋkpar na yel a: “Ble na bɛ yi zu a, bɛ tɛr zɔ̃ ɩ''. Ɛ́ ʋlɛ saa ɩ mɛ̃ ʋ tɛr'ɩ zɔ̃ a, nɩ-sãanbɛ nɛbɛ na dɩ ʋ.

Levitɩ mɩnɛ 26:16

nyɩ nyɛ̃ a lɛ ɩ̃ na na ɩ nyɩ a: Ɩ̃ na ƴãw na a pʋl-vʋ̃ɔ, a kõwfʋ nɩ a ƴã-tʋlʋ wa a nyɩ ƴãw wa ɩ nyɩ lo mimie ɛ́ sɩrɛ cere. Nyɩ na mɩ́ bʋ̀r'ɩ a nyɩ póru zawla, bʋ̃ʋ n'ʋ vɛ̃, a nyɩ dɔ̃ dem nɛbɛ na mɩ́ cɛ̀ a.

Levitɩ mɩnɛ 26:20

Nyɩ na mɩ́ bàl'ɩ nyɩ tʋɔra zawla: a tẽsɔw bʋ̃-kʋ́ɔrɩ za kʋ̃ mɩ́ lɛb maalɩ ɛ, ɛ́ a tẽw tɩɩr kʋ̃ cãà wɔnɛ ɩ.

Mise 6:15

Nyɩ na mɩ́ bʋ̀r'a, ɛ́ kʋ̃ cɛ ɩ. Nyɩ na mɩ́ tɔ n a olivʋ tɩ-wɔmɛ kãá, ɛ́ kʋ̃ zɛ a kãá ɩ. Nyɩ na mɩ́ nɛb'ɩ a divɛ̃ tɩ-wɔmɛ, ɛ́ kʋ̃ nyũ a divɛ̃ ɩ.

Habakukɩ 2:13

Alɛ so, vũu so a nɩ-bʋʋrɛ tome na dɩ, ɛ́ a ten ten nɩbɛ bàlɛ bɛ tʋɔra zawla. À á ŋá za a, a Sore kpɛnʋ-za-sob zie bɛ n'a a yi ɛ?

A naaŋmɩn-ƴɛ̀r-manɛ Aaze sɛbɛ 1:6

Nyɩ bʋ̀r'ɩ yaga, ɛ́ wa cɛ blãlɛ. Nyɩ mɩ́ dɩ na, ɛ́ bɛ tɩw ɛ. Nyɩ mɩ́ nyũ na, ɛ́ bɛ sɛw ɛ. Nyɩ mɩ́ su n kparɩ, ɛ́ a nyɩ ƴã-gamɛ bɛ mɩ́ tʋl ɛ, ɛ́ a sã-ya-diere sã-ya libie mɩ́ baarɩ fɔ̃w, mɛ̃ wɛr-wɔ-puo pʋɔ n'a ʋ de ƴãw a!

A naaŋmɩn-ƴɛ̀r-manɛ Aaze sɛbɛ 1:9

Nyɩ tɩ tɩɛrɛ na kɛ́ nyɩ na cɛ n yaga za, ɛ́ a wa ɩ pʋrɩlɛ. A pʋrɩ al nyɩ na kul'ɩ a, ɩ̃ pɛblɩ a na yaarɩ. Bʋnʋ ƴãw n'a? Ɩ̃ sowre nyɩ na, a mãa Sore Kpɛnʋ-za-sob. A ɩ̃ yir-kpɛ̃ɛ na lo gã, ɛ́ ŋa za mɩ́ su zu kaarɛ a ʋ yir zie a ƴãw n'a.

Ʋrɔm 6:21

A ɩ-ɩrɩ á ŋá na ɩrɛ nyɩ vĩ a dɩ̃a a, bʋnʋ tɔnɛ n'a nyɩ tɩ nyɛ̃ a pʋɔ, a lɛn daar nyɩ na tɩ tɛr a ɩ-ɩrɩ á ŋá a? Kũu n'a a waar'ɩ.

Wulu-ayi-sob 28:38

Nyɩ na mɩ́ bʋ̀r'ɩ a nyɩ póru yaga, ɛ́ wa cɛ̀ a bɛ saalɩ ɛ, a sãsoge na na mɩ́ 'wɔb a za a ƴãw.