Zeremi 12:12 - A SƐB-SÕW

¹² A zi-sãwnbɛ be n a wɛja-kpalɛ sɛ́ɛ za zu waar. A Sore zɛbr-sɔ-kpɛ̃ɛ sãwnɛ nɩ bom za bɛrɛ a tẽw lowr ŋa tɩ tɔ lowr ŋa. Ƴã-ɓaarʋ bɛ ka be nɩr za ƴãw ɛ.

Zeremi 12:12 ပူးပေါင်းရင်းမြစ်များ

Ɩzayi 34:6

A Sore zɛbr-sɔ-kpɛ̃ɛ ɩ n zɩ̃ɩ tɛwr, kãá n'a pàw ʋ: mɛ̃ pʋ́rɩ nɩ bʋrɩ zɩ̃ɩ a, mɛ̃ alãbie kãá a. A Bɔsɩra na ɩ a tẽ-kpɛ̃ɛ a pʋɔ a, a Sore maalɛ nɩ bàwr. Kʋb na ɩ kʋb a n'a gã a Edɔm tẽw pʋɔ.

Ɩzayi 57:21

A ɩ̃ Naaŋmɩn yel a: «Ƴã-ɓaarʋ bɛ be a nɩ-faar ƴãw ɛ.»

Zeremi 15:2

Ɛ́ bɛlɛ wa sowre fʋ: “Nyɩnɛ n'a a fɛr kɛ́ tɩ cen?” Fʋ na sɔw bɛ na: “À ŋá n'a a Sore yere: Ŋa za na mɩ́ tu n a ʋ sɔ́r. Bɛ mɩnɛ a, a na ɩ n a jɛ̀lmɛ̃ kũu, bɛ mɩnɛ a ɩ a zɛbr kũu, bɛ mɩnɛ a ɩ a kɔ̃ kũu, ɛ́ bɛ mɩnɛ a ɩ a bɛ tẽw bɛ na na ìr bɛ cen nɩ tẽ-yũo a!”

Zeremi 16:5

Nyɛ̃ a lɛ a Sore na cãà lɛb yel mɛ̃ a: «Taa kpɩɛr yir pʋɔ nɩbɛ na ɓanɛ taa kuor ƴãw a ɩ, taa cere kuor ɛ. Taa puore nɩr za a wahala ɩ. Bʋ̃ʋ n'ʋ vɛ̃, ɩ̃ lɛb'a de a ɩ̃ ƴã-ɓaarʋ, a ɩ̃ báalʋ nɩ a ɩ̃ su-ɓaarʋ a nɩ-bʋʋrɛ bɛ ŋa zie. Mãa n'ʋ yere, a mãa, a Sore.

Zeremi 25:11

A tẽw ŋa za na lɩɛbɩ debuo, zie na sãw ʋ za a, ɛ́ a nɩ-bʋʋrɛ bɛ ŋa za na tone nɩ a Babɩlɔn tẽw nãà tome tɩ ta n yome lɩz'a ata nɩ pie.”

Zeremi 3:2

Dʋɔ a zu a tãli lowr ɛ́ jɩ́r nyɛ̃, tãli-been be n be zie fʋ bɛ gã nɩ a fʋ sɛn kãw ɛ? Fʋ mɩ́ tɩ zɩ̃ n a sɔ́r nʋɔr gùre a fʋ sɛnbɛ, mɛ̃ a wɛja-kpalɛ pʋɔ nɩ-yʋɔra na gùre a nɩbɛ ʋ na na ŋmãa a. Fʋ dɛw nɩ a tẽw nɩ a fʋ pɔw-yɛm ɩ-ɩrɩ, nɩ a fʋ cenu na bɛ vɩɛl a.

Zeremi 3:21

Cɛlsɩ yire nɩ a maalʋ-ziir: a Ɩsɩrayɛl nɩbɛ nɛbɛ kone zɛlɛ nɩ yãayãa. Bʋ̃ʋ n'ʋ vɛ̃, bɛ tuli nɩ a sɔ́r, bɛ yiiri mɛ̃ na bɛr, a mãa, a Sore bɛ Naaŋmɩn.

Zeremi 34:17

A Zeremi tɩ yel'a ƴãw pʋɔ: «A na ɩ à ŋá a, à ŋá n'a a Sore yere: A nyɩ kãw za n'ʋ a tɩ fɛr k'ʋʋ yel ʋ na lɛb bɛr a ʋ gbãgbaa na ɩ Ebre nɩr a, a ʋ yɛb, a ʋ tɔ, ʋ so ʋ tʋɔra a. Ɛcɛ nyɩ bɛ sàw a ɩ̃ nʋɔr ɛ. Alɛ n'a so, a mãa, a Sore, ɩ̃ yere à ŋá: Ɩ̃ na bɛr'ɩ zɛbr, jɛ̀lmɛ̃ bàalʋ nɩ kɔ̃ a wa a nyɩ ƴãw. A lɛ pʋɔ a, a tẽ-daa naalʋ-ten za na mɩ́ màwr'ɩ dɛ̃bɩ̃-mawfʋ bɛlɛ wa nyɛ̃ nyɩ a.

Zeremi 4:27

À ŋá n'a a Sore yere: a tẽ-daa za na lɩɛb'ɩ wɛja-kpalɛ na ɩrɛ nɩbaalʋ a, ɛcɛ, ɩ̃ kʋ̃ sãw ʋ za bɛr pelẽpelẽ ɩ.

Zeremi 46:10

Ɛcɛ a Sore, a kpɛnʋ-za-sob zie a, a bibir ŋa ɩ n san-yaafʋ bibir. Ʋ na yáa nɩ a san a ʋ dɔ̃ dem zu. A zɛbr-sɔ-kpɛ̃ɛ dɩrɛ bɛ na, ʋ dɩrɛ na tɩwr, a bɛ zɩ̃ɩ kuole ʋ na. A ɩ na mɛ̃ bàwr'ʋ a Sore, a kpɛnʋ-za-sob, ƴãw a saa-pɛrɩ́-gʋba-lowr, a Efaratɩ man nʋɔr a.

Zeremi 47:6

Nyɩ yere na: “'Woi, Sore zɛbr-sɔ-kpɛ̃ɛ ɛ, Fʋ bɛ tɛr na pɩ̃ɛnɩ ɛ? Lɛb kpɛ a fʋ kpar pʋɔ! Gã zoom, ta lɛb dam ɛ.”

Zeremi 48:2

A Mowab tẽw yúor bɔr'a. Nɩbɛ tɩɛrɛ nɩ faa a Hɛsɩbon tẽw ƴãw, yere: “Tɩ cen! Tɩ ír a tẽ-kpɛ̃ɛ ŋa bɛr a nɩ-bʋʋrɛ sɔgɔ!” A fʋ̃ʋ mɩ̀ a, Madɩmɛn i, fʋ na lo na, bɛ na sãw fʋ na bɛr, a zɛbr ta na tu fʋ.

Zeremi 8:15

Tɩ tɩ gùre nɩ a ƴã-ɓaarʋ, ɛcɛ bʋ̃-vla za bɛ wa ɩ. Tɩ tɩ gùre nɩ a sanʋ daar, ɛcɛ dɛ̃bɩ̃ɛ n'a waar.

A Lãw-mʋɔlɛ 3:17

Ʋ ɩ na ɩ̃ bɛ tɛr ƴã-ɓaarʋ ɛ, ɩ̃ yiir'ɩ a nʋ̃ɔ̀ bɛr.

Ezekɩɛl 14:17

Bɩɩ ɩ̃ na ɩ n zɛbr lo a nɩbɛ bɛ ŋa zu. Ɩ̃ na kʋ̀ n nʋɔr zɛbr-nɩbɛ kɛ́ bɛ sãw a tẽw bɛr ɛ́ kʋ a nɩbɛ nɩ a dʋn.

Ezekɩɛl 21:28

A bɛlɩ dem na kpɩɛr a Zerizalɛm a tɩɛr'a k'aa ɩb a gbã-bir na wul bɛ a, a bɛ tɛr pɛr ɛ. Bʋ̃ʋ n'ʋ vɛ̃, pɔb pɔ na yel kɛ́ bɛ na gù bɛ na. A Babɩlɔn tẽw nãà lɛb'a kpaalɛ bɛ kɛ́ bɛ bɛ tu a nʋɔr bɛ na ƴãw a ɩ. Ʋʋ yere na kʋ̀rɛ bɛ k'ʋʋ na ɩ na bɛ ɩ gaso nɩbɛ.

Ezekɩɛl 21:4

Nɩr za na nyɛ̃ na k'aa mãa Sore n'ʋ nyɩw ʋ, ɛ́ bom za kʋ̃ tʋ̃ɔ́ ʋ kpiiri ɛ.»

Ezekɩɛl 21:8

Yel kʋ̀ a Ɩsɩrayɛl tẽw dem k'aa mãa Sore Naaŋmɩn yere nɩ à ŋá a bɛ zie: “Ɩ̃ na ìr'ɩ a nyɩ ƴãw, ɩ̃ na vʋ̃ɔ nɩ a ɩ̃ zɛbr-sɔ-kpɛ̃ɛ a ʋ kpár pʋɔ kʋ n nyɩ za, a nɩ-mɩn nɩ a nɩ-faar.

Ezekɩɛl 21:9

A nyɩ za kʋ-pàw-pɛr ƴãw n'a ɩ̃ na zɛw a ɩ̃ zɛbr-sɔ-kpɛ̃ɛ a nyɩ ƴãw, a saa-pɛrɩ́-dʋrʋ-lowr tɩ tɔ a saa-pɛrɩ́-gʋba-lowr.

Ezekɩɛl 5:2

Bɛlɛ wa zɛb de a Zerizalɛm baar'a, fʋ na nyɩw nɩ vũu pʋɔ a fʋ kɔblʋ na põ ziir ata a, a zi-been sob a tẽ-kpɛ̃ɛ sɔwlɩsɔw. Fʋ na de nɩ a fʋ zɛbr-sɔ-kpɛ̃ɛ ŋmɩɛr'ɩ a ziir ayi sob viire kole nɩ a tẽ-kpɛ̃ɛ. Fʋ na yɛ́lɩ nɩ a ziir ata sob bɛr sɛsɛb pʋɔ, ɛ́ mãa a, ɩ̃ na vʋ̃ɔ nɩ a ɩ̃ zɛbr-sɔ-kpɛ̃ɛ a ʋ ƴãw.

Levitɩ mɩnɛ 26:33

Ɩ̃ na vʋ̃ɔ nɩ a zɛbr-sɔ-kpɛ̃ɛ a nyɩ ƴãw, ɛ́ diw nyɩ yaarɩ a nɩ-bʋʋr-yoru pʋɔ. A nyɩ tẽw na lɩɛb'ɩ wɛja-kpalɛ, ɛ́ a nyɩ tẽ-bɛrɛ lɩɛbɩ debo-bɛrɛ.

Amɔsɩ 9:4

Bɛlɛ wa cen a bɛ dɔ̃ dem zie tɩ lɩɛbɩ nɩ-pàwrɩ a, ɩ̃ na ƴãw na bɛ kʋ bɛ a be. Ɩ̃ na ír'ɩ mimir ƴãw bɛ a bɛ faa ƴãw, a kʋ̃ ɩ a bɛ vla ƴãw ɛ.»

Sofoni 2:12

«A nyɩɩm, Etiopi nɩbɛ mɩ̀, ɩ̃ na ɩ na nyɩ kpi zɛbr zie.»

Wulu-ayi-sob 32:42

A ɩ̃ pime na ɩ n a bɛ zɩ̃ɩ tɛwr, a ɩ̃ zɛbr-sɔ-kpɛ̃ɛ na baarɩ bɛ nɩ bɛ za. A dɔ̃ dem zɛbr nɩr kãw za bɛ cɩ̃ɛnɛ ɩ, bɛ ƴãw bɛ nɩ bàalʋ, bɩɩ bɛ nyɔw bɛ na a, bɛ za na kpi na.”

Yel-wula 6:4

Lɛ n'a wur-yũo tɩ yi ɩ zɩɛ. Bɛ tɩ kʋ̀ n a ʋ zɔmnɛ fãw k'ʋʋ ɩ ƴã-ɓaarʋ za ta cãà a tẽw zu ɛ, a nɩsaalbɛ kʋrɛ taa. Bɛ tɩ kʋ̀ ʋ nɩ zɛbr-sɔ-kpɛ̃ɛ.