Zeremi 12:11 - A SƐB-SÕW

¹¹ Bɛ ɩ ʋ na ʋ lɩɛbɩ zie na ɩrɛ nɩbaalʋ a. Ʋlɛ n'ɩ ŋan a ɩ̃ niŋé bɛ tɛr ŋmɛ̃a ɩ, ɩrɛ nɩbaalʋ. A tẽw za ɩrɛ nɩ nɩbaalʋ, ɛ́ a bɛ ɩrɛ nɩr kãw za bom ɛ.»

Zeremi 12:11 ပူးပေါင်းရင်းမြစ်များ

Ekilezɩasɩ 7:2

Yir kuor na kone a cenu sa yir bɛ na dɩrɛ cuw a. A kũu n'ɩ a nɩsaal za baarʋ zie, ɛ́ a fɛr'a k'aa nɩ-vʋʋrɩ mɩ́ tɛr a ʋ tɩɛrʋ.

Ɩzayi 42:25

Alɛ so a Sore ɩ a ʋ su-tʋlʋ kpãkpã ìr a bɛ ƴãw, ʋ ɩ bɛ nyɛ̃ a zɛbr faalʋ. A zɛbr ƴãw nɩ vũu jil koli bɛ, ɛ́ bɛ bɛ bãw a pɛr ɛ. A vũu tɛr'a tɩ dɩ bɛ, ɛ́ bɛ tobr bɛ ka be ɩ.

Ɩzayi 57:1

Bɛ kʋrɛ nɩ a nɩ-mɩn, ɛ́ nɩr bɛ cɛlɛ be ɩ. A nɩ-vɩɛlɩ báarɛ na, ɛ́ nɩr bɛ bãwnɩ a ɩ. Ʋ̃ʋ, a nɩ-mɩn báarɛ na a nɩ-faar po-tuolu zũú.

Zeremi 10:22

Nyɩ wone a gɔmɛ na tarɛ a. Damnʋ kpɛ̃ɛ n'ʋ yi a tẽw saa-pɛrɩ́-gʋba-lowr waar, k'ʋʋ wa ɩ a Zuda tẽ-bɛrɛ, a lɩɛbɩ wɛja-kpalɛ na ɩrɛ nɩbaalʋ a, a lɩɛbɩ gbõgbo-cili kpɛb zie.

Zeremi 10:25

Nɩ̃ɛ ɩ a fʋ suur ʋ ìr a nɩ-bʋʋrɛ na bɛ bãw fʋ a ƴãw, a nɩbɛ bɛl na bɛ bʋɔlɛ a fʋ yúor a ƴãw. Bʋ̃ʋ n'ʋ vɛ̃, bɛ báarɛ nɩ a fʋ nɩbɛ, bɛ báarɛ bɛ nɩ bɛ za, bɛ sãwnɛ nɩ a fʋ nɩbɛ tẽw bɛrɛ.

Zeremi 14:2

«A Zuda nɩbɛ be n wahala pʋɔ, a ʋ tẽ-bɛrɛ fãw siwre na. Bɛ be n pʋ-sãwna kpɛ̃ɛ pʋɔ, bɛ zɩ̃ n tẽw, a Zerizalɛm cɛlsɩ dúor'ɩ saa.

Zeremi 19:8

Ɩ̃ na ɩ na a Zerizalɛm tẽ-kpɛ̃ɛ lɩɛbɩ zie bɛ nãà mɩ́ wa nyɛ̃ ŋmɩɛr pʋl-vʋ̃ɔ cɛlsɩ a. Nɔ-ɓãan na mɩ́ nyɔw nɩ a bɛlɩ dem za na tɔlɛ a be a, ɛ́ bɛ na mɩ́ ŋmɩɛr'ɩ pʋl-vʋ̃ɔ cɛlsɩ a yel-sãwnɩ á ŋá za bɛ na nyɛ̃ a zũú.

Zeremi 23:10

«A tẽw paal'ɩ pɩ̃ɔ-yel-maalbɛ. A faa maalʋ ƴãw n'a bɛ mɩ́ zɔrɛ, bɛ tɛr'ɩ kanyir a yele al na bɛ sɛwnɩ ɩb a ƴãw. A tẽw be n wahala pʋɔ ŋmɛ-ƴãw kãw zũú. A dʋn mʋ̃ɔ 'wɔbrʋ ziir ko n a za.»

Zeremi 25:11

A tẽw ŋa za na lɩɛbɩ debuo, zie na sãw ʋ za a, ɛ́ a nɩ-bʋʋrɛ bɛ ŋa za na tone nɩ a Babɩlɔn tẽw nãà tome tɩ ta n yome lɩz'a ata nɩ pie.”

Zeremi 4:20

Bɛ cɩɩrɛ na: «Yel-sãwnɩ n'a dɔwlɩ dɔwlɩ taa wɛ!» Sɩza, a tẽw za sãw na. Bɛ ùr'a wɩl a tɩ pɛnɛ-sɛwr, a tɩ sɔwlʋ ziir ŋmʋr'a bɔr.

Zeremi 4:27

À ŋá n'a a Sore yere: a tẽ-daa za na lɩɛb'ɩ wɛja-kpalɛ na ɩrɛ nɩbaalʋ a, ɛcɛ, ɩ̃ kʋ̃ sãw ʋ za bɛr pelẽpelẽ ɩ.

Zeremi 4:28

Alɛ so a tẽw be a wahala pʋɔ, ɛ́ a saa-zu, a lige pàw a salom. Bʋ̃ʋ n'ʋ vɛ̃, ɩ̃ yel'ɩ a lɛ ɩ̃ na tɩ yel k'ɩ̃ɩ na ɩ na a, ɩ̃ kʋ̃ lɩɛbɩ bɛr ɛ, ɛ́ ɩ̃ kʋ̃ lɛb pùor ɛ.

Zeremi 6:8

«Zerizalɛm i, sàw de a wulu! Alɛ bɛ ɩ lɛ, ɩ̃ kʋ̃ cãà lãw nɩ fʋ ɛ, ɩ̃ɩ na ɩ na fʋ lɩɛbɩ tẽ-kpalɛ, tẽw nɩr na bɛ kpɩɛr a.»

Zeremi 9:10

A Sore yere na: «Ɩ̃ na ɩ na a Zerizalɛm lɩɛbɩ kʋsɛbɛ na gbõ taa a, gbõgbo-cili gaa zie, ɛ́ ɩ a Zuda tẽ-bɛrɛ a lɩɛbɩ zie bom za na bɛ cãà be a, zie nɩr za na bɛ cãà kpɩɛr a.»

Zeremi 9:11

Nɩr ɩ n yã-bãwnɛ a sɛw ʋ na bãw a yele á ŋá pɛr ɩ? A Sore wa ƴɛ̀r a ʋ zie a, ʋ̃ʋ ɩ bɛ bãw bʋ̃ʋ n'ʋ so a tẽw sãw, bʋ̃ʋ n'ʋ so ʋ dɩ a vũu mɛ̃ wɛja-kpalɛ a, ɛ́ ɩ zie nɩr za na bɛ tuur tɔlɛ a?

Zeremi 9:9

Ɩ̃ kone na ƴɛ̀rɛ nɩ a tan zu, ɩ̃ kone nɩ lãw-mʋɔlɛ a dʋn mʋ̃ɔ 'wɔbrʋ ziir ƴãw. Bʋ̃ʋ n'ʋ vɛ̃, a za dɩ n vũu, nɩr za bɛ cãà tɔlɛ a be ɩ. Bɛ bɛ cãà wone a dʋn kon a be ɩ. A lili nɩ a dʋn za zɔ na zãá, bom za bɛ cãà be ɩ.

Zowɛl 1:10

A póru sãw nɩ a za, a tẽsɔw tɛr'ɩ pʋ-sãwna. Ble bɛ cãà be ɩ, divɛ̃-paala bɛ cãà be ɩ, kãá-bir za bɛ cãà be ɩ.

Levitɩ mɩnɛ 26:32

Mãa mɩŋa na sãw nɩ a nyɩ tẽw bɛr kɛ̀ nʋɔr ɓãá a nyɩ dɔ̃ dem na wa kɛ́ bɛ wa kpɛ a ʋ pʋɔ a.

Zakari 7:5

k'ɩ̃ɩ ɩ a bàwr-maalbɛ nɩ a tẽw dem za bãw a ʋ sɔwfʋ ŋa: «Yome lɩz'a ata nɩ pie n'ɩ à ŋá, nyɩ na mɩ́ tɛr a mʋta-tuo kone nɩ, a cuwr anũu nɩ a cuwr ayopõi sob daar a, ɛcɛ, nyɩ bɛ mɩ́ tɛr a mʋta-tuo á ŋá k'aa pɛlɩ a ɩ̃ pʋɔ ɩ!

Ʋrɔm 8:22

Tɩ bãwnɩ a na, wa tɩ tɔ a ƴɛrɛŋa a, a Naaŋmɩn bʋ̃-íri za cãà na kone ɛ́ wone 'wɔbrʋ mɛ̃ pɔw na dɔwr a.