Zeremi 11:8 - A SƐB-SÕW

⁸ Ɛcɛ bɛ bɛ tɩ bɛr wõ ɩ, bɛ bɛ tɩ ƴãw tobr ɛ, bɛ tɩ tu n a bɛ pʋ-tɩɛr-faar. Lɛ n'a ɩ̃ tɩ ɩ a wõ-taa ƴɛ̀r-bie ɩ̃ na tɩ ƴãw nʋɔr kɛ́ bɛ tuur, ɛ́ bɛ bɛ tu a, a lo a bɛ zu.»

Zeremi 11:8 ပူးပေါင်းရင်းမြစ်များ

Neemi 9:26

Ɛcɛ bɛ bɛ sàw a fʋ nʋɔr ɛ, bɛ gaar'ɩ nɩ a fʋ zie, bɛ gur'ɩ pùor cɔw a fʋ wulu. Bɛ kʋ n a fʋ ƴɛ̀r-manbɛ na zɛlɛ bɛ kɛ́ bɛ lɛb wa a fʋ zie a. A bɛ ɩb bɛ tɩ vɩɛl towtow ɛ.

Neemi 9:29

Fʋ zɛlɩ bɛ na kɛ́ bɛ lɛb tuur a fʋ wulu, ɛcɛ a bɛ pɔ̀lʋ zũú a, bɛ bɛ bɛr wõ a fʋ nɛ-ƴãwnɩ ɛ. Bɛ zawr'ɩ a tub fʋ na ƴãw kʋ̀ bɛ a bɛr, ɛcɛ alɛ n'a kʋ̀rɛ a nyɔ-vʋʋrʋ a bɛlɩ dem na tuur a a. Bɛ kpãa nɩ tobr ɛ́ gaarɩ, bɛ bɛ bɛr wõ b towtow ɛ.

Zeremi 13:10

A nɩ-bʋʋr-faa ŋa na mɩ́ zawrɩ na bɛr wõ a ɩ̃ ƴɛ̀rʋ, ɛ́ kpãa tobr tuur a ʋ pʋ-tɩɛrʋ, zɔrɛ tuur'ɩ a ŋmɩn-yoru, maalɛ a, ɛ́ mɩ́ gbĩ dume gũu tɩ tɔ tẽw a niŋé a, ʋ ŋmɛ̃ taa nɩ a kpàwr ŋa na bɛ cãà tɛr ɩb za a!

Zeremi 3:17

A lɛn daar a, bɛ na bʋɔlɛ nɩ a Zerizalɛm kɛ́ “Sore naalʋ-dà-kɔw”. A nɩ-bʋʋr-yoru na zɔ na ɓã taa a ɩ̃ zie, a Sore yúor na kʋ̀ a Zerizalɛm a zũú, ɛ́ bɛ na zawr'ɩ a bɛ tɩɛr-faar bɛr.

Zeremi 31:32

Ʋ kʋ̃ ŋmɛ̃ mɛ̃ a ʋl ɩ̃ na tɩ maal'ɩ a bɛ sãàkʋm-kore, a lɛn daar ɩ̃ na tɩ nyɔw bɛ a nũú k'ɩ̃ɩ ɩ bɛ yi a Eziptɩ tẽw pʋɔ a ɩ. A wõ-taa ʋl a, bɛ sãw ʋ na bɛr, a mãa na saa tɩ n'ɩ a bɛ zu-sob a. A mãa, a Sore, mãa n'ʋ yere.

Zeremi 32:23

Bɛ kpɛ n a tẽw pʋɔ, so ʋ. Ɛcɛ bɛ bɛ bɛr wõ a fʋ ƴɛ̀rʋ ɛ, bɛ bɛ tu a fʋ wulu ɛ, bɛ bɛ ɩ a lɛ fʋ na yel a ɩ. Lɛ so fʋ bɛr a kpɩɛrʋ á ŋá za na tarɛ a dɩ̃a a, a wa.

Zeremi 34:14

Ɩ̃ tɩ yel bɛ na: Alɛ wa maalɩ yome ayopõi a, a nyɩ kãw za na mɩ́ lɛb'a bɛr a ʋ yɛb na ɩ a Ebre bʋʋrɛ, ɛ́ wa kʋɔrɩ ʋ tʋɔra a ʋ zie a, ʋ so ʋ tʋɔra. Ʋ na mɩ́ ɩ n a fʋ gbãgbaa yome ayʋɔb, al pùorí, fʋ lɛb bɛr ʋ, ʋ so ʋ tʋɔra. Ɛcɛ a nyɩ sãàkʋm-kore bɛ tɩ bɛr wõ ɩ, bɛ bɛ tɩ cɛlɩ be ɩ.

Zeremi 35:15

Ɩ̃ ƴãw nɩ nũu tõ a ɩ̃ tõ-tõ-biir na ɩ a naaŋmɩn-ƴɛ̀r-manbɛ a, a nyɩ zie, kɛ́ bɛ wa yel nyɩ: “A nyɩ kãw za, ʋ bɛr a ʋ ɩb na bɛ vɩɛl a. Nyɩ ɩrɛ ɩb na sɛw taa nɩ a, nyɩ ta tuur ŋmɩn-yoru maalɛ a ɩ. A lɛ pʋɔ a, nyɩ na kpɩɛr'ɩ a tẽw ɩ̃ na kʋ̀ nyɩ, a nyɩɩm nɩ a nyɩ sãàkʋm-kore a.” Ɛcɛ nyɩ bɛ cɛlɩ be ɩ, nyɩ bɛ bɛr wõ m ɛ.

Zeremi 35:17

A Zeremi tɩ yel'a ƴãw pʋɔ: «A lɛ zũú a, à ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: “Zuda tẽw nɩ Zerizalɛm tẽw dem i, ɩ̃ na ɩ na a kpɩɛrʋ al ɩ̃ na ƴɛ̀r càar'ɩ nyɩ a, a páw nyɩ. Bʋ̃ʋ n'ʋ vɛ̃, ɩ̃ ƴɛ̀r'ɩ a nyɩ zie, ɛ́ nyɩ bɛ bɛr wõ ɩ. Ɩ̃ bʋɔlɩ nyɩ na, ɛ́ nyɩ bɛ sàw ɛ.”»

Zeremi 38:20

Ɛcɛ, a Zeremi tɩ sɔw na: «Bɛ kʋ̃ de fʋ ƴãw a bɛ nuru pʋɔ ɩ. Bɛrɛ wone a lɛ ɩ̃ na yere kʋ̀rɛ fʋ a Sore yúor ƴãw a, ɛ́ a yele za na ɩ n vla, ɛ́ fʋ na cãà na vʋʋrɛ.

Zeremi 44:16

«Fʋ na saa yel k'aa Sore yúor ƴãw n'a fʋ ƴɛ̀rɛ a tɩ zie a, tɩ bɛ bɛrɛ wone a fʋ ƴɛ̀rʋ ɛ.

Zeremi 44:17

Tɩ na ɩ n a lɛ za tɩ na yel a. Tɩ na nyɩw nɩ tɩ-suur-zɔ̃-na-nyùur-vla-vla-a, de nɩ divɛ̃ kʋ̀ a ŋmɩn-pɔw Asɩtarte, a salom pɔw-nãà, mɛ̃ a lɛ tɩ na ɩ wa tɔ a ka a, a tɩɩm tɛɛ za, a tɩ sãà mɩnɛ, a tɩ na-mɩnɛ nɩ a tõ-tõ-bi-bɛrɛ, a Zuda tẽ-bɛrɛ pʋɔ nɩ a Zerizalɛm sɛ́ɛ zu a. A lɛn daar a, tɩ tɩ tɛr'ɩ bʋ̃-dɩrɩ a man, ɛ́ tɩ vʋʋrɛ nʋ̃ɔ̀ pʋɔ bɛ bãw kpɩɛrʋ ɛ.

Zeremi 44:5

Ɛcɛ nyɩ bɛ bɛr wõ ɩ, nyɩ bɛ cɛlɩ be ɩ. Nyɩ bɛ bɛr a faa nyɩ na tɩ maalɛ a ɩ, ɛ́ nɩ̃ɛ cãà cow maalɛ bagɛ kʋ̀rɛ ŋmɩn-yoru.

Zeremi 7:13

Ɛcɛ ƴɛrɛŋa a, a mãa, a Sore, ɩ̃ yere na: nyɩ maal'ɩ faa mɛ̃ a bɛl a. Ɩ̃ kpaalɩ nyɩ nɩ lɛɛ tɩ bàl, ɛ́ nyɩ bɛ bɛr wõ ɩ, ɩ̃ bʋɔlɩ nyɩ na, ɛ́ nyɩ bɛ sàw ɛ.

Zeremi 7:24

Ɛcɛ bɛ bɛ bɛr wõ ɩ, bɛ bɛ cɛlɩ be ɩ, bɛ ɩ n lɛ bɛ na nɔnɛ a, a bɛ zu-kpɛ̃w-faa faa pʋɔ. Bɛ nãá lɩɛbɩ a bɛ niwn cɔw mɛ̃ a, bɛ bɛr'a ɛ́ lɩɛbɩ kpaar cɔw mɛ̃.

Zeremi 7:26

Ɛcɛ nyɩ bɛ bɛr wõ m ɛ, nyɩ bɛ cɛlɩ be ɩ, nyɩ ɩ n zu-kpɛ̃w ɩb. Nyɩ kpɛ n faa zuo a nyɩ sãàkʋm-kore.

Ezekɩɛl 20:8

Ɛcɛ a nyɩ sãàkʋm-kore tɩ ìr'ɩ a ɩ̃ ƴãw, ɛ́ bɛ tɩ bɔbr kɛ́ bɛ bɛr wõ m ɛ. Kãw za bɛ tɩ bɛr a ŋmɩn-faar faar jɩ́rʋ ɛ, ɛ́ kãw za bɛ tɩ jɛ a Eziptɩ tẽw dem tɩbɛ bɛr ɛ. Tɩɛrʋ tɩ wa m'a k'ɩ̃ɩ bɛr a ɩ̃ su-yãyaar ʋ ìr a bɛ ƴãw, yɛ́r pàw bɛ a Eziptɩ tẽw tɔr za pʋɔ.

Zakari 1:4

Nyɩ ta cɔwrɛ a nyɩ sãàkʋm-kore ɩ. A koro za naaŋmɩn-ƴɛ̀r-manbɛ tɩ kpaalɩ bɛ nɩ a ɩ̃ yúor ƴãw, kɛ́ bɛ bɛr a bɛ cen-faar nɩ a bɛ ɩ-faar, ɛcɛ bɛ bɛ tɩ bɛr wõ ɩ, bɛ bɛ tɩ sàw a ɩ̃ nʋɔr ɛ.

Zakari 7:11

Ɛcɛ a nɩbɛ zawr'ɩ a bɛr-wob: bɛ gùr'ɩ pùor cɔw, ɛ́ fùr a bɛ tobe, kɛ́ bɛ ta wõ bom ɛ.