Zeremi 11:7 - A SƐB-SÕW

⁷ A lɛn daar, ɩ̃ tɩ kpaalɩ bɛ nɩ kpɛ̃w kpɛ̃w za. Lɛ mɩ̀ n'a ɩ̃ ƴãw nũu kpaalɛ nɩ a nyɩɩm mɩ̀, yere nɩ: Nyɩ bɛrɛ wone a lɛ ɩ̃ na yere kʋ̀rɛ nyɩ a.”

Zeremi 11:7 ပူးပေါင်းရင်းမြစ်များ

2 Na-mɩnɛ 17:13

A Sore tɩ ƴãw na a naaŋmɩn-ƴɛ̀r-manbɛ za, nɩ a yel-nyɛrbɛ za kpaalɩ a Ɩsɩrayɛl nɩbɛ nɩ a Zuda nɩbɛ à ŋá: «Nyɩ bɛr a nyɩ ɩ-faar, nyɩ sàwr a ɩ̃ nɛ-ƴãwnɩ nɩ a lɛ ɩ̃ na yel a, mɛ̃ a lɛ a na be a wulu ɩ̃ na wul a nyɩ sãàkʋm-kore a pʋɔ a, ɛ́ ƴãw a ɩ̃ ƴɛ̀r-manbɛ, a ɩ̃ tõ-tõ-biir, ɩ nyɩ bãw a a.»

2 Bibie za yel-manɩ 36:15

A Sore, a bɛ sãà mɩnɛ Naaŋmɩn, na tɩ nɔnɛ a ʋ nɩ-bʋʋrɛ nɩ a ʋ zi-sõw a, tɩ tõ n nɩbɛ gb'aa ŋmɩn za a bɛ zie a ʋ yúor ƴãw,

Eziptɩ tẽw yib 15:26

Ʋ tɩ yel bɛ na: «Nyɩmɛ wa sɩrɩ sàwr a mãa Sore nyɩ Naaŋmɩn nʋɔr, maalɛ a lɛ ɩ̃ na mɩ́ nyɛ̃ a tu sɔ́r a, nyɩmɛ wa bɛrɛ wone a ɩ̃ nɛ-ƴãwnɩ, ɛ́ tuur a ɩ̃ wulu za a, a bàalʋ ɩ̃ na ƴãw a Eziptɩ tẽw nɩbɛ a, ɩ̃ bɛ ƴãwnɛ nyɩ a bàalʋ á ŋá been kãw za ɩ. Bʋ̃ʋ n'ʋ vɛ̃, mãa n'ɩ a Sore na sanɛ nyɩ a.»

Zeremi 11:4

A koro za a, ɩ̃ tɩ ɩ na a nyɩ sãàkʋm-kore yi a Eziptɩ tẽw pʋɔ, bɛ yi a vũu-tʋl-kpãkpã na na tʋ̃ɔ́ nyɩl kure a pʋɔ. A lɛn daar a, ɩ̃ tɩ kʋ̀ bɛ nɩ a wõ-taa ŋa baarɩ. Ɩ̃ tɩ yel bɛ na: Nyɩ bɛrɛ wone a ɩ̃ ƴɛ̀rʋ, ɛ́ sàwr a mɛ̃ a lɛ ɩ̃ na yere kʋ̀rɛ nyɩ a. A lɛn daar a, nyɩ na ɩ n a ɩ̃ nɩbɛ, ɩ̃ɩ ɩ a nyɩ Naaŋmɩn.

Zeremi 25:3

«A Amɔ̃ bidɛb Zozɩasɩ na ɩ a Zuda tẽw nãà a naalʋ-dɩb yome pie nɩ ata daar za n'a, a pɛr lɛ kɛ́ yome lɩzɛr'ɩ ata, a Sore ƴɛ̀r a ɩ̃ zie, ɩ̃ɩ ƴɛ̀rɛ a ʋ ƴɛ̀rʋ kʋ̀rɛ nyɩ bɛ tɛr bàlʋ daar ɛ, ɛ́ nyɩ bɛ bɛr wõ ɩ.

Zeremi 25:4

A Sore bɛ tɩ bàl a ʋ tõ-tõ-biir, a naaŋmɩn-ƴɛ̀r-manbɛ, tob a nyɩ zie ɩ. Ɛcɛ, nyɩ bɛ ƴãw tobr bɛr wõ ɩ.

Zeremi 31:32

Ʋ kʋ̃ ŋmɛ̃ mɛ̃ a ʋl ɩ̃ na tɩ maal'ɩ a bɛ sãàkʋm-kore, a lɛn daar ɩ̃ na tɩ nyɔw bɛ a nũú k'ɩ̃ɩ ɩ bɛ yi a Eziptɩ tẽw pʋɔ a ɩ. A wõ-taa ʋl a, bɛ sãw ʋ na bɛr, a mãa na saa tɩ n'ɩ a bɛ zu-sob a. A mãa, a Sore, mãa n'ʋ yere.

Zeremi 32:23

Bɛ kpɛ n a tẽw pʋɔ, so ʋ. Ɛcɛ bɛ bɛ bɛr wõ a fʋ ƴɛ̀rʋ ɛ, bɛ bɛ tu a fʋ wulu ɛ, bɛ bɛ ɩ a lɛ fʋ na yel a ɩ. Lɛ so fʋ bɛr a kpɩɛrʋ á ŋá za na tarɛ a dɩ̃a a, a wa.

Zeremi 34:14

Ɩ̃ tɩ yel bɛ na: Alɛ wa maalɩ yome ayopõi a, a nyɩ kãw za na mɩ́ lɛb'a bɛr a ʋ yɛb na ɩ a Ebre bʋʋrɛ, ɛ́ wa kʋɔrɩ ʋ tʋɔra a ʋ zie a, ʋ so ʋ tʋɔra. Ʋ na mɩ́ ɩ n a fʋ gbãgbaa yome ayʋɔb, al pùorí, fʋ lɛb bɛr ʋ, ʋ so ʋ tʋɔra. Ɛcɛ a nyɩ sãàkʋm-kore bɛ tɩ bɛr wõ ɩ, bɛ bɛ tɩ cɛlɩ be ɩ.

Zeremi 35:14

A Erekaavʋ bidɛb, Yonadavʋ, tɩ ƴãw nɩ nʋɔr kʋ̀ a ʋ bibiir kɛ́ bɛ taa nyúur divɛ̃ ɩ. A Erekaavʋ dɔwlʋ nɩbɛ tɩ sàw na tu a ƴɛ̀rʋ ŋa. Bɛ bɛ nyũ divɛ̃ wa tɔ a dɩ̃a ɩ, bʋ̃ʋ n'ʋ vɛ̃, bɛ sàw nɩ a bɛ sãàkʋm-kʋra nʋɔr. Ɛ́ a mãa Sore, kʋralɛ n'a ɩ̃ kpaalɛ nyɩ, ɛcɛ nyɩ bɛ bɛr wõ m ɛ.

Zeremi 35:15

Ɩ̃ ƴãw nɩ nũu tõ a ɩ̃ tõ-tõ-biir na ɩ a naaŋmɩn-ƴɛ̀r-manbɛ a, a nyɩ zie, kɛ́ bɛ wa yel nyɩ: “A nyɩ kãw za, ʋ bɛr a ʋ ɩb na bɛ vɩɛl a. Nyɩ ɩrɛ ɩb na sɛw taa nɩ a, nyɩ ta tuur ŋmɩn-yoru maalɛ a ɩ. A lɛ pʋɔ a, nyɩ na kpɩɛr'ɩ a tẽw ɩ̃ na kʋ̀ nyɩ, a nyɩɩm nɩ a nyɩ sãàkʋm-kore a.” Ɛcɛ nyɩ bɛ cɛlɩ be ɩ, nyɩ bɛ bɛr wõ m ɛ.

Zeremi 7:13

Ɛcɛ ƴɛrɛŋa a, a mãa, a Sore, ɩ̃ yere na: nyɩ maal'ɩ faa mɛ̃ a bɛl a. Ɩ̃ kpaalɩ nyɩ nɩ lɛɛ tɩ bàl, ɛ́ nyɩ bɛ bɛr wõ ɩ, ɩ̃ bʋɔlɩ nyɩ na, ɛ́ nyɩ bɛ sàw ɛ.

A naaŋmɩn-ƴèr-manɛ Oze sɛbɛ 4:1

A Sore dɩrɛ nɩ nɩ a tẽw dem ƴɛ̀rʋ. Ɩsɩrayɛl nɩbɛ ɛ, nyɩ bɛr wõ a lɛ a Sore na yere a: «Yel-mɩŋa nɩ tɔ-nɔ̃wfʋ bɛ cãà a tẽw pʋɔ ɩ. Nɩr za bɛ cãà bãw a mãa Naaŋmɩn ɛ.

A naaŋmɩn-ƴèr-manɛ Oze sɛbɛ 5:1

«A Nyɩɩm bàwr-maalbɛ, nyɩ bɛr wõ a yel ŋa! Ɩsɩrayɛl yir niw-dierbɛ ɛ, nyɩ cɛlɛ be! Nãà yir nɩbɛ ɛ, nyɩ ƴãw tobr! Nyɩmɛ nɛbɛ tɩ sɛw kɛ́ nyɩ mɩ́ dɩ a ƴɛ̀rʋ. Ɛcɛ nyɩ lɩɛb'ɩ bɛra a ɩ̃ nɩbɛ ƴãw a Misɩpa tẽw, nyɩ lɩɛb'ɩ mɩ̃ɛ bɛ na 'lẽ a ɩ̃ nɩbɛ ƴãw, a Tabɔɔr tãw zu a.

Zakari 1:4

Nyɩ ta cɔwrɛ a nyɩ sãàkʋm-kore ɩ. A koro za naaŋmɩn-ƴɛ̀r-manbɛ tɩ kpaalɩ bɛ nɩ a ɩ̃ yúor ƴãw, kɛ́ bɛ bɛr a bɛ cen-faar nɩ a bɛ ɩ-faar, ɛcɛ bɛ bɛ tɩ bɛr wõ ɩ, bɛ bɛ tɩ sàw a ɩ̃ nʋɔr ɛ.

Efɛɛzɩ 4:17

A na ɩ à ŋá a, bom ŋa n'ʋ ɩ̃ yere kʋ̀rɛ nyɩ lãwnɩ kpaalʋ a Sore yúor ƴãw: nyɩ ta cãà ɩrɛ mɛ̃ a nɩ-bʋʋr-yoru na tuur a bɛ tɩɛr-zawlɛ a ɩ.

Wulu-ayi-sob 30:20

Nyɩ nɔnɛ a Sore nyɩ Naaŋmɩn, wone a ʋ ƴɛ̀rʋ, ɛ́ tu ʋ. À ŋá n'a nyɩ na vʋʋrɛ, ɛ́ kpɛ a tẽw a Sore na pɔ yel k'ʋʋ na kʋ̀ n a nyɩ sãàkʋm-kore Abraham, Ɩzaakɩ nɩ Zakɔb a, cɛlɩ.

Wulu-ayi-sob 4:6

Nyɩmɛ wa tɛr a tuur a, a nɩ-bʋʋrɛ na cɛ a, na nyɛ̃ na nyɩ ɩ yã-bãwnbɛ nɩ yã dem. Bʋ̃ʋ n'ʋ vɛ̃, bɛlɛ wa bãw a wulu á ŋá za a, bɛ na yere na: «Yã-bãwfʋ nɩ yã bɛ n'a be a nɩ-bʋʋr-kpɛ̃ɛ ŋa zie ɩ!»

Wulu-ayi-sob 5:29

Bɛlɛ ɩ mɛ̃ bɛ ƴãw nɩ fãw zɔrɛ mɛ̃ ɛ́ sàwr a ɩ̃ nɛ-ƴãwnɩ za a, bɛlɛ nɩ a bɛ bʋʋrɛ na nyɛrɛ nɩ nʋ̃ɔ̀ a pʋɔ kʋralɛ.

Wulu-ayi-sob 6:2

À ŋá n'a a nyɩ cãafʋ daar za nyɩ na zɔrɛ a Sore nyɩ Naaŋmɩn, nyɩmɛ nɩ a nyɩ bʋʋrɛ. A nyɩ nyɔ-vʋʋrʋ na wõwme na nyɩmɛ wa sàwr a wulu á ŋá nɩ a nɛ-ƴãwnɩ á ŋá ɩ̃ na kʋ̀rɛ nyɩ a.

Wulu-ayi-sob 8:6

Nyɩ tuur a Sore nyɩ Naaŋmɩn nɛ-ƴãwnɩ, nyɩ ɩrɛ mɛ̃ a lɛ ʋ na bɔbr a, ɛ́ zɔrɛ ʋ.

2 Tesalonikɩ 3:12

Tɩ yere na kʋ̀rɛ a nɩbɛ bɛ ŋa, ɛ́ kpaalɛ bɛ a Sore Yeezu Kɩrɩta yúor ƴãw, kɛ́ bɛ tone zoomlɛ, ɛ́ dɩrɛ a bɛ nuru bome.

1 Samɩɛl 8:9

Lɛ so, sàw a bɛ zɛlʋ, ɛcɛ taa vɛnɛ a bɛ kpãàfʋ ɛ: manɩ vla kʋ̀ bɛ, a lɛ a nãà na na kaarɛ a bɛ zie a, a lɛ ʋ na na dɩrɛ a naalʋ a bɛ zu a.»