Zeremi 11:4 - A SƐB-SÕW

⁴ A koro za a, ɩ̃ tɩ ɩ na a nyɩ sãàkʋm-kore yi a Eziptɩ tẽw pʋɔ, bɛ yi a vũu-tʋl-kpãkpã na na tʋ̃ɔ́ nyɩl kure a pʋɔ. A lɛn daar a, ɩ̃ tɩ kʋ̀ bɛ nɩ a wõ-taa ŋa baarɩ. Ɩ̃ tɩ yel bɛ na: Nyɩ bɛrɛ wone a ɩ̃ ƴɛ̀rʋ, ɛ́ sàwr a mɛ̃ a lɛ ɩ̃ na yere kʋ̀rɛ nyɩ a. A lɛn daar a, nyɩ na ɩ n a ɩ̃ nɩbɛ, ɩ̃ɩ ɩ a nyɩ Naaŋmɩn.

Zeremi 11:4 ပူးပေါင်းရင်းမြစ်များ

Yele-za-pɛr-tib 17:8

A tẽw fʋ na kpɩɛr ɩ nʋʋra a, a Kanãa tẽw za, ɩ̃ kʋ̀rɛ ʋ nɩ fʋ̃ʋ nɩ a fʋ bʋʋrɛ. Bɛ na so ʋ nɩ kʋralɛ, ɩ̃ɩ ɩ a bɛ Naaŋmɩn.»

1 Na-mɩnɛ 8:51

Bʋ̃ʋ n'ʋ vɛ̃, bɛ ɩ n a fʋ nɩ-bʋʋrɛ, fʋ̃ʋ so bɛ, bɛl fʋ na ɩ bɛ yi a Eziptɩ tẽw pʋɔ, tuo na bɛ tɛr manʋ a pʋɔ a.»

2 Na-mɩnɛ 18:6

Ʋlɛ nɩ a Sore tɩ nɛbɛ kʋralɛ, ʋ bɛ zawrɩ ʋ bɛr ɛ. Ʋ tɩ sàw nɩ a nɛ-ƴãwnɩ a Sore na kʋ̀ a Moyiir a.

Eziptɩ tẽw yib 20:6

Ɛcɛ a bɛlɩ dem na nɔnɛ mɛ̃ ɛ́ sàwr a ɩ̃ nɛ́ɛ a, ɩ̃ mɩ́ tɛr'ɩ nɔ̃wfʋ-ɩb a bɛ zie tɩ ta bɛ na dɔw tu taa gb'aa túr a.»

Ɩzayi 30:6

Dʋn na tuo tuor a tɔlɛ nɩ a Negɛɛvʋ wɛja-kpalɛ pʋɔ. Kpɩɛrʋ zie na ɩrɛ dɛ̃bɩ̃ɛ nɩ pʋl-vʋ̃ɔ a n'ʋ, wɛ-narʋ, bʋ̃-daar nɩ bʋ̃-pɔwbɛ, dɔpamɛ nɩ wa-bɩɩr na ƴawr a kpɛb zie n'a. Nɩbɛ tuo nɩ a bɛ na-bome nɩ a bɛ na-bʋ̃-tuor bòn zu nɩ nyɔ̃wmɩ zɩgɛ zu. Nɩ-bʋʋrɛ kãw, na kʋ̃ tɛr yel-ɩra kãw za a bɛ zie a, so a.

Ɩzayi 48:10

Ɩ̃ ɩ na nyɩ lɛb vɩɛl, ɛ́ a bɛ ɩ a vũu na mɩ́ ɩ a salm-pla ʋ vɩɛl a pʋɔ n'a ɩ, kpɩɛrʋ vũu pʋɔ n'a.

Zeremi 11:7

A lɛn daar, ɩ̃ tɩ kpaalɩ bɛ nɩ kpɛ̃w kpɛ̃w za. Lɛ mɩ̀ n'a ɩ̃ ƴãw nũu kpaalɛ nɩ a nyɩɩm mɩ̀, yere nɩ: Nyɩ bɛrɛ wone a lɛ ɩ̃ na yere kʋ̀rɛ nyɩ a.”

Zeremi 24:7

Ɩ̃ na kʋ̀ bɛ nɩ yã na na sõw bɛ bɛ bãw mɛ̃ a. Sɩza, mãa n'ɩ a Sore, bɛ na lɩɛb'ɩ a ɩ̃ nɩbɛ, ɩ̃ɩ ɩ a bɛ Naaŋmɩn. Bɛ na lɛb'a wa a ɩ̃ zie nɩ a bɛ pʋɔ za.

Zeremi 26:13

Ƴɛrɛŋa a, nyɩ cere cenu ɛ́ ɩrɛ ɩb na sɛw taa nɩ a. Nyɩ bɛrɛ wone a lɛ a Sore nyɩ Naaŋmɩn na yere a, ʋʋ na lɛb'a bɛr a kpɩɛrʋ ʋ na tɩ yel k'ʋʋ na ƴãw nyɩ na a.

Zeremi 30:22

A lɛ pʋɔ a, nyɩ na lɛb'a ɩ a ɩ̃ nɩbɛ, ɩ̃ɩ ɩ a nyɩ Naaŋmɩn.»

Zeremi 32:28

A lɛ zũú a, a mãa, a Sore, ɩ̃ yere na: ɩ̃ na ƴãw nɩ a tẽ-kpɛ̃ɛ ŋa a Babɩlɔn tẽw nãà, Nabikodonozɔɔr, nɩ a ʋ zɛbr-nɩbɛ nuru pʋɔ. Ʋ na zɛb'a de ʋ.

Zeremi 38:20

Ɛcɛ, a Zeremi tɩ sɔw na: «Bɛ kʋ̃ de fʋ ƴãw a bɛ nuru pʋɔ ɩ. Bɛrɛ wone a lɛ ɩ̃ na yere kʋ̀rɛ fʋ a Sore yúor ƴãw a, ɛ́ a yele za na ɩ n vla, ɛ́ fʋ na cãà na vʋʋrɛ.

Ezekɩɛl 11:20

Lɛ n'a nyɩ na tuur a wulu ɩ̃ na kʋ̀ nyɩ a, nyɩ na maal'a ɩrɛ a ɩ̃ nɛ́ɛ ƴãw, ɛ́ sàwr a. Nyɩ na ɩ n a ɩ̃ nɩ-bʋʋrɛ, ɩ̃ɩ ɩ a nyɩ Naaŋmɩn.

Ezekɩɛl 14:11

À ŋá n'a a Ɩsɩrayɛl nɩbɛ kʋ̃ lɛb bɔr zãá nɩ mɛ̃ ɩ. Bɛ kʋ̃ lɛb ɩ dɛwr dem a bɛ sãwna za zũú ɛ. Ɛcɛ bɛ na ɩ n a ɩ̃ nɩ-bʋʋrɛ, ɩ̃ɩ ɩ a bɛ Naaŋmɩn.» À ŋá n'a a Sore Naaŋmɩn yel.

Ezekɩɛl 36:28

Lɛ n'a nyɩ na kpɩɛr a tẽw ʋl ɩ̃ na kʋ̀ a nyɩ sãàkʋm-kore a. Nyɩ na ɩ n a ɩ̃ nɩ-bʋʋrɛ, ɩ̃ɩ ɩ a nyɩ Naaŋmɩn.

Ezekɩɛl 37:23

Nyɩ kʋ̃ lɛb dɛw nyɩ tʋɔra bɛr a ŋmɩn-bɛlɛbɛlɛ puoru zũú, a ɩb na bɛ maal'ɩ wob a, nɩ a sãwna bʋʋrɛ bʋʋrɛ za zũú ɛ. Ɩ̃ na faa nyɩ nɩ a yel-bebe al za nyɩ na maalɩ a ɩ̃ zie a pʋɔ. Ɩ̃ na ɩ na nyɩ lɛb vɩɛl. Nyɩ na ɩ n a ɩ̃ nɩ-bʋʋrɛ ɩ̃ɩ ɩ a nyɩ Naaŋmɩn.

Ezekɩɛl 37:27

Ɩ̃ na kpɩɛr'ɩ a nyɩ sɔgɔ. Ɩ̃ na ɩ n a nyɩ Naaŋmɩn ɛ́ nyɩ ɩ a ɩ̃ nɩ-bʋʋrɛ.

Levitɩ mɩnɛ 26:12

Ɩ̃ na be n a nyɩ zie kʋralɛ ɩ a nyɩ Naaŋmɩn, ɛ́ nyɩ ɩ a ɩ̃ nɩ-bʋʋrɛ.

Levitɩ mɩnɛ 26:3

«Nyɩmɛ wa tuur a ɩ̃ wulu a, nyɩmɛ wa tɛr a ɩ̃ nɛ-ƴãwnɩ vla ɛ́ sàwr a a,

Zakari 13:9

Ɩ̃ na ɩ n a bɛl na na cãà vʋʋrɛ a, bɛ tu yi a vũumí, ɩ̃ na ɩ na bɛ vɩɛl, mɛ̃ a lɛ bɛ na mɩ́ ɩ a salm-pla ʋ vɩɛl a. Ɩ̃ na ɩ bɛ na kaa bãw a bɛ ŋmɛ̃a, mɛ̃ a lɛ bɛ na mɩ́ ɩ salm-zɩɛ kaa a. Lɛ n'a bɛ na puore mɛ̃, ɩ̃ɩ na mɩ́ sàw nɩ a bɛ puoru. Ɩ̃ na mɩ́ yel bɛ na: “Ɩ̃ nɩ-bʋʋrɛ n'ɩ nyɩ”, ɛ́ a bɛl yel mɛ̃: “Sore e, fʋ̃ʋ n'ɩ a tɩ Naaŋmɩn.”»

Zakari 6:15

Nɩbɛ na yi n zi-zãána wa sõw a Sore yir-kpɛ̃ɛ lɛb-mɛb. Lɛ n'a nyɩ na bãw k'aa Sore Kpɛnʋ-za-sob sɩrɩ n'ʋ tõ m a nyɩ zie. A yele á ŋá za na ta na, nyɩmɛ wa sàwr a Sore nyɩ Naaŋmɩn nʋɔr a.

Zakari 8:8

Ɩ̃ na ɩ na bɛ yi a be lɛb wa wa kpɩɛr a Zerizalɛm. Bɛ na ɩ n a ɩ̃ nɩ-bʋʋrɛ, ɩ̃ɩ ɩ a bɛ Naaŋmɩn. Ɩ̃ na dɩrɛ nɩ naalʋ a bɛ zu, nɩ yel-mɩŋa nɩ mɩnʋ.»

Matie 28:20

ɛ́ zànɩ nɩ bɛ bɛ tuur a al za ɩ̃ na ƴãw nʋɔr kʋ̀ nyɩ a. Ɛ́ mãa a, ɩ̃ be n a nyɩ zie bibie za na tɩ ta n a tẽw baarʋ daar.»

2 Korɛ̃tɩ 6:16

Bʋ̃ʋ wõ-taa n'a na tʋ̃ɔ́ be a Naaŋmɩn yir nɩ a tɩbɛ cara pʋɔ? Bʋ̃ʋ n'ʋ vɛ̃, tɩmɛ nɛbɛ ɩ a Naaŋmɩn na vʋʋrɛ a yir, mɛ̃ a lɛ a Naaŋmɩn tɔr za na yel a: «Ɩ̃ na kpɩɛr'ɩ a bɛ pʋɔ, ɛ́ cere a bɛ sɔgɔ, ɩ̃ na ɩ n a bɛ Naaŋmɩn, ɛ́ bɛ ɩ a ɩ̃ nɩ-bʋʋrɛ.»

Wulu-ayi-sob 11:27

A na ɩ n a maalʋ nyɩmɛ wa sàwr a nɛ-ƴãwnɩ a Sore nyɩ Naaŋmɩn na ƴãw ɩ̃ kʋ̀rɛ nyɩ a dɩ̃a a.

Wulu-ayi-sob 4:20

Ɛcɛ a nyɩɩm a, a Sore de nyɩ na, tɛr nyɩ yi n a Eziptɩ wʋ̀ʋr-kpɛ̃ɛ pʋɔ, kɛ́ nyɩ tʋ̃ɔ́ lɩɛbɩ a nɩ-bʋʋrɛ ʋ na so a, mɛ̃ à à ŋá nyɩ na ɩ ʋ a dɩ̃a a.

Wulu-ayi-sob 5:6

Mãa n'ɩ a Sore fʋ Naaŋmɩn na ɩ fʋ yi a Eziptɩ a, a be fʋ na tɩ ɩ gbãgbaa a.

Ebre 5:9

Ʋʋ na wa páw a ʋ vɩɛlʋ za baar'a, ʋ lɩɛb'ɩ a faafʋ na be kʋralɛ a yib zie, a bɛlɩ dem za na sàwr a ʋ nʋɔr a ƴãw.

1 Samɩɛl 15:22

Lɛ n'a a Samɩɛl tɩ yel: «A Sore nɔ̃w nɔnɛ nɩ a nyɩw-a-za-bàwr nɩ a bagɛ man a ʋ nʋɔr-sàwfʋ bɩɩ? Ʋ̃ʋ'hʋ̃! Ʋl zie a, a nʋɔr-sàwfʋ sa n a bàwr, a tu-a-lɛ-ʋ-na-yel-a sa n a pʋ́rɩ nɛn-kãá.