Zeremi 11:21 - A SƐB-SÕW

²¹ A na ɩ à ŋá a, à ŋá n'a a Sore yere cáarɛ nɩ a Anatɔtɩ tẽw dem, a bɛl na bɔbr a ɩ̃ kũu ɛ́ yere: «Ta ƴɛ̀rɛ naaŋmɩn-ƴɛ̀r-manɛ ƴɛ̀rʋ a Sore yúor ƴãw ɛ, alɛ bɛ ɩ lɛ, tɩ na kʋ b a nɩ a tɩ nuru.»

Zeremi 11:21 ပူးပေါင်းရင်းမြစ်များ

Ɩzayi 30:10

Bɛ yere nɩ a naaŋmɩn-ƴɛ̀r-manbɛ zie: «Nyɩ taa nyɛrɛ bʋ̃-nyɛrɩ ɛ! Nyɩ taa yere bom na ɩ sɩza a kʋ̀rɛ tɩ ɛ! Nyɩ manɛ yele na nʋmɛ a kʋ̀rɛ tɩ. Nyɩ yere yele na nʋmɛ ɛ́ bɛ ɩ sɩza a kʋ̀rɛ tɩ.

Zeremi 1:1

A sɛbɛ ŋa manɛ nɩ a lɛ Hɩlkɩahu bidɛb, Zeremi, na yel ɛ́ ɩ a. A Zeremi tɩ yi n bàwr-maalbɛ na kpɩɛr Anatɔtɩ a yir pʋɔ, Bɛ̃zamɛ tẽw pʋɔ.

Zeremi 1:19

Bɛ na zɛb'ɩ fʋ na, ɛcɛ, bɛ kʋ̃ tʋ̃ɔ́ fʋ ɩ bom ɛ. Bʋ̃ʋ n'ʋ vɛ̃, ɩ̃ be n a fʋ zie k'ɩ̃ɩ tʋ̃ɔ́ faa fʋ. A mãa, a Sore, mãa n'ʋ yel.»

Zeremi 20:10

Ɩ̃ wone nɩ nɩ-yaga na sãwnɛ a ɩ̃ yúor a. Bɛ bʋɔlɛ mɛ̃ nɩ «Pʋl-vʋ̃ɔ-a-ziir-za!» Bɛ mɩnɛ yere na: «Nyɩ wo a ʋ sãwna!» A ŋmaarɛ sɔwr: «Ʋ̃ʋ, tɩ wo a ʋ sãwna!» A ɩ̃ bárɩ tɛɛ za jɩɛrɛ nɩ a ɩ̃ loba. Bɛ yere na: «Kapaw ʋ na ɩ na tɩ bɛ̀lɩ nyɔw ʋ. Tɩ na tɛr'ɩ fãw zuo ʋ, ɛ́ tɩ na yáa nɩ a tɩ san a ʋ zu.»

Zeremi 26:8

A Zeremi na tɩ ƴɛ̀r a ƴɛ̀rʋ, a Sore na tɩ ƴãw a nʋɔr kʋ̀ ʋ k'ʋʋ ƴɛ̀r kʋ̀ a nɩbɛ a, wa baarɩ a, a bàwr-maalbɛ, a naaŋmɩn-ƴɛ̀r-manbɛ nɩ a nɩbɛ za tɩ nyɔw ʋ na ɛ́ yere: «Fʋ sɛwnɩ nɩ kũu!»

Zeremi 32:7

“A fʋ yɛb Hanameyɛl, a Salum bidɛb, na wa n a fʋ zie wa yel fʋ: Dà a ɩ̃ púo na be a Anatɔtɩ a. Bʋ̃ʋ n'ʋ vɛ̃, fʋ̃ʋ n'ɩ a ɩ̃ nɩr na pɩɛlɩ mɛ̃ zuo bɛ za a, fʋ̃ʋ n'ʋ tɛr sɔ́r na lɛb ya de ʋ, so ʋ.”»

Zeremi 34:20

Ɩ̃ na de bɛ na ƴãw a bɛ dɔ̃ dem nuru pʋɔ, a bɛl na bɔbr a bɛ kʋb a. A bɛ ƴã-gamɛ na lɩɛb'ɩ sidume nɩ gbõgbo-cili bʋ̃-dɩrɩ.

Amɔsɩ 2:12

Ɛcɛ nyɩɩm a, nyɩ ƴãw nɩ a naziir mɩnɛ nyúur divɛ̃, ɛ́ yere kʋ̀rɛ a ɩ̃ ƴɛ̀r-manbɛ: Nyɩ kʋ̃ ƴɛ̀r a Naaŋmɩn yúor ƴãw ɛ.''

Mise 7:6

Bʋ̃ʋ n'ʋ vɛ̃, bidɛb mɩ́ tʋʋr'ɩ a ʋ sãà, pɔwyaa mɩ́ ìr'a ʋlɛ nɩ a ʋ mã taw teli taa, bie-pɔw ìr ʋlɛ nɩ a ʋ sɩr-mã taw teli taa, ŋa za dɔ̃ dem mɩ́ ɩ n a ʋ yir nɩbɛ tɛɛ za.

Matie 10:21

Yɛb na mɩ́ nyɔw nɩ a ʋ yɛb tɩr bɛ kʋ, sãà na mɩ́ nyɔw nɩ a ʋ bie tɩr, bibiir na mɩ́ ír'a àr a bɛ sãà mɩnɛ zu, ɛ́ ƴãw bɛ kʋ bɛ.

Matie 21:35

Ɛcɛ a divɛ̃ tɩɩr po-kʋ́ɔrbɛ tɩ nyɔw nɩ a ʋ tõ-tõ-biir, pɔb a kãw, kʋ a ƴen sob, ɛ́ lɔb a kãw nɩ kʋsɛbɛ kʋ.

Matie 22:6

ɛ́ bɛ mɩnɛ nyɔw a tõ-tõ-biir dɔwrɩ ɛ́ kʋ.

Luka 4:24

A Yeezu tɩ lɛb'a yel ƴãw pʋɔ: «Sɩza n'a ɩ̃ yere kʋ̀rɛ nyɩ: nɩr bɛ dier naaŋmɩn-ƴɛ̀r-manɛ yele a ʋ tẽ-dɔwra pʋɔ ɩ.