Zeremi 11:19 - A SƐB-SÕW

¹⁹ A mãa a, ɩ̃ tɩ ɩ na mɛ̃ péli-pɔwlɛ bɛ na cere nɩ a kʋb zie a. Ɩ̃ bɛ tɩ bãw ʋlɩ bom nɛ bɛ na cɔbrɛ a ɩ̃ ƴãw a ɩ. Bɛ tɩ yere na: «Tɩ cɛ a tɩɛ na cãà kpɛmɛ a lɔb! Tɩ ír ʋ a nɩ-vʋʋrɩ tẽw pʋɔ bɛr, a ʋ yúor ta cãà pore ɩ!»

Zeremi 11:19 ပူးပေါင်းရင်းမြစ်များ

A Zɔb sɛbɛ 28:13

A nɩsaalbɛ bɛ bãw a Yã-bãwfʋ daarʋ ɛ, ʋ bɛ be a tẽw zu ka ɩ.

Sɛb-sõw yielu 109:13

A ʋ bʋʋrɛ, bɛ baarɩ, a ʋ yúor, ʋ bɔr a nɩbɛ na na dɔw tu a pʋɔ!

Sɛb-sõw yielu 112:6

A nɩ-mɩŋa bɛ be za na lo ɩ, a nɩbɛ na tɛr'ɩ a ʋ tɩɛrʋ kʋralɛ.

Sɛb-sõw yielu 116:9

Ɩ̃ na cere nɩ a Sore niŋé a nɩ-vʋʋrɩ tẽw zu.

Sɛb-sõw yielu 142:5

Jɩ́r a ɩ̃ dʋrʋ lowr nyɛ̃ a: nɩr za bɛ ŋmɛlɛ kaar mɛ̃ ɩ. Ɩ̃ bɛ cãà tɛr sɔwlʋ zie ɩ, nɩr za bɛ kaarɛ ɩ̃ zie ɩ.

Sɛb-sõw yielu 27:13

Bʋnʋ bɛ ka be ɩ, ɩ̃ na nyɛ̃ nɩ a Sore nɔ̃wfʋ a nɩ-vʋʋrɩ tẽw pʋɔ.

Sɛb-sõw yielu 31:13

Bɛ bɛ cãà tɛr a ɩ̃ tɩɛrʋ ɛ, bɛ yiiri mɛ̃ na bɛr mɛ̃ nɩr na kpi a, mɛ̃ bʋ̃-zaw a.

Sɛb-sõw yielu 35:15

Bɛ gbone nɩ taa kɛ́ bɛ la m a ɩ̃ loba pʋɔ, bɛ gbone nɩ taa a ɩ̃ ƴãw. Nɩ-sãanbɛ, nɩbɛ ɩ̃ na bɛ bãw a cɩɩrɛ nɩ a ɩ̃ ƴãw bɛ tɛr nãà bɛr ɛ.

Sɛb-sõw yielu 52:5

ɛ́ fʋ tone gɛgɛ-tome, ɛ́ nɔnɛ a ziri gãw a yel-mɩŋa. Tɛw-àrʋ

Sɛb-sõw yielu 83:4

Bɛ bʋ̀rɛ nɩ taa a fʋ nɩ-bʋʋrɛ ƴãw, bɛ sɔwlɛ na wone taa a fʋ nɩbɛ fʋ na gùre a ƴãw.

Zʋkpaɩ 10:7

A nɩbɛ mɩ́ tɛr'ɩ a nɩ-mɩŋa tɩ́ɛrʋ, ɛcɛ bɛ mɩ́ yiir'ɩ a nɩ-faar bɛr tɩ lãwnɩ a bɛ yie.

Zʋkpaɩ 24:15

Nɩ-faa a, ta maalɩ yã de a nɩ-mɩŋa yir ɛ, ta ɩ k'ʋ bɛ cãà tɛr kpɛb zie ɩ.

Zʋkpaɩ 7:22

Lɛ n'a ʋ dɛ tuur a pɔw mɛ̃ náab na cere a ʋ kʋb zie a. A nɩr ŋa cere nɩ a ʋ dɔwrʋ zie mɛ̃ gaso nɩr a,

Ɩzayi 32:7

A nɩ-bɛ-tɛr-bir ʋl a, a ʋ ɩ-ɩrɩ mɩ́ ɩ n nɩ-kʋ ɩ-ɩrɩ. Ʋ mɩ́ cɔbr'ɩ cɔbrʋ k'ʋʋ ŋma ziri kʋ n a nan dem. Ɛcɛ a bãbàalbɛ bɛ ŋa a, a alɩ bome nɛ ƴãw bɛ na tɛr sɔ́r a, al tɛwr'a bɛ mɩ́ yel kɛ́ bɛ kʋ̀ bɛ.

Ɩzayi 38:11

Ɩ̃ tɩ yere na mɩ̀: ɩ̃ kʋ̃ lɛb nyɛ̃ a Sore a nɩ-vʋʋrɩ tẽw zu ɛ, nɩ nɩsaal kãw za a tẽ-daa nɩbɛ pʋɔ ɛ.

Zeremi 1:19

Bɛ na zɛb'ɩ fʋ na, ɛcɛ, bɛ kʋ̃ tʋ̃ɔ́ fʋ ɩ bom ɛ. Bʋ̃ʋ n'ʋ vɛ̃, ɩ̃ be n a fʋ zie k'ɩ̃ɩ tʋ̃ɔ́ faa fʋ. A mãa, a Sore, mãa n'ʋ yel.»

Zeremi 18:18

A dɔ̃ dem bɛ mɩnɛ tɩ yel'a: «Nyɩ wa tɩ wa cɔbrɩ cɔbrʋ a Zeremi ƴãw. Tɩ na cãà na páwr a Naaŋmɩn wulu a bàwr-maalbɛ zie, a yã a yã-bãwnbɛ zie, a Naaŋmɩn ƴɛ̀rʋ a ʋ ƴɛ̀r-manbɛ zie. Nyɩ wa tɩ ƴɛ̀r sãw a ʋ yúor, tɩ ta cɛlɛ a ʋ ƴɛ̀rʋ kãw za ƴãw ɛ.»

Zeremi 20:10

Ɩ̃ wone nɩ nɩ-yaga na sãwnɛ a ɩ̃ yúor a. Bɛ bʋɔlɛ mɛ̃ nɩ «Pʋl-vʋ̃ɔ-a-ziir-za!» Bɛ mɩnɛ yere na: «Nyɩ wo a ʋ sãwna!» A ŋmaarɛ sɔwr: «Ʋ̃ʋ, tɩ wo a ʋ sãwna!» A ɩ̃ bárɩ tɛɛ za jɩɛrɛ nɩ a ɩ̃ loba. Bɛ yere na: «Kapaw ʋ na ɩ na tɩ bɛ̀lɩ nyɔw ʋ. Tɩ na tɛr'ɩ fãw zuo ʋ, ɛ́ tɩ na yáa nɩ a tɩ san a ʋ zu.»

Zeremi 26:8

A Zeremi na tɩ ƴɛ̀r a ƴɛ̀rʋ, a Sore na tɩ ƴãw a nʋɔr kʋ̀ ʋ k'ʋʋ ƴɛ̀r kʋ̀ a nɩbɛ a, wa baarɩ a, a bàwr-maalbɛ, a naaŋmɩn-ƴɛ̀r-manbɛ nɩ a nɩbɛ za tɩ nyɔw ʋ na ɛ́ yere: «Fʋ sɛwnɩ nɩ kũu!»

A Lãw-mʋɔlɛ 3:60

Fʋ nyɛ̃ nɩ a lɛ bɛ na yáa a san a ɩ̃ zu a, fʋ nyɛ̃ nɩ a lɛ za bɛ na cɔbrɩ a ɩ̃ ƴãw a.

Ezekɩɛl 32:24

A Elam tẽw nãà be n ka nɩ a ʋ zɛbr-nɩbɛ. A ʋ sojarɩ yarʋ viir'a koli ʋ. Bɛ kʋ n bɛ za a zɛbr zie. A yɔ-ɓile dem bɛ ŋa na tɩ ɩrɛ a nɩ-vʋʋrɩ tẽw màwr dɛ̃bɩ̃-mawfʋ a, bɛ siw nɩ a tẽsɔw pʋ̃ɔmɩ. Ƴɛrɛŋa a, vĩ nyɔw bɛ na lãwnɩ a bɛl za na be a kũuni zie a.

A naaŋmɩn-ƴèr-manɛ Oze sɛbɛ 9:8

A Sob nɛ na piwre a zie a Efarayim ƴãw a be n a Naaŋmɩn zie, a naaŋmɩn-ƴɛ̀r-manɛ n'ʋ. Ɛcɛ bɛ ƴãwnɛ nɩ bɛrɩ a ʋ sɛ́ɛ za zu, bɛ mɩ́ diw ʋ na tɩ sãá nɩ a ʋ Naaŋmɩn yir.

Sɔr-nɛ́ɛ 1:14

Gadɩ dɔwlʋ: Dewuyɛl bidɛb, Eliyasafʋ