Zeremi 11:13 - A SƐB-SÕW

¹³ A Zuda tẽw dem tɛr'ɩ ŋmɩmɛ a yãwmɛ sɛw a bɛ tẽ-bɛrɛ. Ɛ́ a Zerizalɛm tẽw a, bɛ mɛ n bàwr-maal-kube a yãwmɛ sɛw a sɛ́ɛ, kɛ́ bɛ mɩ́ maalɩ bagɛ kʋ̀ a Báàl-na-dɩ-kɛ́-Vĩ a.

Zeremi 11:13 ပူးပေါင်းရင်းမြစ်များ

2 Na-mɩnɛ 23:13

Ʋ tɩ sãw nɩ a maalʋ-ziir, a nãà Salomɔ̃ na tɩ mɛ a Olivʋ tɩɩr tãw saa-pɛrɩ́-dʋrʋ-lowr a, bɛr, a tãw ʋl na àr tori a Zerizalɛm a. A maalʋ-ziir á ŋá tɩ mɛ n a Sɩdɔ̃ tẽw dem ŋmɩn-pɔw-faa faa, Asɩtarte, ƴãwfʋ ƴãw, Mowab tẽw dem ŋmɩn-faa faa, Kemɔsɩ, nɩ a Amɔ̃ tẽw dem ŋmɩn-faa na bɛ tɛr yúor póru a, Mɩlkɔm, ƴãwfʋ ƴãw.

2 Bibie za yel-manɩ 28:25

A Zuda naalʋ-tẽw tẽ-kpɛ̃ɛ za pʋɔ a, ʋ tɩ ƴãw nɩ maalʋ-ziir mɩ́ nyɩw a tɩ-suur-zɔ̃-na-nyùur-vla-vla-a a ŋmɩn-yoru ƴãw. À ŋá n'a ʋ tɩ ɩrɛ a Sore, a ʋ sãà mɩnɛ Naaŋmɩn, suur ìr.

Ɩzayi 2:8

A bɛ tẽw paal'ɩ tɩbɛ: bɛ gbine nɩ dume a bɛ nuru bʋ̃-maalɩ niŋé, bome nɩsaalbɛ na maalɩ a.

Zeremi 11:17

A Sore, a kpɛnʋ-za-sob'ʋ tɩ sɛl ʋ. Ɛcɛ ƴɛrɛŋa a, ʋ ƴɛ̀rɛ nɩ dɔwrʋ ƴɛ̀rʋ kʋ̀rɛ ʋ, a faa a Ɩsɩrayɛl nɩ a Zuda ten dem na maalɩ a zũú. Bʋ̃ʋ n'ʋ vɛ̃, bɛ maal'ɩ bagɛ kʋ̀ a Báàl ƴãw a Sore suur ìr.

Zeremi 17:1

«A Zuda nɩbɛ sãwna sɛb'a nɩ kur-nɔ-cɩlʋ bɩɩ kʋsɛ-bi-nyɩla kãw bɛ na bʋɔlɛ dɩamã a nɔ-cɩlʋ. Ʋ sɛb'ɩ a bɛ socie pʋɔ nɩ a bɛ bàwr-maal-kube ɩ́lɛ́ zu.

Zeremi 18:15

Ɛcɛ a ɩ̃ nɩ-bʋʋrɛ yiiri mɛ̃ na bɛr. Bɛ maalɛ nɩ bagɛ kʋ̀rɛ ŋmɩmɛ na bɛ ɩ ŋmɩmɛ a. A ŋmɩmɛ á ŋá ƴãw na bɛ ŋmɩɛr gbɛ́ɛ a sɔ́r zu. A ƴãw na bɛ bɛr a sɔ́r bɛ na tuur a koro za a, ɛ́ cere sɔrle na bɛ puo a zu.

Zeremi 19:4

Bʋ̃ʋ n'ʋ vɛ̃, a Zuda tẽw nɩbɛ zawrɩ mɛ̃ na bɛr, bɛ ɩ na bɛ bɛ lɛb cãà bãw a zie ŋa ɩ. Bɛ nyɩw nɩ tɩ-suur-zɔ̃-na-nyùur-vla-vla-a a zie ŋa pʋɔ kʋ̀ ŋmɩn-yoru. A bɛl mɩŋa, a bɛ sãàkʋm-kore nɩ a Zuda na-mɩnɛ bɛ tɩ bãw a ŋmɩmɛ á ŋá ɩ. Bɛ ɩ na kɛ̀ nɩbɛ na bɛ tɛr sãwna a zɩ̃ɩ cir pàw a zie ŋa.

Zeremi 19:5

Bɛ cɔbr'ɩ zi-tuo a ŋmɩn Báàl ƴãw, kɛ́ bɛ mɩ́ nyɩw a bɛ bidɛbr maal'ɩ bàwr kʋ̀ ʋ. Ɛcɛ, ɩ̃ bɛ tɩ ƴãw nʋɔr à á ŋá ƴãw ɛ, ɩ̃ bɛ dãw ƴɛ̀r a ƴɛ̀rʋ ɛ, ɩ̃ bɛ dãw tɛr a tɩɛrʋ ɛ.»

Zeremi 2:28

Ɛcɛ, ɩ̃ na sɔw nyɩ na: “A nyɩ ŋmɩmɛ nyɩ na maalɩ a wa?” A ìr, alɛ na na tʋ̃ɔ́ faa nyɩ a lɛn daar nyɩ nãà wa be a kpɩɛrʋ pʋɔ a! Bʋ̃ʋ n'ʋ vɛ̃, Zuda nɩbɛ ɛ, a nyɩ ŋmɩmɛ yãwmɛ na mɛ̃ a nyɩ tẽ-bɛrɛ a!”

Zeremi 3:24

Ɛcɛ, a tɩ pɔ̀lʋ daarɩ́ za a, a Báàl maalʋ na ɩrɛ vĩ a baar'ɩ a alɩ bome nɛ za a tɩ sãà mɩnɛ na tɩ bàl bɛ tʋɔra páw a, a bɛ píir, a bɛ bʋʋr, a bɛ nĩi, a bɛ bidɛbr nɩ a bɛ pɔwyaar.

Zeremi 3:25

Tɩ gã nɩ a tɩ vĩ, tɩ sàw a tɩ yúor na sãw a. Bʋ̃ʋ n'ʋ vɛ̃, tɩɩm nɩ a tɩ sãàkʋm-kore mɩnɛ maal'ɩ yel-bier sãw nɩ a Sore tɩ Naaŋmɩn, a tɩ pɔ̀lʋ daarɩ́ za wa tɔ a dɩ̃a. Tɩ bɛ bɛr wõ a lɛ a Sore tɩ Naaŋmɩn na tɩ yere kʋ̀rɛ tɩ a ɩ.»

Zeremi 32:35

Bɛ cɔbr'ɩ maalʋ-ziir a ŋmɩn Báàl ƴãw a Hinom bà-fʋɔla pʋɔ, kɛ́ bɛ tʋ̃ɔ́ mɩ́ nyɩw a bɛ bidɛbr nɩ a bɛ pɔwyaar kʋ̀ a ŋmɩn Molɛkɩ. Ɩ̃ bɛ dãw yel a lɛ kʋ̀ bɛ towtow ɛ, ɩ̃ mɩ̀ bɛ dãw tɛr a tɩɛrʋ ɛ. Ɛ́ bɛ na ɩ a ɩb na maal kpɛ faa à ŋá a, bɛ taw nɩ a Zuda nɩbɛ ƴãw a faa pʋɔ.

Zeremi 44:21

«A bagɛ a nyɩɩm, a nyɩ sãà mɩnɛ, a nyɩ na-mɩnɛ, a nyɩ tõ-tõ-bi-bɛrɛ nɩ a tẽw nɩbɛ za na tɩ maalɛ a Zuda tẽw pʋɔ nɩ a Zerizalɛm tẽw sɛ́ɛ pʋɔ a, a Sore cãà na bãwnɩ a, ʋ bɛ yiiri a yele ɩ.

Zeremi 44:5

Ɛcɛ nyɩ bɛ bɛr wõ ɩ, nyɩ bɛ cɛlɩ be ɩ. Nyɩ bɛ bɛr a faa nyɩ na tɩ maalɛ a ɩ, ɛ́ nɩ̃ɛ cãà cow maalɛ bagɛ kʋ̀rɛ ŋmɩn-yoru.

Zeremi 48:35

«A mãa Sore, ɩ̃ yere na: Ɩ̃ na ɩ na a bɛlɩ dem na mɩ́ cen a maalʋ-ziir tɩ maalɩ bagɛ kʋ̀ a bɛ ŋmɩmɛ a, bɛ bɔr a Mowab tẽw pʋɔ.»

Zeremi 7:9

Ŋmɩŋmɩn za n'a nyɩ na zure, kʋrɛ, maalɛ pɩ̃ɔ-yele, pɔrɛ pɔ-ziri, maalɛ bagɛ kʋ̀rɛ a Báàl, zɔrɛ tuur ŋmɩn-yoru nyɩ na bɛ bãw a,

Ezekɩɛl 16:24

Ɛcɛ fʋ mɛ n gboro nɩ zi-kɛrɩ a tuor-taa ziir za.

A naaŋmɩn-ƴèr-manɛ Oze sɛbɛ 10:1

Divɛ̃ tɩɩr púo na vɩɛl, ɛ́ a tɩɩr wɔnɛ yaga a tɩ n'ɩ a Ɩsɩrayɛl. Ɛcɛ a lɛ a tɩɩr na tɩ wɔnɛ yaga a, lɛ n'a ʋ mɩ̀ tɩ mɩɛr a bàwr-maal-kube dɔwlɛ cere nɩ, lɛ n'a ʋ mɩ̀ tɩ wobr a kʋsɛbɛ tele nɩ pɔ̀lʋ.

A naaŋmɩn-ƴèr-manɛ Oze sɛbɛ 12:11

Ɩ̃ na ƴɛ̀r'ɩ a ƴɛ̀r-manbɛ zie, ɩ̃ na ɩ na a bʋ̃-nyɛrɩ bɛ na mɩ́ nyɛ̃ a lɛb yãwmɛ dɔwlɩ, ɩ̃ɩ na ƴãw na bɛ mɩ́ lɔb zʋkpaɩ a ɩ̃ yúor ƴãw.

A naaŋmɩn-ƴèr-manɛ Oze sɛbɛ 9:10

À ŋá n'a a Sore yere: «Ɩ̃ nyɛ̃ nɩ a Ɩsɩrayɛl ʋ ɩ mɛ̃ divɛ̃ tɩ-wɔmɛ bɛ na nyɛ̃ wɛja-kpalɛ pʋɔ a. Ɩ̃ nyɛ̃ nɩ a nyɩ sãàkʋm-kore mɛ̃ kãkãw wɔ̃-dãw bɛ na nyɛ̃ a tɩɛ zu a. Ɛcɛ bɛl a, bɛ na dɛ wa tarɛ a Bàál-Pewɔɔr tẽw a, bɛ bɛr'ɩ bɛ tʋɔra kʋ̀ a Vĩ, lɛ n'a bɛ lɩɛbɩ faalʋ na bɛ maal'ɩ wob a, mɛ̃ a bom ʋl tɔr za bɛ na nɔnɛ a.