Zeremi 10:5 - A SƐB-SÕW

⁵ A tɩbɛ à ŋá ŋmɛ̃ na mɛ̃ ŋmaar bɛra na be kɔ̃kɔ̃bʋr púo pʋɔ a. A bɛ ƴɛ̀rɛ ɩ. A mɩ́ fɛr'a kɛ́ bɛ tuo a, a na kʋ̃ tʋ̃ɔ́ cen a ƴãw. Nyɩ ta zɔrɛ a ɩ: a kʋ̃ tʋ̃ɔ́ mal nɩr ɛ, ɛ́ mɩ̀ kʋ̃ tʋ̃ɔ́ maalɩ nɩr vla ɩ.»

Zeremi 10:5 ပူးပေါင်းရင်းမြစ်များ

1 Na-mɩnɛ 18:26

Bɛ tɩ de nɩ a nadɛr a Eli na kʋ̀ bɛ a, cɔbrɩ, al pùorí bɛ puori a Báàl a biɓaara tɩ ta n a mʋ̃tɔ̃-tuo. Bɛ tɩ yere na: «Báàl i, sɔw tɩ!» Ɛ́ tɩ ƴawr viire kole a bàwr-maal-kuur bɛ na mɛ a. Ɛcɛ bɛ bɛ tɩ wõ sɔwfʋ kãw za ɩ.

2 Bibie za yel-manɩ 25:15

Lɛ n'a a Sore suur tɩ ìr a Amazɩasɩ ƴãw, ʋ tõ ƴɛ̀r-manɛ kãw k'ʋʋ tɩ yel ʋ à ŋá: «Bʋ̃ʋ n'ʋ so fʋ ƴãwnɛ a nɩ-bʋʋrɛ bɛ ŋa ŋmɩmɛ na bɛ tʋ̃ɔ́ faa a bɛ nɩ-bʋʋrɛ a fʋ nuru pʋɔ a?»

Ɩzayi 16:12

Bɛ na nyɛ̃ nɩ a Mowab nɩbɛ bɛ bàlɛ bɛ tʋɔra dúor a maalʋ-ziir, bɛ cere a bɛ zi-sõw pʋɔ kɛ́ bɛ tɩ puori, ɛcɛ a na ɩ n zawla.

Ɩzayi 45:20

Nyɩɩm na cɛ a nɩ-bʋʋrɛ sɔgɔ a, nyɩ ɓã taa wa, nyɩ lãw taw pɩɛlɩ. A bɛlɩ dem na tuo a bɛ dàa tɩɩb ɛ́ puore ŋmɩn na kʋ̃ tʋ̃ɔ́ faa bɛ a, bɛ bɛ bãw bom za ɩ.

Ɩzayi 46:1

A ŋmɩn Bɛl gũu na, a ŋmɩn Nebo lo na. Bɛ de nɩ a dasuli tuo dʋn. A bome bɛ na mɩ́ tɩ tuo cɔrɩ cere nɩ a, alɛ n'ɩ a ŋan lɩɛbɩ tuor, to-tɩbrʋ dʋn na bàl a ƴãw.

Ɩzayi 46:7

Bɛlɛ nɛbɛ mɩ́ tuo ʋ a bɛ bawŋman zu ɛ́ nyɔw tɛr cen nɩ, tɩ ƴãw ʋ a ʋ beba zie. A ŋmɩn na àr'ɩ a be, ʋ be cere zie ɩ. Nɩr wa kõ bʋɔl'ʋ a, ʋ bɛ sɔwr ɛ. Ʋ bɛ faarɛ nɩr za a ʋ kpɩɛrʋ pʋɔ ɛ.

Zeremi 10:14

Lɛ n'a a nɩbɛ za dɛ mɩ́ àr lɛ, bol, bɛ bãw bom pɛr ɛ. Vĩ ɩrɛ nɩ a kur-nyɩlbɛ za, a bɛ ŋmɩn-bɛlmɛ ƴãw. A dasuli á ŋá ɩ n bɛlʋ: vʋʋrʋ bɛ be a pʋɔ ɩ.

Habakukɩ 2:19

«Baw-bio páw nyɩ na! Nyɩ mɩ́ yel'ɩ dà-ŋmãa: “Ìr, ta gúre ɩ!” Ɛ́ yel kʋsɩɛr na gã bɛ ƴɛ̀rɛ a: “Ìr àr!” Ɛcɛ alɛ n'ɩ a ŋan kʋ̃ tʋ̃ɔ́ wul nyɩ bom za nyɩ bãw ɛ. Bɛ na saa nyɩl salm-zɩɛ nɩ salm-pla pàw a a, a bɛ vʋʋrɛ towtow ɛ.

1 Korɛ̃tɩ 12:2

Nyɩ bãwnɩ a na, a lɛn daar nyɩ na tɩ cãà ɩ a tɩbɛ nɩbɛ a, a bɛ mɩ́ tɩ tɛr nyɩ na kʋ̃ cen a tɩbɛ na bɛ tɛr nʋɔr ƴɛ̀rɛ a zie ɩ.

1 Korɛ̃tɩ 8:4

Ɛ́ a nɛnɛ al bɛ na mɩ́ kʋ ƴãw a tɩbɛ ƴãw a 'wɔbrʋ ƴãw a, tɩ bãwnɩ a na kɛ́ tɩɩb kãw za bɛ ɩ bʋ̃-sɩza ɩ, ɛ́ ŋmɩn kãw za bɛ be a tẽ-daa zu a bɛ ɩ a Naaŋmɩn-been yõ ɩ.

Wulu-ayi-sob 4:28

A be a, nyɩ na tɩ maalɛ nɩ ŋmɩmɛ nɩsaalbɛ nuru na maalɩ nɩ dàar bɩɩ kʋsɩɛr a, ŋmɩmɛ na kʋ̃ tʋ̃ɔ́ nyɛ̃ bom, kʋ̃ tʋ̃ɔ́ wõ bom nɩ tobr, kʋ̃ tʋ̃ɔ́ dɩ bom, kʋ̃ tʋ̃ɔ́ wõ bom nyũu a.