Zeremi 10:3 - A SƐB-SÕW

³ A nɩ-bʋʋr-yoru tub bɛ tɛr pɛr ɛ. Bɛ mɩ́ cɛ n dàa a tuw pʋɔ, ɛ́ a bʋ̃-pɛnɛ pɛnɩ tɩɩb.

Zeremi 10:3 ပူးပေါင်းရင်းမြစ်များ

Sɛb-sõw yielu 115:4

Ɛcɛ salm-pla nɩ salm-zɩɛ n'a bɛ maal'ɩ a bɛ tɩbɛ, nɩsaalbɛ nuru bʋ̃-maalɩ n'a.

Ɩzayi 45:20

Nyɩɩm na cɛ a nɩ-bʋʋrɛ sɔgɔ a, nyɩ ɓã taa wa, nyɩ lãw taw pɩɛlɩ. A bɛlɩ dem na tuo a bɛ dàa tɩɩb ɛ́ puore ŋmɩn na kʋ̃ tʋ̃ɔ́ faa bɛ a, bɛ bɛ bãw bom za ɩ.

Zeremi 1:16

Ɩ̃ na dɩ n nɩ a tẽw ŋa nɩbɛ ƴɛ̀rʋ. Bʋ̃ʋ n'ʋ vɛ̃, bɛ sɩrɩ na maalɩ faa: Bɛ zawrɩ mɛ̃ na bɛr, bɛ maal'ɩ bagɛ kʋ̀ ŋmɩn-yoru, ŋmɩmɛ bɛ na maalɩ ɛ́ puore a.

Zeremi 10:8

A nɩbɛ bɛ ŋa bol'ɩ bɛ za, been bɛ cɛ ɩ. A bɛ ŋmɩmɛ á ŋá kʋ̃ tʋ̃ɔ́ zanɩ nɩ bɛ bom ɛ, dàar ŋmɩmɛ n'a.

Zeremi 14:22

A nɩ-bʋʋr-yoru ŋmɩn-bɛlɛbɛlɛ pʋɔ a, been be n be na tʋ̃ɔ́ ɩ kɛ̀ saa wa a? A salom tɛɛ za n'ʋ mɩ́ bɛr a kʋ̃ɔ a siw ɩ? Fʋ̃ʋ bɛ n'ɩ a Sore tɩ Naaŋmɩn ɛ? A fʋ ƴãw n'a tɩ ƴãw a tɩ tɩɛrʋ, bʋ̃ʋ n'ʋ vɛ̃, fʋ̃ʋ n'ʋ maalɛ à á ŋá za.»

Zeremi 16:19

Sore e, fʋ̃ʋ n'ɩ a ɩ̃ fãw na mɩ́ piw mɛ̃ tɛr a, fʋ̃ʋ n'ɩ a ɩ̃ sɔwlʋ zie a kpɩɛrʋ daar. Fʋ̃ʋ zie n'a a nɩ-bʋʋr-yoru na yi a tẽw baarʋ ziir za wa, wa yere à ŋá: «A tɩ sãàkʋm-kore bʋ̃-sori bɛ na páw a ɩ n ziri tɛwr, bome na bɛ tɛr pɛr ɛ́ mɩ̀ bɛ tɛr yel-ɩra a n'a.

Zeremi 2:5

À ŋá n'a a Sore yere: Bʋ̃ʋ n'ʋ a nyɩ sãàkʋm-kore nyɛ̃ a ɩ̃ zie a bɛ sɛw, bɛ pɩl? Bɛ zɔ na tu bʋ̃-zawlɛ pùor mɩ̀ lɩɛbɩ bʋ̃-zawlɛ.

Levitɩ mɩnɛ 18:30

«Nyɩ tuur a ɩ̃ nɛ-ƴãwnɩ, nyɩ taa ɩrɛ a ɩ-faar á ŋá na bɛ maal'ɩ wob, bɛ na tɩ ɩrɛ ɛ́ nyɩ wa bãw wa a ɩ. Nyɩ taa dɛwr nyɩ tʋɔra nɩ a ɩ-ɩrɩ á ŋá ɩ. Mãa n'ɩ a Sore nyɩ Naaŋmɩn.»

Matie 6:7

Nyɩmɛ mɩ́ wa puore a, nyɩ ta mɩ́ puule a ƴɛ̀r-been kʋralɛ mɛ̃ a tɩbɛ dem a ɩ: bɛ mɩ́ manɛ kɛ́ bɛlɛ wa ƴɛ̀rɛ yaga a n'a a Naaŋmɩn na de a bɛ puoru.

Nɩ-toni 19:26

Ɛcɛ nyɩ nyɛ̃ a na, bɩɩ nyɩ wõ a na: a Pol ƴɛ̀rʋ damnɛ nɩ nɩ-yaga yaga a Efɛɛzɩ ka, tɩ faar na ta n a Azi za. Ʋ ɩ na a nɩbɛ sàw kɛ́ a ŋmɩmɛ tɩ na maalɛ nɩ a tɩ nuru a, ɛ́ a bɛ ɩ ŋmɩmɛ ɩ.

Ʋrɔm 1:21

Bʋ̃ʋ n'ʋ vɛ̃, bɛ bãw nɩ a Naaŋmɩn ɛ́ bɛ zɛw a ʋ yúor-vɩɛlʋ-danʋ ɛ, bɛ puor'ʋ yãanɩ na sɛw taa nɩ ʋ a ɩ. A bɛ tɩɛrʋ nɩ̃ɛ na lɩɛbɩ tɩɛr-zawlɛ, ɛ́ a bɛ gẽgẽ-yã be lige pʋɔ ʋ za.

1 Pɩɛr 1:18

Nyɩ bãwnɩ a vla, bom na ɩ bʋ̃-wɛra mɛ̃ a salm-pla nɩ a salm-zɩɛ a, alɛ bɛ n'a bɛ ya ír'ɩ nyɩ bɛr a ɩ-ɩrɩ na bɛ tɛr tɔnɛ a pʋɔ a nyɩ sãàkʋm-kore mɩnɛ na lʋɔrɩ kʋ̀ nyɩ a ɩ.