Zeremi 10:25 - A SƐB-SÕW

²⁵ Nɩ̃ɛ ɩ a fʋ suur ʋ ìr a nɩ-bʋʋrɛ na bɛ bãw fʋ a ƴãw, a nɩbɛ bɛl na bɛ bʋɔlɛ a fʋ yúor a ƴãw. Bʋ̃ʋ n'ʋ vɛ̃, bɛ báarɛ nɩ a fʋ nɩbɛ, bɛ báarɛ bɛ nɩ bɛ za, bɛ sãwnɛ nɩ a fʋ nɩbɛ tẽw bɛrɛ.

Zeremi 10:25 ပူးပေါင်းရင်းမြစ်များ

A Zɔb sɛbɛ 18:21

Lɛ n'a a nɩbɛ na yere: «A ʋlɩ bom nɛ na cɛ a nɩ-faa ŋa nɩ a ʋ yir ƴãw a n'ɩ à á ŋá. Zie bɛ na bɛ tɩ bãw Naaŋmɩn a n'ɩ a ka.»

Sɛb-sõw yielu 14:4

A Sore yere na: «Bɛ sɩrɩ bɛ bãw bom za ɩ, a yel-fa-maalbɛ bɛ ŋa za, na nɛbr a ɩ̃ nɩ-bʋʋrɛ, dɩrɛ nɩ a bɛ bʋ̃-dɩrɩ, ɛ́ bɛ ŋmɛlɛ kaar mɛ̃ towtow a.»

Sɛb-sõw yielu 147:20

Ʋ bɛ ɩ à à ŋá nɩ-bʋʋrɛ kãw za ƴãw ɛ, a kãw za bɛ bãw a ʋ nɛ-ƴãwnɩ ɛ. Aleluya!

Sɛb-sõw yielu 27:2

Yel-fa-maalbɛ wa tawr pɩɛlɛ mɛ̃ kɛ́ bɛ taw mɛ̃ ɓɛl a, bɛlɛ nɛbɛ ɩ a ɩ̃ dɔ̃ dem nɩ a nɩbɛ na ɩrɛ mɛ̃ a kpɩɛr a, bɛlɛ nɛbɛ mɩ́ kaw lo.

Sɛb-sõw yielu 69:24

A bɛ mimie, a zɔ̃wnɛ ta tɩ cãà nyɛrɛ ɩ. Ɩ kɛ̀ bɛ gʋ̀r zɩgɛ kʋralɛ.

Ɩzayi 43:22

A Sore yere na: «Ɩsɩrayɛl i, mãa bɛ n'ʋ fʋ bʋɔlɩ a fʋ sõwfʋ ƴãw ɛ. Fʋ nɩ̃ɛ na nyɛ̃ ɩ̃ bàl fʋ, Zakɔb i.

Ɩzayi 64:7

Ɛcɛ, Sore e, fʋ̃ʋ n'ɩ a tɩ sãà. Tɩ ɩ n a yawra ɛ́ fʋ ɩ a mɩɛ-mɩɛrɛ. A fʋ nuru n'a mɛ tɩ tɩ za.

Ɩzayi 9:12

A na ɩ lɛ a, a Sore ŋmɛ n a ʋ nɩ-bʋʋrɛ, ɛcɛ a Ɩsɩrayɛl nɩbɛ bɛ lɛb wa a sob nɛ na ŋmɩɛr bɛ a zie ɩ, bɛ bɛ bɔ a Sore, a kpɛnʋ-za-sob ɛ.

Zeremi 11:1

Ƴɛ̀rʋ ŋa n'ʋ a Sore tɩ ƴɛ̀r a Zeremi zie:

Zeremi 30:16

Ɛcɛ a bɛlɩ dem za na báarɛ fʋ a, bɛ mɩ̀ na baarɩ bɛ na. Bɛ na diw nɩ a fʋ dɔ̃ dem za pap cen nɩ tẽ-yũo. A bɛlɩ dem za na fárɛ a fʋ bome a, bɛ mɩ̀ na fá n a bɛ bome. A bɛlɩ dem za na zarɛ a fʋ bome a, bɛ mɩ̀ na za n a bɛ bome.

Zeremi 50:17

A Ɩsɩrayɛl tɩ ɩ na mɛ̃ pɛrʋ na bɔr kɛ̀ gben diwr a. A dãw-niwn sob na tĩ 'wɔb ʋ a n'ɩ a Asiiri tẽw nãà. Al pùorí, a Babɩlɔn tẽw nãà, Nabikodonozɔɔr, wa kar ʋ a kɔbɛ.

Zeremi 50:7

A bɛlɩ dem za na mɩ́ tɩ tuori a a, mɩ́ tɩ vɔl a na, ɛ́ a dɔ̃ dem mɩ́ tɩ yere: “Tɩ bɛ tɛr sãwna ɩ. Bʋ̃ʋ n'ʋ vɛ̃, a nɩbɛ bɛ ŋa sãw nɩ a Sore na ɩ a bɛ taw-lanʋ zie, ɛ́ a bɛ sãàkʋm-kore tɩ ƴãw a bɛ tɩɛrʋ a ʋ ƴãw a.”»

Zeremi 8:16

A dɔ̃ sob ta n a Dan tẽw baarɩ. A ʋ wie na vʋʋrɛ nɩ fãw a vʋʋrʋ yire nɩ a tẽ-kpɛ̃ɛ ŋa pʋɔ. A gɔmɛ a na kone ɩrɛ a ɩ na a tẽw za màwr. A waar'a k'aa wa sãw a tẽw nɩ bom za na be a ʋ pʋɔ a bɛr, a tẽ-kpɛ̃ɛ nɩ a ʋ nɩbɛ.»

A Lãw-mʋɔlɛ 2:22

Fʋ bʋɔl'ɩ a ɩ̃ kpɛ-pɩɛl dem na ɩrɛ mɛ̃ dɛ̃bɩ̃ɛ a, mɛ̃ cuw bibir ƴãw a. Sore e, a fʋ suur bibir a, nɩr bɛ tɩ cɩ̃ɛ ɩ, nɩr bɛ tɩ cãà vʋʋrɛ ɩ. A bɛlɩ dem ɩ̃ na tɩ guoli ɛ́ nɔ̃w yaga za a, a ɩ̃ dɔ̃ sob kʋ n bɛ za pàw pɛr.

Sofoni 1:6

Ɩ̃ na kʋ n a bɛlɩ dem na mɩ́ gùr pùor cɔw a mãa Sore, ɛ́ bɛ mɩ́ bɔbr mɛ̃, ɛ́ bɛ sowre mɛ̃ bom a.»

Sofoni 3:8

A na ɩ à ŋá a, a Sore yere na: nyɩ gùre a ɩ̃ waa, a bibir ʋl ɩ̃ na na wa, wa wul a nyɩ sãwna a. Ɩ̃ yel'a k'ɩ̃ɩ na ɓã n a nɩ-bʋʋr-yoru nɩ a naalʋ-ten nɩbɛ taa, ƴãw a ɩ̃ suur vũu dɩ bɛ. A ɩ̃ su-tʋlʋ-kpãkpã vũu na dɩ n a tẽw za.»

Zakari 1:15

Ɛcɛ su-yãyaar kãw tɛr mɛ̃ nɩ a nɩ-bʋʋr-yoru bɛl bom za na bɛ damnɛ a ƴãw. Bʋ̃ʋ n'ʋ vɛ̃, ɩ̃ tɩ nyɛ̃ nɩ nɩ a Ɩsɩrayɛl suur blãlɛ, ɛ́ bɛl wa ɩ a ʋ kpɩɛrʋ a dɔwlɩ.

Zã 17:25

Ɩ̃ Sãà yel-mɩŋa za sob i, a tẽ-daa bɛ bãw fʋ ɛ, ɛcɛ mãa bãw fʋ na, ɛ́ a bɛl mɩ̀ a, bɛ nyɛ̃ na bãw kɛ́ fʋ tõ m'a.

Nɩ-toni 17:23

Ɩ̃ na cɔlɛ a nyɩ sɛ́ɛ pʋɔ ɛ́ jɩ́rɛ a nyɩ ŋmɩmɛ maalʋ-ziir a, ɩ̃ wa tɩ nyɛ̃ nɩ bàwr-maal-kuur bɛ sɛb a ʋ zu: “Ŋmɩn tɩ na bɛ bãw a so ʋ.” A bom ʋl nyɩ na ƴãwnɛ à à ŋá ɛ́ bɛ bãw a, ʋlɛ n'ʋ ɩ̃ waar k'ɩ̃ɩ wa yel kʋ̀ nyɩ.

1 Korɛ̃tɩ 15:34

Nyɩ ƴãw fãw lɛb bãw yã ɛ́ bɛr a yel-bier maalʋ. Ɩ̃ yel ƴãw nyɩ vĩ: nyɩ mɩnɛ bɛ bãw a Naaŋmɩn ɛ.

1 Tesalonikɩ 4:5

ɛ́ ta sàw a tɩɛr-faar so ʋ mɛ̃ a nɩ-bʋʋr-yoru na bɛ bãw a Naaŋmɩn a ɩ.

2 Tesalonikɩ 1:8

Ʋ na wa n vũu-zɛlɛ pʋɔ, k'ʋʋ wa dɔwrɩ a bɛlɩ dem na bɛ bãw a Naaŋmɩn, ɛ́ bɛ tuur a tɩ Sore Yeezu Yel-nʋ̃ɔ̀ a.

Yel-wula 16:1

Al pùorí, ɩ̃ tɩ wõ n kɔkɔ-kpɛ̃w ʋ yire a Ŋmɩn-yir-kpɛ̃ɛ pʋɔ yere a malkɩ ayopõi zie: «A koli-nyúuri ayopõi na paalɩ a Naaŋmɩn suur a, nyɩ cen tɩ cir a ƴãw a tẽw zu.»