Zeremi 10:22 - A SƐB-SÕW

²² Nyɩ wone a gɔmɛ na tarɛ a. Damnʋ kpɛ̃ɛ n'ʋ yi a tẽw saa-pɛrɩ́-gʋba-lowr waar, k'ʋʋ wa ɩ a Zuda tẽ-bɛrɛ, a lɩɛbɩ wɛja-kpalɛ na ɩrɛ nɩbaalʋ a, a lɩɛbɩ gbõgbo-cili kpɛb zie.

Zeremi 10:22 ပူးပေါင်းရင်းမြစ်များ

Ɩzayi 34:13

Gɔ-tuwr na bul'ɩ a yir-vɩɛlɩ vɩɛlɩ pʋɔ, kàrnyã nɩ gʋʋr na bul'a pàw a zɛbr-yir-kpɛn. A na ɩ n gbõgbo-cili sɔwlʋ zie, kʋlãdisowli dɛnʋ zie.

Zeremi 1:14

A lɛ n'a a Sore tɩ yel mɛ̃: «A saa-pɛrɩ́-gʋba-lowr'a a faa na yi yɛ́r pàw a tẽw nɩbɛ za.

Zeremi 1:15

A Sore yere na: Ɩ̃ na bʋɔl'ɩ a saa-pɛrɩ́-gʋba-lowr naalʋ-ten dɔwlʋ za ɓã taa. Bɛ na wa na, ŋa za mɩ́ wa bin a ʋ naalʋ-dà-kɔw a Zerizalɛm tẽw dɩ̃dɛɛ ƴãw, tori a dacine na viiri koli ʋ a, ɛ́ tori a Zuda tẽw tẽ-bɛrɛ za.

Zeremi 2:15

Bɛ ùore na mɛ̃ gben a, bɛ ŋmɛrɛ nɩ kɔkɛɛ a ʋ ƴãw. Bɛ sãw nɩ a tẽw za bɛr pelẽpelẽ. Bɛ nyɩw nɩ a ʋ tẽ-bɛrɛ bɛr, nɩr bɛ cãà kpɩɛr a pʋɔ ɩ.

Zeremi 25:9

ɩ̃ na tõ na bɛ tɩ bʋɔlɩ a Saa-pɛrɩ́-gʋba-lowr nɩbɛ za, lãwnɩ a ɩ̃ tõ-tõ-bie, a Nabikodonozɔɔr, a Babɩlɔn tẽw nãà. Ɩ̃ na ɩ na bɛ wa a tẽw ŋa nɩ a ʋ nɩbɛ nɩ a tẽ-kpɔwlɩ za na viiri koli ʋ a ƴãw. Ɩ̃ na kʋ nyɩ na pàw pɛr, a bɛl nɩ a nyɩɩm, ɩ̃ɩ na ɩ n a tẽw ŋa yie lɩɛbɩ deboru gã kʋralɛ, bɛ mɩ́ nyɛ̃ ŋmɩɛr pʋl-vʋ̃ɔ cɛlsɩ.

Zeremi 4:15

Bɛr wõ a kɔkɔr ŋa na cɩɩrɛ yire a Dan tẽw a, ʋ yere nɩ a kpɩɛrʋ na yi a Efarayim tẽw tan vuo pʋɔ waar a.

Zeremi 4:6

Nyɩ zɛw bãwfʋ bom ʋ sãá a Sɩyɔ̃ tẽw lowr! Nyɩ cen tɩ sɔwlɩ! Nyɩ taa tɛwr àrɛ sɔ́r zu ɛ! Bʋ̃ʋ n'ʋ vɛ̃, ɩ̃ na ɩ na faa yi a saa-pɛrɩ́-gʋba-lowr waar, kpɩɛrʋ kpɛ̃ɛ n'ʋ.

Zeremi 49:33

A Hasɔɔr tẽ-kpɛ̃ɛ na lɩɛb'ɩ gbõgbo-cili sɔwlʋ zie, wɛja-kpalɛ na ɩrɛ nɩbaalʋ kʋralɛ a. Nɩr za kʋ̃ lɛb kpɩɛr a be towtow ɛ, nɩsaal za kʋ̃ lɛb yɔ yi be ɩ.»

Zeremi 5:15

A Sore yere na: Ɩsɩrayɛl nɩbɛ ɛ, ɩ̃ na ɩ na nɩ-bʋʋr-yoru na yi zi-zãána a wa a nyɩ ƴãw. Nɩ-bʋʋrɛ nɩr na kʋ̃ tʋ̃ɔ́ zɛb tʋ̃ɔ́ a nɛbɛ, nɩ-bʋʋrɛ na be koro kãw za a, nɩ-bʋʋrɛ nyɩ na bɛ wone a ƴɛ̀rʋ, ɛ́ bɛ mɩ́ bãw a ƴɛ̀r-bie pɛr a nɛbɛ.

Zeremi 6:1

Bɛ̃zamɛ dɔwlʋ nɩbɛ ɛ, nyɩ yi a Zerizalɛm tẽw pʋɔ, nyɩ cen tɩ bɔ sɔwlʋ zie zi-yoru. Nyɩ pɛblɩ a ɩɩl a Tekowa tẽw pʋɔ, nyɩ zɛw bãwfʋ a Bɛtɩ-kerɛm, bʋ̃ʋ n'ʋ vɛ̃, faa yi n a saa-pɛrɩ́-gʋba-lowr jɩɛrɛ nyɩ, Ʋ na ɩ n kpɩɛrʋ kpɛ̃ɛ.

Zeremi 6:22

À ŋá n'a a Sore yere: «Nɩbɛ yi n a saa-pɛrɩ́-gʋba-lowr tẽw kãw waar, nɩ-bʋʋr-yoru na yãwmɛ a yi n a tẽw baarʋ zie lo a sɔ́r waar.

Zeremi 9:11

Nɩr ɩ n yã-bãwnɛ a sɛw ʋ na bãw a yele á ŋá pɛr ɩ? A Sore wa ƴɛ̀r a ʋ zie a, ʋ̃ʋ ɩ bɛ bãw bʋ̃ʋ n'ʋ so a tẽw sãw, bʋ̃ʋ n'ʋ so ʋ dɩ a vũu mɛ̃ wɛja-kpalɛ a, ɛ́ ɩ zie nɩr za na bɛ tuur tɔlɛ a?

A Lãw-mʋɔlɛ 1:4

A Sɩyɔ̃ tẽw sɛ́ɛ be n wahala pʋɔ, nɩr bɛ cãà tuur a waar a cuwr ƴãw ɛ, a ʋ nɩbɛ tuor-taa ziir gã nɩ zawlɛ. A ʋ bàwr-maalbɛ kone na, Pʋ-sãwna tɛr'ɩ a ʋ pɔwsɩrali. Nyɛ̃ kpɩɛrʋ na tɛr a Sɩyɔ̃ a!

Ezekɩɛl 12:19

Fʋ na yel'ɩ a tẽw nɩbɛ: “A Sore Naaŋmɩn ƴɛ̀rʋ n'ɩ ŋá: A Zerizalɛm nɩbɛ na kpɩɛr a Ɩsɩrayɛl tẽw a na dɩrɛ na ɛ́ nyúur pʋl-vʋ̃ɔ nɩ kpɩɛrʋ pʋɔ. Bʋ̃ʋ n'ʋ vɛ̃, bɛ na sãw nɩ a bɛ tẽw bɛr, a bɛlɩ dem na kpɩɛr a ʋ pʋɔ a na paalɩ ʋ nɩ po-to-fãw-ɩb tɛwr a ƴãw.

Malasɩ 1:3

zuo a Ezawu. A tan a Ezawu bʋʋrɛ na tɩ kpɩɛr a, ɩ̃ ɩ na a kpal a za, ɩ̃ɩ de a bɛ tẽw kʋ̀ wɛja-kpalɛ gbõgbo-cili.