Zeremi 1:8 - A SƐB-SÕW

⁸ Taa wa zɔrɛ nɩr za dɛ̃bɩ̃ɛ ɩ. Bʋ̃ʋ n'ʋ vɛ̃, ɩ̃ be n a fʋ zie a fʋ faafʋ ƴãw.» À à ŋá n'a a Sore ƴɛ̀r a ɩ̃ zie.

Zeremi 1:8 ပူးပေါင်းရင်းမြစ်များ

Eziptɩ tẽw yib 3:12

A Naaŋmɩn yel: «Ɩ̃ na be n a fʋ zie. Ɛ́ a bãwfʋ n'ɩ ŋa kɛ́ mãa n'ʋ tone fʋ: fʋ̃ʋ wa tɛr a nɩbɛ yi n a Eziptɩ tẽw pʋɔ a, nyɩ na maalɩ mɛ̃ nɩ a tãw ŋa zu.»

Ɩzayi 43:2

Fʋ̃ʋ wa gãwnɛ a kʋ̃ɔnɩ a, ɩ̃ na be n a fʋ zie, fʋ̃ʋ wa gãwnɛ a mamɛ a, fʋ bɛ tuur kʋ̃ɔ ɩ. Fʋ̃ʋ wa cere a vũu sɔgɔ a, a bɛ dɩrɛ fʋ ɛ, a vũu-zɛlɛ bɛ tʋɔr fʋ ɛ.

Ɩzayi 51:12

A Sore yere na: «Mãa n'ʋ mɔwlɛ nyɩ, ʋ̃ʋ, mãa n'ʋ. Ɩ̃ nɩbɛ ɛ, bʋ̃ʋ n'ʋ so nyɩ zɔrɛ a nɩsaal na ɩ bʋ̃-kpiira a, a nɩsaal na ɩ mɛ̃ mʋ̃ɔ a?

Ɩzayi 51:7

Nyɩ bɛrɛ wone a ɩ̃ ƴɛ̀rʋ, nyɩɩm na bãw a yel na tu a mɩnʋ a, nyɩɩm na tɛr a ɩ̃ wulu a nyɩ socie pʋɔ a: nyɩ ta zɔrɛ a nɩsaalbɛ ɩ-lab ɛ, a bɛ zʋmɛ, a taa wa tʋ̃ɔ́nɛ nyɩ ɛ.

Zeremi 1:17

A fʋ̃ʋ Zeremi, cɔbrɩ fʋ tʋɔra. Ìr! Cen tɩ yel bom nɛ za ɩ̃ na na yel kɛ́ fʋ yel kʋ̀ bɛ a. Taa wa màwr a bɛ niŋé ɩ, alɛ bɛ ɩ lɛ, ɩ̃ na ɩ na fʋ màwr a bɛ niŋé.

Zeremi 1:19

Bɛ na zɛb'ɩ fʋ na, ɛcɛ, bɛ kʋ̃ tʋ̃ɔ́ fʋ ɩ bom ɛ. Bʋ̃ʋ n'ʋ vɛ̃, ɩ̃ be n a fʋ zie k'ɩ̃ɩ tʋ̃ɔ́ faa fʋ. A mãa, a Sore, mãa n'ʋ yel.»

Zeremi 20:11

Ɛcɛ a Sore lãw nɩ mɛ̃ na mɛ̃ zɛbr-nɩr na kpɛmɛ a. A bɛlɩ dem za na dɔwrɛ mɛ̃ a na lo na, bɛ kʋ̃ tʋ̃ɔ́ ɩ a lɛ bɛ na tɩ́ɛrɛ a ɩ. Vĩ na nyɔw bɛ na, bɛ na gúu a. A na ɩ bɛ nɩ vĩ kʋralɛ, ɛ́ nɩr za kʋ̃ yiiri ʋ bɛr ɛ.

Zeremi 30:11

Bʋ̃ʋ n'ʋ vɛ̃, ɩ̃ lãw nɩ fʋ na k'ɩ̃ɩ tʋ̃ɔ́ faa fʋ, a Sore n'ʋ yel. Ɩ̃ na kʋ n a nɩ-bʋʋr-yoru pàw pɛr, a bɛl pʋɔ ɩ̃ na diw fʋ cen nɩ a. Ɛcɛ a fʋ̃ʋ a, ɩ̃ bɛ bɔbr k'ɩ̃ɩ kʋ b pàw pɛr ɛ. Sɩza n'a, ɩ̃ kpãa fʋ na mɛ̃ a lɛ a na sɛw a. Bʋ̃ʋ n'ʋ vɛ̃, ɩ̃ kʋ̃ tʋ̃ɔ́ ɩrɛ a fʋ zie mɛ̃ fʋ bɛ tɛr sãwna a ɩ!»

Zeremi 39:11

A Zeremi ƴãw a, a Babɩlɔn tẽw nãà, Nabikodonozɔɔr, tɩ yel'ɩ à ŋá kʋ̀ a soja-zi-gùrbɛ nɩ-kpɛ̃ɛ, Nebuzaradan:

Zeremi 42:11

Nyɩ ta cãà zɔrɛ a Babɩlɔn tẽw nãà dɛ̃bɩ̃ɛ ɩ. A mãa, a Sore, ɩ̃ yere na kʋ̀rɛ nyɩ: Nyɩ ta cãà zɔrɛ ʋ ɛ, bʋ̃ʋ n'ʋ vɛ̃, ɩ̃ be n a nyɩ zie k'ɩ̃ɩ faa nyɩ, ɛ́ ír nyɩ a ʋ nuru pʋɔ.

Matie 10:26

«A na ɩ lɛ a, nyɩ ta zɔrɛ nɩr kãw za ɩ. Bom za bɛ be be sɔwlɩ kʋ̃ʋ wa sãá ɩ, ɛ́ yel-sɔwla za bɛ be be bɛ kʋ̃ʋ wa bãw ɛ.

Matie 28:20

ɛ́ zànɩ nɩ bɛ bɛ tuur a al za ɩ̃ na ƴãw nʋɔr kʋ̀ nyɩ a. Ɛ́ mãa a, ɩ̃ be n a nyɩ zie bibie za na tɩ ta n a tẽw baarʋ daar.»

Nɩ-toni 18:10

Ɩ̃ sɩrɩ na be a fʋ zie. Lɛ so, nɩr za bɛ íre nũu tʋɔr'ɩ fʋ k'ʋʋ dɔwrɩ fʋ ɛ. Bʋ̃ʋ n'ʋ vɛ̃, ɩ̃ tɛr'ɩ nɩbɛ yaga a tẽ-kpɛ̃ɛ ŋa pʋɔ.»

Nɩ-toni 26:17

Ɩ̃ na piw fʋ na tɛr a Zifʋ bʋʋrɛ ƴãw nɩ a nɩ-bʋʋr-yoru bɛl zie ɩ̃ na tone fʋ a ƴãw.

Nɩ-toni 4:13

Nɔ-ɓãan tɩ nyɔw nɩ a Zifʋ mɩnɛ ƴɛ̀rʋ-dɩb-lãw nɩbɛ. Bɛ tɩ nyɛ̃ na kɛ́ a Pɩɛr nɩ a Zã ƴɛ̀rɛ na bɛ zɔrɛ nɩ bom za ɩ, ɛ́ ɩ nɩ-zawlɛ na bɛ bãw sɛbɛ a. Bɛ tɩ nyɛ̃ na bãw bɛ ɩ a Yeezu po-tuurbɛ.

Nɩ-toni 4:29

Ƴɛrɛŋa a, Sore e, bãwnɩ a kpãàfʋ á ŋá bɛ na kpãànɛ tɩ a, ɛ́ ɩ a fʋ tõ-tõ-biir ɓãá ƴãw hiere a fʋ ƴɛ̀rʋ.

Efɛɛzɩ 6:20

Ɩ̃ na saa be a gaso pʋɔ a, ɩ̃ cãà na ɩ nɩr bɛ na tõ a Yel-nʋ̃ɔ̀ ŋa yúor ƴãw a. Lɛ so, nyɩ puore kʋ̀rɛ mɛ̃ k'ɩ̃ tʋ̃ɔ́ ɓãá ƴãw manɛ ʋ mɛ̃ a lɛ a na fɛr k'ɩ̃ɩ ɩrɛ a.

Wulu-ayi-sob 31:6

Nyɩ kpɛ socir ɛ́ kpɛmɛ, nyɩ taa wa zɔrɛ dɛ̃bɩ̃ɛ màwr a bɛ niŋé ɩ. Bʋ̃ʋ n'ʋ vɛ̃, a Sore nyɩ Naaŋmɩn na de nyɩ nɩ niwn. Ʋ bɛ tɩ̀ɛrɛ nyɩ bɛrɛ ɩ, ʋ bɛ zawrɛ nyɩ bɛrɛ ɩ.»

Wulu-ayi-sob 31:8

A Sore na de fʋ nɩ niwn, ʋ na be n a fʋ zie. Ʋ bɛ tɩ̀ɛrɛ fʋ bɛrɛ ɩ, ʋ bɛ zawrɛ fʋ bɛrɛ ɩ. A na ɩ à ŋá a, ta zɔrɛ dɛ̃bɩ̃ɛ ɩ, ta sàw bom za tʋ̃ɔ́ fʋ ɛ.»

Zozue 1:5

A fʋ cãafʋ daar za a, nɩr za kʋ̃ tʋ̃ɔ́ bà gbɛ́r a fʋ niŋé ɩ, bʋ̃ʋ n'ʋ vɛ̃, ɩ̃ na be n a fʋ zie mɛ̃ a lɛ ɩ̃ na tɩ be a Moyiir zie a. Ɩ̃ kʋ̃ tɩɛ fʋ bɛr towtow ɛ, ɩ̃ kʋ̃ zawrɩ fʋ bɛr towtow ɛ́ bɛ sõw fʋ ɛ.

Zozue 1:9

Ɩ̃ bɛ yel kʋ̀ b kɛ́ fʋ kpɛmɛ ɛ́ dɩ kanyir e? Ta màwr ɛ, ta zɔrɛ dɛ̃bɩ̃ɛ ɩ, bʋ̃ʋ n'ʋ vɛ̃, a mãa Sore fʋ Naaŋmɩn, ɩ̃ na be n a fʋ zie, be za fʋ na cere a.»