Zeremi 1:19 - A SƐB-SÕW

¹⁹ Bɛ na zɛb'ɩ fʋ na, ɛcɛ, bɛ kʋ̃ tʋ̃ɔ́ fʋ ɩ bom ɛ. Bʋ̃ʋ n'ʋ vɛ̃, ɩ̃ be n a fʋ zie k'ɩ̃ɩ tʋ̃ɔ́ faa fʋ. A mãa, a Sore, mãa n'ʋ yel.»

Zeremi 1:19 ပူးပေါင်းရင်းမြစ်များ

Sɛb-sõw yielu 129:2

«Bɛ dɔwrɩ mɛ̃ nɩ yaga a ɩ̃ pɔ̀lʋ daarɩ́ za» —, ɛcɛ bɛ bɛ tʋ̃ɔ́ ɩ m bom za ɩ.

Zeremi 1:18

A na tĩ a dɩ̃a a, ɩ̃ na ɩ na fʋ kpɛmɛ mɛ̃ tẽ-kpɛ̃ɛ bɛ na cɔbrɩ ʋ kpɛmɛ a zɛbr ƴãw a. Fʋ na ɩ na mɛ̃ kure kpul a, mɛ̃ kur-zɩɛ dacin a, a tẽw za niŋé, a Zuda tẽw na-mɩnɛ, a tõ-tõ-bi-bɛrɛ, a bàwr-maalbɛ nɩ a naalʋ-tẽw tẽ-biir za niŋé.

Zeremi 1:8

Taa wa zɔrɛ nɩr za dɛ̃bɩ̃ɛ ɩ. Bʋ̃ʋ n'ʋ vɛ̃, ɩ̃ be n a fʋ zie a fʋ faafʋ ƴãw.» À à ŋá n'a a Sore ƴɛ̀r a ɩ̃ zie.

Zeremi 11:19

A mãa a, ɩ̃ tɩ ɩ na mɛ̃ péli-pɔwlɛ bɛ na cere nɩ a kʋb zie a. Ɩ̃ bɛ tɩ bãw ʋlɩ bom nɛ bɛ na cɔbrɛ a ɩ̃ ƴãw a ɩ. Bɛ tɩ yere na: «Tɩ cɛ a tɩɛ na cãà kpɛmɛ a lɔb! Tɩ ír ʋ a nɩ-vʋʋrɩ tẽw pʋɔ bɛr, a ʋ yúor ta cãà pore ɩ!»

Zeremi 11:21

A na ɩ à ŋá a, à ŋá n'a a Sore yere cáarɛ nɩ a Anatɔtɩ tẽw dem, a bɛl na bɔbr a ɩ̃ kũu ɛ́ yere: «Ta ƴɛ̀rɛ naaŋmɩn-ƴɛ̀r-manɛ ƴɛ̀rʋ a Sore yúor ƴãw ɛ, alɛ bɛ ɩ lɛ, tɩ na kʋ b a nɩ a tɩ nuru.»

Zeremi 18:18

A dɔ̃ dem bɛ mɩnɛ tɩ yel'a: «Nyɩ wa tɩ wa cɔbrɩ cɔbrʋ a Zeremi ƴãw. Tɩ na cãà na páwr a Naaŋmɩn wulu a bàwr-maalbɛ zie, a yã a yã-bãwnbɛ zie, a Naaŋmɩn ƴɛ̀rʋ a ʋ ƴɛ̀r-manbɛ zie. Nyɩ wa tɩ ƴɛ̀r sãw a ʋ yúor, tɩ ta cɛlɛ a ʋ ƴɛ̀rʋ kãw za ƴãw ɛ.»

Zeremi 2:1

A Sore tɩ ƴɛ̀r'ɩ a ɩ̃ zie à ŋá:

Zeremi 20:10

Ɩ̃ wone nɩ nɩ-yaga na sãwnɛ a ɩ̃ yúor a. Bɛ bʋɔlɛ mɛ̃ nɩ «Pʋl-vʋ̃ɔ-a-ziir-za!» Bɛ mɩnɛ yere na: «Nyɩ wo a ʋ sãwna!» A ŋmaarɛ sɔwr: «Ʋ̃ʋ, tɩ wo a ʋ sãwna!» A ɩ̃ bárɩ tɛɛ za jɩɛrɛ nɩ a ɩ̃ loba. Bɛ yere na: «Kapaw ʋ na ɩ na tɩ bɛ̀lɩ nyɔw ʋ. Tɩ na tɛr'ɩ fãw zuo ʋ, ɛ́ tɩ na yáa nɩ a tɩ san a ʋ zu.»

Zeremi 20:11

Ɛcɛ a Sore lãw nɩ mɛ̃ na mɛ̃ zɛbr-nɩr na kpɛmɛ a. A bɛlɩ dem za na dɔwrɛ mɛ̃ a na lo na, bɛ kʋ̃ tʋ̃ɔ́ ɩ a lɛ bɛ na tɩ́ɛrɛ a ɩ. Vĩ na nyɔw bɛ na, bɛ na gúu a. A na ɩ bɛ nɩ vĩ kʋralɛ, ɛ́ nɩr za kʋ̃ yiiri ʋ bɛr ɛ.

Zeremi 26:8

A Zeremi na tɩ ƴɛ̀r a ƴɛ̀rʋ, a Sore na tɩ ƴãw a nʋɔr kʋ̀ ʋ k'ʋʋ ƴɛ̀r kʋ̀ a nɩbɛ a, wa baarɩ a, a bàwr-maalbɛ, a naaŋmɩn-ƴɛ̀r-manbɛ nɩ a nɩbɛ za tɩ nyɔw ʋ na ɛ́ yere: «Fʋ sɛwnɩ nɩ kũu!»

Zeremi 30:11

Bʋ̃ʋ n'ʋ vɛ̃, ɩ̃ lãw nɩ fʋ na k'ɩ̃ɩ tʋ̃ɔ́ faa fʋ, a Sore n'ʋ yel. Ɩ̃ na kʋ n a nɩ-bʋʋr-yoru pàw pɛr, a bɛl pʋɔ ɩ̃ na diw fʋ cen nɩ a. Ɛcɛ a fʋ̃ʋ a, ɩ̃ bɛ bɔbr k'ɩ̃ɩ kʋ b pàw pɛr ɛ. Sɩza n'a, ɩ̃ kpãa fʋ na mɛ̃ a lɛ a na sɛw a. Bʋ̃ʋ n'ʋ vɛ̃, ɩ̃ kʋ̃ tʋ̃ɔ́ ɩrɛ a fʋ zie mɛ̃ fʋ bɛ tɛr sãwna a ɩ!»

Zeremi 39:17

A lɛn daar a, ɩ̃ na faa fʋ na— a mãa, a Sore, mãa n'ʋ yel— ɛ́ fʋ kʋ̃ lo a bɛlɩ dem na ƴãwnɛ fʋ dɛ̃bɩ̃ɛ a nuru pʋɔ ɩ.

Zeremi 42:11

Nyɩ ta cãà zɔrɛ a Babɩlɔn tẽw nãà dɛ̃bɩ̃ɛ ɩ. A mãa, a Sore, ɩ̃ yere na kʋ̀rɛ nyɩ: Nyɩ ta cãà zɔrɛ ʋ ɛ, bʋ̃ʋ n'ʋ vɛ̃, ɩ̃ be n a nyɩ zie k'ɩ̃ɩ faa nyɩ, ɛ́ ír nyɩ a ʋ nuru pʋɔ.

Zeremi 46:28

Fʋ̃ʋ Ɩsɩrayɛl, ɩ̃ tõ-tõ-bie e, ta zɔrɛ dɛ̃bɩ̃ɛ ɩ, ɩ̃ lãw nɩ fʋ na k'ɩ̃ɩ tʋ̃ɔ́ faa fʋ, a Sore n'ʋ yel. Ɩ̃ na kʋ n a nɩ-bʋʋr-yoru bɛl pʋɔ ɩ̃ na diw fʋ cen nɩ a, pàw pɛr. Ɛcɛ, fʋ̃ʋ a, ɩ̃ kʋ̃ kʋ fʋ pàw pɛr ɛ. Sɩza n'a, ɩ̃ kpãa fʋ na mɛ̃ a lɛ a na sɛw a. Bʋ̃ʋ n'ʋ vɛ̃, ɩ̃ k'ʋʋ tʋ̃ɔ́ ɩrɛ a fʋ zie mɛ̃ fʋ bɛ tɛr sãwna a ɩ!»

Sɔr-nɛ́ɛ 14:9

A na ɩ lɛ a, nyɩ ta zɛbr'ɩ a Sore ɩ. Nyɩ ta zɔrɛ a tẽw ŋa nɩbɛ ɩ: tɩ na tɩ sɔw nɩ bɛ nɩ nʋɔr. Bʋ̃ʋ n'ʋ vɛ̃, a bɛ ŋmɩmɛ na gùre bɛ a taw na yi kɛ́ bɛr bɛ. Ɛcɛ a Sore ʋl be n a tɩ zie. A na ɩ à ŋá a, nyɩ ta zɔrɛ bɛ ɩ!»

Nɩ-toni 26:17

Ɩ̃ na piw fʋ na tɛr a Zifʋ bʋʋrɛ ƴãw nɩ a nɩ-bʋʋr-yoru bɛl zie ɩ̃ na tone fʋ a ƴãw.

Zozue 1:9

Ɩ̃ bɛ yel kʋ̀ b kɛ́ fʋ kpɛmɛ ɛ́ dɩ kanyir e? Ta màwr ɛ, ta zɔrɛ dɛ̃bɩ̃ɛ ɩ, bʋ̃ʋ n'ʋ vɛ̃, a mãa Sore fʋ Naaŋmɩn, ɩ̃ na be n a fʋ zie, be za fʋ na cere a.»