Zeremi 1:18 - A SƐB-SÕW

¹⁸ A na tĩ a dɩ̃a a, ɩ̃ na ɩ na fʋ kpɛmɛ mɛ̃ tẽ-kpɛ̃ɛ bɛ na cɔbrɩ ʋ kpɛmɛ a zɛbr ƴãw a. Fʋ na ɩ na mɛ̃ kure kpul a, mɛ̃ kur-zɩɛ dacin a, a tẽw za niŋé, a Zuda tẽw na-mɩnɛ, a tõ-tõ-bi-bɛrɛ, a bàwr-maalbɛ nɩ a naalʋ-tẽw tẽ-biir za niŋé.

Zeremi 1:18 ပူးပေါင်းရင်းမြစ်များ

Ɩzayi 50:7

A Sore Naaŋmɩn sõwne mɛ̃ na, alɛ so a bɛ zʋmɛ bɛ 'wɔbr mɛ̃ ɩ, alɛ so ɩ̃ nyar a ɩ̃ niwn ʋ kpɛmɛ mɛ̃ kʋsɩɛr a, ɩ̃ɩ bãwnɩ a na ɩ̃ na kʋ̃ nyɛ̃ vĩ a.

Zeremi 1:17

A fʋ̃ʋ Zeremi, cɔbrɩ fʋ tʋɔra. Ìr! Cen tɩ yel bom nɛ za ɩ̃ na na yel kɛ́ fʋ yel kʋ̀ bɛ a. Taa wa màwr a bɛ niŋé ɩ, alɛ bɛ ɩ lɛ, ɩ̃ na ɩ na fʋ màwr a bɛ niŋé.

Zeremi 1:19

Bɛ na zɛb'ɩ fʋ na, ɛcɛ, bɛ kʋ̃ tʋ̃ɔ́ fʋ ɩ bom ɛ. Bʋ̃ʋ n'ʋ vɛ̃, ɩ̃ be n a fʋ zie k'ɩ̃ɩ tʋ̃ɔ́ faa fʋ. A mãa, a Sore, mãa n'ʋ yel.»

Zeremi 15:10

Ɩ̃ mã a, nyɛ̃ kpɩɛrʋ fʋ na ƴãw mɛ̃, fʋ na dɔw mɛ̃ a! A tẽw za pʋɔ a, a nɩbɛ bɛ de a ɩ̃ yele ɩ: bɛ mɩ́ ŋmɩɛr'ɩ a ɩ̃ ƴɛ̀rʋ lɔbr. Ɩ̃ bɛ pɛ̃w nɩr ɩ̃ libir ɛ, ɛ́ mɩ́ bɛ pɛ̃w libir nɩr zie ɩ. Ɛ́ a nɩbɛ za ŋmɩɛr ƴãwn mɛ̃.

Zeremi 15:20

A nɩbɛ bɛ ŋa niŋé a, ɩ̃ na ɩ na fʋ ɩ mɛ̃ kur-zɩɛ dacin bɛ na kʋ̃ tʋ̃ɔ́ dáa lɔb a. Bɛ na zɛb'ɩ fʋ na, ɛcɛ bɛ kʋ̃ tʋ̃ɔ́ fʋ ɩ bom za ɩ, bʋ̃ʋ n'ʋ vɛ̃, ɩ̃ be n a fʋ zie k'ɩ̃ɩ faa fʋ ɛ́ ɩ fʋ so fʋ tʋɔra. A Sore n'ʋ yel.

Zeremi 20:11

Ɛcɛ a Sore lãw nɩ mɛ̃ na mɛ̃ zɛbr-nɩr na kpɛmɛ a. A bɛlɩ dem za na dɔwrɛ mɛ̃ a na lo na, bɛ kʋ̃ tʋ̃ɔ́ ɩ a lɛ bɛ na tɩ́ɛrɛ a ɩ. Vĩ na nyɔw bɛ na, bɛ na gúu a. A na ɩ bɛ nɩ vĩ kʋralɛ, ɛ́ nɩr za kʋ̃ yiiri ʋ bɛr ɛ.

Zeremi 21:4

À ŋá n'a a Sore, a Ɩsɩrayɛl Naaŋmɩn, yere: “Nyɩ zɛbr'ɩ nɩ a Babɩlɔn tẽw nãà nɩ a ʋ zɛbr-nɩbɛ na piw nyɩ a. Ɛcɛ, ɩ̃ na fɛr'ɩ a bɛlɩ dem na zɛbr a dacĩ-kpɛ̃ɛ niŋé a, bɛ lɛb wa a tẽ-kpɛ̃ɛ pʋɔ.

Zeremi 26:24

Ɛcɛ Safan bidɛb, Ahikam, tɩ piw nɩ a Zeremi tɛr. A ʋl zũú a, a Zeremi bɛ tɩ lo a tẽw nɩbɛ na tɩ bɔbr a ʋ kʋb a nuru pʋɔ ɩ.

Zeremi 34:3

Ɛ́ a fʋ̃ʋ a, fʋ bɛ cɩ̃ɛnɛ a ʋ zie ɩ. Bɛ na nyɔw fʋ na tɩ kʋ̀ ʋ. Fʋ̃ʋ nɩ a Babɩlɔn tẽw nãà na tori nɩ taa, ʋ ƴɛ̀r a fʋ zie fʋ sɔw. Al pùorí, fʋ na cen nɩ a Babɩlɔn.

Zeremi 37:7

«À ŋá n'a a Sore, a Ɩsɩrayɛl Naaŋmɩn, yere: “Nyɩ cen tɩ yel kʋ̀ a Zuda tẽw nãà na tõ nyɩ kɛ́ nyɩ wa sowri mɛ̃ a: A Eziptɩ tẽw zɛbr-nɩbɛ na tɩ yi a nyɩ sõwfʋ ƴãw a, bɛ lɩɛb'ɩ pùor kul a bɛ tẽw, a Eziptɩ.

Zeremi 38:18

Ɛcɛ, fʋ̃ʋ bɛ wa yi tu a Babɩlɔn tẽw nãà zɛbr-nɩbɛ nɩ-bɛrɛ a, a Zerizalɛm tẽw na lo n a bɛ nuru pʋɔ, bɛ nyɩw ʋ bɛr. Ɛ́ a fʋ̃ʋ a, fʋ bɛ cɩ̃ɛnɛ a bɛ zie ɩ.”»

Zeremi 38:2

«À ŋá n'a a Sore yere: “Sob nɛ na na cãà be a tẽ-kpɛ̃ɛ ŋa pʋɔ a na kpi n zɛbr, kɔ̃, nɩ jɛ̀lmɛ̃ bàalʋ kũu. Ɛcɛ sob nɛ na na yi cen tɩ páw a Babɩlɔn tẽw dem a, ʋ na vʋʋrɛ na, ʋ na nyɛ̃ na ʋ tɛr zu-nʋ̃ɔ̀ ʋ na bɛ kpi a. Yel-mɩŋa za, ʋ na cãà na vʋʋrɛ.”»

Zeremi 42:22

A na ɩ lɛ a, nyɩ bãwnɩ a kɛ́ nyɩ na kpi n zɛbr, kɔ̃ nɩ jɛ̀lmɛ̃ bàalʋ kũu a tẽw ʋl pʋɔ nyɩ na bɔbr kɛ́ nyɩ cen tɩ kpɛ naayir a!»

Zeremi 6:27

«Zeremi i, ɩ̃ ƴãw na kɛ́ fʋ jieli a ɩ̃ nɩbɛ bãw bɛ ŋmɛ̃a. A na fɛr'a fʋ bãw ɛ́ jieli a bɛ ɩb, mɛ̃ tõ-tõ-bie na jiele kur-bʋʋrɛ bʋʋrɛ a.»

Zã 1:42

Ʋʋ tɩ tɛr'ɩ a Pɩɛr cen nɩ a Yeezu zie. A Yeezu tɩ jɩ́r'ɩ a Pɩɛr gbẽgbẽ ɛ́ yel: «Fʋ̃ʋ n'ɩ a Sɩmʋ̃, Zã bidɛb, bɛ na bʋɔlɛ fʋ nɩ Kefasɩ», a pɛr lɛ kɛ́: Kʋsɩɛr.

Yel-wula 3:12

Sob nɛ na na zɛb tʋ̃ɔ́ a, ɩ̃ na ɩ na ʋ ɩ kpul a ɩ̃ Naaŋmɩn yir pʋɔ, ʋʋ kʋ̃ yi zaa a ʋ pʋɔ towtow ɛ. Ɩ̃ na sɛb'ɩ a ɩ̃ Naaŋmɩn yúor ƴãw a ʋ zu, nɩ a ɩ̃ Naaŋmɩn tẽ-kpɛ̃ɛ yúor, a Zerizalɛm paala na yi a ɩ̃ Naaŋmɩn zie a salom zu siwr a. Ɩ̃ mɩ̀ na sɛb'ɩ a ɩ̃ yo-paala ƴãw a ʋ zu.