Zeremi 1:15 - A SƐB-SÕW

¹⁵ A Sore yere na: Ɩ̃ na bʋɔl'ɩ a saa-pɛrɩ́-gʋba-lowr naalʋ-ten dɔwlʋ za ɓã taa. Bɛ na wa na, ŋa za mɩ́ wa bin a ʋ naalʋ-dà-kɔw a Zerizalɛm tẽw dɩ̃dɛɛ ƴãw, tori a dacine na viiri koli ʋ a, ɛ́ tori a Zuda tẽw tẽ-bɛrɛ za.

Zeremi 1:15 ပူးပေါင်းရင်းမြစ်များ

Ɩzayi 22:7

Zerizalɛm i, a fʋ fʋɔlɩ al na vɩɛl zuo a za a paal'ɩ zɛbr-torkori, ɛ́ a wi-zɔmnbɛ cɔbrɩ gù a zɛbr a fʋ dɩ̃dɛɛ niŋé.

Zeremi 10:22

Nyɩ wone a gɔmɛ na tarɛ a. Damnʋ kpɛ̃ɛ n'ʋ yi a tẽw saa-pɛrɩ́-gʋba-lowr waar, k'ʋʋ wa ɩ a Zuda tẽ-bɛrɛ, a lɩɛbɩ wɛja-kpalɛ na ɩrɛ nɩbaalʋ a, a lɩɛbɩ gbõgbo-cili kpɛb zie.

Zeremi 10:25

Nɩ̃ɛ ɩ a fʋ suur ʋ ìr a nɩ-bʋʋrɛ na bɛ bãw fʋ a ƴãw, a nɩbɛ bɛl na bɛ bʋɔlɛ a fʋ yúor a ƴãw. Bʋ̃ʋ n'ʋ vɛ̃, bɛ báarɛ nɩ a fʋ nɩbɛ, bɛ báarɛ bɛ nɩ bɛ za, bɛ sãwnɛ nɩ a fʋ nɩbɛ tẽw bɛrɛ.

Zeremi 13:20

«Zerizalɛm i, dʋɔ a zu jɩ́r nyɛ̃: a fʋ dɔ dem yi n a saa-pɛrɩ́-gʋba-lowr waar. A dʋn ɩ̃ na tɩ kʋ̀ b kɛ́ fʋ kaarɛ a wa? A píir na tɩ so fʋ nyʋʋr a wa?

Zeremi 25:28

Ʋ tɩ yel'a ƴãw pʋɔ: «Bɛlɛ wa zawrɩ na de a koli-nyúura fʋ na tùre bɛ a, nɩ a ʋ nyub a, fʋ na yel bɛ na: À ŋá n'a a Sore, a kpɛnʋ-za-sob, yere: nyɩ na cãà na nyũ ʋ.

Zeremi 25:9

ɩ̃ na tõ na bɛ tɩ bʋɔlɩ a Saa-pɛrɩ́-gʋba-lowr nɩbɛ za, lãwnɩ a ɩ̃ tõ-tõ-bie, a Nabikodonozɔɔr, a Babɩlɔn tẽw nãà. Ɩ̃ na ɩ na bɛ wa a tẽw ŋa nɩ a ʋ nɩbɛ nɩ a tẽ-kpɔwlɩ za na viiri koli ʋ a ƴãw. Ɩ̃ na kʋ nyɩ na pàw pɛr, a bɛl nɩ a nyɩɩm, ɩ̃ɩ na ɩ n a tẽw ŋa yie lɩɛbɩ deboru gã kʋralɛ, bɛ mɩ́ nyɛ̃ ŋmɩɛr pʋl-vʋ̃ɔ cɛlsɩ.

Zeremi 33:10

À ŋá n'a a Sore yere: «A nyɩɩm, a Zuda tẽw dem a, nyɩ yere na: “A tẽw ɩ n wɛja-kpalɛ, nɩbɛ nɩ dʋn bɛ cãà kpɩɛr ʋ ɛ.” Sɩza n'a, a Zuda tẽ-bɛrɛ nɩ a Zerizalɛm tẽw sɛ́ɛ gã nɩ zawlɛ. Nɩr za bɛ cãà kpɩɛr a pʋɔ ɩ, a nɩsaalbɛ nɩ a dʋn. Ɛcɛ a tẽw ŋa pʋɔ a, bɛ na lɛb'a wone

Zeremi 34:1

A Babɩlɔn tẽw nãà, Nabikodonozɔɔr, tɩ zɛbr'ɩ nɩ a Zerizalɛm nɩ a Zuda tẽw tẽ-bɛrɛ. A ʋ zɛbr-nɩbɛ za, nɩ a tẽw zu naalʋ-ten za sojarɩ, nɩ a nɩ-bʋʋrɛ bɛl za ʋ na so a sojarɩ, tɩ lãw nɩ ʋ na. Lɛ n'a a Sore tɩ ƴɛ̀r a Zeremi zie à ŋá:

Zeremi 34:22

ɩ̃ na ƴãw nɩ nʋɔr kʋ̀ bɛ, kɛ̀ bɛ lɛb wa wa zɛb'ɩ a tẽ-kpɛ̃ɛ ŋa, zɛb de ʋ, ɛ́ nyɩw ʋ bɛr. Ɩ̃ na ɩ n a Zuda tẽ-bɛrɛ a lɩɛbɩ wɛja-kpalɛ, nɩr na bɛ kpɩɛr a», a Sore n'ʋ yel.

Zeremi 39:3

Lɛ n'a a Babɩlɔn tẽw nãà zɛbr-nɩbɛ nɩ-bɛrɛ tɩ kpɛ a Zerizalɛm, cen tɩ zɩ̃ a tẽ-kpɛ̃ɛ sɔwlɩsɔw dɩ̃dɔr ƴãw. A be a, Nɛrgal-Sarɛsɛɛr na ɩ a zɛbr-nɩbɛ nɩ-kpɛ̃ɛ a, Sin-Magiir, Nebu-Sarsekim na ɩ a nãà tõ-tõ-biir nɩ-kpɛ̃ɛ a, nɩ a Babɩlɔn tẽw nãà zɛbr-nɩbɛ nɩ-bɛrɛ za nɛbɛ tɩ be be.

Zeremi 4:16

Nyɩ ɩ a nɩ-bʋʋrɛ za bãwnɩ a, nyɩ yel a yel kʋ̀ a Zerizalɛm: A dɔ̃ dem pɩɛlɛ na, bɛ yi n tẽ-zãána waar, bɛ ŋmɩɛr'ɩ a zɛbr cɛlsɩ a Zuda tẽ-bɛrɛ ƴãw.

Zeremi 4:6

Nyɩ zɛw bãwfʋ bom ʋ sãá a Sɩyɔ̃ tẽw lowr! Nyɩ cen tɩ sɔwlɩ! Nyɩ taa tɛwr àrɛ sɔ́r zu ɛ! Bʋ̃ʋ n'ʋ vɛ̃, ɩ̃ na ɩ na faa yi a saa-pɛrɩ́-gʋba-lowr waar, kpɩɛrʋ kpɛ̃ɛ n'ʋ.

Zeremi 43:10

Al pùorí, fʋ na yel bɛ nɩ à ŋá: “Nyɛ̃ a lɛ a Sore, a kpɛnʋ-za-sob, a Ɩsɩrayɛl Naaŋmɩn, na yere a: Ɩ̃ na tõ na bɛ tɩ tɛr a ɩ̃ tõ-tõ-bie, Nabikodonozɔɔr, a Babɩlɔn tẽw nãà, wa n. Ɩ̃ na wa zɩɩl'ɩ a ʋ naalʋ-dà-kɔw a kʋsɛbɛ à ŋá fʋ na ũù a zu. A be n'a ʋ na maalɩ a ʋ naalʋ pɛn-sɛw.

Zeremi 44:6

Lɛ n'a a ɩ̃ suur, a ɩ̃ su-yãyaar tɩ ìr mɛ̃ vũu a, dɩ a Zuda tẽ-bɛrɛ nɩ a Zerizalɛm tẽw sɛ́ɛ. A lɩɛb'ɩ ziir nɩr na bɛ cãà kpɩɛr a, mɛ̃ a lɛ bɛ na na tʋ̃ɔ́ nyɛ̃ a dɩ̃a a.”»

Zeremi 46:24

Vĩ nyɔw nɩ a Eziptɩ tẽw: Bɛ de ʋ na ƴãw a saa-pɛrɩ́-gʋba-lowr tẽw dem nuru pʋɔ.»

Zeremi 5:15

A Sore yere na: Ɩsɩrayɛl nɩbɛ ɛ, ɩ̃ na ɩ na nɩ-bʋʋr-yoru na yi zi-zãána a wa a nyɩ ƴãw. Nɩ-bʋʋrɛ nɩr na kʋ̃ tʋ̃ɔ́ zɛb tʋ̃ɔ́ a nɛbɛ, nɩ-bʋʋrɛ na be koro kãw za a, nɩ-bʋʋrɛ nyɩ na bɛ wone a ƴɛ̀rʋ, ɛ́ bɛ mɩ́ bãw a ƴɛ̀r-bie pɛr a nɛbɛ.

Zeremi 6:22

À ŋá n'a a Sore yere: «Nɩbɛ yi n a saa-pɛrɩ́-gʋba-lowr tẽw kãw waar, nɩ-bʋʋr-yoru na yãwmɛ a yi n a tẽw baarʋ zie lo a sɔ́r waar.

Zeremi 9:11

Nɩr ɩ n yã-bãwnɛ a sɛw ʋ na bãw a yele á ŋá pɛr ɩ? A Sore wa ƴɛ̀r a ʋ zie a, ʋ̃ʋ ɩ bɛ bãw bʋ̃ʋ n'ʋ so a tẽw sãw, bʋ̃ʋ n'ʋ so ʋ dɩ a vũu mɛ̃ wɛja-kpalɛ a, ɛ́ ɩ zie nɩr za na bɛ tuur tɔlɛ a?

A Lãw-mʋɔlɛ 5:11

A tɩ dɔ̃ dem fɛr'ɩ a pɔwbɛ gã nɩ a Sɩyɔ̃ tẽw pʋɔ, ɛ́ fɛr gã nɩ a pɔwsɩrali a Zuda tẽ-bɛrɛ pʋɔ.

Ezekɩɛl 32:30

A saa-pɛrɩ́-gʋba-lowr nɩ-bʋʋrɛ nɩ-bɛrɛ nɩ a Sɩdɔ̃ tẽw nɩbɛ, na siw a kũuni zie a mɩ̀ be n ka. Bɛ tɩ tɛr'ɩ kanyir yaga, lɛ so bɛ tɩ ɩ a nɩbɛ màwr dɛ̃bɩ̃-mawfʋ. Ɛcɛ ƴɛrɛŋa a, a yɔ-ɓile dem bɛ ŋa lãw na gã nɩ a bɛl na kpi a zɛbr zie a. Ɛ́ vĩ nyɔw bɛ na lãwnɩ a bɛl za na be a kũuni zie a.

Zowɛl 2:20

A nyɩ dɔ̃ dem na yi a Saa-pɛrɩ́-gʋba-lowr waar a, ɩ̃ na diw bɛ na bɛr, ɩ̃ na diw bɛ na bɛr tẽ-kpalɛ kon pʋɔ bɛ zãá, ɩ̃ na diw nɩ a bɛ zɛbr-nɩbɛ na de niwn a ƴãw Kʋ̃ɔ-kpɛ̃ɛ-kũu pʋɔ, ɛ́ diw a pùor dem ƴãw a Mediterane kʋ̃ɔ-kpɛ̃ɛ pʋɔ. A bɛ kũuni na nyuur'ɩ faa faa pàw a zie za. A Sore maal'ɩ yel-bɛrɛ.

Zakari 6:6

A zɛbr-torko a wur-sɛbl na tawr a, tɩ cen nɩ a saa-pɛrɩ́-gʋba-lowr tẽw lowr, a wur-pɛlɛ tɩ cen nɩ a mʋ̃tɔ̃w-kpɛb-lowr tẽw lowr, ɛ́ a wie na ɓalɩ zɩɛ wʋlʋlʋ a, cen a saa-pɛrí-dʋrʋ-lowr tẽw lowr.