Zeremi 1:13 - A SƐB-SÕW

¹³ A Sore tɩ ƴɛ̀r'ɩ a ɩ̃ zie a gb'a ayi sob ƴãw à ŋá: «Ɛ́ a ƴɛrɛŋa, bʋ̃ʋ n'ʋ fʋ nyɛ̃?» Ɩ̃ tɩ sɔw na: «Ɩ̃ nyɛ̃ nɩ ziduwle na kárɛ a. A saa-pɛrɩ́-gʋba-lowr'a ʋ be ɛ́ cɩɩlɩ.»

Zeremi 1:13 ပူးပေါင်းရင်းမြစ်များ

Yele-za-pɛr-tib 41:32

A zánʋ fʋ na zanɩ a gb'a ayi a, a wul'a k'aa Naaŋmɩn yel'ɩ a ʋlɩ bom nɛ ʋ na na ɩ a baarɩ, nɩ k'ʋʋ kʋ̃ yaa kɛ́ ɩ ʋ ɛ.

Ɩzayi 55:11

À à ŋá n'a a ɩ̃ ƴɛ̀rʋ na mɩ́ yi a ɩ̃ nʋɔrɩ́ a mɩ́ ɩ: ʋ bɛ lɛbr waar a ɩ̃ zie ɛ́ bɛ ɩ bom ɛ, ɛ́ bɛ maalɩ a lɛ ɩ̃ na bɔbr'a ɩ, ɛ́ bɛ tõ a ton ɩ̃ na kʋ̀ ʋ a ɩ.»

Zeremi 24:3

Lɛ n'a a Sore tɩ yel mɛ̃: «Zeremi i, bʋ̃ʋ n'ʋ fʋ nyɛ̃?» Ɩ̃ tɩ sɔw: «Kãkamɛ n'a ɩ̃ nyɛ̃: a mɩnɛ vɩɛl'ɩ yaga za, ɛ́ a mɩnɛ sãw bɛ tɛr dɩb ɛ.»

Ezekɩɛl 11:3

Bɛ yere na: “Ƴɛrɛŋa bɛ n'a tɩ na ŋma yie a ka ɩ. A Zerizalɛm ɩ na mɛ̃ ziduwle a, ɛ́ a tɩɩm ɩ a nɛn.”

Ezekɩɛl 11:7

Alɛ n'a so a mãa, a Sore Naaŋmɩn, ɩ̃ yere kʋ̀rɛ nyɩ: A Zerizalɛm sɩrɩ na ɩ mɛ̃ ziduwle a, ɛ́ a nɛn a, a bɛl nyɩ na kʋ a n'a. Ɛcɛ a nyɩɩm a, ɩ̃ na diw nyɩ nɩ a tẽ-kpɛ̃ɛ ŋa pʋɔ.

Ezekɩɛl 12:28

A na ɩ à ŋá a, yel à ŋá kʋ̀ bɛ: “A mãa Sore Naaŋmɩn, ɩ̃ na ɩ n a al za ɩ̃ na yel a, a tu a ƴɛrɛŋa.”» A Sore Naaŋmɩn n'ʋ yel.

Amɔsɩ 8:2

Ʋ tɩ sowri mɛ̃ na: «Amɔsɩ ɩ, bʋ̃ʋ n'ʋ fʋ nyɛ̃?» Ɩ̃ sɔw: «Tɩ-wɔmɛ nɩ pèlé n'a ɩ̃ nyɛ̃, a tɩ-wɔmɛ daar na ta baarʋ a.» Lɛ n'a a Sore tɩ yel mɛ̃: «A ɩ̃ nɩ-bʋʋrɛ Ɩsɩrayɛl baarʋ ta na, ɩ̃ kʋ̃ lɛb bɛr a bɛ sãwna kãw za ɩ.

Zakari 4:2

Ʋ tɩ sowri mɛ̃ na: «Bʋ̃ʋ n'ʋ fʋ nyɛ̃?» Ɩ̃ sɔw: «Fɩ̃tɩlɩ dɔwlʋ zie na ɩ salm-zɩɛ tɛwr'a n'ʋ ɩ̃ nyɛ̃, ʋ tɛr kãá ƴãwfʋ zie a saa-zu. Ʋ tɛr'ɩ fɩ̃tɩlɩ ayopõi nɩ kãá yib ziir ayopõi a fɩ̃tɩlɛ za ƴãw.