Zakɩ 5:7 - A SƐB-SÕW

⁷ A na ɩ lɛ a, yɛbr i, nyɩ nyɔw nyɩ tʋɔra tɩ ta n a Sore waa daar. Nyɩ nyɛ̃ a kʋ́ɔra a, ʋ mɩ́ nyɔw nɩ ʋ tʋɔra ɛ́ gùre a tẽsɔw bʋ̃-kʋ́ɔrɩ wɔmɛ na ɩ bʋ̃-sɩza a, a bʋ̃-dan lãwnɩ a bɩɛrɩ.

Zakɩ 5:7 ပူးပေါင်းရင်းမြစ်များ

Zeremi 5:24

Nyɩ bɛ mɩ́ yel: “Nyɩ ɩ tɩ tɛr ƴãwfʋ a Sore tɩ Naaŋmɩn zie ɩ. Ʋ mɩ́ kʋ̀ tɩ nɩ a saa a ʋ daar, a kpãcãan nɩ a sɩ̃ɛ-kpɛ-paala, ɛ́ yũon za, ʋ mɩ́ bãwnɩ nɩ a tɩ bʋ̃-dieri-deb dàrʋ.”

A naaŋmɩn-ƴèr-manɛ Oze sɛbɛ 6:3

Nyɩ ɩ tɩ ƴãw fãw bãw a Sore. A ʋ waa bɛ tɛr bʋnʋ mɛ̃ zi-wɛl-paala a ɩ, ʋ na wa n a tɩ zie mɛ̃ a saa a, mɛ̃ a sɩ̃ɛ-kpɛ-paala saa na mɩ́ wa bur a tẽw a.»

Zowɛl 2:23

Nyɩɩm Sɩyɔ̃ tẽw dem i, nyɩ cɩlɛ ƴawr'ɩ a Sore nyɩ Naaŋmɩn ƴãw. Ʋ kʋ̀rɛ nyɩ nɩ a kpãcãan saa, a nyɩ faafʋ ƴãw. Ʋ mɩ́ ɩ n a kpãcãan saa nɩ a sɩ̃ɛ-kpɛ-paala saa a wa, a wa mɛ̃ a dãwdãw a.

Zakari 10:1

Nyɩ mɩ́ zɛlɩ a Sore, ʋ kʋ̀ nyɩ a sɩ̃ɛ-kpɛ-paala saa: a Sore n'ʋ tɩrɛ a sa-pɛlɛ. Ʋ na ɩ na a saa wa yaga, ŋa za púo bʋ̃-kʋ́ɔrɩ mɩ́ maalɩ.

Matie 16:27

A Nɩsaal Bie na sɩrɩ na wa a ʋ Sãà yúor-vɩɛlʋ-danʋ pʋɔ, ʋlɛ nɩ a ʋ malkɩ mɩnɛ, lɛ n'a ʋ na mɩ́ ya ŋa za man nɩ a ʋ ɩb.

Matie 16:28

Yel-mɩŋa sɩza, ɩ̃ yere na kʋ̀rɛ nyɩ, a nɩbɛ na be a ka a, a bɛ pʋɔ a, bɛ mɩnɛ na nyɛ̃ nɩ a Nɩsaal Bie ʋ waar mɛ̃ nãà a, ɛ́ bɛ bãw kpi.»

Matie 24:27

Mɛ̃ a lɛ a saa-nyɩwrʋ na mɩ́ yi a mʋ̃tɔ̃w puru zie tɩ ta a mʋ̃tɔ̃w kpɛb zie a, lɛ n'a a Nɩsaal Bie waa mɩ̀ na ŋmɛ̃.

Matie 24:44

Alɛ so, a nyɩɩm mɩ̀ a, nyɩ cɔbrɩ gùre, a tɛm ʋl nyɩ na bɛ bãw a n'ʋ a Nɩsaal Bie na wa.»

Luka 18:8

Mãa n'ʋ yere kʋ̀rɛ nyɩ: ʋ na wul'ɩ a bɛ yel-mɩŋa fɔ̃wlɛ. Ɛcɛ a Nɩsaal Bie wa wa a, ʋ na nɩ̃ɛ na nyɛ̃ a naaŋmɩn-sàw-deb a tẽw zu u?»

Luka 21:27

Lɛ na bɛ na nyɛ̃ a Nɩsaal Bie ʋ be zũzuwr pʋɔ waar, tɛr kpɛnʋ nɩ yúor-vɩɛlʋ-danʋ.

Luka 8:15

A bʋ̃-bie al na lo a tẽsɔw-vla pʋɔ a n'ɩ a bɛlɩ dem na bɛrɛ wone a Naaŋmɩn ƴɛ̀rʋ, ɛ́ mɩ́ sàw de nɩ bɛ pʋɔ za a. Bɛ bɛ lɛbr pùor ɛ, alɛ so bɛ mɩ́ wɔ̃ wɔmɛ.»

Zã 21:22

A Yeezu tɩ sɔw ʋ na: «Mãa wa bɔbr k'ʋʋ be be ɛ́ gùre ɩ̃ tɩ lɛb wa a, a jɩ́rɛ fʋ na bɩɩ? A fʋ̃ʋ a, tuur mɛ̃!»

Zã 21:23

A lɛ n'a bɛ tɩ ŋmɛ yaarɩ a yɛbr sɔgɔ kɛ́ a po-tuure ŋa kʋ̃ kpi ɛ. Ɛcɛ a Yeezu bɛ tɩ yel ʋ k'ʋʋ kʋ̃ kpi ɛ. Ʋ tɩ yel'a: «Mãa wa bɔbr k'ʋʋ be be ɛ́ gùre ɩ̃ tɩ lɛb wa a, a jɩ́rɛ fʋ na bɩɩ?»

Ʋrɔm 15:4

A yele al za na sɛb a Sɛb-sõw pʋɔ a koro za a, tɩɩm wulu ƴãw n'a a sɛb, k'aa su-nyɔwra nɩ a mɔwlʋ a na kʋ̀rɛ tɩ a zũú, tɩ tʋ̃ɔ́ tɛr a tɩɛrʋ a Naaŋmɩn ƴãw.

Ʋrɔm 2:7

A bɛlɩ dem na su zu ɩrɛ vla bɔbr'ɩ a yúor-vɩɛlʋ-danʋ nɩ a ƴãwfʋ, nɩ a nyɔ-vʋʋrʋ na be kʋralɛ a, bɛlɛ so a nyɔ-vʋʋrʋ na be kʋralɛ a.

1 Korɛ̃tɩ 1:7

kɛ̀ Naaŋmɩn maalʋ kãw za bɛ cɛ nyɩ ɛ, nyɩɩm na gùre kɛ́ a tɩ Sore Yeezu Kɩrɩta wa sãá a.

Galasi 5:5

Ɛcɛ a tɩɩm a, tɩ ƴãw nɩ a tɩ tɩɛrʋ a Naaŋmɩn ƴãw, ʋl na na ɩ tɩ ɩ nɩ-mɩn a ʋ niŋé a. A yel ŋa n'ʋ tɩ gùre nɩ a Vʋʋrʋ Sõw fãw, ʋl na tone a tɩ naaŋmɩn-sàw-deb pʋɔ a.

Galasi 6:9

Nyɩ ɩ tɩ taa bàlɛ a vla maalʋ ƴãw ɛ, bʋ̃ʋ n'ʋ vɛ̃, tɩmɛ bɛ wa bàl tɩɛ bɛr a, ɛ́ a daar wa ta a, tɩ na cɛ na.

Wulu-ayi-sob 11:14

ʋ na mɩ́ ɩ na a saa wa a ʋ daar ƴãw a nyɩ tẽsɔw, a kpãcãan nɩ a sɩ̃ɛ-kpɛ-paala saa. A lɛn daar a, a nyɩ bʋ̃-dieri na mɩ́ vɩɛl a, a ble, a divɛ̃ nɩ a kãá.

Kɔlɔsɩ 1:11

A Naaŋmɩn na ɩ n a ʋ yúor-vɩɛlʋ-danʋ fãw nyuwli nyɩ a yele za ƴãw, nyɩ mɩ́ dɩ kanyir sàw de bom za.

1 Tesalonikɩ 1:3

Bʋ̃ʋ n'ʋ vɛ̃, a Naaŋmɩn tɩ Sãà niŋé a, tɩ mɩ́ lɛb'a bãwnɩ a nyɩ naaŋmɩn-sàw-deb tome, a nyɩ nɔ̃wfʋ na nyɛrɛ bàlʋ a, nɩ a tɩɛrʋ nyɩ na ƴãw kpɛ̃w za a tɩ Sore Yeezu Kɩrɩta ƴãw a.

1 Tesalonikɩ 2:19

Bʋ̃ʋ n'ʋ vɛ̃, a nyɩɩm a, nyɩmɛ nɛbɛ ɩ a tɩ tɩɛrʋ, a tɩ nʋ̃ɔ̀, nɩ a tɩ zɛb-tʋ̃ɔ́fʋ bãwfʋ, na na ɩ a tɩ pɔ̀lʋ bom a tɩ Sore Yeezu Kɩrɩta niŋé a ʋ lɛb-waa daar a. Nyɩmɛ nɛbɛ, nɩ-yũo kãw za bɛ n'ʋ ɛ.

1 Tesalonikɩ 3:13

A Sore, ʋ ɩ a nyɩ socie kpɛmɛ, nyɩ tʋ̃ɔ́ ɩ nɩ-son nɩ nɩbɛ na bɛ tɛr sãwna bɛ yere a Naaŋmɩn tɩ Sãà niŋé a, a lɛn daar a tɩ Sore Yeezu nãà wa lɛb wa nɩ a ʋ nɩ-son za a ɩ.

Ebre 6:15

A Abraham na tɩ dɩ kanyir ɛ́ gù a, ʋ nyɛ̃ nɩ a Naaŋmɩn nʋɔr ʋ tu.

Zakɩ 4:11

Yɛbr i, nyɩ ta mɩ́ manɛ taa yel-faar ɛ. Ʋlɩ sob na manɛ a ʋ yɛb yel-faar, ɛ́ bãwnɛ a ʋ sãwna a, ʋ sãwnɛ nɩ a Naaŋmɩn wulu yúor, ɛ́ bãwnɛ a Naaŋmɩn wulu yele. Ɛcɛ fʋ̃ʋ wa dɩrɛ nɩ a Naaŋmɩn nʋɔr ƴɛ̀rʋ a, fʋ bɛ ɩ a Naaŋmɩn nʋɔr nɔ-sàwrɛ ɩ, fʋ ɩ n a ʋ ƴɛ̀r-dɩrɛ.

Zakɩ 5:10

Yɛbr i, a naaŋmɩn-ƴɛ̀r-manbɛ na ƴɛ̀r a Sore yúor ƴãw a, nyɩ cɔwrɛ bɛ a kanyir bɛ na dɩ a kpɩɛrʋ pʋɔ a ƴãw.

Zakɩ 5:3

A nyɩ salm-zɩɛ nɩ a nyɩ libie lo n bazɩ̃ɩ, bazɩ̃ɩ na na wul a nyɩ sãwna a. A na dɩ n a nyɩ ƴã-gã-nɛn mɛ̃ vũu a. Nyɩ bɔ n na-bome gbõ taa a zie baarʋ daar.

2 Pɩɛr 3:4

ɛ́ yere: «Ʋ bɛ yel k'ʋʋ na wa na ɩ? Ʋ wa? A tɩ sãà mɩnɛ na kpi wa tɔ dɩ̃a a, bom za cãà na ŋmɛ̃ a lɛ ʋ na tɩ ŋmɛ̃ a tẽw íru tib daar a.»