Bʋ̃ʋ n'ʋ vɛ̃, a zãzule na dɩ bɛ na mɛ̃ mɔwr na mɔw kparʋ a, ɛ́ a gùme dɩ bɛ mɛ̃ píir kɔblʋ pɛn a. Ɛcɛ a mɩnʋ ɩ̃ na waar'ɩ a kʋ̃ tɛr baarʋ ɛ, ɛ́ a ɩ̃ faafʋ be be yome yome za.»
Kɔrnyɛ̃ na ũú nɩ jɛlɛ ʋ na bɛ lɔb a, à ŋá n'a nɩr na kpɛ nyãnyu-naalʋ a ŋmɛ̃. A ʋ nyɔ-vʋʋrʋ põ-zɛ̃-taa pʋɔ a, a ʋ naalʋ mɩ́ bɛr ʋ na, ɛ́ a baarʋ daar ʋ ɩ mɛ̃ dãbol a.»
Nyɩ de a bome nyɩ na tɛr a, kʋɔrɩ sõw nɩ nɩ-kɔmɛ. Nyɩ bɔ wɛr-wʋʋr na bɛ zawr a, nɩ na-bome nyɩ na kʋ̃ bɔ gù a tẽ-vla pʋɔ a, a be nyãnyuge na bɛ pɩɛlɛ a, be gume na bɛ dɩrɛ a.
Ʋ ɩ na tɩ lɛb dɔw na páw a gbã-dɩ-bom ʋl na kʋ̃ pʋ̃ɔ a, na bɛ tɛr dɛwr ɛ́ a vɩɛlʋ mɩ̀ bɛ tɛr nãà siwri a. A gbã-dɩ-bom ŋa gùre nyɩ nɩ a tẽ-vla pʋɔ,
