Zakɩ 4:8 - A SƐB-SÕW

⁸ Nyɩ taw pɩɛlɩ a Naaŋmɩn, ʋʋ na taw na pɩɛlɩ nyɩ. Nyɩ pɛ́w a nyɩ nuru, nyɩɩm yel-bebe dem bɛ ŋan i. Nyɩ maalɩ a nyɩ socie a vɩɛl, nyɩɩm nɩbɛ a tɩɛrʋ na põ a!

Zakɩ 4:8 ပူးပေါင်းရင်းမြစ်များ

Yele-za-pɛr-tib 18:23

A Abraham tɩ taw na pɩɛlɩ ɛ́ yel: «Sore e, sɩza n'a fʋ na kʋ a nɩ-mɩŋa lãwnɩ a sãwna sob bɩɩ?

1 Bibie za yel-manɩ 28:9

Ɛ́ fʋ̃ʋ ɩ̃ bidɛb Salomɔ̃ ɔ, ƴãw fãw bãw a Naaŋmɩn ʋl ɩ̃ na tõ a, puore ʋ nɩ tɩɛrʋ na vɩɛl a, ta bʋ́nɛ ɩ. Bʋ̃ʋ n'ʋ vɛ̃, a Sore mɩ́ jɩ́r'ɩ a nɩsaalbɛ pʋɔ tɩ tɔ, ɛ́ bãw a bɛ tɩɛrʋ za. Fʋ̃ʋ wa bɔbr ʋ a, ʋ na sàw na fʋ nyɛ̃ ʋ, ɛ́ fʋ̃ʋ wa zawr'ʋ bɛr a, ʋ na zawrɩ fʋ na bɛr a baarɩ.

2 Bibie za yel-manɩ 15:2

tɩ yi na tuori a Asa yel ʋ: «Asa a, nɩ nyɩɩm Zuda nɩbɛ za nɩ Bɛ̃zamɛ nɩbɛ za a, nyɩ bɛrɛ wone a ɩ̃ ƴɛ̀rʋ! Lɛn daar za nyɩ na be a Sore zie a, a Sore be n a nyɩ zie. Nyɩmɛ wa bɔbr ʋ a, ʋ na sàw na nyɩ nyɛ̃ ʋ, nyɩmɛ wa zawrɩ ʋ bɛr a, ʋ mɩ̀ na zawrɩ nyɩ na bɛr.

A Zɔb sɛbɛ 16:17

Ɛcɛ a ɩ̃ nuru bɛ tɩ tõ po-to-fãw tome ɩ ɛ́ a ɩ̃ puoru tɩ vɩɛl ʋ za.

A Zɔb sɛbɛ 17:9

Bɛ yere na: «A nɩ-mɩŋa, ʋ cãà cere vla a ʋ cenu pʋɔ, ɛ́ a nɩr a nuru na bɛ mar dɛwr a lɛb bãw ƴãw fãw!»

A Zɔb sɛbɛ 9:30

Mãa saa ɩ mɛ̃ ɩ̃ so n kʋ̃ɔ nɩ sɩfan a, mãa saa pɛ́w a ɩ̃ nuru nɩ zɩ̃ɛ a,

Sɛb-sõw yielu 119:113

Ɩ̃ bɛ nɔnɛ a nɩbɛ a tɩɛrʋ na mɩ́ põ a ɩ, a fʋ wulu n'ʋ ɩ̃ nɔnɛ.

Sɛb-sõw yielu 145:18

A Sore pɩɛl'ɩ a bɛlɩ dem za na bʋɔlɛ ʋ a, a bɛlɩ dem za na bʋɔlɛ ʋ yel-mɩŋa za a.

Sɛb-sõw yielu 18:20

ʋ ír mɛ̃ na bɛr, k'ɩ̃ cere, ʋ faa mɛ̃ na, ʋ na nɔnɛ mɛ̃ a ƴãw.

Sɛb-sõw yielu 24:4

— Sob nɛ nuru na bɛ tõ tõ-faar ɛ́ a pʋɔ ɩ parpar a n'ʋ, sob nɛ na bɛ tu bʋ̃-zawlɛ pùor ɛ́ bɛ pɔ pɔ-ziri a n'ʋ.

Sɛb-sõw yielu 26:6

Ɩ̃ na pɛ́w nɩ a ɩ̃ nuru, a wul ɩ̃ na bɛ tɛr sãwna a, ɛ́ ɩ̃ na cen na viiri koli a fʋ bàwr-maal-kuur, Sore e,

Sɛb-sõw yielu 51:10

Yel kʋ̀ m k'ɩ̃ɩ na nyɛ̃ nɩ nʋ̃ɔ̀ nɩ cɩlʋ, ɩ̃ɩ na cɩlɛ na, mãa fʋ na kʋ kpaa bɛr a.

Sɛb-sõw yielu 73:13

A na ɩ lɛ a, zaalɛ n'a ɩ̃ maal tɛr a ɩ̃ pʋɔ ʋ pɛlɩ, ɛ́ ɩ̃ pɛ́w a ɩ̃ nuru wul ɩ̃ na bɛ tɛr sãwna a.

Sɛb-sõw yielu 73:28

Ɛcɛ mãa a, a ɩ̃ nʋ̃ɔ̀ n'ɩ ɩ̃ na pɩɛlɩ fʋ a. Sore Naaŋmɩn i, a fʋ zie n'a ɩ̃ ƴãw a ɩ̃ tɩɛrʋ, ɛ́ ɩ̃ na manɛ nɩ a fʋ tome za.

Ɩzayi 13:15

Bɛlɩ dem za bɛ na na nyɛ̃ a, bɛ na baw bɛ na nɩ pime, ɛ́ bɛlɩ dem za bɛ na na nyɔw a, zɛbr-sɔ-kpɛ̃ɛ n'ʋ bɛ na kʋ n bɛ.

Ɩzayi 29:13

A Sore yere na: «Nʋɔr'ʋ a nɩ-bʋʋrɛ bɛ ŋa tawr pɩɛlɛ nɩ mɛ̃, nʋɔr ƴɛ̀rʋ tɛwr'a bɛ ƴãwnɛ nɩ mɛ̃. Ɛcɛ a bɛ socie zãá nɩ mɛ̃ na. A zɔba bɛ na zɔrɛ mɛ̃ a ɩ n nɩsaal nɔ-ƴãwna tɛwr bɛ na zanɩ a.

Ɩzayi 58:2

Bibir za, bɛ mɩ́ bɔbr mɛ̃ na, bɛ mɩ́ bɔbr'a kɛ́ bɛ bãw a ʋlɩ bom nɛ ɩ̃ na gùre a bɛ zie a, mɛ̃ nɩ-bʋʋrɛ na tuur a mɩnʋ ɛ́ bɛ zawrɩ a lɛ a bɛ Naaŋmɩn na dɩ a ƴɛ̀rʋ bin a bɛr a. Bɛ bɔbr'ɩ ƴɛ̀rʋ na dɩ tu n mɩnʋ a, a ɩ̃ zie, bɛ bɔbr'a k'ɩ̃ɩ pɩɛlɩ bɛ.

Zeremi 4:11

A lɛn daar a, a Sore na yel'ɩ a Zerizalɛm nɩbɛ: «A tan zu sɛsɛb-tʋlʋ yi n a wɛja-kpalɛ pʋɔ waar. Sɛsɛble na mɩ́ fu bɛ yɛ́lɩ bom a bɛ n'ʋ ɛ.

Zeremi 4:14

«Zerizalɛm i, fʋ̃ʋ wa bɔbr kɛ́ fʋ nyɛ̃ a faafʋ a, fʋ̃ʋ pɛ́w a fʋ socir faalʋ za bɛr. Debor'a a pʋ-tɩɛr-faar na yi zaa a fʋ pʋɔ?

A Lãw-mʋɔlɛ 3:57

Ɩ̃ na tɩ bʋɔlɩ fʋ a, fʋ taw na pɩɛlɩ, ɛ́ yel mɛ̃: «Ta zɔrɛ dɛ̃bɩ̃ɛ ɩ!»

Ezekɩɛl 18:31

Nyɩ zawrɩ a nyɩ ɩ-faar za bɛr, nyɩ lɩɛbɩ a nyɩ socie nɩ a nyɩ tɩɛrʋ. Bʋ̃ʋ n'ʋ so nyɩ bɔbr kɛ́ nyɩ kpi, Ɩsɩrayɛl nɩbɛ ɛ?

Malasɩ 3:7

Nyɩ bɛr'ɩ a ɩ̃ wulu, mɛ̃ a nyɩ sãàkʋm-kore a, nyɩ bɛ tu a ɩ. Nyɩ lɛb wa a ɩ̃ zie, ɩ̃ɩ na lɛb'a wa a nyɩ zie, mãa n'ʋ yere, a mãa, a Sore kpɛnʋ-za-sob. Ɛcɛ nyɩ sowre na: “Ŋmɩŋmɩn n'a tɩ na ɩ lɛb wa a fʋ zie?”

Matie 12:33

«Tɩɛ wa vɩɛl a, a ʋ wɔmɛ na vɩɛl a, ɛ́ tɩɛ wa ɩ tɩ-sãwna a, a ʋ wɔmɛ na ɩ n wɔ̃-sãwnɩ. A tɩɛ wɔm zie n'a bɛ mɩ́ tʋ̃ɔ́ bãw a tɩɛ.

Matie 15:2

«Bʋ̃ʋ n'ʋ so a fʋ po-tuurbɛ sãwnɛ a tɩ sãàkʋm-kore ciiru? Bɛ na bɛ mɩ́ pɛ́w a bɛ nuru mɛ̃ a lɛ a tɩ puoru sɔ́r na yel, ɛ́ bãw dɩ a.»

Matie 27:24

A Pɩlatɩ na tɩ nyɛ̃ ʋ bàlɛ ʋ tʋɔra zawlalɛ, ɛcɛ a damnʋ nɩ̃ɛ lɛb tɩ bãw zuore a, ʋ tɩ de nɩ kʋ̃ɔ pɛ́w a ʋ nuru a nɩbɛ za niŋé ɛ́ yel: «Ɩ̃ za n'ɩ ŋa, ɩ̃ bɛ pʋɔ a nɩ-mɩŋa ŋa kũu yele pʋɔ ɩ. Nyɩ yele n'a.»

Nɩ-toni 15:9

A Naaŋmɩn bɛ owri owru kãw za tɩɩm nɩ a bɛl ɛ, a bɛ naaŋmɩn-sàw-deb zũú n'a ʋ pɛ́w a bɛ socie a vɩɛl.

2 Korɛ̃tɩ 7:1

Ɩ̃ nɩ-nɔnɩ i, à á ŋá za a Naaŋmɩn na yel k'ʋʋ na ɩ na kʋ̀ tɩ a zũú, nyɩ ɩ a tɩɩm tɛɛ za so a dɛwr za na dɛwr a ƴã-gan nɩ a sɩ́ɛ a, tɩ so a za bɛr, ɛ́ ƴãw fãw ɩ nɩ-son ƴãwnɛ a Naaŋmɩn.

1 Timote 2:8

Lɛ so ɩ̃ bɔbr kɛ́ a ziir za, a dɛbr mɩ́ zɛw nũ-vɩɛlɩ cɔw a salom ɛ́ puore, ɛ́ bɛr a suur nɩ a taw-taa.

Ebre 10:22

A na ɩ lɛ a, nyɩ ɩ tɩ taw pɩɛlɩ a Naaŋmɩn nɩ soci-dẽdẽ nɩ a tɩ sàw-deb za, ɛ́ tɛr socie na vɩɛl bɛ cãà tɛr sãwna za tɩɛrʋ a, nɩ ƴã-gamɛ bɛ na pɛ́w nɩ kʋ̃ɔ vla walwal a.

Ebre 7:19

Bʋ̃ʋ n'ʋ vɛ̃, a Naaŋmɩn wulu bɛ ɩ bom za ʋ páw a ʋ vɩɛlʋ za ɩ. Ɛcɛ tɩɛrʋ na vɩɛl zuo tɩ ƴãw a Naaŋmɩn ƴãw a wa na, ɛ́ a ʋl zũú n'a tɩ mɩ́ tawr pɩɛlɛ a Naaŋmɩn.

Zakɩ 1:8

ʋl a tɩɛrʋ na mɩ́ põ, ɛ́ a ʋ yele za pʋɔ ʋ bɛ mɩ́ bãw bʋ̃ʋ n'ʋ ʋ bɔbr a ɩ.

Zakɩ 3:17

Ɛcɛ a yã-bãwfʋ na yi a Naaŋmɩn zie a, ʋ mɩ́ de nɩ niwn ɩ vɩɛlʋ tɛwr, al pùorí ʋ ɩ ƴã-ɓaarʋ, su-nʋ̃ɔ̀, nʋɔr-sàwfʋ. Ʋ mɩ́ ɩ n nɩbaal-zɔba nɩ ɩ-vɩɛlɩ tɛwr. Ʋ bɛ mɩ́ owre ɩ, ɛ́ bɛ sɔwlɛ a ʋ pʋ-tɩɛrʋ ɛ.

1 Pɩɛr 1:22

Nyɩ na tu a yel-mɩŋa a, nyɩ so n a nyɩ dɛwr bɛr kɛ́ nyɩ sɩrɩ nɔnɛ taa yaga za mɛ̃ yɛbr a. A na ɩ lɛ a, nyɩ sɩrɩ nɔnɛ taa nɩ soci-pla parpar.

1 Pɩɛr 3:21

A kʋ̃ɔ á ŋá tɩ ɩ n a suob na faarɛ nyɩ a ƴɛrɛŋa a bãwfʋ: ɛcɛ ƴã-gan dɛwr-so-bɛrʋ bɛ n'ɩ a suob ɛ, a suob ɩ n socir vɩɛlʋ bɛ mɩ́ zɛlɩ a Naaŋmɩn zie. A suob faarɛ nyɩ nɩ a Yeezu Kɩrɩta kũu-pʋɔ-lɛb-yibu zũú,

1 Zã 3:3

Ɛ́ nɩsaal za na ƴãw a tɩɛrʋ ŋa tɔ a ʋ ƴãw a, mɩ́ ƴãw nɩ fãw vɩɛl mɛ̃ a Kɩrɩta na vɩɛl a.

1 Samɩɛl 14:35

À ŋá n'a a Sawul tɩ mɛ bàwr-maal-kuur a Sore ƴãw: a bàwr-maal-kuur dãw-niwn-sob tɩ n'ɩ a ʋl ʋ na mɛ kʋ̀ a Sore a.