Zakɩ 4:6 - A SƐB-SÕW

⁶ Ɛcɛ a maalʋ a Naaŋmɩn na kʋ̀ tɩ a ɩ n kpɛ̃ɛ zuo lɛ. Bʋ̃ʋ n'ʋ vɛ̃, bɛ mɩ̀ cãà na lɛb yel: «A Naaŋmɩn mɩ́ ba n gbɛ́r a pɔ̀lʋ dem niŋé, ɛ́ maalɩ a su-siwri dem.»

Zakɩ 4:6 ပူးပေါင်းရင်းမြစ်များ

2 Bibie za yel-manɩ 32:26

Ɛcɛ a Ezekɩasɩ nɩ a Zerizalɛm nɩbɛ tɩ sàw nɩ a bɛ sãwna, a Sore suur ɩ-ɩrɩ bɛ lo a bɛ zu a Ezekɩasɩ naalʋ-dɩb daar ɛ.

2 Bibie za yel-manɩ 33:12

A ʋ kpɩɛrʋ pʋɔ a, a Manase tɩ lɔb'ɩ nuru zɛlɩ nɩ a Sore ʋ Naaŋmɩn: ʋ tɩ sàw nɩ a ʋ sãwna a ʋ sãà mɩnɛ Naaŋmɩn niŋé,

2 Bibie za yel-manɩ 33:19

A ʋ puoru nɩ a lɛ a Naaŋmɩn na sàw de a a, a ʋ yel-bebe nɩ a lɛ za ʋ na zawrɩ a Naaŋmɩn bɛr a, a ziir al ʋ na ƴãw a maalʋ-ziir, ɛ́ bà dà-barɩ nɩ ŋmɩmɛ dasuli ɛ́ wa bãw sàw a ʋ sãwna a Naaŋmɩn niŋé a, a za sɛb'a ƴãw a Hozaɩ ɩ-ɩrɩ sɛbɛ pʋɔ.

2 Bibie za yel-manɩ 33:23

Ɛcɛ ʋ bɛ sàw a ʋ sãwna a Sore niŋé ɩ, mɛ̃ a lɛ a ʋ sãà Manase na tɩ ɩ a. Ʋ nɩ̃ɛ na maalɩ yel-bebe yaga yaga zuo ʋ.

2 Bibie za yel-manɩ 34:27

A dam'ɩ a fʋ socir, fʋ siwri fʋ tʋɔra a ɩ̃ niŋé, fʋ na wõ a lɛ ɩ̃ na yel a Zerizalɛm nɩ a ʋ nɩbɛ ƴãw a zũú, fʋ taw nɩ a fʋ kparɩ cɩɛrɩ ɛ́ kõ cir mʋta-kʋ̃ɔ. A na ɩ à ŋá a, a mãa mɩ̀ a, ɩ̃ wõ n a fʋ dem, mãa n'ʋ yere kʋ̀rɛ fʋ,

A Zɔb sɛbɛ 22:29

Sɩza, a Naaŋmɩn mɩ́ ɩ n a pɔ̀lʋ dem tɩɛrʋ a sãw, ɛcɛ, ʋ mɩ́ ɩ n a bɛlɩ dem na siwre bɛ tʋɔra a yele maalɩ.

Sɛb-sõw yielu 138:6

A Sore na saa be a saa-zu a, ʋ nyɛrɛ nɩ a bãbàalbɛ, ɛ́ a pɔ̀lʋ dem mɩ́ zãá, ʋʋ nyɛ̃ bɛ bãw.»

Sɛb-sõw yielu 9:12

Nyɩ yiele danɛ nɩ a Sore na kpɩɛr a Sɩyɔ̃ tẽw pʋɔ a, nyɩ manɛ a ʋ tõ-bɛrɛ a nɩ-bʋʋrɛ sɔgɔ,

Eziptɩ tẽw yib 18:11

Ɩ̃ pãa bãw nɩ ƴɛrɛŋa k'aa Sore ɩ n kpɛ̃ɛ zuo a ŋmɩmɛ al za na baa cɛ a. Ʋ wul'a a sãá, a lɛn daar a Eziptɩ tẽw nɩbɛ na tɩ dɔwrɛ a Ɩsɩrayɛl nɩbɛ a.»

Zʋkpaɩ 15:33

A Sore zɔba ɩ n yã-bãwfʋ nakoli kpɛb. A tʋɔra-siwru mɩ́ de nɩ niwn a yúor ƴãw.

Zʋkpaɩ 18:12

A nɩsaal pɔ̀lʋ mɩ́ wɩɛr'ɩ ʋ nɩ a ʋ loba zie. A tʋɔra-siwru pùorí n'a fʋ mɩ́ nyɛ̃ ƴãwfʋ.

Zʋkpaɩ 22:4

A nɩr na siwre ʋ tʋɔra a mɩ́ tɛr'ɩ a Sore zɔba. Ʋ mɩ́ kpɛ n naalʋ, tɛr yúor ɛ́ vʋʋrɩ cɛlɩ.

Zʋkpaɩ 29:23

A nɩsaal pɔ̀lʋ na siwr'ʋ na, ɛcɛ su-siwra sob na nyɛ̃ nɩ ƴãwfʋ.

Zʋkpaɩ 3:34

A Sore mɩ́ ɩ n a nɩ-ɩ-laarbɛ la, ɛcɛ, ʋ mɩ́ ɩrɛ nɩ nɔ̃wfʋ ɩb a su-siwri dem zie.

Ɩzayi 2:17

A na fɛr'a pɔ̀lʋ sob za gũu zu, ɛ́ a bɛlɩ dem na ɩrɛ nyɔka-ɩb a siwri bɛ tʋɔra. A ʋlɩ bibir nɛ a, a Sore yõ n'ʋ na ɩ kpɛ̃ɛ.

Ɩzayi 54:7

Ɩ̃ tɩ zawr fʋ na bɛr blãlɛ tɛwr, ɛcɛ ɩ̃ lɛb'a dier fʋ nɩ su-ɓaarʋ na ɩ kpɛ̃ɛ a.

Ɩzayi 57:15

Nyɛ̃ a lɛ a Naaŋmɩn na ɩ sõw a na yere a, ʋl na be bom za zu-sɔw ɛ́ tɛr kpɛb zie kʋralɛ a: «A mãa, a Naaŋmɩn na ɩ sõw a, ɩ̃ kpɩɛr'ɩ a saa-zu ka. Ɛcɛ ɩ̃ lãw nɩ nɩ a nɩbɛ bɛ na dɔwrɛ ɛ́ bɛ tɛr su-siwri a, k'ɩ̃ɩ lɛb kʋ̀ nyɔ-vʋʋrʋ a su-siwri dem, k'ɩ̃ɩ lɛb kʋ̀ nyɔ-vʋʋrʋ a nɩbɛ bɛ na dɔwrɛ a.

Matie 13:12

Sob nɛ na tɛr a a, bɛ na kʋ̀ ʋ na, ʋ tɛr a yaga yaga, ɛcɛ sob nɛ na bɛ tɛr a a, bɛ na faa nɩ a blã al ʋ na tɛr a.

Matie 23:12

Sob nɛ za na zɛwr ʋ tʋɔra a, bɛ na siwr'ʋ na, ɛ́ sob nɛ za na siwre ʋ tʋɔra a, bɛ na zɛw ʋ na.»

Luka 1:52

Ʋ cã n a kpɛnʋ dem lɔb a bɛ naalʋ-dà-kɔwr zuru, ɛ́ zɛw a bãbàalbɛ.

Luka 14:11

Sob nɛ za na zɛwr ʋ tʋɔra a, bɛ na siwr'ʋ na, ɛ́ sob nɛ za na siwre ʋ tʋɔra a, bɛ na zɛw ʋ na.»

Luka 18:14

Mãa n'ʋ yere kʋ̀rɛ nyɩ, a zuru-yar-diere ŋa tɩ páw nɩ a vɩɛlʋ lɛb siw kul'ɩ a ʋ yir, ɛ́ bɛr a Faarizɩ̃ɛ. Sob nɛ za na zɛwr ʋ tʋɔra a, bɛ na siwr'ʋ na, ɛ́ sob nɛ za na siwre ʋ tʋɔra a, bɛ na zɛw ʋ na.»

Zakɩ 4:10

Nyɩ siwre nyɩ tʋɔra a Sore niŋé, ʋʋ na zɛw nyɩ na.

1 Pɩɛr 5:5

Lɛ mɩ̀ n'a, a nyɩɩm pɔ́lɛ́, nyɩ mɩ̀ sàwr a bɛlɩ dem na ɩ bɛrɛ a nyɩ ƴãw a nʋɔr. Ɛ́ a nyɩ za a, nyɩ siwre nyɩ tʋɔra a nyɩ ɩ-ɩrɩ pʋɔ, bʋ̃ʋ n'ʋ vɛ̃, bɛ sɛb'a: «A bɛlɩ dem na zɛwr bɛ tʋɔra a, Naaŋmɩn bɛ mɩ́ de a bɛ yele ɩ, ɛcɛ a bɛl na siwre bɛ tʋɔra a, ʋ mɩ́ kʋ̀ bɛ nɩ a ʋ maalʋ.»

1 Samɩɛl 2:3

Nyɩ ta ƴɛ̀rɛ pɔ̀l-ƴɛ̀rʋ pilpile nɩ ɛ, nyɔka-ƴɛ̀rʋ ta yi a nyɩ nʋɔrɩ́ ɛ, bʋ̃ʋ n'ʋ vɛ̃, a Sore ɩ n Naaŋmɩn na bãw bom za a, ʋ mɩ́ jɛl'ɩ a nɩsaalbɛ ɩ-ɩrɩ za.