Zakɩ 4:4 - A SƐB-SÕW

⁴ Naaŋmɩn bɛlbɛlbɛ bɛ ŋa! Nyɩ bɛ bãw kɛ́ nɩr wa ɩ a tẽ-daa bá a, ʋ mɩ́ lɩɛb'ɩ a Naaŋmɩn dɔ̃ sob ɛ? Lɛ so, ʋlɩ sob wa bɔbr k'ʋʋ ɩ a tẽ-daa bá a, ʋ mɩ́ lɩɛb'ɩ Naaŋmɩn dɔ̃ sob.

Zakɩ 4:4 ပူးပေါင်းရင်းမြစ်များ

Yele-za-pɛr-tib 3:15

Ɩ̃ na ƴãw nɩ dɔ̃ fʋ̃ʋ nɩ a pɔw cara pʋɔ, a fʋ bʋʋrɛ nɩ a ʋ bʋʋrɛ cara pʋɔ. A ʋ bʋʋrɛ na mɩ́ ƴɛ́r'ɩ a fʋ zu ŋmɛr, ɛ́ fʋ dʋ̃ a ʋ bʋʋrɛ gbɛnakɔr.»

Sɛb-sõw yielu 21:8

Sɩza n'a, a nãà ɩrɛ na ƴãwn a Sore ƴãw, ɛ́ a Naaŋmɩn-na-do-saa-bɛ-pɩɛl-a nɔ̃wfʋ zũú, ʋ kʋ̃ bãw damnʋ ɛ.

Sɛb-sõw yielu 50:18

Fʋ̃ʋ wa nyɛ̃ nyãnyuge a, fʋ̃ʋ nɩ ʋl mɩ́ kpɛ n taa, ɛ́ fʋ̃ʋ nɩ a pɩ̃ɔ-yel-maalbɛ n'ɩ a tu-ta-dem.

Sɛb-sõw yielu 73:27

Bɛlɩ dem na zãá nɩ fʋ a, bɛ na kpi na, bɛlɩ dem na mɩ́ zawrɩ fʋ bɛr a, a bɛ yele mɩ́ baar'a.

Ɩzayi 57:3

Nyɩɩm, pɔw-sɩ̃ɛ bibiir i, nyɩ taw pɩɛlɩ a ka. Pɩ̃ɔ-yel-maalbɛ nɩ pɔw-yɛmɛ nɩ dɛ-yɛmɛ bʋʋrɛ n'ɩ nyɩ!

Zeremi 2:2

«Cen tɩ ƴɛ̀r à ŋá a Zerizalɛm tẽw nɩbɛ zie: À ŋá n'a a Sore yere: Ɩ̃ cãà na bãwnɩ a lɛ fʋ na tɩ ŋmɛ̃ a koro za a. Fʋ na tɩ ɩ a pɔwsɩrale a, fʋ tɩ tu m'a. Fʋ na tɩ ɩ a ɩ̃ ƴãw-nɩ-yúor a, fʋ tɩ nɔnɛ mɛ̃ na! Fʋ tɩ tuur mɛ̃ nɩ a wɛja-kpalɛ pʋɔ, tẽsɔw zu bom za na bɛ bule a.

Zeremi 9:2

A Sore yere na: «A bɛ zɛl ɩ na mɛ̃ tam bɛ na dúori a. A yel-mɩŋa zũú bɛ n'a bɛ so a tẽw ɛ, ɛcɛ a ziri zũú n'a. Bɛ mɩ́ maal'ɩ a faa tɩ lʋ̃ɔ nɩ faa, ɛ́ a mãa a, bɛ bɛ bãw mɛ̃ ɩ.

Ezekɩɛl 16:32

Fʋ ɩ na mɛ̃ a pɔw-pɩ̃ɔ-yel-maalɛ na mɩ́ bɔbr a nɩ-sãanbɛ ɛ́ bɛr a ʋ sɩr a.

A naaŋmɩn-ƴèr-manɛ Oze sɛbɛ 3:1

A Sore tɩ yel mɛ̃ na: «Lɛb maal nɔ̃w a pɔw ŋa na nɔnɛ dɛb-yũo, ɛ́ tone pɩ̃ɔ tome a. Nɔ̃w ʋ mɛ̃ a lɛ a mãa Sore na nɔ̃w a Ɩsɩrayɛl bibiir, ɛ́ bɛ ŋmɛlɛ kpaar cɔwr mɛ̃, ɛ́ tuur ŋmɩn yoru a. Bɛ ŋmɛlɛ nɩ kpaar cɔwr mɛ̃, ɛ́ bɛ nyɛrɛ a divɛ̃ tɩ-wɔmɛ sɛ̃sɛ̃ zie ɩ.»

Matie 12:39

Ʋ tɩ sɔw bɛ na: «A dɩ̃a nɩbɛ bɛ ŋa, na ɩ nɩ-faar ɛ́ bɛ tuur Naaŋmɩn a, bɔbr'ɩ bãwfʋ, ɛcɛ bɛ kʋ̃ nyɛ̃ bãwfʋ kãw za ʋ bɛ ɩ a naaŋmɩn-ƴɛ̀r-manɛ Zonasɩ dem ɛ.

Matie 16:4

A dɩ̃a nɩbɛ, na ɩ nɩ-faar ɛ́ bɛ tuur a Naaŋmɩn a, zɛlɛ nɩ bãwfʋ. Ɛcɛ bɛ kʋ̃ wul bɛ bãwfʋ kãw za ʋ bɛ ɩ a Zonasɩ dem ɛ.» Ʋ tɩ bɛr bɛ nɩ a be ɛ́ tɔl cen.

Matie 6:24

«Nɩr za kʋ̃ tʋ̃ɔ́ ɩ na-mɩnɛ ayi tõ-tõ-bie ɩ: ʋ na hɩ̃ɛn nɩ a dãw-niwn sob, ɛ́ nɔnɛ a ayi sob, bɩɩ ʋ na tu n a kãw pùor, ɛ́ bɛr a kãw. Nyɩ kʋ̃ tʋ̃ɔ́ lãw ɩ a Naaŋmɩn nɩ a libir tõ-tõ-biir ɛ.»

Luka 19:27

Ɛ́ a ɩ̃ dɔ̃ dem bɛl a, a nɩbɛ bɛl na bɛ tɩ bɔbr k'ɩ̃ɩ dɩ naalʋ a bɛ zu a, nyɩ nyɔw bɛ wa n a ɩ̃ niŋé ka wa ŋmaarɩ bɛ kɔkɛɛ.”»

Zã 15:19

A tẽ-daa tɩ so nyɩ a, ʋ nãá nɔnɛ nɩ a ʋ bʋ̃-sora, ɛcɛ a tẽ-daa bɛ so nyɩ ɛ. Mãa n'ʋ kaa ír nyɩ a tẽ-daa zu, nyɩ be nyɩ tʋɔra, alɛ so a tẽ-daa hɩ̃ɛn nyɩ.

Zã 17:14

Ɩ̃ kʋ̀ bɛ nɩ a fʋ ƴɛ̀rʋ, ɛ́ a tẽ-daa bɛ nɔ̃w bɛ ɩ, bɛ na faa bɛ ɩ a tẽ-daa nɩbɛ a, mɛ̃ a mãa mɩŋa na bɛ ɩ a tẽ-daa nɩr a.

Zã 7:7

A tẽ-daa kʋ̃ tʋ̃ɔ́ hɩ̃ɛn nyɩ ɛ, ɛcɛ mãa a, ʋ hɩ̃ɛn mɛ̃ na, ɩ̃ na dɩrɛ a ʋ ɩ-faar dãsɩɛ a ƴãw.

Ʋrɔm 5:10

Tɩ tɩ ɩ n a Naaŋmɩn dɔ̃ dem, ʋʋ ɩ tɩɩm nɩ ʋl lɛb kpɛ taa a ʋ Bie kũu zũú. Ƴɛrɛŋa tɩɩm nɩ ʋl na lɛb kpɛ taa baarɩ a, bʋnʋ bɛ ka be ɩ, ʋ na faa tɩ nɩ zaalɛ a ʋ Bie nyɔ-vʋʋrʋ ƴãw.

Ʋrɔm 8:7

Bʋ̃ʋ n'ʋ vɛ̃, bɛlɩ dem na tuur a nɩsaalʋ yel-bɔbrɩ pùor a, bɛ ɩ n Naaŋmɩn dɔ̃ dem, bɛ bɛ sàwr dier a Naaŋmɩn wulu ɛ, bɛ mɩ̀ kʋ̃ tʋ̃ɔ́ mɩ̀ ɛ.

1 Korɛ̃tɩ 1:20

A na ɩ à ŋá a, nyɩnɛ n'a a yã-bãwnɛ be? Nyɩnɛ n'a a Naaŋmɩn wulu bãw-bãw-kara be? A dɩ̃a zie ŋa pʋɔ ƴɛ̀r-bãw-ƴɛ̀rɛ wa? A Naaŋmɩn bɛ ɩ a tẽ-daa yã-bãwfʋ lɩɛbɩ gẽgemi ɛ?

1 Korɛ̃tɩ 1:21

Bʋ̃ʋ n'ʋ vɛ̃, a tẽ-daa nɩbɛ nɩ a bɛ yã-bãwfʋ za na faa bɛ tʋ̃ɔ́ bãw a Naaŋmɩn a ʋ yã-bãwfʋ ɩb pʋɔ a, alɛ so a Naaŋmɩn yel k'ʋʋ na faa nɩ a bɛlɩ dem na sàw de ʋ a, nɩ a da-gara zu kũu hieru na sãá mɛ̃ gẽgẽ-ɩb a a.

Galasi 1:10

A ƴɛrɛŋa a, nɩsaalbɛ nɛbɛ ɩ̃ bɔbr kɛ́ bɛ kpɛ m bɩɩ Naaŋmɩn n'ʋ? Nɩsaalbɛ nɛbɛ ɩ̃ bɔbr k'ɩ̃ɩ ɩrɛ nʋ̃ɔ̀ kpɩɛr bɩɩ? Mãa tɩ cãà ɩ mɛ̃ ɩ̃ bɔbr'a k'ɩ̃ɩ ɩrɛ nʋ̃ɔ̀ kpɩɛr a nɩsaalbɛ a, ɩ̃ kʋ̃ʋ ɩ a Kɩrɩta tõ-tone ɩ.

Zakɩ 1:27

A Naaŋmɩn Sãà niŋé a, a puoru na vɩɛl ɛ́ ɩ sɩza a n'ɩ ŋa: ɛ́ fʋ kaarɛ a bi-kpebe nɩ a pɔw-kɔbɛ zie a bɛ kpɩɛrʋ pʋɔ, ɛ́ gùre fʋ tʋɔra a tẽ-daa dɛwr za ƴãw.