Zakɩ 4:11 - A SƐB-SÕW

¹¹ Yɛbr i, nyɩ ta mɩ́ manɛ taa yel-faar ɛ. Ʋlɩ sob na manɛ a ʋ yɛb yel-faar, ɛ́ bãwnɛ a ʋ sãwna a, ʋ sãwnɛ nɩ a Naaŋmɩn wulu yúor, ɛ́ bãwnɛ a Naaŋmɩn wulu yele. Ɛcɛ fʋ̃ʋ wa dɩrɛ nɩ a Naaŋmɩn nʋɔr ƴɛ̀rʋ a, fʋ bɛ ɩ a Naaŋmɩn nʋɔr nɔ-sàwrɛ ɩ, fʋ ɩ n a ʋ ƴɛ̀r-dɩrɛ.

Zakɩ 4:11 ပူးပေါင်းရင်းမြစ်များ

Sɛb-sõw yielu 140:11

Vũu-bi-tʋlɛ, a cir waarɩ bɛ! Bɛ lɔb bɛ ƴãw vũumí, bɔw-zulsɩ bɛ na kʋ̃ lɛb tʋ̃ɔ́ yi a pʋɔ!

Luka 6:37

«Nyɩ ta bãwnɛ a nyɩ taabɛ yele ɩ, ɛ́ Naaŋmɩn mɩ̀ kʋ̃ bãw a nyɩ dem ɛ. Nyɩ ta mɩ́ yel kɛ́ a nyɩ taabɛ sãw na ɩ, ɛ́ Naaŋmɩn mɩ̀ kʋ̃ yel kɛ́ nyɩ sãw na ɩ. Nyɩ dɩrɛ suur kʋ̀rɛ a nyɩ taabɛ, ɛ́ Naaŋmɩn mɩ̀ na dɩ n suur kʋ̀ nyɩ.

Ʋrɔm 2:1

A na ɩ à ŋá a, fʋ̃ʋ saa ɩ nɩ-ŋmɩŋmɩn a, fʋ kʋ̃ tʋ̃ɔ́ yel kɛ́ fʋ bɛ bãw kɛ́ lɛ ɩ, fʋ̃ʋ na bãwnɛ a fʋ tɔ yele a. Fʋ na bãwnɛ a fʋ tɔ yele a, a fʋ mɩŋa sãwna n'a fʋ wule, fʋ̃ʋ mɩ̀ na mɩ́ ɩrɛ a lɛ tɔr za a.

Ʋrɔm 2:13

Bɛlɩ dem na mɩ́ bɛrɛ wone a Wulu bɛr-wob tɛwr a, bɛlɛ bɛ nɛbɛ mɩ́ páw a mɩnʋ a Naaŋmɩn zie ɩ, bɛlɩ dem na mɩ́ dier a Wulu a, bɛlɛ nɛbɛ na páw a mɩnʋ.

Ʋrɔm 7:7

Tɩ na yel'a kɛ́ bo? K'aa Naaŋmɩn wulu ɩ n yel-bier bɩɩ? Lɛ bɛ n'a towtow ɛ! Ɛcɛ a Wulu n'ʋ ɩ ɩ̃ bãw bʋ̃ʋ n'ɩ a yel-bier. Bʋ̃ʋ n'ʋ so, a Wulu bɛ tɩ yel a ƴɛ̀r-bie á ŋá: «Ta nyɛ̃ a fʋ tɔ bom bɔbr ɛ», ɩ̃ kʋ̃ʋ bãw bʋ̃ʋ n'ɩ nyɛ̃ a fʋ tɔ bom bɔbr ɛ.

1 Korɛ̃tɩ 4:5

A na ɩ lɛ a, nyɩ ta de niwn maalɛ a ƴɛ̀rʋ ɛ́ a daar bɛ ta sɛr ɛ, ɛ́ a Sore waa bɛ ta sɛr ɛ. Ʋlɛ n'ʋ na caalɩ bom za na sɔwlɩ be lige pʋɔ a, ɛ́ ɩ a nɩsaalbɛ yel-sɔwlɩ a sãá. Lɛ n'a ŋa na mɩ́ páw a danʋ na sɛw taa nɩ ʋ a, a Naaŋmɩn zie.

2 Korɛ̃tɩ 12:20

Ɩ̃ zɔrɛ nɩ dɛ̃bɩ̃ɛ ɩ̃ nãà wa ta a nyɩ zie nyɛ̃ nyɩ, nyɩ bɛ ŋmɛ̃ a lɛ ɩ̃ na bɔbr a ɩ, ɛ́ nyɩ mɩ̀ nyɛ̃ m ɩ̃ bɛ ŋmɛ̃ a lɛ nyɩ na bɔbr a ɩ. Ɩ̃ zɔrɛ nɩ dɛ̃bɩ̃ɛ ɩ̃ nãà wa ta a nyɩ zie nyɛ̃ taw-taa nɩ nyuur, suur nɩ cier-taa, tʋ-taa nɩ zu-yel-taa, nyʋʋr nɩ damnʋ a.

Efɛɛzɩ 4:31

Bom nɛ za na ɩ pʋ-sãwna, suur, su-ɩb, zɛbr-gɔmɛ bɩɩ zʋmɛ a, nyɩ ɩ a za bɔr a nyɩ zie, lãwnɩ a po-tuolu bʋʋrɛ za.

1 Timote 3:11

A bɛl na ɩ a pɔwbɛ a, a mɩ̀ sɛw na kɛ́ bɛ ƴãwnɛ bɛ tʋɔra. Bɛ ta manɛ a nɩbɛ yel-faar ɛ, ɛ́ mɩ́ nyɔw bɛ tʋɔra a dɩb nɩ a nyub ƴãw, ɛ́ tu a yele za vla taa lɛbr pùor ɛ.

2 Timote 3:3

Bɛ kʋ̃ tɛr nɔ̃wfʋ ɛ, ɛ́ bɛ tɛr nɩbaal-zɔba ɩ. Bɛ na ɩ n gɛgɛrɩ, ɛ́ kʋ̃ tuur nʋɔr kãw za ɩ, po-to-faar nɩbɛ na ciir yel vla a.

Títɩ̀ 2:3

Lɛ mɩ̀ n'a, yel kʋ̀ a pɔw-nyamɛ kɛ́ bɛ vʋʋrɛ mɛ̃ nɩ-son a. Bɛ ta ɩ gɛgɛrɩ ɛ, ɛ́ ta ɩ dã-nyúurbɛ ɩ. Kɛ́ bɛ wule a vla,

Zakɩ 1:16

Ɩ̃ yɛb-nɔnɩ i, nyɩ ta bɛlɛ nyɩ tʋɔra ɩ:

Zakɩ 1:19

Ɩ̃ yɛb-nɔnɩ i, nyɩ bãw nɩ a yel ŋa: nɩr za n'ʋ a fɛr k'ʋʋ mɩ́ páwr a bɛr-wob ƴãw, ɛ́ ta páwr a ƴɛ̀rʋ ƴãw ɛ, ta páwr a suur nyɛ́b ƴãw ɛ.

Zakɩ 1:25

Ɛcɛ sob nɛ na mɩ́ ƴãw fãw jɛl a Naaŋmɩn wulu na vɩɛl ʋ za ɛ́ mɩ́ ɩ tɩ so tɩ tʋɔra, ɛ́ mɩ́ tu a wulu ŋa pùor vla a, ʋ bɛ mɩ́ bɛr wõ a bɛr-wob tɛwr ɛ́ lɛb yiiri bɛr a pùorí ɛ, ʋ mɩ́ tu n a pùor. A sob ŋa na nyɛ̃ nɩ nʋ̃ɔ̀ a ʋ yele za pʋɔ.

Zakɩ 2:8

Nyɩmɛ wa sɩrɩ sàwr a Nãà ŋa nʋɔr mɛ̃ a lɛ a Sɛb-sõw na yel a: «Fʋ na nɔnɛ nɩ a fʋ tɔ sob mɛ̃ a fʋ mɩŋa a», nyɩ ɩrɛ nɩ vla.

Zakɩ 5:10

Yɛbr i, a naaŋmɩn-ƴɛ̀r-manbɛ na ƴɛ̀r a Sore yúor ƴãw a, nyɩ cɔwrɛ bɛ a kanyir bɛ na dɩ a kpɩɛrʋ pʋɔ a ƴãw.

Zakɩ 5:7

A na ɩ lɛ a, yɛbr i, nyɩ nyɔw nyɩ tʋɔra tɩ ta n a Sore waa daar. Nyɩ nyɛ̃ a kʋ́ɔra a, ʋ mɩ́ nyɔw nɩ ʋ tʋɔra ɛ́ gùre a tẽsɔw bʋ̃-kʋ́ɔrɩ wɔmɛ na ɩ bʋ̃-sɩza a, a bʋ̃-dan lãwnɩ a bɩɛrɩ.

Zakɩ 5:9

Yɛbr i, ŋa ta mɩ́ kone a ʋ tɔ na sãw ʋ a ɩ, k'aa Naaŋmɩn taa wa maalɛ nɩ nyɩ ƴɛ̀rʋ ɛ. Nyɩ nyɛ̃, a ƴɛ̀r-maalɛ n'ɩ ŋan àr a dɩ̃dɛɛ ƴãw.

1 Pɩɛr 2:1

A na ɩ lɛ a, a po-tuolu bʋʋrɛ za nɩ a ziri za, a libelibe bʋʋrɛ za, a nyuur nɩ a tɔ yel-faar manʋ a, nyɩ bɛr a za a lo.