Zakɩ 3:6 - A SƐB-SÕW

⁶ A zɛl mɩ̀ ɩ n vũu. Faalʋ tẽw n'ʋ be a tɩ ƴã-gan pʋɔ sãwnɛ a tɩ beba za. Ʋ mɩ́ ɩ na a tɩ beba za nyɔw vũu na ɩ a tẽ-faa vũu mɩŋa a.

Zakɩ 3:6 ပူးပေါင်းရင်းမြစ်များ

2 Samɩɛl 16:20

A Abɩsalɔm tɩ yel'ɩ a Ahitofɛl: «Nyɩ wõ taa a nyɩ cara pʋɔ, nyɛ̃ a lɛ a na fɛr kɛ́ tɩ ɩ a.»

2 Samɩɛl 19:43

A Zuda tẽw nɩbɛ tɩ sɔw nɩ a saa-pɛrɩ́-gʋba-lowr Ɩsɩrayɛl tẽw nɩbɛ yel: «Tɩ na ɩ a nãà nɩbɛ zuo nyɩ a n'a so. Bʋ̃ʋ n'ʋ so nyɩ na nyɛ̃ a suur? Tɩ dɩ n a nãà bom kãw bɩɩ? A nãà kʋ̀ tɩ nɩ bome bɩɩ?»

2 Bibie za yel-manɩ 13:17

A Abɩa nɩ a ʋ nɩbɛ tɩ pɔb'ɩ a Ɩsɩrayɛl nɩbɛ bɛ dɩ̃ɛn'ɩ ɛ: bɛ tɩ kʋ n a bɛ sojarɩ na ɩ sojarɩ a, sojarɩ tùr-kɔbr anũu (500 000).

Sɛb-sõw yielu 140:3

Faa tɛwr maalʋ n'a bɛ mɩ́ tɩɛrɛ, ɛ́ ŋmarɛ zɛbr bibie za.

Sɛb-sõw yielu 64:3

Sɔwlɩ mɛ̃ zãá nɩ a po-to-dem na bʋ̀rɛ taa a ɩ̃ ƴãw a, zãá nɩ a yel-fa-maalbɛ na ƴɛ̀rɛ wone taa a ɩ̃ ƴãw a.

Zʋkpaɩ 15:1

Sɔwfʋ na sɔw bàalʋ bàalʋ a diwr'ɩ a suur, ɛcɛ po-to-ƴɛ̀rʋ mɩ́ dam'ɩ a nɩr suur.

Zʋkpaɩ 16:27

A nɩ-bɛ-tɛr-bir mɩnɛ mɩ́ cɔbrɩ nɩ a faa maalʋ. A bɛ ƴɛ̀rʋ mɩ́ ɩ na mɛ̃ vũu na dɩrɛ a.

Zʋkpaɩ 7:5

A na gù b'ɩ a nɩ-yoru pɔw ƴãw, a pɔw fʋ na bɛ bãw a nɔ-kãá ƴãw.

Ɩzayi 30:27

A Sore n'ɩ ŋan yi zi-zãána waar. A suur dɩrɛ ʋ na, suur na ta suur a. A ʋ nɔgbãbie wule nɩ a suur ʋ na nyɛ̃ a, a ʋ ƴɛ̀rʋ ɩ n vũu na dɩrɛ a,

Ɩzayi 50:11

Ɛcɛ nyɩɩm za na gbɔwr vũu a, nyɩɩm na ƴãw vũu-zɛlɛ pime viiri koli nyɩ tʋɔra a, nyɩ cen a nyɩ vũu vũu-zɛlɛ pʋɔ, a vũu-zɛlɛ pime nyɩ na gbɔw a sɔwlɩsɔw. A Sore n'ʋ na ɩ nyɩ kpi kpɩɛrʋ kpɛ̃ɛ pʋɔ.

Zeremi 20:10

Ɩ̃ wone nɩ nɩ-yaga na sãwnɛ a ɩ̃ yúor a. Bɛ bʋɔlɛ mɛ̃ nɩ «Pʋl-vʋ̃ɔ-a-ziir-za!» Bɛ mɩnɛ yere na: «Nyɩ wo a ʋ sãwna!» A ŋmaarɛ sɔwr: «Ʋ̃ʋ, tɩ wo a ʋ sãwna!» A ɩ̃ bárɩ tɛɛ za jɩɛrɛ nɩ a ɩ̃ loba. Bɛ yere na: «Kapaw ʋ na ɩ na tɩ bɛ̀lɩ nyɔw ʋ. Tɩ na tɛr'ɩ fãw zuo ʋ, ɛ́ tɩ na yáa nɩ a tɩ san a ʋ zu.»

Zeremi 28:16

A lɛ pʋɔ a, à ŋá n'a a Sore yere: “Ɩ̃ na ír fʋ nɩ a tẽw zu. Fʋ na kpi n a yũona, fʋ na ƴɛ̀r ƴãw a nɩbɛ bɛ gáarɩ a Sore zie a ƴãw.”»

Levitɩ mɩnɛ 24:11

A pɔw ŋa tɩ dɩ na kɛ́ Selomitɩ, Diviri na ɩ Dan dɔwlʋ nɩr a pɔwyaa. A Selomitɩ bidɛb tɩ tʋ n a Naaŋmɩn ɛ́ ɩ a ʋ yúor la. Bɛ tɩ nyɔw ʋ na cen nɩ a Moyiir zie,

Sɔr-nɛ́ɛ 25:2

A pɔwbɛ bɛ ŋa tɩ bʋɔl'ɩ a Ɩsɩrayɛl nɩbɛ a bɛ ŋmɩmɛ bàwr maalʋ zie, bɛ tɩ dɩ a bàwr-maal-bome, ɛ́ puori a bɛ ŋmɩmɛ.

Sɔr-nɛ́ɛ 31:16

Nyɩ bãwnɩ a nɩ vla, a Madian tẽw pɔwbɛ nɛbɛ a Balaam tɩ wul a yã bɛ bɛlɩ a Ɩsɩrayɛl nɩbɛ bɛ bɛ tu a Sore, a Pewɔɔr yele pʋɔ ɩ. A pùorí a, a wa ɩ n kpɩɛrʋ yaga a Sore nɩbɛ zie.

Matie 12:24

Ɛcɛ a Faarizɩ̃ɛ mɩnɛ na tɩ wõ a a, bɛ yel'a: «A Bɛlɩzebul na ɩ a kɔ̃tɔmɛ nãà a fãw n'a a nɩr ŋa diwr'ɩ a kɔ̃tɔmɛ.»

Matie 5:22

Ɛcɛ mãa yere na kʋ̀rɛ nyɩ: sob nɛ za na nyɛ̃ nɩ a ʋ yɛb suur a, na cen nɩ ƴɛ̀rʋ-maalʋ zie tɩ yel a pɛr. Nɩr wa yel a ʋ yɛb: “Dãbol ŋa!”, ʋ sob na cen nɩ a ƴɛ̀rʋ-dɩb-lãw-kpɛ̃ɛ niŋé. Ɛ́ nɩr wa yel ʋ: “Yãyaar sob ŋa!”, ʋ na sɛwnɩ nɩ a tẽ-faa vũu pʋɔ kpɛb.

Markɩ 7:15

bom za na yi yẽw kpɩɛr a nɩsaal pʋɔ a, bɛ dɛwr ʋ ɛ, a al na yire a nɩsaal pʋɔ a, alɛ n'a dɛwr a nɩsaal.» [

Luka 16:24

Lɛ n'a ʋ tɩ lɔb cɛl yel: “Ɩ̃ sãà Abraham i, zɔ ɩ̃ nɩbaalʋ, ɛ́ ƴãw a Lazaar cen tɩ tõ nobir kʋ̃ɔmɩ́ wa ɓãá nɩ mɛ̃ zɛl, ɩ̃ wone nɩ tuo yaga a vũu á ŋá pʋɔ.”

Nɩ-toni 20:30

Mɔ̃ mɩ̀, zir-ŋmarbɛ na yi n a nyɩ pʋɔ bɛ̀lɩ a po-tuurbɛ bɛ tu a bɛ pùor.

Nɩ-toni 5:3

Lɛ n'a a Pɩɛr tɩ yel ʋ: «Ananɩasɩ i, bʋ̃ʋ n'ʋ so a Sɩtaana só fʋ tɩ zɛ̃ à ŋá, kɛ̀ fʋ ŋmãa ziri kʋ̀ a Vʋʋrʋ Sõw? Fʋ gbab'ɩ a púo libie ŋmãa tɛr.

Nɩ-toni 6:13

Bɛ mɩ̀ tɩ wa n nɩ dãsɩ-ziri dem, bɛ wa yel: «Kʋralɛ n'a a nɩr ŋa ƴɛ̀rɛ ƴɛ̀rʋ na bɛ vɩɛl a cáarɛ nɩ a tɩ Ŋmɩn-yir-kpɛ̃ɛ sõw nɩ a Naaŋmɩn wulu.

Wulu-ayi-sob 13:6

A fɛr'a kɛ́ bɛ kʋ a naaŋmɩn-ƴɛ̀r-manɛ ŋa, bɩɩ a yel-nyɛrɛ ŋa, na ƴɛ̀r ƴãw nyɩ bɛr a Sore, a Naaŋmɩn na ɩ nyɩ yi a Eziptɩ, ɛ́ faa nyɩ a gbãgbaalʋ pʋɔ a. A nɩr ŋa tɩ bɔbr'a k'ʋʋ taw nyɩ zãá nɩ a sɔ́r a Sore nyɩ Naaŋmɩn na yel kɛ́ nyɩ tuur a. Nyɩ na ír'ɩ a faalʋ bɛr à à ŋá a nyɩ sɔgɔ.

Títɩ̀ 1:11

A fɛr'a kɛ́ fʋ ɩ bɛ pàw a bɛ nɛ́ɛ, bʋ̃ʋ n'ʋ vɛ̃, yir-ɓile nɩbɛ tɩɛrʋ n'a bɛ damnɛ nyawr taa, bɛ na mɩ́ wule lɛ a na bɛ sɛw kɛ́ bɛ wule a, ɛ́ a ɩ nyãnyu-tɛra ƴãw a.

Zakɩ 2:7

Bɛlɛ bɛ nɛbɛ mɩ́ sãwnɛ a yo-vla ʋl a Naaŋmɩn na kʋ̀ nyɩ a ɩ?

Zakɩ 3:7

Dʋ̃-bʋʋrɛ kãw za bɛ be be a nɩsaal kʋ̃ tʋ̃ɔ́ pɔwlɩ ɛ: a wɛ-dʋn nɩ a lili, a bʋ̃-vuri nɩ a zʋ́mɛ́.

2 Pɩɛr 3:3

Nyɩ páw bãwnɩ a, a bibi-pɛ-baarɩ pʋɔ a, nɩbɛ na ɩrɛ bɛ taabɛ laar a na yi na, vʋʋrɛ mɛ̃ a lɛ bɛl mɩŋa na bɔbr a,

3 Zã 1:10

Lɛ so mãa wa tɩ wa a lɛn daar a, ɩ̃ na wo n a ʋ ɩ-faar za, ʋl na mɩ́ bul ƴɛ̀r-faar tɛwr ƴɛ̀rɛ cáarɛ nɩ tɩ a. Ɛcɛ a za cãà bɛ n'a ɩ, a ʋl tɔr za bɛ mɩ́ sàw de a yɛbr a sãanʋ ɛ, ɛ́ a bɛlɩ dem na mɩ́ bɔbr kɛ́ bɛ nãá de bɛ a sãanʋ a, ʋ bɛ mɩ́ sàwr ɛ, ɛ́ diwr bɛ bɛrɛ a Lãw-yir pʋɔ.

Yel-wula 12:9

A wa-bɩɛ, a tẽ-kor-waab, a ʋl bɛ na bʋɔlɛ Gɛgɛra nɩ Sɩtaana a, a tẽ-daa za bɛlbɛlɛ, bɛ tɩ cã ʋ na lɔb a tẽw zu lãwnɩ a ʋ malkɩ mɩnɛ.

Yel-wula 13:14

Ʋ tɩ bɛ̀lɛ nɩ a nɩbɛ na kpɩɛr a tẽw zu a, nɩ a nɔ-ɓãa-yele bɛ na tɩ kʋ̀ ʋ a fãw ʋ maalɛ nɩ a dʋ̃-dãw-niwn sob niŋé a. Ʋ tɩ ƴãw na bɛ mɩ́ maalɩ a dʋ̃w ʋl na tɩ tɛr a sʋɔ natɩr ɛ́ lɛb vʋʋrɛ a dasule a ʋ ƴãwfʋ ƴãw.

Yel-wula 18:23

A fɩ̃tɩlɛ cãà kʋ̃ lɛb caalɩ a fʋ pʋɔ ɩ. Bɛ kʋ̃ lɛb wõ a dɛb-sãan nɩ a pɔw-sãan kɔkɔr a fʋ pʋɔ ɩ. Bʋ̃ʋ n'ʋ vɛ̃, a fʋ yɛ-yɛrbɛ tɩ ɩ n a nɩ-bɛrɛ a tẽw zu, ɛ́ fʋ tɩ tuli a nɩ-bʋʋrɛ za nɩ a fʋ tɩtɩblʋ.»

Yel-wula 19:20

Bɛ tɩ nyɔw nɩ a wɛ-dʋ̃w, lãwnɩ a ƴɛ̀r-man-bɛlɛbɛlɛ na tɩ maalɩ nɔ-ɓãa-yele a ʋ niŋé, bɛ̀lɩ nyɔw nɩ a bɛlɩ dem na tɩ tɛr a wɛ-dʋ̃w bãwfʋ a bɛ zu, ɛ́ gbĩ dume puori a ʋ dasule a. Bɛ tɩ lɔb'ɩ bɛ za ayi a mimir ƴãw a cirbi vũu gbãtar-kpɛ̃ɛ pʋɔ.