Zakɩ 3:13 - A SƐB-SÕW

¹³ Ãa n'ʋ bãw yã ɛ́ tɛr yã a nyɩ pʋɔ? Ʋ wul a sãá cenu na vɩɛl a pʋɔ, nɩ ɩ-ɩrɩ na ɩ yã-bãwnɛ nɩ su-siwra sob ɩ-ɩrɩ a pʋɔ.

Zakɩ 3:13 ပူးပေါင်းရင်းမြစ်များ

A Zɔb sɛbɛ 28:28

Al pùorí, ʋ tɩ yel'ɩ a nɩsaal: «A zɔrɛ-a-Sore n'ɩ a Yã-bãwfʋ! A ta-pɩɛlɛ-yel-faa n'ɩ a yã!»

Sɛb-sõw yielu 107:43

Nɩr wa ɩ yã-bãwnɛ a, ʋ cɛlɛ a yele á ŋá zie vla, ʋʋ na nyɛ̃ na bãw a Sore nɔ̃wfʋ!

Sɛb-sõw yielu 122:8

A ɩ̃ yɛbr nɩ a ɩ̃ bárɩ ƴãw a, ɩ̃ na yel a: A ƴã-ɓaarʋ, ʋ be a fʋ zie!

Sɛb-sõw yielu 149:4

Bʋ̃ʋ n'ʋ vɛ̃, nʋ̃ɔ̀ ɩrɛ nɩ a Sore a ʋ nɩ-bʋʋrɛ ƴãw, ʋ mɩ́ faa nɩ a bãbàalbɛ, ɩ bɛ nyɛ̃ ƴãwfʋ.

Sɛb-sõw yielu 25:9

Ʋ mɩ́ ɩ n a bãbàalbɛ bɛ lo a mɩnʋ sɔ́r, ʋ mɩ́ wul'ɩ a ʋ sɔ́r a bãbàalbɛ.

Sɛb-sõw yielu 45:4

Gãdaa a, sɛ a fʋ zɛbr-sɔ-kpɛ̃ɛ a fʋ sɩɛmɩ́, a fʋ vɩɛlʋ nɩ a fʋ dɛpaalʋ bãwfʋ n'ʋ,

Ekilezɩasɩ 8:1

Ãa n'ʋ ɩ mɛ̃ a yã-bãwnɛ, ɛ́ na tʋ̃ɔ́ ír a ƴɛ̀rʋ ŋa pɛr? A nɩsaal yã-bãwfʋ mɩ́ ɩ na a ʋ niwn nyɩwrɛ, ɛ́ ɩ a ʋ niwn na ko a ʋ lɩɛbɩ.

Ekilezɩasɩ 8:5

Nɩr na tuur a nãà nɛ-ƴãwnɩ a kʋ̃ nyɛ̃ faa kãw za ɩ. Ɛcɛ, a yã-bãwnɛ bãwnɩ a nɩ vla vla k'aa ƴɛ̀rʋ-dɩb daar na be n be bom za ƴãw.

Ɩzayi 29:19

A bãbàalbɛ na nyɛrɛ nɩ nʋ̃ɔ̀ dɔwlɛ a Sore zie, ɛ́ a bɛl na ɩ nan dem zuo za a nɩsaalbɛ pʋɔ a, cɩlɛ ƴawr'ɩ a Ɩsɩrayɛl Naaŋmɩn na ɩ sõw a zũú.

Ɩzayi 60:6

Nyɔ̃wmɩ na yɛ̀r'a pàw a fʋ tẽw, Madian nɩ Eifa ten nyɔ̃wmɩ-pɔlɛ. A Saba tẽw dem za na wa na. Bɛ na wa n nɩ salm-zɩɛ nɩ tɩ-suur-zɔ̃-na-nyùur-vla-vla-a, yiele danɛ nɩ a Sore.

Ɩzayi 61:1

A Sore Naaŋmɩn Vʋʋrʋ be n a ɩ̃ zu. Bʋ̃ʋ n'ʋ vɛ̃, ʋ cir'ɩ a kãá ƴãw a ɩ̃ zũú kabrɩ mɛ̃ k'ɩ̃ɩ tɩ yel yel-nʋ̃ɔ̀ kʋ̀ a nan dem. Ʋ tõ m'a k'ɩ̃ɩ tɩ mɔwlɩ a pʋ-sãwna dem, k'ɩ̃ɩ tɩ hieri yel a nɩbɛ bɛ na diw cen nɩ a, kɛ́ bɛ na lɛb'a so bɛ tʋɔra, nɩ a nɩbɛ na be a gaso pʋɔ a, kɛ́ bɛ na lɛb'a nyɛ̃ a mʋ̃tɔ̃w cãà.

Zeremi 9:12

A Sore cãà na yere: «Bɛ na zawrɩ a wulu ɩ̃ na tɩ kʋ̀ bɛ a bɛr a n'a so. Bɛ zawr'a na bɛr wõ ɛ́ tu a lɛ za ɩ̃ na tɩ yere kʋ̀rɛ bɛ a.

Zeremi 9:23

Nɩr wa bɔbr k'ʋʋ pɔrɛ a, ʋ pɔrɛ ʋ na tɛr yã a sɛw ʋ na tʋ̃ɔ́ bãw mɛ̃ a. Bʋ̃ʋ n'ʋ vɛ̃, a mãa, a Sore a, ɩ̃ tone na k'ɩ̃ɩ ƴãw a nɔ̃wfʋ, a lɛ-na-tu-sɔr-a nɩ a mɩnʋ a tẽw zu. Sɩza, à á ŋá n'a mɩ́ pɛlɩ a ɩ̃ pʋɔ.» A Sore n'ʋ yel.

Sofoni 2:3

Nyɩ bɔbr a Sore, nyɩɩm tẽw bãbàalbɛ za a, nyɩɩm na sàwr a ʋ nɛ-ƴãwnɩ a. Nyɩ bɔbr a mɩnʋ, nyɩ bɔbr a tʋɔra-siwru. Kapaw, nyɩ nãà cɩ̃ɛ nɩ a Sore suur ìru bibir.

Sɔr-nɛ́ɛ 12:3

Zɩ̃ k'aa Moyiir tɩ ɩ n nɩr na siwre ʋ tʋɔra yaga a, nɩr na siwre ʋ tʋɔra gãw nɩsaal za a tẽw zu a.

Matie 11:29

Nyɩ sàw de a ɩ̃ nɩ-kpɛ̃ɛnʋ a nyɩ zu, ɛ́ bɛr ɩ̃ wule nyɩ, ɩ̃ ɩ n soci-baalʋ sob nɩ su-siwra sob, ɛ́ nyɩ na nyɛ̃ nɩ a pɩ̃ɛnʋ.

Matie 21:5

“Nyɩ yel a Sɩyɔ̃ tẽw dem: a nyɩ nãà n'ɩ ŋan waar a nyɩ zie, siwr ʋ tʋɔra zɔm bõw-nyãw, bõw-nyãw bile.”»

Matie 5:5

Zu-nʋ̃ɔ̀ dem'ɩ a soci-baalʋ dem, bɛ na páw nɩ a tẽw a Naaŋmɩn na yel k'ʋʋ na tɩr a a.

Matie 7:24

«A na ɩ à ŋá a, nɩr za na bɛrɛ wone a ƴɛ̀r-bie á ŋá ɩ̃ na ƴɛ̀r a ƴɛrɛŋa ɛ́ tuur a a, ʋ ŋmɛ̃ na taa nɩ yã-bãwnɛ na ŋmãa a ʋ yir kʋsɛ-pan zu a.

1 Korɛ̃tɩ 6:5

Ɩ̃ yere nɩ à à ŋá kɛ́ nyɩ nyɛ̃ vĩ. A ɩ lɛ nɩsaal za bɛ bãw yã a sɛw a nyɩ pʋɔ na tʋ̃ɔ́ maalɩ a ƴɛ̀rʋ a ʋ yɛbr cara pʋɔ ʋ?

2 Korɛ̃tɩ 10:1

A mãa Pol bɛ na yel k'ɩ̃ɩ mɩ́ siwre nɩ ɩ̃ tʋɔra yaga za mãa wa be a nyɩ sɔgɔ a, ɛ́ kpɛ pʋra a lɛn daar ɩ̃ na mɩ́ wa zãá a, mãa tɔr za n'ʋ kpaalɛ nyɩ a Kɩrɩta su-baalʋ nɩ a ʋ vɩɛlʋ zũú:

2 Korɛ̃tɩ 8:24

A na ɩ à ŋá a, nyɩ wul bɛ kɛ́ nyɩ nɔnɛ bɛ nɩ yel-mɩŋa, nɩ kɛ́ nyɩmɛ nɛbɛ ɩ a tɩ nyʋʋr bom a bɛ zie a Lãw-yie niŋé.

Galasi 5:23

nɩsaal bàálʋ-ɩb, tʋɔra-nyɔwfʋ. A Moyiir wulu bɛ diwr a yele á ŋá taabɛ bɛrɛ ɩ.

Galasi 6:1

Yɛbr i, alɛ wa ɩ mɛ̃ bɛ nyɔw nɩ nɩr sãwna pʋɔ a, a nyɩɩm na tɛr a Naaŋmɩn Vʋʋrʋ a, nyɩ tɛr ʋ lɛb wa ƴãw a sɔ́r vla pʋɔ, ɛcɛ nyɩ ɩrɛ bɛl bɛl a ʋ zie. Ɛ́ a fʋ̃ʋ mɩ̀ a, gùre fʋ tʋɔra vla: fʋ tɩɛr kɛ́ bɛ mɩ̀ kʋ̃ tʋ̃ɔ́ bɛlɩ fʋ bɩɩ?

Galasi 6:4

Ŋa za mɩ́ jɩ́r a ʋ ɩb kaa, alɛ wa sɛw k'ʋʋ nyʋʋr a, ʋl ƴãw n'a ʋ na nyʋʋr, a kʋ̃ ɩ ʋ na de ʋ tʋɔra man nɩ nɩr a ƴãw n'a ɩ.

Efɛɛzɩ 4:2

Nyɩ tɛr nyɩ tʋɔra-siwru yaga, nyɩ tɛr su-baalʋ nɩ su-nyɔwra, nyɩ dier taa sãwna bɛrɛ nɩ nɔ̃wfʋ.

Filib 1:27

Alɛ saa ŋmɛ̃ ŋmɩŋmɩn a, nyɩ ɩ a nyɩ nyɔ-vʋʋrʋ tuur a Kɩrɩta Yel-nʋ̃ɔ̀, kɛ̀ mãa wa wa a nyɩ nyɛ́b bɩɩ mãa bɛ wa ka be a, mãa wone kɛ́ nyɩ lãw nɩ taa tɛr tɩɛr-been kpɛ̃w za, kɛ́ nyɩ lãw nɩ soci-been zɛbr a naaŋmɩn-sàwfʋ na yi a Yel-nʋ̃ɔ̀ pʋɔ a zɛbr,

Kɔlɔsɩ 3:12

Nyɩ na ɩ a Naaŋmɩn nɩ-kaa-íri, ʋʋ ɩ nyɩ ɩ son, ʋʋ nɔ̃w nyɩ a zũú, nyɩ ɩ su-ɓaarʋ nɩbɛ, nɩsaal-pɔwlbɛ, nyɩ siwre nyɩ tʋɔra, nyɩ ɩ su-nʋ̃ɔ̀ nɩ su-zãánɩ nɩbɛ.

1 Timote 4:12

Nɩr za ta ɩrɛ fʋ laar fʋ na ɩ pɔlbile a ƴãw ɩ. Nɩ̃ɛ ɩ a bɛlɩ dem na sàw de a Naaŋmɩn a cɔwrɛ fʋ a fʋ ƴɛ̀rʋ pʋɔ, a fʋ cenu pʋɔ, a fʋ nɔ̃wfʋ pʋɔ, a fʋ naaŋmɩn-sàw-deb pʋɔ, a fʋ vɩɛlʋ pʋɔ.

1 Timote 6:11

Fʋ̃ʋ a, Naaŋmɩn nɩr i, zɔrɛ dɛrɛ a yele á ŋá. Tu a mɩnʋ pùor, a Naaŋmɩn ƴãwfʋ, a naaŋmɩn-sàw-deb, a nɔ̃wfʋ, a kanyir nɩ a su-baalʋ pùor.

2 Timote 2:25

Bàalʋ bàalʋ lɛ n'a a sɛw k'ʋʋ mɩ́ wule a bɛlɩ dem na mɩ́ ŋmɛ a ʋ ƴɛ̀rʋ lɔb a. Ãa bãw, Naaŋmɩn nãà ɩ na bɛ lɩɛbɩ a bɛ ɩb bãw a yel-mɩŋa,

Títɩ̀ 3:2

Kɛ́ bɛ ta tʋʋr nɩr za ɩ, kɛ́ bɛ ciir nɔhaarʋ ɛ́ tɛr su-ɓaarʋ ɩb, ɛ́ ɩ nɩsaal-bàalʋ kʋralɛ a nɩbɛ za zie.

Ebre 13:5

A libi-nɔ̃w ta tʋ̃ɔ́ nyɩ ɛ. A lɛ nyɩ na tɛr a, a man nyɩ. Bʋ̃ʋ n'ʋ vɛ̃, a Naaŋmɩn yel'a: «Ɩ̃ bɛ be za na bɛr fʋ ɛ, ɩ̃ kʋ̃ jɛ b bɛr towtow ɛ.»

Zakɩ 1:21

A na ɩ à ŋá a, nyɩ ír dɛwr za bɛr a nyɩ zie nɩ a po-tuolu yel-bɛ-sɛwrɩ za. Nyɩ sàw de a ƴɛ̀rʋ nɩ su-nʋ̃ɔ̀ a Naaŋmɩn na ƴãwnɛ a nyɩ pʋɔ a, a ƴɛ̀rʋ ŋa na tʋ̃ɔ́ na faa nyɩ.

Zakɩ 2:18

Ɛcɛ kapaw nɩr na yel'a: «Fʋ̃ʋ a, fʋ tɛr'ɩ a naaŋmɩn-sàw-deb, ɛ́ mãa tɛr a ɩ-ɩrɩ.» Lɛn daar'a ɩ̃ na sɔw ʋ: «Wul mɛ̃ a lɛ a fʋ naaŋmɩn-sàw-deb na na tʋ̃ɔ́ be be ɛ́ bɛ tɛr ɩ-ɩrɩ a. Mãa a, a ɩ-ɩrɩ pʋɔ n'a ɩ̃ na wul fʋ a ɩ̃ naaŋmɩn-sàw-deb.»

Zakɩ 3:1

Ɩ̃ yɛbr i, nyɩ ta bɔbr kɛ́ nyɩ ɩ wul-wulbɛ yaga ɩ. Nyɩ bãw na k'aa tɩɩm na wule a nɩbɛ a, bɛ na maal'ɩ tɩ nɩ a ƴɛ̀rʋ a kpɛmɛ zuo a nɩbɛ dem.

Zakɩ 3:17

Ɛcɛ a yã-bãwfʋ na yi a Naaŋmɩn zie a, ʋ mɩ́ de nɩ niwn ɩ vɩɛlʋ tɛwr, al pùorí ʋ ɩ ƴã-ɓaarʋ, su-nʋ̃ɔ̀, nʋɔr-sàwfʋ. Ʋ mɩ́ ɩ n nɩbaal-zɔba nɩ ɩ-vɩɛlɩ tɛwr. Ʋ bɛ mɩ́ owre ɩ, ɛ́ bɛ sɔwlɛ a ʋ pʋ-tɩɛrʋ ɛ.

1 Pɩɛr 1:15

Ɛcɛ, mɛ̃ a lɛ a Naaŋmɩn na bʋɔlɩ nyɩ a na ɩ sõw a, nyɩ mɩ̀ lɩɛbɩ nɩ-son a nyɩ cenu za pʋɔ.

1 Pɩɛr 2:12

Nyɩ cere dẽdẽ a nɩ-bʋʋr-yoru sɔgɔ, lɛ n'a a bom ʋl ƴãw bɛ na yere kɛ́ nyɩ ɩ n nɩ-faar a, a nyɩ ɩ-vɩɛlɩ na caalɩ bɛ, bɛ danɛ a Naaŋmɩn a ʋ waa bibir.

1 Pɩɛr 2:9

Ɛcɛ nyɩɩm a, nyɩ ɩ n «Nɩ-bʋʋrɛ bɛ na kaa ír a, Nãà bàwr-maalbɛ, nɩ-son bʋʋrɛ, nɩbɛ Naaŋmɩn na ya de a», kɛ́ nyɩ manɛ a ʋ tõ-vɩɛlɩ, ʋl na bʋɔlɩ nyɩ a lige pʋɔ yi wa n a ʋ cãà na bɛ tɛr tɔ a pʋɔ a.

1 Pɩɛr 3:4

A nyɩ vɩɛlʋ, a ɩ a nyɩ nɩsaal ʋl na sɔwlɩ a vɩɛlʋ, su-nʋ̃ɔ̀ tɩɛrʋ nɩ ƴã-ɓaarʋ tɩɛrʋ vɩɛlʋ na bɛ tɛr sãwfʋ a. A vɩɛlʋ ŋa ɩ n bʋ̃-sɩza a Naaŋmɩn zie.