Zakɩ 3:1 - A SƐB-SÕW

¹ Ɩ̃ yɛbr i, nyɩ ta bɔbr kɛ́ nyɩ ɩ wul-wulbɛ yaga ɩ. Nyɩ bãw na k'aa tɩɩm na wule a nɩbɛ a, bɛ na maal'ɩ tɩ nɩ a ƴɛ̀rʋ a kpɛmɛ zuo a nɩbɛ dem.

Zakɩ 3:1 ပူးပေါင်းရင်းမြစ်များ

Levitɩ mɩnɛ 10:3

A Moyiir tɩ yel'ɩ a Aarɔ̃: «A Sore tɩ yel'ɩ a yel ŋa kʋ̀ nyɩ, a lɛn daar ʋ na tɩ ƴɛ̀r à ŋá a: “Ɩ̃ bɔbr'a k'aa bɛlɩ dem na tawr pɩɛlɛ mɛ̃ a mɩ́ wul a ɩ̃ sonu, ɛ́ íre a ɩ̃ yúor-vɩɛlʋ-danʋ a nɩbɛ za niŋé.”» A Aarɔ̃ tɩ ɩ n gbili.

Malasɩ 2:12

Nɩr wa ɩrɛ à à ŋá a, a Sore, ʋ ír a ʋ yir dem za bɛr a Ɩsɩrayɛl nɩ-bʋʋrɛ pʋɔ! Nɩr ta cãà be, mɩ́ wa n de-kʋ̀b bome wa kʋ̀ a Sore kpɛnʋ-za-sob, a ʋ yúor ƴãw ɛ!»

Matie 10:24

Po-tuure bɛ dãw zuo a ʋ zu-sob ɛ, ɛ́ tõ-tõ-bie mɩ̀ bɛ dãw zuo a ʋ tõ-tõ-nɩ-kpɛ̃ɛ ɩ.

Matie 23:13

«Baw-bio dem'ɩ nyɩ, nyɩɩm Naaŋmɩn wulu sɛ-sɛbrbɛ nɩ nyɩɩm Faarizɩ̃ɛ mɩnɛ, nɩsaal-libelibe e! Nyɩ mɩ́ pàw nɩ a tẽ-vla Naalʋ dɩ̃dɔr a nɩbɛ ƴãw: a nyɩɩm tɛɛ za bɛ mɩ́ kpɛ a ʋ pʋɔ ɩ, ɛ́ a bɛlɩ dem na bɔbr a kpɛb a, nyɩ bɛ mɩ́ sàw bɛ na kpɛ ɩ. [

Matie 23:14

Baw-bio dem'ɩ nyɩ, nyɩɩm Naaŋmɩn wulu sɛ-sɛbrbɛ nɩ nyɩɩm Faarizɩ̃ɛ mɩnɛ, nɩsaal-libelibe e! Nyɩ mɩ́ de nɩ a pɔw-kɔbɛ bome za, ɛ́ mɩ́ puore puor-wowr k'aa nɩbɛ tʋ̃ɔ́ nyɛ̃ nyɩ. Lɛ so bɛ na dɩ n nyɩ a ƴɛ̀rʋ faa faa.]

Matie 9:11

A Faarizɩ̃ɛ mɩnɛ na tɩ nyɛ̃ a lɛ a, bɛ tɩ yel'ɩ a ʋ po-tuurbɛ: «Bʋ̃ʋ n'ʋ so a nyɩ Wul-wul-kara lãw nɩ a zuru-yar-dierbɛ nɩ a yel-bebe dem dɩrɛ?»

Luka 16:2

A nɩ-kpɛ̃ɛ tɩ bʋɔl'ʋ na wa yel ʋ: “Ɩ̃ wõ na kɛ́ fʋ ɩrɛ nɩ ŋmɩn a? Manɩ a lɛ fʋ na kaarɛ a ɩ̃ bome zie a kʋ̀ m, bʋ̃ʋ n'ʋ vɛ̃, dɩ̃a na ta a, fʋ kʋ̃ cãà ɩ a ɩ̃ bʋ̃-kaarɛ ɩ.”

Luka 6:37

«Nyɩ ta bãwnɛ a nyɩ taabɛ yele ɩ, ɛ́ Naaŋmɩn mɩ̀ kʋ̃ bãw a nyɩ dem ɛ. Nyɩ ta mɩ́ yel kɛ́ a nyɩ taabɛ sãw na ɩ, ɛ́ Naaŋmɩn mɩ̀ kʋ̃ yel kɛ́ nyɩ sãw na ɩ. Nyɩ dɩrɛ suur kʋ̀rɛ a nyɩ taabɛ, ɛ́ Naaŋmɩn mɩ̀ na dɩ n suur kʋ̀ nyɩ.

Zã 3:10

A Yeezu sɔw ʋ: «Fʋ ɩ n wul-wule a Ɩsɩrayɛl biir pʋɔ ɛ́ bɛ bãw a yele á ŋá ɩ?

Nɩ-toni 13:1

A Ãtɩɔsɩ Lãw-yir pʋɔ, naaŋmɩn-ƴɛ̀r-manbɛ nɩ kã-kanbɛ tɩ be n be: Banabasɩ nɩ Sɩmɩ̃ɔ bɛ na kpɔwrɛ bʋɔlɛ Nɩ-sɛbla a, Lisiisɩ na yi Sɩɩrɛn a, nɩ Manayɛn na ɩ a Galile tẽw nàle Erɔdɩ bibi-daarɩ tu-ta-tɔ a, pãa de nɩ Sol.

1 Korɛ̃tɩ 12:28

A bɛlɩ dem na be a Lãw-yir pʋɔ a, à ŋá n'a a Naaŋmɩn cɔbrɩ bɛ ƴãw: a de niwn sob a, a nɩ-toni nɛbɛ, a ayi sob a, a naaŋmɩn-ƴɛ̀r-manbɛ, ɛ́ a ata sob ɩ a wul-wulbɛ, al pùorí, a bɛlɩ dem na tɛr a nɔ-ɓãa-yele maalʋ fãw a, al pùorí a bɛl na tɛr a bàalbɛ sanʋ maalʋ a, a nɩbɛ sõwfʋ nɩ a nɩbɛ kaafʋ maalʋ a, nɩ a bɛl na tɛr a ƴɛ̀rʋ nɩr na bɛ wone a fãw a.

2 Korɛ̃tɩ 5:10

Bʋ̃ʋ n'ʋ vɛ̃, a fɛr'a kɛ́ tɩ za cen a Kɩrɩta ƴɛ̀rʋ-maalʋ zie ʋ tɩ maal'ɩ tɩ a ƴɛ̀rʋ. Lɛn daar'a ŋa za na páw bom nɛ na sɛw taa nɩ ʋ a, a vla bɩɩ a faa, a tu a lɛ ʋ na vʋʋrɩ a tẽw zu a.

Efɛɛzɩ 4:11

Ɛ́ a bʋ̃-kʋ̀rɩ ʋ na tɩr a n'ɩ a nɩ-toni nɩ a naaŋmɩn-ƴɛ̀r-manbɛ, a Yel-nʋ̃ɔ̀ hierbɛ nɩ a nɩbɛ kaarbɛ nɩ a wul-wulbɛ,

1 Timote 1:7

Bɛ mɩ́ yel'a kɛ́ a Naaŋmɩn wulu bãw-bãw-karɩ nɛbɛ, zɩ̃ kɛ́ bɛ bɛ bãw bom nɛ bɛ na yere a ɩ, nɩ bom nɛ ƴɛ̀rʋ bɛ na ƴɛ̀rɛ mɩrɛ nɩ zu a ɩ.

1 Timote 2:7

bɛ na ír mɛ̃ k'ɩ̃ɩ hiere yere, ɛ́ ɩ a nɩ-tona, ɛ́ ɩ a nɩ-bʋʋr-yoru wul-wule, kɛ́ bɛ tʋ̃ɔ́ sàw de a Naaŋmɩn ɛ́ bãw a yel-mɩŋa a. Yel-mɩŋa n'a ɩ̃ yere, ziri bɛ n'a ɩ.

2 Timote 1:11

A Yel-nʋ̃ɔ̀ ŋa n'ʋ a Naaŋmɩn ƴãw k'ɩ̃ɩ hiere, ɩ̃ na ɩ nɩ-tona nɩ wul-wule a.

Ebre 13:17

Nyɩ sàwr a nyɩ niw-dierbɛ nʋɔr ɛ́ siwre nyɩ tʋɔra a bɛ zie. Bʋ̃ʋ n'ʋ vɛ̃, bɛ kaarɛ nɩ a nyɩ zie kʋralɛ, mɛ̃ Naaŋmɩn nãà wa sowri bɛ na a. Nyɩ ɩrɛ bɛ tʋ̃ɔ́ tone a bɛ tome nɩ nʋ̃ɔ̀, ɛ́ ta tone zɛbr'ɩ ɛ, a kʋ̃ wa n tɔnɛ za a nyɩ zie ɩ.

Zakɩ 1:16

Ɩ̃ yɛb-nɔnɩ i, nyɩ ta bɛlɛ nyɩ tʋɔra ɩ:

Zakɩ 1:19

Ɩ̃ yɛb-nɔnɩ i, nyɩ bãw nɩ a yel ŋa: nɩr za n'ʋ a fɛr k'ʋʋ mɩ́ páwr a bɛr-wob ƴãw, ɛ́ ta páwr a ƴɛ̀rʋ ƴãw ɛ, ta páwr a suur nyɛ́b ƴãw ɛ.

Zakɩ 3:10

A nɔ-been nɛ pʋɔ n'a a maalʋ bɩɩ a ŋmɛ-ƴãw ƴɛ̀r-bie yire. Ɩ̃ yɛbr i, a bɛ tɛr sɔ́r k'aa mɩ́ ɩ a lɛ ɩ.

1 Pɩɛr 5:3

Nyɩ ta dɩrɛ naalʋ a bɛlɩ dem bɛ na kʋ̀ nyɩ kɛ́ nyɩ kaarɛ a zu ɛ, nyɩ nɩ̃ɛ lɩɛbɩ nɩ-vɩɛlɩ a píir na na cɔwrɛ a.