Zakɩ 2:19 - A SƐB-SÕW

¹⁹ Fʋ sàw na de kɛ́ Naaŋmɩn ɩ n been ɩ? A vɩɛl'a wɛ. A kɔ̃tɔmɛ mɩ̀ sàw na de, ɛ́ màwr dɛ̃bɩ̃-mawfʋ.

Zakɩ 2:19 ပူးပေါင်းရင်းမြစ်များ

Ɩzayi 43:10

A Sore yere na: A ɩ̃ dãsɩɛ dem a, nyɩmɛ nɛbɛ, nyɩɩm ɩ̃ nɩ-bʋʋrɛ ɛ. Nyɩmɛ n'ɩ a tõ-tõ-bie ɩ̃ na kaa ír a. Ɩ̃ bɔbr'a kɛ́ nyɩ tʋ̃ɔ́ bãw a pɛr, kɛ́ nyɩ sàw de m ɛ́ sɩrɩ bãw kɛ́ mãa n'ʋ. Ŋmɩn bɛ de niwn be a ɩ̃ ƴãw ɛ, ɛ́ kʋ̃ be be a ɩ̃ pùorí ɛ.

Ɩzayi 44:6

À ŋá n'a a Sore, a Ɩsɩrayɛl Nãà, a ʋl na yarɛ dier ʋ a, a Sore kpɛnʋ-za-sob, yere: «Mãa n'ɩ a niw-diere, mãa n'ɩ a po-pàwrɛ. Mãa bɛ wa n'ʋ a, Naaŋmɩn bɛ ka be ɩ.

Ɩzayi 44:8

Nyɩɩm, ɩ̃ nɩ-bʋʋrɛ ɛ, nyɩ ta zɔrɛ dɛ̃bɩ̃ɛ màwr ɛ. Ɩ̃ bɛ yel a yel ŋa kʋ̀ nyɩ koro za ɛ́ ɩ nyɩ bãw ʋ ɛ? Nyɩmɛ bɛ n'ɩ a ɩ̃ dãsɩɛ dem ɛ? Mãa bɛ wa n'ʋ a, Naaŋmɩn lɛb'a be be e? Ʋ̃ʋ'hʋ̃, Pìir kãw bɛ lɛb ka be ɩ, ɩ̃ bɛ bãw a kãw za ɩ.»

Ɩzayi 45:6

À ŋá n'a a saa-pɛrɩ́ tɩ tɔ a mʋ̃tɔ̃w-kpɛb-lowr, bɛ na bãw kɛ́ mãa bɛ wa n'ʋ a, bom za bɛ ka be ɩ. Mãa n'ɩ a Sore, kãw bɛ lɛb ka be ɩ.

Ɩzayi 46:9

Nyɩ bãwnɩ a yele na de niwn ɩ a, a koro za yele: mãa n'ɩ a Naaŋmɩn, kãw bɛ lɛb ka be ɩ. Naaŋmɩn bɛ be be mɛ̃ a mãa a ɩ.

Zonasɩ 4:4

A Sore tɩ sowri ʋ na: «Fʋ tɛr'ɩ yel-mɩŋa fʋ na nyɛ̃ a suur a bɩɩ?»

Zonasɩ 4:9

Lɛ n'a a Naaŋmɩn tɩ sowri ʋ: «Fʋ tɛr'ɩ yel-mɩŋa fʋ na nyɛ̃ suur a tɩle ŋa ƴãw a bɩɩ?» A Zonasɩ tɩ sɔw na: «Ʋ̃ʋ, ɩ̃ tɛr'ɩ yel-mɩŋa na nyɛ̃ suur tɩ zɛlɛ nɩ a kũu.»

Zakari 14:9

A lɛn daar a, a Sore na dɩrɛ nɩ naalʋ a tẽw za zu. Ʋl yõ n'ʋ bɛ na puore nɩ tʋɔra-siwru mɛ̃ Naaŋmɩn a, a ʋ yúor yõ n'ʋ a nɩsaalbɛ za na bãw.

Matie 8:29

Bɛ tɩ ŋmɩɛr'ɩ cɛlsɩ yere nɩ: «Bʋ̃ʋ n'a jɩ́rɛ fʋ, Naaŋmɩn Bie e? Fʋ wa na kɛ́ fʋ wa sɔbr tɩ niwn ɛ́ a daar bɛ ta sɛr ɛ?»

Markɩ 1:24

«Tɩɩm nɩ fʋ̃ʋ mɩ̀ bʋnʋ, Nazarɛtɩ tẽw Yeezu u? A tɩ yele sãwfʋ ƴãw n'a fʋ wa kɛ̃! Ɩ̃ bãw fʋ na: a Naaŋmɩn Nɩ-sõw nɛ b!»

Markɩ 12:29

A Yeezu sɔw ʋ: «Nyɛ̃ a dãw-niwn sob: “Bɛrɛ wone Ɩsɩrayɛl i, a Sore tɩ Naaŋmɩn n'ɩ a Sore been yõ.

Markɩ 5:7

Ʋ tɩ cɩɩr'ɩ kpɛ̃w za yel: «Naaŋmɩn-na-do-saa-bɛ-pɩɛl-a Bie, Yeezu u, mãa nɩ fʋ̃ʋ mɩ̀ bʋnʋ? Ɩ̃ zɛlɛ fʋ nɩ yãayãa, a Naaŋmɩn yúor ƴãw, taa dɔwrɛ mɛ̃ ɩ.»

Markɩ 7:9

Ʋ tɩ yel'a ƴãw pʋɔ: «Nyɩ sʋ̃ɔm'a bul zawrɩ a Naaŋmɩn nɔ-ƴãwna bɛr ɛ́ tuur a nyɩ ɩ-ɩrɩ.

Luka 4:34

«Alɛ wɛ! Tɩɩm nɩ fʋ̃ʋ mɩ̀ bʋnʋ, Nazarɛtɩ tẽw Yeezu u? Fʋ wa na kɛ́ fʋ wa ɩ tɩ lo. Ɩ̃ bãw fʋ na: a Naaŋmɩn Nɩ-sõw nɛ b!»

Zã 17:3

Ɛ́ a nyɔ-vʋʋrʋ na be kʋralɛ a n'ɩ kɛ́ bɛ bãw fʋ, fʋ̃ʋ yõ na ɩ a Naaŋmɩn-sɩza a, ɛ́ mɩ̀ bãw a sob nɛ fʋ na tõ a, a Yeezu Kɩrɩta.

Nɩ-toni 16:17

Ʋ tɩ ta na tu tɩɩm nɩ a Pol, ɛ́ ŋmɩɛr cɛlsɩ yere nɩ: «Naaŋmɩn-na-do-saa-bɛ-pɩɛl-a tõ-tõ-biir'ɩ a nɩbɛ bɛ ŋa, a faafʋ sɔr'ʋ bɛ hiere kʋ̀rɛ nyɩ.»

Nɩ-toni 19:15

Bibir kãw, a kɔ̃tɔ̃-faa wa tɩ yel bɛ na: «A Yeezu a, ɩ̃ bãw ʋ na, ɛ́ mɩ̀ cãà lɛb bãw a Pol. Ɛ́ a nyɩɩm, ã-mɩnɛ n'ɩ nyɩ?»

Nɩ-toni 24:25

Ɛcɛ a Pol na wa tĩ manɛ a yel-na-tu-sɔr-a, nɩ a tʋɔra nyɔwfʋ yele nɩ a ƴɛ̀rʋ-maalʋ na waar'a yele a, dɛ̃bɩ̃ɛ tɩ ɩrɛ nɩ a Felisɩ. Lɛ n'a ʋ tɩ yel a Pol: «A na ta ka a, lɛb kpɛ, mãa wa nyɛ̃ vuo a, ɩ̃ na lɛb'a bʋɔlɩ fʋ.»

Ʋrɔm 3:30

bʋ̃ʋ n'ʋ vɛ̃, Naaŋmɩn-been yõ n'ʋ be. A sàw-deb'a ʋ na ɩ n a Zifʋ mɩnɛ ɩ nɩ-mɩn a ʋ niŋé, a sàw-deb cãà n'a ʋ na ɩ n a bɛlɩ dem na bɛ ɩ Zifʋ mɩnɛ a, bɛ ɩ nɩ-mɩn a ʋ niŋé.

1 Korɛ̃tɩ 8:4

Ɛ́ a nɛnɛ al bɛ na mɩ́ kʋ ƴãw a tɩbɛ ƴãw a 'wɔbrʋ ƴãw a, tɩ bãwnɩ a na kɛ́ tɩɩb kãw za bɛ ɩ bʋ̃-sɩza ɩ, ɛ́ ŋmɩn kãw za bɛ be a tẽ-daa zu a bɛ ɩ a Naaŋmɩn-been yõ ɩ.

1 Korɛ̃tɩ 8:6

tɩɩm zie a, Naaŋmɩn-been yõ n'ʋ be, a Naaŋmɩn Sãà na ír bom za ɛ́ tɩ vʋʋrɛ a ʋ ƴãw a, nɩ Sore been yõ, Yeezu Kɩrɩta, na so bom za be ɛ́ so tɩ vʋʋrɛ a.

Galasi 3:20

Ɛcɛ lɔ̃lʋɔrɛ bɛ dãw lɔ̃ nɩ-been yele ɩ. Ɛ́ a yele càar'ɩ Naaŋmɩn yõ.

Wulu-ayi-sob 6:4

«Nyɩ wone, Ɩsɩrayɛl bʋʋrɛ ɛ, a Sore tɩ Naaŋmɩn n'ɩ a Sore been yõ.

1 Timote 2:5

Bʋ̃ʋ n'ʋ vɛ̃, Naaŋmɩn-been yõ n'ʋ be, lɔ̃lʋɔrɛ been yõ n'ʋ mɩ̀ be a Naaŋmɩn nɩ a nɩsaalbɛ cará: ʋlɛ n'ɩ a Kɩrɩta Yeezu na ɩ nɩsaal a,

Zakɩ 2:8

Nyɩmɛ wa sɩrɩ sàwr a Nãà ŋa nʋɔr mɛ̃ a lɛ a Sɛb-sõw na yel a: «Fʋ na nɔnɛ nɩ a fʋ tɔ sob mɛ̃ a fʋ mɩŋa a», nyɩ ɩrɛ nɩ vla.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:4

Bʋ̃ʋ n'ʋ vɛ̃, nɩ-faar kãw wa na wa sɔwlɩ kpɛ a nyɩ pʋɔ. Bɛ mɩ́ de nɩ a tɩ Naaŋmɩn-maalʋ tu n zi-yoru, bɔbr'ɩ kɛ́ bɛ wul kɛ́ bɛ tɛr'ɩ yel-mɩŋa a bɛ pɩ̃ɔ-ɩb pʋɔ, ɛ́ bɛ sàwr dier a tɩ Sore Yeezu Kɩrɩta na ɩ a tɩ Wul-wul-kara been yõ a ɩ. Koro za n'a a Sɛb-sõw manɛ a dɔwrʋ na na lo a bɛ zu a.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:6

A malkɩ mɩnɛ na bɛ tɩ sàw tɛr a fãw ʋl tɛwr a Sore na kʋ̀ bɛ a, ɛ́ tɩ zawrɩ a bɛ kpɛb zie bɛr a, a Naaŋmɩn nyɔw bɛ na ƴãw bamɛ kʋralɛ lɔb ƴãw lige pʋɔ, gùre nɩ a ƴɛ̀rʋ-maalʋ bibi-kpɛ̃ɛ nãà wa vɩɛ a.

Yel-wula 20:10

Ɛ́ a Gɛgɛra na tɩ bɛ̀lɛ bɛ a, bɛ lɔb ʋ na ƴãw a cirbi vũu gbãtar-kpɛ̃ɛ pʋɔ, a wɛ-dʋ̃w nɩ a ƴɛ̀r-man-bɛlɛbɛlɛ zie. Be n'a bɛ na nyɛrɛ dɔwrʋ mʋ̃tɔ̃w nɩ tɩ̃ɩsɔw, yome yome za.