Zakɩ 2:18 - A SƐB-SÕW

¹⁸ Ɛcɛ kapaw nɩr na yel'a: «Fʋ̃ʋ a, fʋ tɛr'ɩ a naaŋmɩn-sàw-deb, ɛ́ mãa tɛr a ɩ-ɩrɩ.» Lɛn daar'a ɩ̃ na sɔw ʋ: «Wul mɛ̃ a lɛ a fʋ naaŋmɩn-sàw-deb na na tʋ̃ɔ́ be be ɛ́ bɛ tɛr ɩ-ɩrɩ a. Mãa a, a ɩ-ɩrɩ pʋɔ n'a ɩ̃ na wul fʋ a ɩ̃ naaŋmɩn-sàw-deb.»

Zakɩ 2:18 ပူးပေါင်းရင်းမြစ်များ

Ʋrɔm 14:23

Ɛcɛ sob nɛ na tɛr bʋnʋ a ʋ socir pʋɔ bʋ̃-dɩra ƴãw ɛ́ dɩrɛ a, ʋ sãw na, a ʋ ɩb na bɛ tu sàw-deb ʋ na nyɛ̃ bãw kɛ́ sɩza n'a a ɩ. Ɛcɛ ɩb za na bɛ tu a sàw-deb a ɩ n yel-bier.

Ʋrɔm 3:28

Bʋ̃ʋ n'ʋ vɛ̃, tɩ tɩɛrɛ na k'aa Naaŋmɩn mɩ́ ɩ na a nɩsaal ɩ nɩ-mɩŋa a ʋ niŋé ʋ na sàw de a zũú, ɛ́ a bɛ ɩ a Wulu ʋ na sàwr a ƴãw n'a ɩ.

Ʋrɔm 4:6

A nɩr ʋl a Naaŋmɩn na mɩ́ sàw kʋ̀ k'ʋʋ ɩ n nɩ-mɩŋa, ɛ́ a bɛ ɩ a ʋ ɩ-ɩrɩ zũú n'a a, à ŋá n'a a Daviir ƴɛ̀rɛ a sob nɛ zu-nʋ̃ɔ̀ ƴɛ̀rʋ:

Ʋrɔm 8:1

A na ɩ à ŋá a, a ƴɛrɛŋa a, a bɛlɩ dem na lãw nɩ a Yeezu Kɩrɩta a, sãwna dɔwrʋ kãw za bɛ cãà be a bɛ ƴãw ɛ.

Ʋrɔm 9:19

Kapaw fʋ na yel mɛ̃ na: «Bʋnʋ ƴãw n'a a Naaŋmɩn na cãà yere tɩ? Ãa n'ʋ na tʋ̃ɔ́ yel k'aa ʋ pʋ-tɩɛrʋ ta maalɩ?»

1 Korɛ̃tɩ 13:2

Mãa saa páw a naaŋmɩn-ƴɛ̀r-manɛ maalʋ, bãw a Naaŋmɩn yel-sɔwlɩ za, ɛ́ mɩ́ zànɩ bom za bãw a, mãa saa tɛr a naaŋmɩn-sàw-deb ʋ za, a ʋl na na tʋ̃ɔ́ ɓáw a tan tɩ bin zi-yoru a, mãa bɛ wa tɛr a nɔ̃wfʋ a, ɩ̃ bɛ ɩ bom za ɩ.

2 Korɛ̃tɩ 5:17

Lɛ so nɩr wa lãw nɩ a Kɩrɩta a, ʋ lɩɛb'ɩ nɩ-paala. Bʋ̃-kʋra tɔl'a, ɛ́ bʋ̃-paala n'ʋ be be.

2 Korɛ̃tɩ 7:1

Ɩ̃ nɩ-nɔnɩ i, à á ŋá za a Naaŋmɩn na yel k'ʋʋ na ɩ na kʋ̀ tɩ a zũú, nyɩ ɩ a tɩɩm tɛɛ za so a dɛwr za na dɛwr a ƴã-gan nɩ a sɩ́ɛ a, tɩ so a za bɛr, ɛ́ ƴãw fãw ɩ nɩ-son ƴãwnɛ a Naaŋmɩn.

Galasi 5:6

Bʋ̃ʋ n'ʋ vɛ̃, sob nɛ na lãw nɩ a Yeezu Kɩrɩta a, a yʋɔr-ŋmãafʋ bɩɩ a bɛ-ŋmãafʋ bɛ ɩ bom za ɩ, a bom'ɩ a naaŋmɩn-sàw-deb na tɛr nɔ̃wfʋ ɩ-ɩrɩ a.

1 Timote 1:5

Yel à à ŋá, k'aa nɩbɛ tʋ̃ɔ́ tɛr nɔ̃wfʋ na yi soci-pla parpar pʋɔ a, nɩ tɩɛr-vla nɩ naaŋmɩn-sàw-deb na tori dẽdẽ a pʋɔ.

Títɩ̀ 2:7

a yele za pʋɔ. Ɛ́ a fʋ̃ʋ tɔr za a, ɩ a nɩbɛ cɔwrɛ fʋ a fʋ ɩ-vɩɛlɩ zũú: a fʋ wulu, ʋ vɩɛl ɛ́ sɛw taa nɩ.

Ebre 11:31

A sàw-deb zũú n'a a pɔw-yɛm Arahab bɛ tɩ kpi lãwnɩ a bɛlɩ dem na bɛ tɩ de a Naaŋmɩn a ɩ, ʋ na tɩ de a nɩbɛ na wa a tẽw piwru ƴãw a vla a.

Ebre 11:33

A sàw-deb zũú, bɛ tɩ zɛb'a tʋ̃ɔ́ na-mɩnɛ ten, ɛ́ tɩ tu a mɩnʋ pùor, ɛ́ páw a alɩ bome nɛ a Naaŋmɩn na yel k'ʋʋ na tɩr a a. Bɛ tɩ pàw nɩ gben nɛ́ɛ,

Ebre 11:6

Ɛcɛ a sàw-deb bɛ wa ka be a, nɩr kʋ̃ tʋ̃ɔ́ pɛlɩ a Naaŋmɩn pʋɔ ɩ. Bʋ̃ʋ n'ʋ vɛ̃, sob nɛ na tawr pɩɛlɛ a Naaŋmɩn a, a fɛr'a k'ʋʋ sàw de k'aa Naaŋmɩn be na ɛ́ mɩ́ maalɩ a bɛlɩ dem na bɔbr ʋ a.

Zakɩ 2:14

Ɩ̃ yɛbr i, nɩr wa yel k'ʋʋ tɛr'ɩ a naaŋmɩn-sàw-deb, ɛ́ bɛ mɩ́ wul a sãá a ʋ ɩ-ɩrɩ pʋɔ a, bʋ̃ʋ yel-ɩra n'a a tɛr? A sàw-deb ŋa na tʋ̃ɔ́ na faa ʋ bɩɩ?

Zakɩ 3:13

Ãa n'ʋ bãw yã ɛ́ tɛr yã a nyɩ pʋɔ? Ʋ wul a sãá cenu na vɩɛl a pʋɔ, nɩ ɩ-ɩrɩ na ɩ yã-bãwnɛ nɩ su-siwra sob ɩ-ɩrɩ a pʋɔ.