Zakɩ 2:15 - A SƐB-SÕW

¹⁵ A ɩ mɛ̃ a tɩ yɛb kãw bɩɩ a tɩ yeepuule kãw bɛ tɛr bʋ̃-suuri nɩ bʋ̃-dɩrɩ na mɩ́ dɩ a bibie za ɩ,

Zakɩ 2:15 ပူးပေါင်းရင်းမြစ်များ

Ɩzayi 58:10

fʋ̃ʋ mɩ́ wa ɩ a fʋ bʋ̃-dɩra kʋ̀ a kɔ̃ sob ɛ́ ƴãw a bãbàal ʋ dɩ tɩw a, a fʋ cãà na mɩ́ caal'ɩ a lige pʋɔ, ɛ́ a fʋ lige na mɩ́ ɩ na mɛ̃ mʋ̃tɔ̃-tuo a.

Ɩzayi 58:7

Ʋlɛ n'ɩ kɛ́ fʋ mɩ́ ɩ a fʋ bʋ̃-dɩra kʋ̀ a kɔ̃ sob, kɛ́ fʋ mɩ́ tɛr a nan dem na bɛ tɛr kpɛb zie a, kpɛ n a fʋ yir, kɛ́ fʋ mɩ́ kʋ̀ bʋ̃-suuri a bɛlɩ dem na bɛ tɛr a a, ɛ́ taa lɩɛbɛ kpaar cɔwr a fʋ yɛb ɛ.

Ezekɩɛl 18:7

A nɩr ŋa bɛ nɛbr ɛ́ bɛ zure nɩr ɛ. Ʋ mɩ́ lɛb'a kʋ̀ a san-bãwfʋ bom a ʋ san sob. Ʋ mɩ́ kʋ̀ n bʋ̃-dɩra sob nɛ kɔ̃ na kpɩɛr a nɩ bʋ̃-suuri sob nɛ na bɛ tɛr a a.

Markɩ 14:7

Bʋ̃ʋ n'ʋ vɛ̃, nyɩ tɛr'ɩ a nan dem kʋralɛ, ɛ́ lɛn daar za nyɩ nãà mɩ́ wa bɔbr a, nyɩ na mɩ́ maalɩ bɛ na. Ɛcɛ mãa a, ɩ̃ kʋ̃ be a nyɩ zie kʋralɛ ɩ.

Luka 3:11

A Zã tɩ sɔw bɛ na: «Nɩr wa tɛr kparɩ ayi a, ʋ̃ʋ ír kʋ̀ a ʋ tɔ na bɛ tɛr ʋ a, ɛ́ nɩr na tɛr a dɩrɛ a, ʋ mɩ̀ ɩrɛ a lɛ.»

Nɩ-toni 9:29

A Zifʋ bɛl na ƴɛ̀rɛ a Gɩrɛkɩ a zie n'a ʋ mɩ́ tɩ ƴɛ̀rɛ, ɛ́ ʋlɛ nɩ a bɛl ŋmɩɛr a nɔkpɛn. Ɛcɛ a nɩbɛ bɛ ŋa tɩ bɔbr'ɩ ʋ kʋb.

Ebre 11:37

Bɛ tɩ lɔb'ɩ bɛ mɩnɛ nɩ kʋsɛbɛ kʋ, fɔw bɛ mɩnɛ ŋma ziir ayiri nɩ sɔ-nyɩmɛ, kʋ bɛ mɩnɛ nɩ zɛbr-sɔ-kpɛ̃ɛ. Bɩɩ bɛ mɩ́ tɩ cɔlɛ na gʋɔr, su píir bɩɩ bʋʋr gamɛ kparɩ. Bɛ bɛ tɩ tɛr bom ɛ, ɛ́ bɛ ɩrɛ a kpɩɛr bɛ, dɔwrɛ nɩ bɛ.

Zakɩ 2:5

Nyɩ bɛrɛ wone, ɩ̃ yɛb-nɔnɩ i: a Naaŋmɩn bɛ tʋ̃ɔ́ kaa ír a bɛlɩ dem na ɩ nan dem a tẽ-daa zie a, ƴãw bɛ kpɛ a ʋ sàw-deb naalʋ, ɛ́ ɩ a ʋ Naalʋ gbã-dɩrbɛ ɩ? A Naalʋ ŋa ʋ na ƴãw nʋɔr k'ʋʋ na kʋ̀ n a bɛlɩ dem na nɔnɛ ʋ a ɩ?

1 Zã 3:17

Nɩr wa tɛr a a tẽw zu, ɛ́ nyɛ̃ a fɛrɛ a ʋ yɛb, ʋʋ bɛ zɔ ʋ nɩbaalʋ a, ŋmɩŋmɩn n'a ʋ na tʋ̃ɔ́ yel k'ʋʋ nɔnɛ nɩ a Naaŋmɩn?