Zakɩ 2:13 - A SƐB-SÕW

¹³ A Naaŋmɩn wa maalɛ nɩ nɩr na bɛ zɔrɛ ʋ taabɛ nɩbaalʋ a ƴɛ̀rʋ a, ʋ mɩ̀ kʋ̃ tɛr nɩbaal-zɔba a ʋ zie ɩ, ɛcɛ nɩbaal-zɔrɛ bɛ zɔrɛ a ƴɛ̀rʋ-maalʋ ɛ.

Zakɩ 2:13 ပူးပေါင်းရင်းမြစ်များ

Yele-za-pɛr-tib 42:21

Ɛcɛ bɛ tɩ yere nɩ a bɛ cara pʋɔ: «'Woi! Tɩ nyɛrɛ nɩ dɔwrʋ a tɩ yɛb Zuzɛb ƴãw: tɩ tɩ nyɛ̃ nɩ a ʋ kpɩɛrʋ, a lɛ ʋ na tɩ zɛlɛ tɩ kɛ́ tɩ zɔ ʋ nɩbaalʋ a, ɛ́ tɩ bɛ tɩ bɛr wõ a ʋ zɛlʋ ɛ. Alɛ n'a so a kpɩɛrʋ á ŋá na ta tɩ a.»

2 Bibie za yel-manɩ 28:11

A na ɩ à ŋá a, nyɩ bɛr wõ a ɩ̃ ƴɛ̀rʋ, ɛ́ lɛb bɛr a nɩ-pàwrɩ bɛ ŋa nyɩ na nyɔw a nyɩ yɛbr pʋɔ a, bʋ̃ʋ n'ʋ vɛ̃, a Sore nyɛ̃ nɩ nyɩ nɩ suur bɛ dɩ vuo ɩ.»

Sɛb-sõw yielu 18:25

Lɛ n'a a Sore maalɩ mɛ̃ tu n a ɩ̃ mɩnʋ, tu n a ɩ̃ nuru tõ-vɩɛlɩ ʋ na nyɛ̃ a.

Sɛb-sõw yielu 85:10

A Sore kʋ̃ yaa kɛ́ faa a bɛlɩ dem na zɔrɛ ʋ a ɩ, ɛ́ a ʋ yúor-vɩɛlʋ-danʋ na kpɩɛr'ɩ a tɩ tẽw.

Zʋkpaɩ 21:13

Nɩr wa fur a ʋ tobe a lɛn daar a bãbàal na kone bʋɔlɛ a, ʋ mɩ̀ kʋ̃ páw sɔwfʋ a lɛn daar ʋlɛ mɩ́ wa bʋɔlɛ a ɩ.

Zʋkpaɩ 22:16

Nɩr na dɔwrɛ nã́w sob a, ʋ na ƴãw ʋ nɩ naalʋ pʋɔ a baarʋ daar. Nɩr na kʋ̀rɛ nãà bom a, ʋ na lɩɛb'ɩ nã́w sob a baarʋ daar.

Ɩzayi 27:11

A wuli wa kò a, a mɩ́ kar'a lo, pɔwbɛ wa nyɩw a. A nɩ-bʋʋrɛ bɛ ŋa bɛ tɛr yã ɩ. Alɛ so a sob nɛ na ír bɛ a bɛ zɔrɛ bɛ nɩbaalʋ ɛ, a sob nɛ na maalɩ bɛ a bɛ dɩrɛ suur kʋ̀rɛ bɛ ɩ.

Zeremi 9:24

A Sore yere na: Bibir na vɩɛ na ɩ̃ na ìr a bɛlɩ dem na ŋma a yɛɛ tɛwr a ƴãw,

Ezekɩɛl 33:11

Yel bɛ a ɩ̃ yúor ƴãw à ŋá: A mãa Sore Naaŋmɩn n'ʋ yere, ɩ̃ pɔ n nɩ a ɩ̃ nyɔ-vʋʋrʋ, a nɩ-faar kũu bɛ mɩ́ ɩrɛ mɛ̃ nʋ̃ɔ̀ ɩ. Bom nɛ ɩ̃ na bɔbr a n'ɩ kɛ́ bɛ lɩɛbɩ a bɛ ɩb, ɛ́ vʋʋrɛ. Ɩ̃ zɛlɛ nyɩ na, nyɩ jɛ a nyɩ mil-faar bɛr. Bʋ̃ʋ n'ʋ so nyɩ bɔbr kɛ́ nyɩ kpi, Ɩsɩrayɛl nɩbɛ ɛ?

Mise 7:18

Sore e, ŋmɩn kãw bɛ ŋmɛ̃ taa nɩ fʋ ɛ, fʋ mɩ́ de nɩ a sãwna bɛr a baarɩ, ɛ́ dɩ a yel-bebe suur kʋ̀ a fʋ nɩ-bʋʋrɛ na cɛ bɛ kpi a. Fʋ bɛ mɩ́ nyɛ̃ a suur ʋ ka baarʋ ɛ, a na nʋmɛ a fʋ zie kɛ́ fʋ mɩ́ wul tɩ a fʋ nɔ̃wfʋ a ƴãw.

Matie 5:7

Zu-nʋ̃ɔ̀ dem'ɩ a bɛlɩ dem na zɔrɛ a bɛ taabɛ nɩbaalʋ a, bɛ mɩ̀ na zɔ n bɛ nɩbaalʋ.

Matie 6:15

Ɛcɛ nyɩmɛ bɛ mɩ́ wa dɩ a nɩsaalbɛ sãwna suur kʋ̀ bɛ a, a nyɩ Sãà mɩ̀ kʋ̃ dɩ a nyɩ sãwna suur kʋ̀ nyɩ ɛ.»

Luka 16:25

Ɛcɛ a Abraham tɩ yel ʋ na: “Ɩ̃ bie e, lɛb tɩɛrɩ bãwnɩ fʋ na páw a nʋ̃ɔ̀ a fʋ tẽw zu nyɔ-vʋʋrʋ pʋɔ, ɛ́ a Lazaar páw a tuo a. Ƴɛrɛŋa a, ʋ nyɛrɛ nɩ mɔwlʋ a ka, ɛ́ fʋ mɩ̀ nɩ̃ɛ wone tuo.

Luka 6:37

«Nyɩ ta bãwnɛ a nyɩ taabɛ yele ɩ, ɛ́ Naaŋmɩn mɩ̀ kʋ̃ bãw a nyɩ dem ɛ. Nyɩ ta mɩ́ yel kɛ́ a nyɩ taabɛ sãw na ɩ, ɛ́ Naaŋmɩn mɩ̀ kʋ̃ yel kɛ́ nyɩ sãw na ɩ. Nyɩ dɩrɛ suur kʋ̀rɛ a nyɩ taabɛ, ɛ́ Naaŋmɩn mɩ̀ na dɩ n suur kʋ̀ nyɩ.

Zakɩ 3:17

Ɛcɛ a yã-bãwfʋ na yi a Naaŋmɩn zie a, ʋ mɩ́ de nɩ niwn ɩ vɩɛlʋ tɛwr, al pùorí ʋ ɩ ƴã-ɓaarʋ, su-nʋ̃ɔ̀, nʋɔr-sàwfʋ. Ʋ mɩ́ ɩ n nɩbaal-zɔba nɩ ɩ-vɩɛlɩ tɛwr. Ʋ bɛ mɩ́ owre ɩ, ɛ́ bɛ sɔwlɛ a ʋ pʋ-tɩɛrʋ ɛ.

Zakɩ 5:4

A tõ-tõ-biir na tõ a nyɩ póru pʋɔ a, nyɩ sɩb'ɩ a bɛ sã-ya. Nɛb-taa na bɛ maal'ɩ wob a n'ʋ! A tõ-tõ-biir na kone a, a bɛ cɛlsɩ lo n a Naaŋmɩn, tẽ-daa za Sore, tobe pʋɔ.

Ƴɛ̀r-dɩrbɛ 1:7

Lɛ n'a a Adoni-Bezɛkɩ tɩ yel: «Na-mɩnɛ lɩz'a ata nɩ pie, bɛ na tɩ ŋma a nobidaar nɩ a gbɛbidaar a, mɩ́ tɩ wobr'ɩ a ɩ̃ bʋ̃-dɩ-ŋmaarɛ na yi a tabal zu lore a. A Naaŋmɩn ɩ m'ɩ a lɛ ɩ̃ na ɩ a.» Bɛ tɩ tɛr ʋ na cen nɩ a Zerizalɛm ʋ tɩ kpi a be.

Ƴɛ̀r-dɩrbɛ 5:27

Ʋ siwr'a lore a ʋ niŋé, ʋ lore na, ʋ gã nɩ a ʋ gbɛ́ɛ ƴãw a tẽw, ʋ siwr'a, ʋ lore na, ʋ kpi na.