Zakɩ 1:22 - A SƐB-SÕW

²² Nyɩ taa wa bɛlɛ nyɩ tʋɔra ɩ a Naaŋmɩn ƴɛ̀rʋ bɛr-wonbɛ tɛwr ɛ, nyɩ mɩ́ sɩrɩ tu a ƴɛ̀rʋ pùor a nyɩ ɩ-ɩrɩ pʋɔ.

Zakɩ 1:22 ပူးပေါင်းရင်းမြစ်များ

Ɩzayi 44:20

A nɩbɛ bɛ ŋa tu n bom na ɩ tãpɛlʋ tɛwr a. A bɛ tɩɛrʋ be n tulu pʋɔ, ɛ́ bɛ tɩ́ɛrɛ a bɛ tore ɩ. Bɛ kʋ̃ faa a bɛ nyɔ-vʋʋrʋ ɛ. A bɛ kãw za kʋ̃ yel: «A bom ɩ̃ na tɛr a nũú a ɩ n ŋmɩn-bɛlɛbɛlɛ, a sãá na» ɩ.

Zeremi 11:6

A Sore tɩ cãà na yel mɛ̃: «Cen tɩ hieri a ƴɛ̀r-bie á ŋá za a Zuda tẽ-bɛrɛ pʋɔ nɩ a Zerizalɛm sɛ́ɛ pʋɔ: “Nyɩ bɛrɛ wone a wõ-taa ŋa ƴɛ̀r-bie ɛ́ tuur a.

Abɩdɩasɩ 1:3

A fʋ pɔ̀l-ɩb na bɛ dɩ vuo a, bɔrɛ nɩ fʋ na. Fʋ kpɩɛr'ɩ pìe pʋɔ nɩ ziir bɛ na kʋ̃ tʋ̃ɔ́ páw fʋ nyɔw a, ɛ́ tɩɛrɛ nɩ fʋ pʋɔ: “Ãa n'ʋ na tʋ̃ɔ́ ír mɛ̃ a ka?”

Matie 12:50

Sob nɛ za na maalɛ a ɩ̃ Sãà na be a tẽ-vla pʋɔ a pʋ-tɩɛrʋ a, ʋlɛ n'ɩ a ɩ̃ yɛb, a ɩ̃ yeepuule nɩ a ɩ̃ mã.»

Matie 28:20

ɛ́ zànɩ nɩ bɛ bɛ tuur a al za ɩ̃ na ƴãw nʋɔr kʋ̀ nyɩ a. Ɛ́ mãa a, ɩ̃ be n a nyɩ zie bibie za na tɩ ta n a tẽw baarʋ daar.»

Luka 11:28

Ɛcɛ a Yeezu ʋl tɩ sɔw ʋ na: «Zu-nʋ̃ɔ̀ dem nɩ̃ɛ n'ɩ a bɛlɩ dem na mɩ́ wõ a Naaŋmɩn ƴɛ̀rʋ, ɛ́ de tɛr a!»

Zã 13:17

Nyɩ na bãw à à ŋá a, zu-nʋ̃ɔ̀ dem n'ɩ nyɩ nyɩmɛ wa tuur a.

Ʋrɔm 2:13

Bɛlɩ dem na mɩ́ bɛrɛ wone a Wulu bɛr-wob tɛwr a, bɛlɛ bɛ nɛbɛ mɩ́ páw a mɩnʋ a Naaŋmɩn zie ɩ, bɛlɩ dem na mɩ́ dier a Wulu a, bɛlɛ nɛbɛ na páw a mɩnʋ.

1 Korɛ̃tɩ 15:33

Nyɩ ta bɛ̀lɛ nyɩ tʋɔra ɩ: a tu-taa na bɛ vɩɛl a sãwnɛ nɩ a nyɔ-vʋʋr-vla bɛrɛ.

1 Korɛ̃tɩ 3:18

Nɩr kãw za taa wa nanɩ bɛ̀lɛ ʋ tʋɔra ɩ: nɩr wa be a nyɩ pʋɔ tɩɛrɛ k'ʋʋ ɩ n yã-bãwnɛ a tẽw ŋa zu a, ʋ lɩɛbɩ gẽgemi sob, tʋ̃ɔ́ ɩ yã-bãwnɛ,

1 Korɛ̃tɩ 6:9

Nyɩ nɔ̃w bɛ bãw k'aa bɛlɩ dem na nɛbr a bɛ taabɛ a, kʋ̃ kpɛ a Naaŋmɩn Naalʋ pʋɔ ɩ? Nyɩ ta bɛ̀lɛ nyɩ tʋɔra a ɩ! A pɩ̃ɔ-yel-maalbɛ, nɩ a bɛl na maalɛ a tɩbɛ a, a pɔw-gaa yel-bier-maalbɛ, nɩ a dɛb-bɛrɛ na gánɛ nɩ a dɛbli a,

Galasi 6:3

Bʋ̃ʋ n'ʋ vɛ̃, nɩr na tɩɛr k'ʋʋ ɩ n nɩr, ɛ́ nɩ̃ɛ bɛ ɩ nɩr a, ʋ bɛlɛ nɩ ʋ tʋɔra.

Galasi 6:7

Nyɩ ta bɛ̀lɛ nyɩ tʋɔra ɩ: Naaŋmɩn bɛ sàwr bɛ ɩrɛ ʋ laar ɛ. Ʋlɩ bom nɛ a nɩsaal na bʋ̀r a, ʋlɛ n'ʋ ʋ na cɛ.

Filib 4:8

Alɛ saa ŋmɛ̃ ŋmɩŋmɩn za a, yɛbr i, bom za na ɩ sɩza ɛ́ sɛw taa nɩ a, bom za na tu yel-mɩŋa ɛ́ bɛ tɛr dɛwr a, bom za na sɛw nɩ nɔ̃wfʋ nɩ ƴãwfʋ a, bom nɛ za bɛ na bʋɔlɛ ɩ-vɩɛlɩ-ɩb ʋʋ maal'ɩ danʋ a, nyɩ tɛr a al za tɩɛrʋ.

Kɔlɔsɩ 3:17

Bom nɛ za nyɩ na ɩrɛ a, a nyɩ nʋɔr ƴɛ̀rʋ pʋɔ n'a bɩɩ a nyɩ ɩ-ɩrɩ pʋɔ n'a a, a mɩ́ ɩ a Sore Yeezu yúor ƴãw n'a nyɩ ɩrɛ a lɛ, puore nɩ a Naaŋmɩn Sãà barka a Sore Yeezu zũú.

2 Timote 3:13

Ɛ́ a nɩ-faar nɩ a nɩ-bɛlbɛ a, ɩ-faar'a bɛ na ɩrɛ dɔwlɛ cere nɩ, tule nɩ a bɛ taabɛ ɛ́ tule a bɛl tɛɛ za.

Títɩ̀ 3:3

Bʋ̃ʋ n'ʋ vɛ̃, a tɩɩm, tɩ mɩ̀ tɩ dãw na ɩ dãbole nɩ bɛ-wonbɛ, nɩ-bɔrɩ na ɩ yel-bɔbrɩ bʋʋrɛ za nɩ nʋ̃ɔ̀-faa bʋʋrɛ za gbãgbaar a, nɩbɛ na kpɛ po-tuo nɩ nyuur a. Tɩ tɩ kpɛ n faa bɛ dɩ vuo ɩ, ɛ́ hɩ̃ɛn taa.

Zakɩ 1:26

Nɩr wa yel k'ʋʋ puore na, ɛ́ bɛ mɩ́ maal tɛr a ʋ nʋɔr a, ʋ bɛlɛ nɩ ʋ tʋɔra: a ʋ Naaŋmɩn puoru bɛ tɛr pɛr ɛ.

Zakɩ 4:11

Yɛbr i, nyɩ ta mɩ́ manɛ taa yel-faar ɛ. Ʋlɩ sob na manɛ a ʋ yɛb yel-faar, ɛ́ bãwnɛ a ʋ sãwna a, ʋ sãwnɛ nɩ a Naaŋmɩn wulu yúor, ɛ́ bãwnɛ a Naaŋmɩn wulu yele. Ɛcɛ fʋ̃ʋ wa dɩrɛ nɩ a Naaŋmɩn nʋɔr ƴɛ̀rʋ a, fʋ bɛ ɩ a Naaŋmɩn nʋɔr nɔ-sàwrɛ ɩ, fʋ ɩ n a ʋ ƴɛ̀r-dɩrɛ.

Zakɩ 4:17

Lɛ so, nɩr wa bãw a vla maalʋ ɛ́ bɛ maalɛ a, ʋ maal'ɩ yel-bier.

2 Pɩɛr 2:13

À ŋá n'a bɛ na páw a bɛ ɩb na bɛ tu yel-mɩŋa a sã-ya. Cãàmɩlɛ n'a bɛ nɔnɛ a pɩ̃ɔ-yele maalʋ. Bɛlɛ wa lãw nɩ nyɩ dɩrɛ a lɛn daar, ɛ́ a bɛ nʋ̃ɔ̀ ɩ a bɛ ziri a, bɛ mɩ́ ɩ n nɩ-dɛgɛ nɩ nɩ-ɩ-laarɩ.

1 Zã 1:8

Tɩmɛ wa yel kɛ́ tɩ bɛ tɛr yel-bier a, tɩ tule nɩ tɩ tʋɔra, ɛ́ a yel-mɩŋa bɛ be a tɩ zie ɩ.

1 Zã 2:3

Ɛ́ à ŋá n'a tɩ nyɛ̃ kɛ́ tɩ bãw nɩ a Naaŋmɩn: tɩmɛ wa sàwr a ʋ nɛ-ƴãwnɩ a.

1 Zã 3:7

Ɩ̃ bibiir i, nyɩ ta sàw nɩr za tuli nyɩ ɛ. Sob nɛ na tuur a yel-mɩŋa a ɩ n nɩ-mɩŋa mɛ̃ a Kɩrɩta na ɩ nɩ-mɩŋa a.

3 Zã 1:11

Ɩ̃ bá-nɔna a, ta cɔwrɛ a yel-faa ɩ, cɔwrɛ a yel-vla. Sob nɛ na ɩrɛ vla a ɩ n Naaŋmɩn nɩ-sora, ɛ́ sob nɛ na maalɛ faa a bɛ bãw a Naaŋmɩn ɛ.

Yel-wula 12:9

A wa-bɩɛ, a tẽ-kor-waab, a ʋl bɛ na bʋɔlɛ Gɛgɛra nɩ Sɩtaana a, a tẽ-daa za bɛlbɛlɛ, bɛ tɩ cã ʋ na lɔb a tẽw zu lãwnɩ a ʋ malkɩ mɩnɛ.

Yel-wula 22:7

A Yeezu yel'a: «Nyɛ̃, ɩ̃ kʋ̃ yaa kɛ́ wa ɩ! Zu-nʋ̃ɔ̀ sob'ɩ a sob nɛ na maal tɛr a naaŋmɩn-ƴɛ̀r-manɛ ƴɛ̀rʋ na be a sɛbɛ ŋa pʋɔ a!»