Zakɩ 1:19 - A SƐB-SÕW

¹⁹ Ɩ̃ yɛb-nɔnɩ i, nyɩ bãw nɩ a yel ŋa: nɩr za n'ʋ a fɛr k'ʋʋ mɩ́ páwr a bɛr-wob ƴãw, ɛ́ ta páwr a ƴɛ̀rʋ ƴãw ɛ, ta páwr a suur nyɛ́b ƴãw ɛ.

Zakɩ 1:19 ပူးပေါင်းရင်းမြစ်များ

Neemi 8:18

A cuw bibir za, a dãw-niwn sob tɩ tɔ a pɛ-baara, bɛ mɩ́ tɩ kanɩ nɩ a Naaŋmɩn wulu sɛbɛ zie kãw. Bɛ tɩ dɩ n a cuw bibie ayopõi, ɛ́ kʋ a nʋɔr a bibie ani sob nɩ lãw kpɛ̃ɛ, mɛ̃ a lɛ a tub na ƴãw a.

Neemi 9:17

Bɛ zawr'ɩ a nʋɔr-sàwfʋ, bɛ yiir'ɩ a nɔ-ɓãa-yele fʋ na maalɩ a bɛ ƴãw a. Bɛ kpãa nɩ tobr, ɛ́ yel kɛ́ bɛ na lɛb'a cen a Eziptɩ tẽw a bɛ gbãgbaalʋ pʋɔ. Ɛcɛ, fʋ̃ʋ a, fʋ bɛ tɩ jɛ bɛ bɛr ɛ, fʋ na ɩ Naaŋmɩn na dɩrɛ suur a ƴãw, Naaŋmɩn-vla na zɔrɛ nɩbaalʋ a, a suur na bɛ pawr, ɛ́ fʋ ɩ nɔ̃wfʋ tɛwr a.

Neemi 9:3

Al pùorí, bɛ tɩ ìr'a àr saaƴẽwn, ɛ́ bɛr wõ a Sore bɛ Naaŋmɩn wulu sɛbɛ kanʋ tɛm ɓile ata. Bɛ tɩ gbĩ n dume a Sore bɛ Naaŋmɩn niŋé tɛm ɓile ata mɩ̀, zɛlɩ a bɛ sãwna suur.

A Zɔb sɛbɛ 32:16

Ɩ̃ gù na bàl. Ɛ́ nyɩ na bɛ cãà ƴɛ̀rɛ, ɛ́ zɩ̃ zɩ̃ kʋ̃ lɛb tʋ̃ɔ́ sɔw a,

Zʋkpaɩ 10:19

Be ƴɛ̀r-yaga na be a, yel-bier kʋ̃ tʋ̃ɔ́ bɛ be a be ɩ, ɛcɛ sob nɛ na bãw a ʋ nʋɔr maal tɛrʋ a ɩ n yã-bãwnɛ.

Zʋkpaɩ 13:3

Nɩr na maal tɛr a ʋ nʋɔr a gùre nɩ a ʋl mɩŋa nyɔ-vʋʋrʋ. Ɛcɛ nɩr na bʋ̀nɛ ƴɛ̀rɛ a wɩɛr'ɩ a ʋ loba zie.

Zʋkpaɩ 14:17

Nɩr na bɛ mɩ́ yaa kɛ́ nyɛ̃ suur a mɩ́ tõ n gẽgẽ-tome, ɛ́ bɛ bɛ mɩ́ nɔnɛ nɩr na bɛ̀lɛ a ʋ taabɛ a ɩ.

Zʋkpaɩ 14:29

Su-nyɔwra sob ɩ n nɩr na tɛr yã yaga a, ɛcɛ sob nɛ na bɛ mɩ́ yaa kɛ́ nyɛ̃ suur a mɩ́ wul'ɩ a ʋ dãbolu.

Zʋkpaɩ 15:18

Suur sob a suur na bɛ mɩ́ yaa kɛ́ ìr a mɩ́ ɩ na a zɛbr ìr, ɛcɛ nɩr na mɩ́ nyɔw ʋ mɩŋa a mɩ́ ɩ na a zɛbr baarɩ.

Zʋkpaɩ 15:2

Yã-bãwnɛ wa ƴɛ̀rɛ a, ʋ mɩ́ ɩ na fʋ bɔbr kɛ́ fʋ nãà bãw, ɛcɛ dãbolu tɛwr'a mɩ́ yire a dãbol nʋɔrɩ́.

Zʋkpaɩ 16:32

Nɩr na bɛ nyɛrɛ suur fɔ̃w a sa n gãdaa. Nɩr na mɩ́ tʋ̃ɔ́ nyɔw ʋ mɩŋa a sa n zɛbr nɩ-kpɛ̃ɛ.

Zʋkpaɩ 17:14

A zɛbr tib ɩ na mɛ̃ kʋ̃ɔ-bɩwra bɛ na yuo bɛr a. A zɛbr na bɛ úr sɛr a, taw yi pùor!

Zʋkpaɩ 17:27

Nɩr na bãw ʋ tʋɔra nyɔwfʋ a ʋ ƴɛ̀rʋ pʋɔ a ɩ n nɩr na tɛr bãwfʋ a. Nɩr na mɩ́ nyɔw ʋ tʋɔra a ɩ n nɩr na tɛr tɩ́ɛrʋ a.

Zʋkpaɩ 18:13

Nɩr na mɩ́ sɔw a ƴɛ̀rʋ ɛ́ bɛ de niwn bɛr wõ a mɩ́ wul'ɩ a ʋ dãbolu ɛ́ ƴãw ʋ tʋɔra vĩ.

Zʋkpaɩ 18:21

A ƴɛ̀rʋ pʋɔ n'a a kũu nɩ a nyɔ-vʋʋrʋ yire. Sob nɛ na nɔnɛ a ƴɛ̀rʋ a, a fɛr'a k'ʋʋ mɩ́ sàw a yele a ƴɛ̀rʋ na waar'ɩ a.

Zʋkpaɩ 19:11

Nɩr na bãw yã a mɩ́ nyɔw nɩ a ʋ suur, ɛ́ a ʋ yúor bom'ɩ ʋ na mɩ́ de a sãwna bɛr a baarɩ a.

Zʋkpaɩ 19:19

Nɩr na nyɛ̃ su-faa faa a sɛw na kɛ́ bɛ ŋmãa san kʋ̀ ʋ ʋ ya. Fʋ̃ʋ bɛ wa ŋmãa a san a, fʋ sõwne ʋ na ʋ na lɛb tĩ.

Zʋkpaɩ 21:23

Nɩr na maal tɛr a ʋ nʋɔr nɩ a ʋ zɛl a gù n ʋ tʋɔra a kpɩɛrʋ ƴãw.

Zʋkpaɩ 25:28

Nɩr na bɛ tʋ́ɔr a ʋ suur nyɔwr a ŋmɛ̃ na mɛ̃ tẽ-kpɛ̃ɛ na yuo gã, ɛ́ bɛ tɛr dacĩ-kpɛ̃ɛ ʋ na piw ʋ tɛr a.

Zʋkpaɩ 29:20

Fʋ̃ʋ wa nyɛ̃ nɩr ʋ pawr a ƴɛ̀rʋ ƴãw a, fʋ na gùre bom dãbol sob zie a sa fʋ na na gùre bom a nɩr ŋa tɔ zie a.

Sɔr-nɛ́ɛ 22:27

A bõw-nyãw na wa nyɛ̃ ʋ a, ʋ siw na gã a Balaam pile, a Balaam nyɛ̃ suur mab, ɛ́ pɔb ʋ nɩ dabɔl.

Matie 5:22

Ɛcɛ mãa yere na kʋ̀rɛ nyɩ: sob nɛ za na nyɛ̃ nɩ a ʋ yɛb suur a, na cen nɩ ƴɛ̀rʋ-maalʋ zie tɩ yel a pɛr. Nɩr wa yel a ʋ yɛb: “Dãbol ŋa!”, ʋ sob na cen nɩ a ƴɛ̀rʋ-dɩb-lãw-kpɛ̃ɛ niŋé. Ɛ́ nɩr wa yel ʋ: “Yãyaar sob ŋa!”, ʋ na sɛwnɩ nɩ a tẽ-faa vũu pʋɔ kpɛb.

Markɩ 12:37

A Daviir tɔr za bʋɔlɛ ʋ nɩ Sore, ɛ́ ŋmɩŋmɩn za n'a ʋ na tʋ̃ɔ́ ɩ a ʋ bidɛb?» Zu-sɛbla na bɛ tɛr vuo a tɩ bɛrɛ na wone a Yeezu ƴɛ̀rʋ nɩ nʋ̃ɔ̀.

Markɩ 2:2

Zu-sɛbla tɩ gbõ n taa bɛ tɩ tɛr vuo ɩ, kɛ̀ àrʋ zie bɛ tɩ cãà be ɩ, tɩ lãwnɩ a dɩ̃dɔr nʋɔr za, ʋʋ tɩ manɛ a Naaŋmɩn ƴɛ̀rʋ kʋ̀rɛ bɛ.

Luka 15:1

A zuru-yar-dierbɛ nɩ a yel-bebe dem tɩ tawr'a tarɛ a Yeezu zie bɛ za, kɛ́ bɛ bɛr wõ a ʋ ƴɛ̀rʋ.

Luka 19:48

Ɛcɛ bɛ bɛ tɩ bãw lɛ bɛ na na ɩ a ɩ, bʋ̃ʋ n'ʋ vɛ̃, a nɩbɛ za tɩ sɛr'a kpa a ʋ ƴɛ̀rʋ bɛr-wob ƴãw.

Nɩ-toni 1:15

A alɩ bibie nɛ pʋɔ, a Pɩɛr tɩ ìr'a àr a yɛbr na tɩ ɓã taa ta nɩbɛ lɩz'a ayʋɔb (120) a sɔgɔ, ɛ́ yel:

Nɩ-toni 10:33

A pɛr nɛ pʋɔ, ɩ̃ tõ na kɛ́ bɛ wa tɛr fʋ wa n, ɛ́ fʋ sɩrɩ sàw a ɩ̃ bʋɔlʋ wa a tɩ zie ka. Ƴɛrɛŋa a, tɩ za n'ɩ bɛ ŋa a Naaŋmɩn niŋé, kɛ́ tɩ bɛr wõ bom nɛ a Sore na ƴãw kɛ́ fʋ yel kʋ̀ tɩ a.»

Nɩ-toni 13:48

A nɩ-bʋʋr-yoru nɩbɛ na tɩ wõ a ƴɛ̀r-bie á ŋá a, nʋ̃ɔ̀ tɩ ɩrɛ bɛ na, bɛ danɛ a Sore ƴɛ̀rʋ. Ɛ́ a bɛlɩ dem za, a Naaŋmɩn na tɩ bãwnɩ a nyɔ-vʋʋrʋ na be kʋralɛ a, tɩ sàw na de a Naaŋmɩn.

Nɩ-toni 17:11

A Beere tẽw Zifʋ mɩnɛ tɩ bãw nɩ yã zuo a Tesalonikɩ Zifʋ mɩnɛ. Bɛ tɩ sàw na de a Naaŋmɩn ƴɛ̀rʋ nɩ pʋ-pla, ɛ́ bibie za, bɛ mɩ́ jɛlɛ nɩ a Sɛb-sõw ƴɛ̀r-bie kɛ́ bɛ nyɛ̃, lɛ n'a a yele sɩrɩ tu u.

Nɩ-toni 2:42

Bɛ za tɩ ƴãw nɩ fãw tuur a nɩ-toni wulu kʋralɛ, ɛ́ lãw pone a dipɛ̃, ɛ́ lãw puore mɩ̀.

Efɛɛzɩ 4:26

Nyɩ ya nyɛ̃ nɩ suur bɩɩ? Nyɩ taa maalɛ yel-bier ɛ. Mʋ̃tɔ̃w ta kpɛ ɛ́ a nyɩ suur cãà bɛ ɓãá ɩ.

Efɛɛzɩ 4:31

Bom nɛ za na ɩ pʋ-sãwna, suur, su-ɩb, zɛbr-gɔmɛ bɩɩ zʋmɛ a, nyɩ ɩ a za bɔr a nyɩ zie, lãwnɩ a po-tuolu bʋʋrɛ za.

Kɔlɔsɩ 3:15

A Kɩrɩta ƴã-ɓaarʋ, ʋ dɩ naalʋ a nyɩ socie pʋɔ, a ƴã-ɓaarʋ ŋa pʋɔ n'a ʋ bʋɔlɩ nyɩ kɛ́ nyɩ wa lãw taa mɛ̃ ƴãw-been a. Nyɩ tɛr barka puoru tɩɛrʋ a nyɩ nyɔ-vʋʋrʋ pʋɔ.

Kɔlɔsɩ 3:8

A na ɩ à ŋá a, a ƴɛrɛŋa a, nyɩ ír à á ŋá za bɛr a nyɩ nyɔ-vʋʋrʋ pʋɔ: a suur, a jɛb, a po-tuolu, a zʋmɛ, nɩ ƴɛ̀r-faa za na yire a nyɩ nʋɔrɩ́ a.

1 Tesalonikɩ 2:13

Lɛ so tɩ mɩ́ puore a Naaŋmɩn yãanɩ kʋralɛ. Nyɩ na tɩ wõ a Naaŋmɩn ƴɛ̀rʋ a tɩ nʋɔrɩ́ ɛ́ sàw de a, nyɩ bɛ sàw de ʋ mɛ̃ nɩsaalbɛ ƴɛ̀rʋ a ɩ, nyɩ sàw na de ʋ mɛ̃ a lɛ tɔr za ʋ na ɩ a, Naaŋmɩn ƴɛ̀rʋ na tone a nyɩɩm na sàw de a zie a.

Zakɩ 1:16

Ɩ̃ yɛb-nɔnɩ i, nyɩ ta bɛlɛ nyɩ tʋɔra ɩ:

Zakɩ 1:2

Ɩ̃ yɛbr i, a lɛn daar nyɩ na mɩ́ be a kpɩɛrʋ bʋʋrɛ za pʋɔ a, nyɩ mɩ́ tɩɛrɛ kɛ́ nyɩ tɛr'ɩ zu-nʋ̃ɔ̀ yaga.

Zakɩ 1:26

Nɩr wa yel k'ʋʋ puore na, ɛ́ bɛ mɩ́ maal tɛr a ʋ nʋɔr a, ʋ bɛlɛ nɩ ʋ tʋɔra: a ʋ Naaŋmɩn puoru bɛ tɛr pɛr ɛ.

Zakɩ 2:1

Ɩ̃ yɛbr i, nyɩɩm na sàw de a tɩ Sore Yeezu Kɩrɩta na tɛr danʋ a, nyɩ ta owre taa ɩ.

Zakɩ 2:5

Nyɩ bɛrɛ wone, ɩ̃ yɛb-nɔnɩ i: a Naaŋmɩn bɛ tʋ̃ɔ́ kaa ír a bɛlɩ dem na ɩ nan dem a tẽ-daa zie a, ƴãw bɛ kpɛ a ʋ sàw-deb naalʋ, ɛ́ ɩ a ʋ Naalʋ gbã-dɩrbɛ ɩ? A Naalʋ ŋa ʋ na ƴãw nʋɔr k'ʋʋ na kʋ̀ n a bɛlɩ dem na nɔnɛ ʋ a ɩ?

Zakɩ 3:10

A nɔ-been nɛ pʋɔ n'a a maalʋ bɩɩ a ŋmɛ-ƴãw ƴɛ̀r-bie yire. Ɩ̃ yɛbr i, a bɛ tɛr sɔ́r k'aa mɩ́ ɩ a lɛ ɩ.

Zakɩ 4:11

Yɛbr i, nyɩ ta mɩ́ manɛ taa yel-faar ɛ. Ʋlɩ sob na manɛ a ʋ yɛb yel-faar, ɛ́ bãwnɛ a ʋ sãwna a, ʋ sãwnɛ nɩ a Naaŋmɩn wulu yúor, ɛ́ bãwnɛ a Naaŋmɩn wulu yele. Ɛcɛ fʋ̃ʋ wa dɩrɛ nɩ a Naaŋmɩn nʋɔr ƴɛ̀rʋ a, fʋ bɛ ɩ a Naaŋmɩn nʋɔr nɔ-sàwrɛ ɩ, fʋ ɩ n a ʋ ƴɛ̀r-dɩrɛ.

Zakɩ 5:12

Ɛcɛ baa zuo a za, ɩ̃ yɛbr i, nyɩ ta mɩ́ pɔ ɩ: nyɩ ta mɩ́ pɔ n a saa ɩ, nyɩ ta mɩ́ pɔ n a tẽ-gan ɛ, nyɩ mɩ̀ ta mɩ́ pɔ pɔb-bʋʋrɛ kãw za ɩ. A nyɩ ʋ̃ʋ ʋ mɩ́ ɩ ʋ̃ʋ, ɛ́ a nyɩ ʋ̃ʋ'hʋ̃ ɩ ʋ̃ʋ'hʋ̃, a Naaŋmɩn taa wa maalɛ nɩ nyɩ ƴɛ̀rʋ ɛ.

Zakɩ 5:19

Ɩ̃ yɛbr i, a nyɩ ƴen sob wa bɔr zãá nɩ a yel-mɩŋa, ɛ́ kãw lɛb taw ʋ wa n a,

1 Zã 2:21

Ɩ̃ bɛ sɛb nyɩ kɛ́ nyɩ bɛ bãw a yel-mɩŋa ɩ, ɩ̃ sɛb nyɩ na kɛ́ nyɩ bãw ʋ na, nɩ kɛ́ bom za na ɩ ziri a, bɛ yire yel-mɩŋa pʋɔ ɩ.