Zakɩ 1:17 - A SƐB-SÕW

¹⁷ bʋ̃-kʋ̀ra za na bɛ tɛr tɔ a, ƴãw-taa bom za na vɩɛl bɛ cɛ a, saa-zu n'a a yire siwr. Naaŋmɩn zie n'a a yire, ʋl na ɩ a salom zu bʋ̃-caalɩ Íre a, ʋl na bɛ bãw lɩɛbʋ, ɛ́ bɛ lɩɛbɛ kɛ̀ ɓaarʋ lɩɛbɛ tuur a.

Zakɩ 1:17 ပူးပေါင်းရင်းမြစ်များ

Yele-za-pɛr-tib 41:16

A Zuzɛb tɩ sɔw nɩ a Faarawɔ̃: «Mãa bɛ n'ʋ ɛ, Naaŋmɩn n'ʋ na tʋ̃ɔ́ ír a pɛr a ɓãá fʋ a ƴãw.»

1 Bibie za yel-manɩ 22:12

Ʋ kʋ̀ b tɩɛrʋ nɩ yã, a lɛn daar ʋ nãà wa ƴãw fʋ dɩ naalʋ a Ɩsɩrayɛl nɩbɛ zu a, fʋ tuur'ɩ a Sore fʋ Naaŋmɩn wulu.

1 Bibie za yel-manɩ 29:19

Kʋ̀ a ɩ̃ bidɛb Salomɔ̃ soci-dẽdẽ na tuur a fʋ nɛ-ƴãwnɩ, a fʋ wulu nɩ a lɛ za fʋ na mɩ́ yel a, ʋ tʋ̃ɔ́ tu a yele za vla, ɛ́ ŋmãa a nãà yir ɩ̃ na cɔbrɩ a.»

Sɛb-sõw yielu 102:27

Al na wɛ na, ɛcɛ fʋ̃ʋ be n be. A tẽw nɩ a salom na zaw na mɛ̃ kparʋ a, fʋ na lɩɛr'a na mɛ̃ kparʋ a, ɛ́ a na bɛr'ɩ a zie.

Sɛb-sõw yielu 122:6

Nyɩ zɛlɛ a ƴã-ɓaarʋ kʋ̀rɛ a Zerizalɛm: «Zerizalɛm i, a bɛlɩ dem na nɔnɛ fʋ a, damnʋ zaa yee ta ka a bɛ zie ɩ!

Sɛb-sõw yielu 136:7

Ʋ maal'ɩ a cãà-bɛrɛ, a ʋ nɔ̃wfʋ na be kʋralɛ a ƴãw,

Sɛb-sõw yielu 84:11

Bibi-been beba a fʋ davʋrɩ pʋɔ sa n bibie túr zi-yoru. Naaŋmɩn i, mãa nɩ̃ɛ àr a fʋ dɩ̃dɔrɩ́ a, alɛ sa ɩ̃ na na lãw kpɩɛr'ɩ a nɩ-faar a.

Sɛb-sõw yielu 85:12

A yel-mɩŋa na bul'a yi a tẽw, ɛ́ a mɩnʋ yi a salom zu siw.

Zʋkpaɩ 2:6

Bʋ̃ʋ n'ʋ vɛ̃, a Sore n'ʋ mɩ́ tɩr a yã-bãwfʋ, ʋl zie n'a a bãwfʋ nɩ a tɩ́ɛrʋ yire.

Ɩzayi 28:26

A ʋ Naaŋmɩn n'ʋ wul ʋ a tub ŋa, ɛ́ ɩ k'ʋ bãw ʋ.

Ɩzayi 45:7

Ɩ̃ mɩ́ maal'ɩ a cãà, ɛ́ ír lige. Ɩ̃ mɩ́ ƴãw nɩ a nʋ̃ɔ̀, ɛ́ ír a kpɩɛrʋ. A mãa, a Sore, mãa n'ʋ ɩrɛ à á ŋá za.

Ɩzayi 46:10

A pɛr-tib daar'a ɩ̃ yel a alɩ bome nɛ na na ɩ a nɩdaar a. Ɩ̃ de nɩ niwn yel koro za a alɩ bome nɛ na bɛ ɩ sɛr a. Ɩ̃ yere na: a lɛ ɩ̃ na tɩɛrɩ a yele bin a na maal'a. Bom nɛ za ɩ̃ na bɔbr a, ɩ̃ mɩ́ maal ʋ na.

Ɩzayi 60:19

A mʋ̃tɔ̃w bɛ n'ʋ na cãà ɩ a fʋ bibir cãà ɩ, ɛ́ a cuw ɩ a fʋ tɩ̃ɩsɔw cãà ɩ. A mãa, a Sore fʋ Naaŋmɩn, ɩ̃ na caalɛ fʋ nɩ kʋralɛ, ɩ̃ na caalɛ fʋ na nɩ a ɩ̃ cãà na na caalɩ ʋ za a.

Malasɩ 3:6

«A mãa Sore, ɩ̃ bɛ lɩɛbɛ ɩ. Ɛcɛ a nyɩɩm a, nyɩ cãà na ɩ a Zakɔb bibiir.

Sɔr-nɛ́ɛ 11:17

Ɩ̃ na siw na wa ƴɛ̀r'ɩ fʋ a be. Ɩ̃ na ɩ n a vʋʋrʋ na be a fʋ pʋɔ a blã ƴãw bɛ. Lɛ n'a bɛ na mɩ́ lãw nɩ fʋ tuo a nɩbɛ bɛ ŋa kaafʋ na ɩ tuor a, fʋ kʋ̃ cãà ɩ fʋ yõ tuore ɩ.

Sɔr-nɛ́ɛ 11:25

A Sore tɩ siw nɩ a zũzuwr pʋɔ ƴɛ̀r'ɩ a Moyiir, ɛ́ ɩ a vʋʋrʋ na be a Moyiir pʋɔ a blã kʋ̀ a nɩ-kore lɩz'a ata nɩ pie. A vʋʋrʋ na wa bere a bɛ zu wa báarɛ a, bɛ tĩ na ƴɛ̀rɛ mɛ̃ naaŋmɩn-ƴɛ̀r-manbɛ a, ɛcɛ bɛ tɩ ta n sɔgɔ bɛr.

Sɔr-nɛ́ɛ 23:19

Naaŋmɩn bɛ ɩ nɩsaal na ŋmarɛ ziri ɛ, nɩsaal bie a tɩɛrʋ na mɩ́ lɩɛbɛ a bɛ n'ʋ ɛ. Ʋ na tʋ̃ɔ́ na yel ɛ́ bɛ ɩ ɛ? Ʋ na tʋ̃ɔ́ na ƴɛ̀r ƴɛ̀rʋ ɛ́ bɛ tu ɛ?

Matie 7:11

A nyɩɩm na ɩ nɩ-faar a, nyɩmɛ wa bãw bʋ̃-vɩɛlɩ mɩ́ kʋ̀ a nyɩ bibiir a, ŋmɩŋmɩn za n'a a nyɩ Sãà na be a tẽ-vla pʋɔ a, kʋ̃ kʋ̀ bʋ̃-vɩɛlɩ zuo lɛ, a bɛlɩ dem na zɛlɛ ʋ a?

Luka 11:13

A lɛ pʋɔ, nyɩɩm na ɩ nɩ-faar a, nyɩmɛ wa bãw bʋ̃-vɩɛlɩ mɩ́ kʋ̀ a nyɩ bibiir a, ŋmɩŋmɩn za n'a a nyɩ Sãà na be a tẽ-vla pʋɔ a, kʋ̃ kʋ̀ a Vʋʋrʋ Sõw a bɛlɩ dem na zɛlɛ ʋ a?»

Zã 1:9

A Ƴɛ̀rʋ tɩ n'ɩ a cãà mɩŋa na waar a tẽ-daa zu ɛ́ caalɛ nɩsaal za a.

Zã 3:27

A Zã tɩ sɔw bɛ na: «Nɩr kʋ̃ tʋ̃ɔ́ yel k'ʋʋ so nɩ bom Naaŋmɩn bɛ wa n'ʋ kʋ̀ ʋ a ɩ.

Zã 3:3

A Yeezu tɩ sɔw ʋ na: «Yel-mɩŋa sɩza sɩza n'a ɩ̃ yere kʋ̀rɛ fʋ: nɩr bɛ wa lɛb dɔw a, ʋ kʋ̃ tʋ̃ɔ́ nyɛ̃ a Naaŋmɩn Naalʋ ɛ.»

Zã 8:12

A Yeezu tɩ lɛb'a ƴɛ̀r a zu-sɛbla zie yel: «Mãa n'ɩ a tẽ-daa cãà, sob nɛ na tuur mɛ̃ a kʋ̃ cere lige pʋɔ ɩ, ʋ na páw nɩ a cãà na tɩrɛ a nyɔ-vʋʋrʋ a.»

Nɩ-toni 11:18

Bɛ na tɩ wõ a ƴɛ̀r-bie á ŋá a, bɛ tɩ lɛb'a nyɔw bɛ tʋɔra ɛ́ danɛ a Naaŋmɩn yere nɩ: «A na ɩ à ŋá a, a Naaŋmɩn mɩ̀ sɩrɩ na kʋ̀ a nɩ-bʋʋr-yoru a fãw kɛ́ bɛ mɩ̀ lɩɛbɩ a bɛ ɩb páw a nyɔ-vʋʋrʋ.»

Nɩ-toni 5:31

Ʋlɛ n'ʋ a Naaŋmɩn zɛw nɩ a ʋ dʋrʋ nũu, ɩ k'ʋ ɩ nɩ-kpɛ̃ɛ nɩ faarɛ, k'ʋʋ tʋ̃ɔ́ ɩ a Ɩsɩrayɛl bibiir lɩɛbɩ a bɛ ɩb ɛ́ páw a bɛ yel-bebe suur.

Ʋrɔm 6:23

Bʋ̃ʋ n'ʋ vɛ̃, a yel-bier sã-ya n'ɩ a kũu, ɛcɛ a maalʋ a Naaŋmɩn na tɩrɛ zawla a, ʋlɛ n'ɩ a nyɔ-vʋʋrʋ na be kʋralɛ fʋ na mɩ́ tɛr lãwnɩ a Yeezu Kɩrɩta tɩ Sore a.

1 Korɛ̃tɩ 4:7

Ãa n'ʋ ɩ fʋ zuo a fʋ taabɛ? Bʋ̃ʋ n'a fʋ tɛr ɛ́ a bɛ ɩ kʋ̀b'a bɛ kʋ̀ b? Ɛ́ alɛ wa ɩ kʋ̀b a bɛ kʋ̀ b a, bʋnʋ ƴãw n'a fʋ na zɛwr'ɩ fʋ tʋɔra mɛ̃ kʋ̀b bɛ n'a bɛ kʋ̀ b a?

2 Korɛ̃tɩ 4:6

Bʋ̃ʋ n'ʋ vɛ̃, a Naaŋmɩn ʋl na yel kɛ́: «A cãà, ʋ caalɩ a lige sɔgɔ a», ʋl mɩŋa n'ʋ caalɩ a tɩ socie pʋɔ, k'ʋʋ ɩ tɩ bãw a ʋ yúor-vɩɛlʋ-danʋ cãà na caalɛ a Kɩrɩta niwn ƴãw a.

Efɛɛzɩ 1:18

Ʋ sàw caalɩ a nyɩ socie nɩ a ʋ cãà, nyɩ tʋ̃ɔ́ bãw a tɩɛrʋ ʋl a ʋ bʋɔlʋ na ɩ kɛ́ nyɩ tɛr a, nɩ a ʋ gbã-dɩ-bom na vɩɛl bɛ tɛr tɔ, ʋ na cɔbrɩ cɛlɛ nɩ a ʋ nɩ-sori a.

Efɛɛzɩ 2:8

Sɩza, a Naaŋmɩn maalʋ ƴãw n'a nyɩ nyɛ̃ a faafʋ, nyɩ na sàw de ʋ a zũú. A faafʋ ŋa bɛ yi nyɩ zie ɩ, Naaŋmɩn maalʋ n'ʋ ʋ kʋ̀ nyɩ zawlalɛ.

Wulu-ayi-sob 4:19

Nyɩmɛ wa jɩ́rɛ a mʋ̃tɔ̃w, a cuw nɩ a ŋmar-bie nɩ a bʋ̃-nyɩwrɩ za na be a salom zu a, a taa wa ƴãw nyɩ nyɩ puore a ɛ́ maalɛ a ɩ. A tẽ-daa nɩ-bʋʋrɛ na cɛ a nɛbɛ a Sore nyɩ Naaŋmɩn kʋ̀ a ɩ-ɩrɩ á ŋá.

Filib 1:29

Bʋ̃ʋ n'ʋ vɛ̃, ʋ kʋ̀ nyɩ nɩ a maalʋ ŋa kɛ́ nyɩ tone a Kɩrɩta tome na bɛ ɩ a ʋ sàw-deb tɛwr a, ɛ́ mɩ̀ cãà ɩ a tuo nyɩ na wone a ʋ ƴãw,

1 Timote 6:16

a ʋl yõ na bɛ tɛr kũu daar a, ɛ́ kpɩɛr cãà na bɛ tɛr tab a pʋɔ a, ʋl nɩsaal kãw za na bɛ nyɛ̃ ɛ́ kʋ̃ tʋ̃ɔ́ nyɛ̃ a. Ʋlɛ so ƴãwfʋ nɩ kpɛnʋ kʋralɛ. Amɛn.

Ebre 13:8

A Yeezu Kɩrɩta been n'ʋ, a zãa nɩ a dɩ̃a, nɩ a yome za.

Zakɩ 1:5

Ɛcɛ a nyɩ kãw bɛ wa tɛr a yã-bãwfʋ a, ʋ zɛlɩ a yã-bãwfʋ a Naaŋmɩn zie, ʋʋ na kʋ̀ ʋ na. Ʋ mɩ́ tɩr'ɩ daadaa, ɛ́ bɛ tɩrɛ yere nɩ a sob ɛ.

Zakɩ 3:15

A yã-bãwfʋ ŋa tɔ bɛ yi Naaŋmɩn zie ɩ, tẽw zu n'a ʋ yi, nɩsaalʋ zie, kɔ̃tɔmɛ zie mɔ̃ mɩ̀.

Zakɩ 3:17

Ɛcɛ a yã-bãwfʋ na yi a Naaŋmɩn zie a, ʋ mɩ́ de nɩ niwn ɩ vɩɛlʋ tɛwr, al pùorí ʋ ɩ ƴã-ɓaarʋ, su-nʋ̃ɔ̀, nʋɔr-sàwfʋ. Ʋ mɩ́ ɩ n nɩbaal-zɔba nɩ ɩ-vɩɛlɩ tɛwr. Ʋ bɛ mɩ́ owre ɩ, ɛ́ bɛ sɔwlɛ a ʋ pʋ-tɩɛrʋ ɛ.

1 Zã 1:5

Nyɩ nyɛ̃ a ƴɛ̀rʋ tɩ na wõ a Yeezu Kɩrɩta zie ɛ́ yere kʋ̀rɛ nyɩ a: Naaŋmɩn ɩ n cãà, ɛ́ lige kãw za bɛ be a ʋ zie ɩ.

1 Zã 4:10

À ŋá n'a a nɔ̃wfʋ ŋmɛ̃: tɩmɛ bɛ nɛbɛ nɔ̃w a Naaŋmɩn ɛ, ʋlɛ n'ʋ nɔ̃w tɩ, ɛ́ tõ a ʋ Bie k'ʋʋ wa de ʋ tʋɔra maal'ɩ bàwr a tɩ yel-bebe suur-dɩ-kʋ̀b ƴãw.

Yel-wula 21:23

A tẽw bɛ tɛr a mʋ̃tɔ̃w nɩ a cuw cãà yel-ɩra ɩ, a Naaŋmɩn yúor-vɩɛlʋ-danʋ na caalɛ ʋ a ƴãw, nɩ a Pele na ɩ a ʋ fɩ̃tɩlɛ a ƴãw.

Yel-wula 22:5

Tɩ̃ɩsɔw kʋ̃ lɛb cãà be ɩ, bɛ kʋ̃ cãà tɛr fɩ̃tɩlɛ cãà nɩ mʋ̃tɔ̃w cãà yel-ɩra ɩ, a Sore Naaŋmɩn na na caalɛ bɛ nɩ a ʋ cãà a ƴãw, ɛ́ bɛ na dɩrɛ nɩ naalʋ yome yome za.

1 Samɩɛl 15:29

A Sore na ɩ a Ɩsɩrayɛl yúor-vɩɛlʋ-danʋ a bɛ ŋmarɛ ziri ɛ, bɛ tɛr ƴɛ̀r-nɛ́ɛ ayi mɛ̃ nɩsaal a ɩ.»