Zakɩ 1:10 - A SƐB-SÕW

¹⁰ ɛ́ a yɛb ʋl na tɛr a a, ʋ cɩlɛ a Naaŋmɩn na siwre ʋ a ƴãw. Bʋ̃ʋ n'ʋ vɛ̃, ʋ na tɔl'a mɛ̃ mɔ̃-puuru a.

Zakɩ 1:10 ပူးပေါင်းရင်းမြစ်များ

A Zɔb sɛbɛ 14:2

Ʋ mɩ́ ìr'a mɛ̃ mɔ̃-puuru na pu a, ɛ́ a pùorí ʋ vàr. Mɛ̃ ɓaarʋ na lɩɛbɛ a, ʋ bɛ mɩ́ yaa kɛ́ tɔl ɛ.

Sɛb-sõw yielu 102:11

Sore e, fʋ tɩ nyɛ̃ nɩ mɛ̃ nɩ suur yaga, ɛ́ a fʋ suur pʋɔ a, fʋ nyɔw mɛ̃ na lɔb bɛr.

Sɛb-sõw yielu 103:15

Mɛ̃ a nɩsaal! A ʋ nyɔ-vʋʋrʋ ɩ na mɛ̃ a mʋ̃ɔ a, ʋ ŋmɛ̃ na taa nɩ a póru pʋɔ va-puuru. Ʋ mɩ́ tĩ na pure,

Sɛb-sõw yielu 37:2

bɛ na var'ɩ fɔ̃wlɛ, mɛ̃ a mʋ̃ɔ a, bɛ na ko na mɛ̃ a váar na mɩ́ ko a.

Sɛb-sõw yielu 39:6

Fʋ ɩ na a ɩ̃ bibie wogo za ɩ nũ-ɓal, ɛ́ a ɩ̃ nyɔ-vʋʋrʋ bɛ ta bom za a fʋ zie ɩ. Yel-mɩŋa, ʋlɛ saa kpɛmɛ a, ɛcɛ nɩsaal za ɩ n pɩɛlʋ. Tɛw-àrʋ

Ɩzayi 40:6

Kɔkɔr yere nɩ a ɩ̃ zie: «Cɩɩrɩ yel!» Ɩ̃ sowri: «Bʋ̃ʋ n'ʋ ɩ̃ na cɩɩrɩ yel?» Ʋ sɔw: «Bom ŋa n'ʋ: A nɩsaalbɛ ɩ na mɛ̃ mʋ̃ɔ a, bɛ bɛ kpɛmɛ zuo a póru va-puuru ɛ.

Ɩzayi 40:7

A mʋ̃ɔ mɩ́ ko na, a va-puuru mɩ́ var'a, a Sore sɛsɛb wa fu ŋmɛ a a. — Sɩza n'a, a nɩsaalbɛ bɛ tɛr tʋɔr mɛ̃ a mʋ̃ɔ a ɩ—.

Ɩzayi 57:15

Nyɛ̃ a lɛ a Naaŋmɩn na ɩ sõw a na yere a, ʋl na be bom za zu-sɔw ɛ́ tɛr kpɛb zie kʋralɛ a: «A mãa, a Naaŋmɩn na ɩ sõw a, ɩ̃ kpɩɛr'ɩ a saa-zu ka. Ɛcɛ ɩ̃ lãw nɩ nɩ a nɩbɛ bɛ na dɔwrɛ ɛ́ bɛ tɛr su-siwri a, k'ɩ̃ɩ lɛb kʋ̀ nyɔ-vʋʋrʋ a su-siwri dem, k'ɩ̃ɩ lɛb kʋ̀ nyɔ-vʋʋrʋ a nɩbɛ bɛ na dɔwrɛ a.

Ɩzayi 66:2

A bome á ŋá za a, ɩ̃ nuru n'a maalɩ a, mãa so a, a mãa Sore, mãa n'ʋ yere. Ɛcɛ a ʋlɩ sob ɩ̃ na mɩ́ jɩ́rɛ a, ʋlɛ n'ɩ a bãbàal, a pʋ-sãwna sob, a sob nɛ ɩ̃ na mɩ́ ƴɛ̀r ʋ màwr a.

Matie 5:3

«Zu-nʋ̃ɔ̀ dem n'ɩ a bɛlɩ dem na ɩ nan dem a bɛ pʋ-tɩɛrʋ pʋɔ a, bɛlɛ so a tẽ-vla Naalʋ.

Matie 6:30

A Naaŋmɩn mɩ́ wa su a póru pʋɔ mʋ̃ɔ à ŋá a, al na mɩ́ be dɩ̃a ɛ́ bio bɛ na lɔb a ƴãw vũumí a, ʋ na ɩ n ŋmɩn kʋ̃ su nyɩ vla zuo lɛ, nyɩɩm a naaŋmɩn-sàwfʋ na bɛ saalɩ a!

1 Korɛ̃tɩ 7:31

bɛlɩ dem na nyɛrɛ tɔnɛ nɩ a tẽw ŋa bome a, bɛ ɩ mɛ̃ bɛ bɛ nyɛrɛ tɔnɛ a. Bʋ̃ʋ n'ʋ vɛ̃, a tẽ-daa ŋa ŋmɛ̃a tɔlɛ na.

Filib 3:8

Sɩza n'a, ɩ̃ nyɛ̃ a na a ɩ loba, a yel-vla ŋa na zuo bom za a ƴãw: a ɩ̃ Sore Yeezu Kɩrɩta bãwfʋ. A ʋl ƴãw n'a ɩ̃ bɛ lɛb cãà tɛr bom za ɩ, ɛ́ bom za ɩ mɛ̃ sagɛ a, a ɩ̃ zie, k'ɩ̃ɩ tʋ̃ɔ́ páw a Kɩrɩta.

1 Timote 6:17

Yel kʋ̀ a tẽw ŋa zu tɛra dem kɛ́ bɛ ta zɛwr bɛ tʋɔra ɩ, kɛ́ bɛ ta ƴãw a bɛ tɩɛrʋ a na-bome á ŋá na na tɔl a ƴãw ɛ, kɛ́ bɛ ƴãw a bɛ tɩɛrʋ a Naaŋmɩn ƴãw, ʋl na kʋ̀rɛ tɩ bʋ̃-vɩɛlɩ za bɛ dɩ vuo kɛ́ tɩ wone nɩ nʋ̃ɔ̀ a.

Zakɩ 4:14

Ɛ́ nyɩ na bɛ bãw a lɛ a nyɩ nyɔ-vʋʋrʋ na na ŋmɛ̃ a bio a! Bʋ̃ʋ n'ʋ vɛ̃, nyɩ ɩ na mɛ̃ bʋ̃-tʋlʋ uuru na mɩ́ sãanɛ wa báarɛ ɛ́ lɛb bɔr a.

1 Pɩɛr 1:24

Bʋ̃ʋ n'ʋ vɛ̃, bɛ sɛb'a: «Nɩsaal za ŋmɛ̃ na mɛ̃ mʋ̃ɔ a, ɛ́ a ʋ yúor na yi a ŋmɛ̃ mɛ̃ mɔ̃-puuru a: a mʋ̃ɔ mɩ́ ko na, ɛ́ a puuru kpa lo,

1 Zã 2:17

A tẽ-daa tɔlɛ na, ʋlɛ nɩ a ʋ bome a nɩsaalbɛ na mɩ́ bɔbr a, ɛcɛ sob nɛ na maalɛ a Naaŋmɩn pʋ-tɩɛrʋ a mɩ́ be n be kʋralɛ.