Zakɩ 1:1 - A SƐB-SÕW

¹ A mãa Zakɩ na ɩ a Naaŋmɩn nɩ a Sore Yeezu Kɩrɩta tõ-tõ-bie a, ɩ̃ puore nɩ a Naaŋmɩn nɩ-bʋʋrɛ na yaarɩ be a tẽ-daa za zu a.

Zakɩ 1:1 ပူးပေါင်းရင်းမြစ်များ

1 Na-mɩnɛ 18:31

Ʋ tɩ de nɩ kʋsɛbɛ pie nɩ ayi na ɩ a Zakɔb bʋʋrɛ dɔwlʋ pie nɩ ayi nʋɔr a — a Zakɔb ŋa n'ʋ a Sore tɩ yel: «Dɩ̃a na ta a, fʋ na dɩ n Ɩsɩrayɛl.» —

Ɛsɩdɩrasɩ 6:17

A cuw ŋa ƴãw a, bɛ tɩ kʋ n nadɛɛ kʋba (100), pʋ́rɩ kɔbr ayi (200) nɩ peli kɔbr anaar (400) maal'ɩ bàwr. Bɛ mɩ̀ tɩ kʋ n bʋrɩ pie nɩ ayi, dɔwlʋ za bʋra, k'aa Naaŋmɩn dɩ a Ɩsɩrayɛl nɩbɛ za yel-bebe suur kʋ̀ bɛ.

Eziptɩ tẽw yib 24:4

A Moyiir tɩ sɛb'ɩ a Sore ƴɛ̀rʋ za. Ɛ́ a bio daarɩ́ ʋ dãwnɩ ìru, mɛ bàwr-maal-kuur a tãw sɩ̃ɛ́, ɛ́ mɩ̀ bin kʋsɛbɛ pie nɩ ayi teli teli, a Ɩsɩrayɛl nɩbɛ dɔwlʋ pie nɩ ayi ƴãw.

Eziptɩ tẽw yib 28:21

Bɛ na wi n a Zakɔb bidɛbr pie nɩ ayi been been yée ƴãw kʋsɛ-bir za zu, mɛ̃ a lɛ bɛ na mɩ́ wi nɩr ŋmaarʋ-bʋ̃-ƴãwna a. A kʋsɛ-bie pie nɩ ayi na ɩ n a Ɩsɩrayɛl nɩbɛ dɔwlʋ pie nɩ ayi bãwfʋ.»

Eziptɩ tẽw yib 39:14

Bɛ tɩ wi n a Zakɔb bidɛbr pie nɩ ayi yée ƴãw a kʋsɛbɛ zu, mɛ̃ a lɛ bɛ na mɩ́ wi nɩr ŋmaarʋ-bʋ̃-ƴãwna a: a kʋsɛ-bi-nyɩlɩ tɩ ɩ n a Ɩsɩrayɛl nɩbɛ dɔwlʋ pie nɩ ayi bãwfʋ.

Ezekɩɛl 12:15

Mãa wa diw bɛ yaarɩ nɩ-bʋʋrɛ nɩ tẽ-sãanbɛ pʋɔ a, bɛ na bãw na kɛ́ mãa n'ɩ a Sore.

Levitɩ mɩnɛ 26:33

Ɩ̃ na vʋ̃ɔ nɩ a zɛbr-sɔ-kpɛ̃ɛ a nyɩ ƴãw, ɛ́ diw nyɩ yaarɩ a nɩ-bʋʋr-yoru pʋɔ. A nyɩ tẽw na lɩɛb'ɩ wɛja-kpalɛ, ɛ́ a nyɩ tẽ-bɛrɛ lɩɛbɩ debo-bɛrɛ.

Matie 10:3

Filib nɩ Batelemi, Toma nɩ a zuru-yar-diere Matie, Alfe bidɛb Zakɩ nɩ Tade,

Matie 13:55

A dà-fɔwrɛ bie bɛ tʋ̃ɔ́ n'ʋ ɛ? A ʋ mã bɛ n'ɩ a Marya ɩ? Ɛ́ a ʋ yɛbr bɛ n'ɩ Zakɩ, Zuzɛb, Sɩmʋ̃ nɩ Zid ɛ?

Matie 19:28

A Yeezu tɩ yel bɛ na: «Yel-mɩŋa sɩza, ɩ̃ yere na kʋ̀rɛ nyɩ, a lɛn daar a yele nãà wa lɩɛbɛ paalɛ a, a lɛn daar a Nɩsaal Bie nãà wa zɩ̃ a ʋ yúor-vɩɛlʋ-danʋ naalʋ-dà-kɔw zu a, a nyɩɩm na tu m a, nyɩ mɩ̀ na zɩ̃ n naalʋ-dà-kɔwr pie nɩ ayi zu, kɛ́ nyɩ maal'ɩ a Ɩsɩrayɛl yie dɔwlʋ pie nɩ ayi a ƴɛ̀rʋ.

Markɩ 3:18

Ãdere, Filib, Batelemi, Matie, Toma, Alfe bidɛb Zakɩ, Tade, Sɩmʋ̃ Zelɔtɩ, pãa de nɩ

Luka 22:30

nyɩ na dɩ na ɛ́ nyũ a ɩ̃ bʋ̃-dɩrɩ dɩb zie, a ɩ̃ naalʋ-dɩb daar, ɛ́ nyɩ na zɩ̃ n naalʋ-dà-kɔwr zuru maal'ɩ a Ɩsɩrayɛl dɔwlʋ pie nɩ ayi a ƴɛ̀rʋ.»

Luka 6:15

Matie, Toma, Alfe bidɛb Zakɩ, Sɩmʋ̃ bɛ na bʋɔlɛ kɛ́ Zelɔtɩ a,

Zã 12:26

Nɩr wa bɔbr k'ʋʋ tone a ɩ̃ tome a, ʋ tuur mɛ̃, ɛ́ zie nɛ za ɩ̃ na be a, be n'a a ɩ̃ tõ-tone mɩ̀ na be. Nɩr wa tone a ɩ̃ tome a, a ɩ̃ Sãà na ƴãwnɛ ʋ na.»

Zã 7:35

A Zifʋ mɩnɛ tɩ sowre nɩ taa: «Nyɩnɛ n'a ʋ pãa na cen ɛ̀ tɩ bɔ ʋ gù a? Ʋ na cen na tɩ páw a Zifʋ mɩnɛ bɛl na zɔ yaarɩ be a Gɩrɛkɩ bʋʋrɛ pʋɔ a bɩɩ? Ʋ na cen na tɩ wule a Gɩrɛkɩ mɩnɛ bɩɩ?

Nɩ-toni 1:13

Bɛ na tɩ lɛb wa a, bɛ do n a bɔwpɩɛ pʋɔ na tɩ ɩ a bɛ beba zie a. Pɩɛr, Zã, Zakɩ nɩ Ãdere, Filib nɩ Toma, Batelemi nɩ Matie, Alfe bidɛb Zakɩ nɩ Sɩmʋ̃ Zelɔtɩ nɩ Zakɩ bidɛb Zuda tɩ nɛbɛ.

Nɩ-toni 12:17

A Pɩɛr tɩ kabr'a yel kɛ́ bɛ bɛr gɔmɛ, ʋʋ manɩ kʋ̀ bɛ a lɛ a Sore na ɩ tɛr ʋ yi n a gaso pʋɔ a. Ʋ na wa ƴɛ̀r baar'a, ʋ cãà na lɛb yel bɛ: «Nyɩ cen tɩ manɩ kʋ̀ a Zakɩ nɩ a yɛbr bɛl na cɛ a.» Al pùorí, ʋ tɩ yi na lo a sɔ́r cen zi-yũo.

Nɩ-toni 15:13

Bɛ na wa ƴɛ̀r baar'a, Zakɩ mɩ̀ tɩ de nɩ a ƴɛ̀rʋ yel: «Yɛbr i, nyɩ bɛrɛ wone.

Nɩ-toni 15:21

Bʋ̃ʋ n'ʋ vɛ̃, a tẽ-kor daar za wa tɔ a dɩ̃a a, nɩbɛ be n a ten za manɛ a Moyiir wulu yele, ɛ́ pɩ̃ɛnʋ-bibir za, bɛ mɩ́ kanɩ ʋ nɩ a puoru-diru pʋɔ.»

Nɩ-toni 15:23

Sɛbɛ ŋa n'ʋ bɛ tɩ kʋ̀ bɛ kɛ́ bɛ cen nɩ: «A Yeezu nɩ-toni nɩ a nɩ-kore, nyɩ yɛbr, puore nɩ a bɛ yɛbr bɛl na ɩ a nɩ-bʋʋr-yoru nɩbɛ ɛ́ be a Ãtɩɔsɩ, nɩ a Siiri nɩ a Silisi ten pʋɔ a.

Nɩ-toni 2:5

A tɩ car'ɩ na kɛ́ Zifʋ bɛ mɩnɛ kãw na nɔ̃w a puoru a, mɩ̀ tɩ be n a Zerizalɛm be. A nɩ-bʋʋrɛ bɛl za na tɩ be a tẽ-daa zu a, a bɛl pʋɔ n'a bɛ tɩ yi kɛ́ wa.

Nɩ-toni 21:18

A bio daarɩ́, tɩɩm nɩ a Pol tɩ cen nɩ a Zakɩ zie. Be n'a a Lãw-yir nɩ-kore za mɩ̀ tɩ ɓã taa.

Nɩ-toni 23:26

«Mãa Kulodiyisɩ Lɩzɩasɩ, ɩ̃ puore fʋ na, Ʋrɔm tẽw na-kpɛ̃ɛ-lɩɛrɛ Felisɩ i!

Nɩ-toni 26:7

A Ɩsɩrayɛl yie dɔwlʋ pie nɩ ayi, na tu a Naaŋmɩn puoru yele mʋ̃tɔ̃w nɩ tɩ̃ɩsɔw za bɛ tɛr bɛ́rʋ daar a, mɩ̀ tɩɛrɛ na kɛ́ a nʋɔr ŋa na tu na. Nãà Agɩrɩpa a, a tɩɛrʋ ŋa ƴãw n'a a Zifʋ mɩnɛ tɛr'ɩ mɛ̃ a ƴɛ̀rʋ.

Nɩ-toni 8:1

A Sol mɩ̀ tɩ sàw na kɛ́ bɛ kʋ a Ɩtɩɛn. A ʋlɩ bibir nɛ tɔr za, dɔwrʋ kpɛ̃ɛ tɩ lo n a Zerizalɛm Lãw-yir zu. Bɛ za tɩ zɔ na yaarɩ cen a Zude nɩ a Samaari ten pʋɔ, ɛ́ tɩ cɛ a nɩ-toni tɛwr.

Ʋrɔm 1:1

A mãa Pol, Yeezu Kɩrɩta tõ-tõ-bie, a Naaŋmɩn bʋɔlɩ mɛ̃ na k'ɩ̃ɩ wa ɩ nɩ-tona, ʋ kaa na ír mɛ̃ a ʋ Yel-nʋ̃ɔ̀ hieru ƴãw.

Galasi 1:19

Ɩ̃ bɛ tɩ nyɛ̃ nɩ-tona kãw za ƴãw pʋɔ, ʋ bɛ ɩ a Sore yɛb Zakɩ ɛ.

Galasi 2:12

Bʋ̃ʋ n'ʋ vɛ̃, a nɩbɛ a Zakɩ na tɩ tõ a na bɛ tɩ ta sɛr a, a Pɩɛr mɩ́ tɩ lãw na dɩrɛ nɩ a kɩrɩta-nɩbɛ bɛl na bɛ ɩ a Zifʋ mɩnɛ a. Ɛcɛ bɛ na wa ta baar'a, ʋ taw na yi pùor bɛ cãà lãwnɛ nɩ bɛ ɩ. A bɛl na tu a yʋɔr-ŋmãafʋ pùor a dɛ̃bɩ̃ɛ n'a ʋ tɩ zɔrɛ.

Galasi 2:9

Zakɩ, Pɩɛr, nɩ Zã, bɛl a nɩbɛ na tɩ nyɛ̃ bɛ ɩ mɛ̃ a Lãw-yir kpule a, tɩ nyɔw tɩ nɩ nũú puori, mãa nɩ a Banabasɩ, a wul kɛ́ tɩɩm nɩ bɛl lãw nɩ taa. À ŋá n'a tɩ za lãw wõ taa, kɛ́ tɩɩm na cen nɩ a nɩ-bʋʋr-yoru zie, ɛ́ bɛl cen a Zifʋ mɩnɛ zie.

Wulu-ayi-sob 28:64

A Sore na diw nyɩ na yaarɩ a nɩ-bʋʋrɛ za pʋɔ, a tẽ-daa tib zie tɩ tɔ a baarʋ zie. Nyɩ na tɩ puore nɩ ŋmɩn-yoru a be, ŋmɩmɛ nyɩɩm nɩ a nyɩ sãàkʋm-kore na bɛ bãw a: dàar bɩɩ kʋsɛbɛ dasuli.

Wulu-ayi-sob 30:3

A Sore nyɩ Naaŋmɩn na lɩɛb'ɩ a nyɩ nyɔ-vʋʋrʋ, ʋ na wul nyɩ nɩ a ʋ nɔ̃wfʋ, ɛ́ ɩ nyɩ yi a nɩ-bʋʋrɛ bɛl za pʋɔ ʋ na diw nyɩ yaarɩ cen nɩ a lɛb wa ɓã taa.

Wulu-ayi-sob 32:26

Ɩ̃ tɩ yel'a k'ɩ̃ɩ na kʋ bɛ na pàw pɛr, ɛ́ ɩ nɩr za ta cãà tɛr bɛ tɩɛrʋ a tẽw zu ɛ.

Wulu-ayi-sob 4:27

A Sore na diw nyɩ na yaarɩ a nɩ-bʋʋr-yoru pʋɔ. Nɩbɛ blãlɛ tɛwr'a na cɛ a nyɩ pʋɔ, a ten al pʋɔ ʋ na na diw nyɩ cen nɩ a gbãgbaalʋ pʋɔ a.

Filib 1:1

Pol nɩ Timote, na ɩ a Yeezu Kɩrɩta tõ-tõ-biir a, bɛlɛ nɛbɛ kʋ̀rɛ a sɛbɛ ŋa a Filib tẽw nɩbɛ bɛl za a Yeezu Kɩrɩta na ɩ bɛ pʋɔ a Naaŋmɩn nɩ-bʋʋrɛ pʋɔ a, bɛlɛ nɩ a bɛ kaarbɛ nɩ a bɛ dɩakɩr mɩnɛ.

2 Timote 4:21

Ɩ fãw wa ɛ́ a ũo-yi-paala wa bãw ta. Ebul nɩ Pidãsɩ nɩ Lɛ̃ puore fʋ na, de nɩ Kulodɩa nɩ a yɛbr za.

Títɩ̀ 1:1

Mãa Pol, na ɩ Naaŋmɩn tõ-tõ-bie nɩ Yeezu Kɩrɩta nɩ-tona a, bɛ ƴãw na k'ɩ̃ɩ ɩ a Naaŋmɩn nɩ-kaa-íri tɛr naaŋmɩn-sàw-deb ɛ́ bãw a yel-mɩŋa na tu a Naaŋmɩn ƴãwfʋ a,

1 Pɩɛr 1:1

A mãa Pɩɛr na ɩ a Yeezu Kɩrɩta nɩ-tona a, mãa n'ʋ sɛbr a Naaŋmɩn nɩ-kaa-íri na yaarɩ be a Pɔ̃, a Galasi, a Kapadɔsɩ, a Azi nɩ a Bitini ten pʋɔ mɛ̃ nɩ-sãanbɛ a.

2 Pɩɛr 1:1

A mãa Sɩmʋ̃ Pɩɛr na ɩ a Yeezu Kɩrɩta tõ-tone nɩ a ʋ nɩ-tona a, mãa n'ʋ sɛbr a bɛlɩ dem na páw a naaŋmɩn-sàwfʋ ʋ vɩɛl man a tɩ dem a. A tɩ Naaŋmɩn nɩ a tɩ Faarɛ Yeezu Kɩrɩta mɩnʋ zũú n'a bɛ páw a naaŋmɩn-sàwfʋ ŋa.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:1

A mãa Zid, Zakɩ yɛb, na ɩ a Yeezu Kɩrɩta tõ-tone a, ɩ̃ sɛbr'ɩ a bɛlɩ dem a Naaŋmɩn Sãà na bʋɔlɩ a, a bɛl ʋ na nɔnɛ ɛ́ ƴãw a Yeezu Kɩrɩta gù a.

Yel-wula 7:4

Ɩ̃ tɩ wõ n a nɩbɛ bɛ na ƴãw a bãwfʋ a nʋɔr: nɩbɛ tùr-lɩz'a ayopõi nɩ túr anaar (144 000), na ƴãw a bãwfʋ a Ɩsɩrayɛl bibiir dɔwlʋ za pʋɔ a: