Zakari 9:12 - A SƐB-SÕW

¹² Nɩ-pàwrɩ na tɩɛrɛ nɩdaar na vɩɛl a, nyɩ lɛb kul a nyɩ tẽ-kpɛ̃ɛ pʋɔ bɛ na lɛb mɛ a dacine a. Ƴɛrɛŋa a, ɩ̃ yere na kʋ̀rɛ nyɩ: ɩ̃ na maalɩ nyɩ nɩ gb'a ayi, yáa a tuo nyɩ na wõ a san.

Zakari 9:12 ပူးပေါင်းရင်းမြစ်များ

A Zɔb sɛbɛ 42:10

A Zɔb na tɩ puore kʋ̀rɛ a ʋ bárɩ a, a Sore tɩ lɛb'a maalɩ a ʋ yele ƴãw. Mɔ̃ mɩ̀, a Sore tɩ ɩ n a Zɔb bʋ̃-tɛrɩ ʋ na tɩ dãw tɛr a, a yãwmɛ dɔwlɩ gb'a ayi.

Ɩzayi 24:22

Bɛ na ɓã n bɛ za taa mɛ̃ nɩ-pàwrɩ a a bɔw-zulu pʋɔ, bɛ na pàw bɛ nɩ gaso pʋɔ. A na tɩ cɛlɩ na, ɛ́ bɛ wa nyɛ̃ dɔwrʋ.

Ɩzayi 38:18

A kpɩmɛ-tẽw a, nɩr za bɛ íre a fʋ yúor ɛ, a kũuni bɛ nɛbɛ na danɛ fʋ ɛ. A bɛlɩ dem na siwr a bɔw-zɩɛ pʋɔ a bɛ cãà tɩɛrɛ a fʋ pùor-bɛ-lɛbrʋ ɛ.

Ɩzayi 40:2

Nyɩ ƴɛ̀r a ɓãa a Zerizalɛm socir. Nyɩ zɛw kɔkɔr yel ʋ k'aa ʋ pɔ̃tɔrɩ tome baar'a, k'ʋʋ ya n a ʋ sãwna san baarɩ. Bʋ̃ʋ n'ʋ vɛ̃, a Sore ƴãw na ʋ ya a ʋ yel-bebe za san gb'a ayi.

Ɩzayi 49:9

Ɩ̃ yere nɩ a gaso pʋɔ dem, a bɛlɩ dem na be a lige pʋɔ a: “Nyɩ yi wa a cãà pʋɔ!” Bɛ na nyɛrɛ nɩ dɩb a sɔ́r zu, bɛ na tʋ̃ɔ́ na dɩrɛ a tãli za zu.

Ɩzayi 52:2

Mɩr a uuru na pàw fʋ a bɛr. Ìr lɛb de a fʋ àrʋ zie, fʋ̃ʋ Zerizalɛm bɛ na pàw a! Ír a mie bɛr a fʋ kɔkɔrɩ́, fʋ̃ʋ Sɩyɔ̃ tẽw na be gaso pʋɔ a!

Ɩzayi 61:7

A Sore yere na: «Bɛ ƴãw nyɩ nɩ vĩ ɛ́ lɛb ƴãw. A nyɩ bom tɩ n'ɩ a zʋm-faar faar a nɩbɛ na tɩ tʋʋr nyɩ a. Alɛ n'a so nyɩ na páw bom gb'a ayi a bɛ tẽw pʋɔ, ɛ́ vʋʋrɛ nɩ nʋ̃ɔ̀ na bɛ tɛr baarʋ a.

Zeremi 14:8

A fʋ̃ʋ ƴãw a Ɩsɩrayɛl na ƴãw a ʋ tɩɛrʋ a, a fʋ̃ʋ na tɩ faa ʋ a kpɩɛrʋ daar a, bʋ̃ʋ n'ʋ so fʋ ɩrɛ mɛ̃ sãan a, a tẽw pʋɔ, mɛ̃ sɔr-tɔlɛ na bɩɛ k'ʋʋ gã ìr a?

Zeremi 16:19

Sore e, fʋ̃ʋ n'ɩ a ɩ̃ fãw na mɩ́ piw mɛ̃ tɛr a, fʋ̃ʋ n'ɩ a ɩ̃ sɔwlʋ zie a kpɩɛrʋ daar. Fʋ̃ʋ zie n'a a nɩ-bʋʋr-yoru na yi a tẽw baarʋ ziir za wa, wa yere à ŋá: «A tɩ sãàkʋm-kore bʋ̃-sori bɛ na páw a ɩ n ziri tɛwr, bome na bɛ tɛr pɛr ɛ́ mɩ̀ bɛ tɛr yel-ɩra a n'a.

Zeremi 17:13

Sore e, a Ɩsɩrayɛl ƴãw nɩ a ʋ tɩɛrʋ a fʋ ƴãw. Vĩ, a nyɔw a bɛlɩ dem na zawrɛ fʋ bɛrɛ a! A bɛlɩ dem na zãánɛ nɩ fʋ a, bɛ ɩ mɛ̃ yée na sɛb tanɛ pʋɔ a! Bʋ̃ʋ n'ʋ vɛ̃, bɛ zawrɩ fʋ na bɛr, Sore e, fʋ̃ʋ na ɩ a bul-nʋɔr na tɩrɛ a nyɔ-vʋʋrʋ a.

Zeremi 31:17

A Sore yere na: «A na ɩ lɛ a, fʋ na tʋ̃ɔ́ na ƴãw tɩɛrʋ a fʋ nɩdaar ƴãw. A fʋ bibiir na lɛb'a wa a bɛ tẽ-dɔwra pʋɔ.

Zeremi 31:6

Bibir na vɩɛ na, a zi-gùrbɛ na na cɩɩrɛ yere à ŋá a Efarayim tãli zu a: Nyɩ ìr! Nyɩ ɩ tɩ do a Sɩyɔ̃, a Sore tɩ Naaŋmɩn zie!”»

Zeremi 50:28

Nyɩ wone! Nɩbɛ n'a yi a Babɩlɔn tẽw zɔrɛ, nɩbɛ na cɩ̃ɛ a be a nɛbɛ waar wa yere a Sɩyɔ̃ tẽw pʋɔ: «A Sore tɩ Naaŋmɩn yáa nɩ a san kʋ̀ fʋ, ʋ yáa ʋ nɩ a ʋ yir-sõw ƴãw.»

Zeremi 51:10

A Sore dɩ n a ƴɛ̀rʋ kpɛ tɩ. Nyɩ ɩ tɩ cen a Sɩyɔ̃ tɩ manɩ a lɛ za a Sore tɩ Naaŋmɩn na ɩ a.»

Ezekɩɛl 37:11

A Sore tɩ lɛb'a yel mɛ̃: «Nɩsaal bie e, a kɔbɛ á ŋá a, a Ɩsɩrayɛl yir dem za nɛbɛ. Bɛl mɩŋa mɩ́ yere na: “A tɩ kɔbɛ ko na pɛlɩ, a tɩ tɩɛrʋ wɛ na, tɩ kpi na.”

A naaŋmɩn-ƴèr-manɛ Oze sɛbɛ 2:15

A bibie al ʋ na zɔ tu a Báàl mɩnɛ pùor a, ɩ̃ na ɩ na ʋ ya a za. Ʋ mɩ́ tɩ maal'ɩ bàwr kʋ̀ a. Ʋ mɩ́ tɩ ƴãw nɩ a ʋ bamɛ nɩ a ʋ pɩ̃ɛmɛ zɔrɛ tuur'ɩ a ʋ sɛnbɛ, ɛ́ mɩ́ tɩ yiiri mɛ̃ bɛr, a Sore n'ʋ yere.

Mise 4:8

Ɛ́ fʋ̃ʋ Zerizalɛm tãle na piwre a Naaŋmɩn nɩ-bʋʋrɛ, mɛ̃ dʋ̃-cɩ̃ɩnɛ na be zie na kɛrɩ a zu a, fʋ kʋ̃ yaa kɛ́ lɛb nyɛ̃ a fʋ koro za fãw ɛ. A Zerizalɛm na lɛb'a ɩ a naalʋ-tẽw tẽ-kpɛ̃ɛ za.»

Nahum 1:7

A Sore ɩ n nɩ-vla, ʋ ɩ n taw-lanʋ zie a kpɩɛrʋ daar. Ʋ mɩ́ kaa nɩ a bɛlɩ dem na zɔrɛ kpɩɛr a ʋ naayir a zie,

Ebre 6:18

A na ɩ à ŋá a, yele ayi na bɛ tɛr lɩɛbʋ a pʋɔ, Naaŋmɩn na kʋ̃ tʋ̃ɔ́ ŋmãa ziri a, alɛ n'a kʋ̀rɛ tɩ sõwfʋ kpɛ̃ɛ a tɩɩm na zɔ sɔwlɩ a ʋ zie a. Lɛ n'a tɩ na tʋ̃ɔ́ nyɔw a tɩɛrʋ tɩ na ƴãw a Naaŋmɩn ƴãw a kpɛ̃w za, a tɩɛrʋ ŋa bɛ na kʋ̀rɛ tɩ a.

Ebre 6:19

A tɩɛrʋ ŋa a Naaŋmɩn ƴãw a, ʋ ɩ na mɛ̃ a tɩ nyɔ-vʋʋrʋ gbor kpawbir a, bʋnʋ bɛ ka a ʋ ƴãw ɛ, ʋʋ kpɛmɛ, ɛ́ mɩ́ tɔl kpɛ a zi-sõw pʋ̃ɔmɩ za, a pɛn na yawlɩ a pùorí,