Zakari 8:9 - A SƐB-SÕW

⁹ À ŋá n'a a Sore, a Kpɛnʋ-za-sob, yere: «Nyɩ ƴãw fãw! Nyɩ̀ wone nɩ a ƴɛrɛŋa, a ƴɛ̀rʋ á ŋá ɩ̃ na tɩ dãw ƴãw a ƴɛ̀r-manbɛ ƴɛ̀r, a lɛn daar bɛ na tɩ lɔb a yir-kpɛ̃ɛ pɛr, a ʋ mɛb ƴãw a.

Zakari 8:9 ပူးပေါင်းရင်းမြစ်များ

1 Bibie za yel-manɩ 22:13

Fʋ̃ʋ wa tuur a nɛ́ɛ nɩ a tub al a Sore na kʋ̀ a Moyiir a Ɩsɩrayɛl ƴãw a, fʋ na ɩ n nɩr a yele za pʋɔ. Kpɛmɛ ɛ́ kpɛ socir. Ta zɔrɛ bom ɛ, ɛ́ ta kpɛ dɛ̃bɩ̃ɛ ɩ.

1 Bibie za yel-manɩ 28:20

Ʋ tɩ cãà na yel ƴãw pʋɔ: «Ɩ̃ bie e, dɩ kanyir ɛ́ kpɛmɛ, bɛr dɛ̃bɩ̃ɛ ɛ́ ìr tĩ a tome. Ta sàw bom za vʋ̃ɔ fʋ pʋ̀lá ɩ! A Sore ɩ̃ Naaŋmɩn kʋ̃ zawrɩ fʋ bɛr ɛ. Ʋ be n a fʋ zie, ʋ na tɩɛ fʋ na tɛr ɛ́ gù a ʋ yir tome tɩ tõ baarɩ.

2 Bibie za yel-manɩ 15:7

Ɛcɛ, nyɩɩm a, ƴɛrɛŋa a, nyɩ kpɛmɛ, nyɩ ta bàl tɩɛ bɛr ɛ. Sã-ya na be n be a nyɩ ton ƴãw!»

Ɛsɩdɩrasɩ 6:14

A naaŋmɩn-ƴɛ̀r-manbɛ Aze de nɩ Zakari na ɩ Ido bidɛb a ƴɛ̀rʋ tɩ sõwne nɩ a Zifʋ mɩnɛ nɩ-bɛrɛ bɛ cãà mɩɛr a yir ɛ́ a tome cere vla. Bɛ tɩ baar'ɩ a mɛb mɛ̃ a lɛ a Ɩsɩrayɛl Naaŋmɩn na yel a, nɩ a lɛ a Pɛrsɩ tẽw na-mɩnɛ Siirisɩ, Daarisɩ nɩ Artazɛrsɛsɩ na yel a.

Ɩzayi 35:3

Nyɩ lɛb kʋ̀ fãw a kpãkpamɛ na bàl a, nyɩ ɩ a dume na màwr a a lɛb kpɛmɛ.

Ɩzayi 35:4

Nyɩ yel a bɛlɩ dem na bɛ tɛr kanyir a: «Nyɩ kpɛmɛ! Nyɩ ta zɔrɛ dɛ̃bɩ̃ɛ ɩ! Nyɩ nyɛ̃ a nyɩ Naaŋmɩn. Ʋ waar'a k'ʋʋ wa yáa a san kʋ̀ nyɩ, ɛ́ maalɩ a nyɩ dɔ̃ dem a faa bɛ na maalɩ nyɩ a, ʋ waar'ɩ a ʋl mɩŋa a nyɩ faafʋ.»

A naaŋmɩn-ƴɛ̀r-manɛ Aaze sɛbɛ 1:1

A Daarisɩ naalʋ-dɩb yome ayi sob daar, a cuwr ayʋɔb sob bibir dãw-niwn sob, a Sore tɩ ƴɛ̀r'ɩ a ʋ ƴɛ̀r-manɛ Aze zie. Ʋ tɩ ƴãw na k'ʋʋ cen tɩ ƴɛ̀r a ʋ ƴɛ̀rʋ á ŋá kʋ̀ Saltɩɛl bidɛb, Zorobabɛl, na ɩ a na-kpɛ̃ɛ-lɩɛrɛ a Zuda tẽw a, nɩ a bàwr-maal-kara Zozue, na ɩ Yehosadakɩ bidɛb a.

A naaŋmɩn-ƴɛ̀r-manɛ Aaze sɛbɛ 1:12

A Saltɩɛl bidɛb Zorobabɛl, nɩ a Yehosadakɩ bidɛb Zozue, na tɩ ɩ a bàwr-maal-kara a, nɩ a nɩbɛ na cɛ lɛb wa a, tɩ bɛr'a wõ a Sore bɛ Naaŋmɩn ƴɛ̀rʋ, ʋ na tɩ ƴãw a ʋ ƴɛ̀r-manɛ Aze ƴɛ̀r a. À à ŋá n'a a Aze tɩ tõ a ton a Sore na kʋ̀ ʋ a, ɛ́ a nɩbɛ tɩ zɔrɛ a Sore.

A naaŋmɩn-ƴɛ̀r-manɛ Aaze sɛbɛ 2:18

Nyɩ cɛlɛ be vla nyɛ̃ a ʋlɩ bom nɛ na na ɩ, a na dɛ tĩ a dɩ̃a a. A bibir ŋa bɛ na sʋ̃ɔ́ a ɩ̃ yir-kpɛ̃ɛ pɛr a, ɩ n a cuwr piwaɩ sob bibie lɩzɛr'ɩ anaar sob, nyɩ bãwnɩ ʋ vla.

A naaŋmɩn-ƴɛ̀r-manɛ Aaze sɛbɛ 2:21

Ʋ tɩ yel ʋ na: Ƴɛ̀r a Zuda tẽw na-kpɛ̃ɛ-lɩɛrɛ Zorobabɛl zie, yel ʋ: «Ɩ̃ na dam'ɩ a salom nɩ a tẽw.

Zakari 8:13

Zuda nɩ Ɩsɩrayɛl naalʋ ten i, a nɩ-bʋʋr-yoru sɔgɔ a, nyɩ tɩ ɩ n nɩ-bʋʋrɛ bɛ na ŋmɛ ƴãw a bãwfʋ. Ɛcɛ ƴɛrɛŋa a, ɩ̃ faarɛ nyɩ na, nyɩ na ɩ n nɩ-bʋʋrɛ na nyɛ̃ maalʋ a bãwfʋ. Nyɩ ta cãà zɔrɛ dɛ̃bɩ̃ɛ ɩ! Nyɩ ƴãw fãw!»

Zakari 8:18

A Sore, a Kpɛnʋ-za-sob, tɩ ƴɛ̀r'ɩ ƴɛ̀rʋ ŋa kʋ̀ m:

Efɛɛzɩ 6:10

A al na cɛ a n'ɩ kɛ́ nyɩ tɛr fãw na yi nyɩɩm nɩ a Sore lãw-taa pʋɔ a, nyɩ tɛr fãw na yi a ʋ fãw na kpɛmɛ bɛ tɛr tɔ a pʋɔ.

2 Timote 2:1

A na ɩ à ŋá a, fʋ̃ʋ ɩ̃ bie e, ƴãw fãw kpɛmɛ a maalʋ na yi a Kɩrɩta Yeezu zie a pʋɔ.

Zozue 1:6

Kpɛmɛ ɛ́ dɩ kanyir, bʋ̃ʋ n'ʋ vɛ̃, fʋ̃ʋ n'ʋ na de a tẽw kʋ̀ a nɩ-bʋʋrɛ bɛ ŋa bɛ so ʋ, a tẽw ŋa ɩ̃ na pɔ yel k'ɩ̃ɩ na kʋ̀ n a bɛ sãàkʋm-kore a.

Zozue 1:8

A wulu sɛbɛ ŋa ƴɛ̀r-bie kʋ̃ yi zaa a fʋ nʋɔrɩ́ ɛ. Tɛr a tɩ́ɛrɛ mʋ̃tɔ̃w nɩ tɩ̃ɩsɔw za, kɛ́ fʋ tʋ̃ɔ́ ƴãw fãw ɩrɛ mɛ̃ a lɛ na sɛb a wulu sɛbɛ pʋɔ a, lɛ n'a a fʋ yele za na mɩ́ tu vla vla za.