Zakari 8:8 - A SƐB-SÕW

⁸ Ɩ̃ na ɩ na bɛ yi a be lɛb wa wa kpɩɛr a Zerizalɛm. Bɛ na ɩ n a ɩ̃ nɩ-bʋʋrɛ, ɩ̃ɩ ɩ a bɛ Naaŋmɩn. Ɩ̃ na dɩrɛ nɩ naalʋ a bɛ zu, nɩ yel-mɩŋa nɩ mɩnʋ.»

Zakari 8:8 ပူးပေါင်းရင်းမြစ်များ

Yele-za-pɛr-tib 17:8

A tẽw fʋ na kpɩɛr ɩ nʋʋra a, a Kanãa tẽw za, ɩ̃ kʋ̀rɛ ʋ nɩ fʋ̃ʋ nɩ a fʋ bʋʋrɛ. Bɛ na so ʋ nɩ kʋralɛ, ɩ̃ɩ ɩ a bɛ Naaŋmɩn.»

Zeremi 11:4

A koro za a, ɩ̃ tɩ ɩ na a nyɩ sãàkʋm-kore yi a Eziptɩ tẽw pʋɔ, bɛ yi a vũu-tʋl-kpãkpã na na tʋ̃ɔ́ nyɩl kure a pʋɔ. A lɛn daar a, ɩ̃ tɩ kʋ̀ bɛ nɩ a wõ-taa ŋa baarɩ. Ɩ̃ tɩ yel bɛ na: Nyɩ bɛrɛ wone a ɩ̃ ƴɛ̀rʋ, ɛ́ sàwr a mɛ̃ a lɛ ɩ̃ na yere kʋ̀rɛ nyɩ a. A lɛn daar a, nyɩ na ɩ n a ɩ̃ nɩbɛ, ɩ̃ɩ ɩ a nyɩ Naaŋmɩn.

Zeremi 23:8

Ɛcɛ bɛ na mɩ́ yel'a: “Ɩ̃ pɔrɛ nɩ nɩ a Sore na vʋʋrɛ a, ʋl na ɩ a Ɩsɩrayɛl nɩbɛ yi a saa-pɛrɩ́-gʋba-lowr ten nɩ a ziir al za ʋ na diw bɛ yaarɩ a, lɛb wa zɩ̃ a bɛ tẽw pʋɔ a!”»

Zeremi 24:7

Ɩ̃ na kʋ̀ bɛ nɩ yã na na sõw bɛ bɛ bãw mɛ̃ a. Sɩza, mãa n'ɩ a Sore, bɛ na lɩɛb'ɩ a ɩ̃ nɩbɛ, ɩ̃ɩ ɩ a bɛ Naaŋmɩn. Bɛ na lɛb'a wa a ɩ̃ zie nɩ a bɛ pʋɔ za.

Zeremi 30:22

A lɛ pʋɔ a, nyɩ na lɛb'a ɩ a ɩ̃ nɩbɛ, ɩ̃ɩ ɩ a nyɩ Naaŋmɩn.»

Zeremi 31:1

A Sore yere na: «A daar ʋl ɩ̃ na na ɩ a Ɩsɩrayɛl yie za Naaŋmɩn, ɛ́ a ɩ a ɩ̃ nɩ-bʋʋrɛ a na ta na.»

Zeremi 31:33

A Sore cãà na yere: Nyɛ̃ a wõ-taa ʋl ɩ̃ na na maal'ɩ a Ɩsɩrayɛl nɩbɛ a lɛn daar a: Ɩ̃ na ƴãw nɩ a ɩ̃ wulu a bɛ pʋ̃ɔmɩ za, ɩ̃ na sɛb a na ƴãw a bɛ socie pʋɔ. Ɩ̃ na ɩ n a bɛ Naaŋmɩn, ɛ́ bɛ ɩ a ɩ̃ nɩbɛ.

Zeremi 32:41

A ɩ̃ nʋ̃ɔ̀ n'ɩ ɩ̃ na na paalɩ bɛ nɩ yel-vɩɛlɩ a. Nɩ yel-mɩŋa, ɩ̃ na ɩ na bɛ tɛ nyɩgɛ a tẽw ŋa pʋɔ. Ɩ̃ na ɩ n a lɛ nɩ a ɩ̃ socir za, nɩ a ɩ̃ sɩ́ɛ za.»

Zeremi 4:2

A fʋ pɔb pʋɔ fʋ̃ʋ mɩ́ wa yel: “Ɩ̃ pɔ n nɩ a Sore na vʋʋrɛ a,” ɛ́ a tu a yel-mɩŋa, a lɛ-na-tu-sɔr-a nɩ a mɩnʋ a, a nɩ-bʋʋr-yoru na mɩ́ zɛlɛ na k'ɩ̃ɩ maalɩ bɛ, ɛ́ bɛ na mɩ́ nyʋʋr'ɩ a ɩ̃ ƴãw.

Ezekɩɛl 11:20

Lɛ n'a nyɩ na tuur a wulu ɩ̃ na kʋ̀ nyɩ a, nyɩ na maal'a ɩrɛ a ɩ̃ nɛ́ɛ ƴãw, ɛ́ sàwr a. Nyɩ na ɩ n a ɩ̃ nɩ-bʋʋrɛ, ɩ̃ɩ ɩ a nyɩ Naaŋmɩn.

Ezekɩɛl 36:28

Lɛ n'a nyɩ na kpɩɛr a tẽw ʋl ɩ̃ na kʋ̀ a nyɩ sãàkʋm-kore a. Nyɩ na ɩ n a ɩ̃ nɩ-bʋʋrɛ, ɩ̃ɩ ɩ a nyɩ Naaŋmɩn.

Ezekɩɛl 36:33

À ŋá n'a a mãa Sore Naaŋmɩn yere: A lɛn daar mãa wa pɛ́w a nyɩ sãwna za bɛr nyɩ a, ɩ̃ na ɩ na a nyɩ tẽ-bɛrɛ lɛb tɛr nɩbɛ, ɛ́ a deboru na lɛb'a libri.

Ezekɩɛl 37:25

Nyɩ na kpɩɛr'ɩ a tẽw ʋl ɩ̃ na kʋ̀ a ɩ̃ tõ-tõ-bie Zakɔb a pʋɔ, a be a nyɩ sãàkʋm-kore na kpɛ a. Nyɩ na kpɛ n a be tɩ kɔwrɩ, a nyɩɩm, a nyɩ bibiir nɩ a nyɩ yan. A ɩ̃ tõ-tõ-bie Daviir'ʋ na ɩ a nãà na dɩrɛ a naalʋ a nyɩ zu a kʋralɛ.

Ezekɩɛl 37:27

Ɩ̃ na kpɩɛr'ɩ a nyɩ sɔgɔ. Ɩ̃ na ɩ n a nyɩ Naaŋmɩn ɛ́ nyɩ ɩ a ɩ̃ nɩ-bʋʋrɛ.

A naaŋmɩn-ƴèr-manɛ Oze sɛbɛ 11:11

Bɛ na yi n a Eziptɩ, ɛ́ màwr zɔrɛ waar'ɩ mɛ̃ davɩmɛ a, bɛ na yi n a Asiiri wa mɛ̃ naŋmamɛ a. «Ɩ̃ na ɩ na bɛ kpɩɛr a bɛ yie pʋɔ.» A Sore n'ʋ yel.

Levitɩ mɩnɛ 26:12

Ɩ̃ na be n a nyɩ zie kʋralɛ ɩ a nyɩ Naaŋmɩn, ɛ́ nyɩ ɩ a ɩ̃ nɩ-bʋʋrɛ.

Zakari 10:10

Ɩ̃ na tɛr bɛ nɩ a Eziptɩ tẽw lɛb wa n, ɩ̃ na tɛr bɛ nɩ a Asiiri tẽw lɛb wa ɓã bɛ taa, ɩ̃ mɩ̀ na tɛr bɛ na cen nɩ Galaadɩ tẽw nɩ Libã tẽw, ɛcɛ a be mɩ̀ a, a vuo kʋ̃ saalɩ bɛ ɩ.

Zakari 10:6

Ɩ̃ na ɩ na a Zuda nɩbɛ tɛr fãw, ɩ̃ na faa nɩ a Ɩsɩrayɛl nɩbɛ. Ɩ̃ na lɛb'a tɛr bɛ wa n a bɛ tẽw, ɛ́ wul bɛ a ɩ̃ nɔ̃wfʋ, mɛ̃ ɩ̃ bɛ dãw jɛ bɛ bɛr towtow a. Ɩ̃ ɩ n a Sore bɛ Naaŋmɩn, ɩ̃ɩ na sàw na de a bɛ puoru.

Zakari 13:9

Ɩ̃ na ɩ n a bɛl na na cãà vʋʋrɛ a, bɛ tu yi a vũumí, ɩ̃ na ɩ na bɛ vɩɛl, mɛ̃ a lɛ bɛ na mɩ́ ɩ a salm-pla ʋ vɩɛl a. Ɩ̃ na ɩ bɛ na kaa bãw a bɛ ŋmɛ̃a, mɛ̃ a lɛ bɛ na mɩ́ ɩ salm-zɩɛ kaa a. Lɛ n'a bɛ na puore mɛ̃, ɩ̃ɩ na mɩ́ sàw nɩ a bɛ puoru. Ɩ̃ na mɩ́ yel bɛ na: “Ɩ̃ nɩ-bʋʋrɛ n'ɩ nyɩ”, ɛ́ a bɛl yel mɛ̃: “Sore e, fʋ̃ʋ n'ɩ a tɩ Naaŋmɩn.”»

Zakari 2:11

Alɛ! Zerizalɛm nɩbɛ bɛ na diw cen nɩ a Babɩlɔn a, nyɩ paw fɔ̃w zɔ cɩ̃ɛ.»

Yel-wula 21:3

Ɩ̃ tɩ wõ n kɔkɔ-kpɛ̃w na yire a naalʋ-dà-kɔw pɛr a, ʋ tɩ yere na: «Ƴɛrɛŋa a, a Naaŋmɩn kpɛb zie be n a nɩsaalbɛ sɔgɔ. Ʋ na lãw na kpɩɛr'ɩ bɛ, ɛ́ bɛ na ɩ n a ʋ nɩ-bʋʋrɛ, ʋʋ ɩ a Naaŋmɩn na be a bɛ zie a.

Yel-wula 21:7

A bom ŋa n'ʋ a sob nɛ na zɛb tʋ̃ɔ́ a na páw, ɩ̃ɩ na ɩ n a ʋ Naaŋmɩn, ʋʋ ɩ a ɩ̃ bie.