Zakari 8:7 - A SƐB-SÕW

⁷ Mãa n'ʋ yere kʋ̀rɛ nyɩ, ɩ̃ na faa nɩ a ɩ̃ nɩ-bʋʋrɛ bɛ na diw cen nɩ a saa-pɛrɩ́ tẽw lowr, nɩ a mʋ̃tɔ̃w-kpɛb-lowr tẽw lowr a.

Zakari 8:7 ပူးပေါင်းရင်းမြစ်များ

Neemi 1:9

Ɛcɛ a pùorí, nyɩmɛ wa lɛb wa a ɩ̃ zie a, nyɩmɛ wa sàwr a ɩ̃ nɛ́ɛ a, nyɩmɛ wa maal tɛr a a, ɩ̃ na lɛb'a ɓã nyɩ taa. Bɛlɛ saa diw nyɩ cen nɩ a tẽw baarʋ zie a, ɩ̃ na lɛb'a tɛr nyɩ wa n a zie ʋl ɩ̃ na kaa ír k'ɩ̃ɩ mɩ́ wul k'ɩ̃ɩ be n a be a.”

Sɛb-sõw yielu 113:3

A Sore yúor, ʋ tɛr puoru, a mʋ̃tɔ̃w puru daar tɩ ta n a ʋ kpɛb daar!

Sɛb-sõw yielu 147:2

A Sore lɛb'a mɩɛr a Zerizalɛm, a Ɩsɩrayɛl nɩbɛ bɛ na diw yaarɩ a, ʋ lɛb'a kaalɛ bɛ ɓanɛ taa.

Sɛb-sõw yielu 50:1

Yielu Asafʋ na maalɩ a. A Naaŋmɩn, a Sore Naaŋmɩn ƴɛ̀rɛ na, ʋ bʋɔlɛ nɩ a tẽw za, a mʋ̃tɔ̃w puru zie tɩ tɔ a kpɛb zie.

Ɩzayi 49:12

Bɛlɛ n'ɩ bɛ ŋan! Bɛ yi n zi-zãána waar: bɛ mɩnɛ yi a saa-pɛrɩ́-gʋba-lowr, bɛ mɩnɛ yi a mʋ̃tɔ̃w-kpɛb-lowr, bɛ mɩnɛ yi a saa-pɛrɩ́-dʋrʋ-lowr, a Eziptɩ tẽw.»

Ɩzayi 59:19

Lɛ n'a a mʋ̃tɔ̃w puru zie tɩ tɔ a kpɛb zie, a nɩbɛ za na zɔrɛ a Sore, bɛ za na zɔrɛ a ʋ yúor-vɩɛlʋ-danʋ. Bʋ̃ʋ n'ʋ vɛ̃, a Sore na wa na mɛ̃ man-fɩɩra kʋ̃ɔ saa-sɛsɛb na fure darɛ a.

Zeremi 31:8

Ɩ̃ na sɩrɩ na ɩ bɛ yi a tẽw saa-pɛrɩ́-gʋba-lowr lɛb wa, ɩ̃ na tɛr bɛ nɩ a tẽw zi-zãánɩ za lɛb wa ɓã taa. A bɛ pʋɔ a, zɔn, wʋbr, pɔw-pée nɩ pɔ-dɔwrbɛ be n be. Zu-sɛbla na bɛ tɩ dɩ vuo a nɛbɛ lɛbr waar a ka.

Ezekɩɛl 11:17

A na ɩ lɛ a, lɛb yel à ŋá a mãa Sore Naaŋmɩn na yere a kʋ̀ bɛ: “Ɩ̃ na de nyɩ nɩ a nɩ-bʋʋrɛ bɛl pʋɔ nɩ a ten al pʋɔ ɩ̃ na diw nyɩ cen nɩ a, lɛb ɓã taa, ɛ́ lɛb kʋ̀ nyɩ a Ɩsɩrayɛl tẽw.

Ezekɩɛl 36:33

À ŋá n'a a mãa Sore Naaŋmɩn yere: A lɛn daar mãa wa pɛ́w a nyɩ sãwna za bɛr nyɩ a, ɩ̃ na ɩ na a nyɩ tẽ-bɛrɛ lɛb tɛr nɩbɛ, ɛ́ a deboru na lɛb'a libri.

Zakari 10:6

Ɩ̃ na ɩ na a Zuda nɩbɛ tɛr fãw, ɩ̃ na faa nɩ a Ɩsɩrayɛl nɩbɛ. Ɩ̃ na lɛb'a tɛr bɛ wa n a bɛ tẽw, ɛ́ wul bɛ a ɩ̃ nɔ̃wfʋ, mɛ̃ ɩ̃ bɛ dãw jɛ bɛ bɛr towtow a. Ɩ̃ ɩ n a Sore bɛ Naaŋmɩn, ɩ̃ɩ na sàw na de a bɛ puoru.

Malasɩ 1:11

Ɛcɛ, a mʋ̃tɔ̃w puru zie tɩ tɔ a ʋ kpɛb zie a, a ɩ̃ yúor yi n a nɩ-bʋʋr-yoru sɔgɔ. A ziir za, bɛ nyɩwr'ɩ tɩ-suur-zɔ̃-na-nyùur-vla-vla-a, a ɩ̃ ƴãwfʋ ƴãw, ɛ́ ture de-kʋ̀b bome na vɩɛl a cɔwr mɛ̃. A mãa Sore Kpɛnʋ-za-sob, mãa n'ʋ yere, a nɩ-bʋʋr-yoru bãwnɩ a na a ɩ̃ yúor na yi a.

Wulu-ayi-sob 30:3

A Sore nyɩ Naaŋmɩn na lɩɛb'ɩ a nyɩ nyɔ-vʋʋrʋ, ʋ na wul nyɩ nɩ a ʋ nɔ̃wfʋ, ɛ́ ɩ nyɩ yi a nɩ-bʋʋrɛ bɛl za pʋɔ ʋ na diw nyɩ yaarɩ cen nɩ a lɛb wa ɓã taa.